印尼餐廳1968

Open Now

Now Closed

入到去就被佢嘅木傢俬簡約設計吸引。整個環境好舒服，木色嘅桌椅配合大自然嘅感覺，令人一坐落就覺得放鬆。燈光柔和，適合細味美食同朋友傾偈。講返食物，首先試咗海鮮喇沙。呢碗喇沙真係好有味！湯底濃濃嘅椰漿味，加埋獨特嘅香料，味道層次分明。裡面有大蝦、魚片同魷魚，每一口都充滿海鮮嘅鮮味。喇沙嘅辣味亦適中，唔會過火，反而令整碗湯更加開胃。最後加啲香菜同豆卜，味道更加清新，令人回味無窮。接住就煉奶咖啡。煉奶嘅甜味同咖啡嘅苦味混合得恰到好處，飲落去好順口。記得要攪拌一下，因為煉奶都係底，咖啡就一滴滴過濾，絲滑！