Caisy Cheng的个人专页

裝修懷舊型格，沙發卡位坐得幾舒服，仲有上菜極快！啱晒lunch hour完要趕返工嘅人士試咗冬陰功湯，酸味好夠，唔會太辣，湯裡面有好多蘑菇，開胃到停唔到口～～和牛炒粿條鑊氣十足，口感滑順，媲美大排檔嘅乾炒牛河，加埋一點辣椒醬，好過癮！Pad Thai配菜有蛋、芽菜，啲蝦肉厚實，味道少甜。杯西瓜smoothie出想像中正，似鮮榨，清新解渴冰涼，油膩感完全消失個芒果冰冰甜甜口感滑嫩，配合唔會太甜嘅糯米飯，refresh啱啱好。…查看更多

依間餐廳環境超寬敞，金光閃閃嘅裝修，感覺好似宮廷貴族，好啱打卡冷知識餐牌見到招牌菜，特登上網查咩叫chutney，原來係印度醬料，坐低完餐廳亦自動上咗三款喺枱，味道辣得嚟幾清新，綠色薄荷黃色芒果紅色估唔到馬拉炒蜆配菜勁多，層次好豐富好惹味！再加埋杯芒果lassi，creamy清新中和返啲辣味。羊膝咖喱唔係嗰種油膩嘅creamy咖喱，湯汁味道都好濃郁，煮到好腍好入味。好鍾意個炭燒八爪魚，好腍但又唔韌，味道開胃口感又好正，仲有麵包烤肉串，食完個待應搭訕，原來個廚之前喺巴基斯坦高級酒店學廚，專攻香料同燒烤，係正宗巴基斯坦菜…查看更多

平日中午都要等位，難得今日條隊比較短。食咗蟹黃生煎包，真心爆汁熱辣辣超好食，蟹黃味好足，超級滿足。雞湯小雲吞湯底清清地，唔會太咸，個皮又薄又滑，一啖一個啱啱好。同埋好鍾意呢間舖頭豆漿係任添，仲要係低糖感覺好健康。豆沙鍋餅同埋炸雞扒都係即叫即整，雖然等得有啲耐，但係見到佢熱辣辣上枱都值得。好鍾意鍋餅個脆皮，加埋軟綿綿嘅豆沙，甜而不膩，口感好正。最後仲有個青瓜粉皮，完全估唔到咁大碗，青瓜份量都好多，切得有好細，夏天食好開胃。…查看更多

喺中環，依一間中高檔次嘅茶樓一向定位唔錯，坐得舒服嘢食又精緻，枱同枱之間個距離都大，唔驚傾生意俾人聽到。叫咗幾個點心炒飯同埋小菜，嘢食如常精緻幾好食，價位亦都如常偏高。炸嘢少少過油，但係幾好食，配埋個沙律醬幾開胃吓。豆腐煲煮得幾入味幾嫩滑，加咗冬菇都夾都入味。炒飯就普普通通，賣相同味道都一般。另外有少少敗筆嘅位在於服務態度真係弱咗，感覺上樓面啲人係少咗，雖然食客好似都係少咗，但係揮極手啲職員都好似睇唔到，問多佢兩句就開始唔耐煩……查看更多

香港舊式茶樓已經越來越少，所以間唔中都去蓮香樓朝聖一下。感受仲可以推車仔拎點心吸印仔嘅過程。平日中午時段兩個人去好好彩唔使等位直入，不過大家預咗要搭枱同埋會坐得好迫。最後一張圓枱坐咗四個人，但其實當啲點心擺晒上去有少少迫。建議大家點心逐碟逐碟拎，唔使一次過太興奮拎太多，因為張枱真係唔夠位擺。點心選擇種類都好多，好多傳統舊式點心都有。尤其見到好多即叫即整嘅點心。食咗燒賣蝦腸，正常發揮。同埋體驗感十足，因為喺架車仔搵到一籠燒賣都唔容易，炸鮮奶略嫌唔夠熱，應該係炸好咗喺度推來推去等人拎。個鵪鶉蛋幾好食，建議大家可以一試。包點熱辣辣都幾香，同埋最緊要係軟綿綿。另外見到好多人排即叫即煎蘿蔔糕，睇過賣相唔錯，可惜條隊太長冇試到。…查看更多

身為麻糬控，見麥當勞又出咗新嘅麻糬批！梗係即刻要去試吓啦。同之前幾款新批一樣，都係同蘋果係一樣嘅外表同埋size，炸得亦好脆，咬落都好易碎，碎到成身都係。打開見到裏便黑白配嘅顏色，黑白分明都幾好睇，但係食落唔係太食到黑芝麻味，反而有啲似黑糖味偏甜，唔鍾意食太甜嘅朋友唔建議試。麻糬就正常發揮，份量都唔係太多，冇嗰種爆餡嘅感覺。主要係真係太甜，搞到成個批都唔係太好食。個人嚟講都係最鍾意紅豆麻糬批，可惜最近冇出。…查看更多

呢間隱世小店喺巷仔如果唔識路嘅都幾難搵，又特登轉入去仲要喺巷仔最尾。佢有分室內同室外，室內嘅有啲窄，但有冷氣。室外就大排檔摺枱風格，如果人唔多嘅都可以坐得舒服。叫咗沙嗲牛通粉，熱奶茶，配火腿蛋麵包。沙嗲牛有醃製過幾好味，配通粉係最大路嘅選擇，可惜冇乜附加配菜，食落有啲寡。火腿蛋麵包全部都普普通通，不過不失。麵包可以揀烘過偏硬身，搽埋牛油都幾香口。而茶餐廳嘅靈魂就係杯熱奶茶，佢亦有嘅水準，絲滑得來又有奶香又有茶香。…查看更多

老細請食飯，做細嘅成日都諗爆頭去邊度食好。依家中環嚟講係唔錯嘅選擇，價位唔算高，環境幾好坐，點心都精緻。推薦可以嗌個點心拼盤用嚟打卡好正，外型係雀籠形式上嘅，分兩層一層蝦餃粉果，一層係燒賣，配色打卡一流，味道又好食。然後按人頭叫咗蝦多士，可能因為佢價錢都唔平，所以期望有啲高，食落普普通通有啲失望，炸得係幾脆，不過冇乜味隻蝦，雖然大隻都炸到冇晒味同口感。另外叫咗啲包點同埋鳳爪牛肉球，正正常常。勝在喋喋點心都係新鮮熱辣，唔會好似有啲茶樓咁係凍住上。同埋佢點心選擇都幾豐富，大路嘅嘢同埋炸嘢或者炒粉麵飯都好多嘢揀。…查看更多

試咗佢哋嘅鴨肉河粉，真係有啲驚喜！一般講到越式河粉，大多數人都會諗到牛肉，但呢個以鴨肉為主菜嘅選擇，實在好少見。湯底清新，配上啲辣椒仔同青檸，味道好開胃。洋蔥同鴨肉嘅搭配，肥瘦適中，食落去口感一流。不過蝦頭膏炒通菜就有啲失望。蝦頭膏冇乜食得出，淨係食到鹹味，完全冇咩鮮味，令人覺得麻麻哋。通菜又有啲老，口感唔夠嫩滑，整體嚟講，呢道菜就唔算成功。:(凍鹹柑桔蜜係一個好嘅配搭，鹹鹹甜甜嘅味道，真係過癮。配搭，…查看更多

見而家興撈海鮮邊爐放題就去試一試旺角新開呢一間。感覺係幾新鮮嘅，同埋都乾淨。啲海鮮撈完比職員幫手清洗一下，然後就會俾返我哋拎返去位度自己煮。大頭蝦同普通草蝦都好生猛，蝦膏超多超正。蜆肉就一般同埋有啲腥個人建議唔好放太多。鮑魚都抵食爽口彈牙，自己調咗個靚嘅混醬，可以瘋狂食鮑魚。潮汕牛肉極力推薦，好似仲有隻叫日本A5牛都OK，其他熟食選擇都多，正常邊爐放題料諗到都有，連嘢飲都抌本，啤酒清酒雪糕Häagen-Dazs。除咗啲錢真係有少少美中不足，整體感覺都正同埋好玩，見到啲蝦彈吓彈吓咁。…查看更多

之前試過蜆肉面勁新鮮蜆肉勁多，一試難忘。今次encore是牛尾刀削麵，一樣係冇得頂。牛尾份量唔算多，感覺得六至七塊。但肥瘦超均勻，完全唔會好油膩得來，肥肉又好滑好好口感，仲好有牛肉味添。本身都唔係太識牛尾呢個部位，食完個面迅速愛上。刀削麵口感一如既往嘅彈牙，湯底都係以清新為主，而牛尾都上面嘅配送係雞蛋絲，食落一啲都唔頹，賣相同味道都一流。不過可能連鎖舖，個餐嘅份量越做越少，醃蘿蔔好似得嗰兩三嚿，好想食多碟……查看更多

試咗佢哋嘅牛肉漢堡，整體感覺都幾有趣。首先，牛肉點七成熟，但其實食落去仲有啲生，估計大概有3-5成，唔係我期待嘅口感，真係太生咗，影響咗整個漢堡嘅味道。我仲點咗個太陽蛋，原本以為會係半熟嘅蛋黃流出嚟，結果送上來時卻係全熟，完全失咗嗰種期待。不過，漢堡裡面嘅其他配料就幾好，特別係忌廉薯蓉，味道清清地，口感非常滑順。薑母茶嘅甜味剛好中和咗薑味，飲落去好暖身，感覺好舒服，對於養胃都幾有幫助。雖然牛肉漢堡有啲小遺憾，但其他配搭都唔錯，不過，希望佢哋可以改善牛肉嘅熟度……查看更多

試咗兩道傳統台灣古早味美食：大腸米線同芋泥芝士蛋捲，真係好正！大腸米粉味道非常吸引，大腸肥美可口，米粉滑溜，湯底濃郁，帶有陣蒜味和醋味，飲落去好開胃！每一口都可以感受到大腸彈牙，米粉同湯底完美融合。至於芋泥芝士蛋捲，份量充足，真係爆晒出嚟！外層金黃香軟蛋皮，裡面包住滑滑的芋泥和拉絲芝士，口感非常特別。甜中帶鹹，咬下去即刻感受到芋泥的細膩和芝士的濃郁，令人回味無窮。餐廳仍然能保留台灣的古早味，值得一試！…查看更多

APM啲餐廳turnover好快，見新開連鎖江南菜，同屋企人試吓。禮拜夜晚七點拎飛walkin，等咗45分鐘有得入，其他人就直入先知有電話訂位…蘿蔔乾炒飯好一般，偏乾同埋偏硬。蓮藕片幾好食，雖然有俾佢隻色嚇親，個汁係桂花唔會太甜，有啲清新。酸菜魚熱辣辣大大兜多幾爽，魚都幾爽口，仲有啲薯粉起底，最正係個滑豆腐朔晒啲汁。相比起豬頸肉就失色咗啲，太油同太肥，淨係食到有油溢味同少少燶味，但都算香口嘅。菜煲同肉包都正正常常，普通冇乜驚喜。…查看更多

入到去就被佢嘅木傢俬簡約設計吸引。整個環境好舒服，木色嘅桌椅配合大自然嘅感覺，令人一坐落就覺得放鬆。燈光柔和，適合細味美食同朋友傾偈。講返食物，首先試咗海鮮喇沙。呢碗喇沙真係好有味！湯底濃濃嘅椰漿味，加埋獨特嘅香料，味道層次分明。裡面有大蝦、魚片同魷魚，每一口都充滿海鮮嘅鮮味。喇沙嘅辣味亦適中，唔會過火，反而令整碗湯更加開胃。最後加啲香菜同豆卜，味道更加清新，令人回味無窮。接住就煉奶咖啡。煉奶嘅甜味同咖啡嘅苦味混合得恰到好處，飲落去好順口。記得要攪拌一下，因為煉奶都係底，咖啡就一滴滴過濾，絲滑！…查看更多