Joycechen's Profile

放工一搵原來公司附近有間主打一碗湯一個主食嘅日式洋風輕食餐廳，啱晒想要輕便簡約晚餐嘅我哋。呢晚叫咗2個定食，🍲和風定食和🍛咖喱定食。和風定食叫咗自家製野菌醬燒和牛漢堡扒(主食)加玉子燒(副菜)配白飯和蜜桃🍑紅茶。而咖喱定食就叫檸檬忌廉雞肉咖喱🍛配白飯加北海道產南瓜周打濃湯。望落去每樣都細細碗，估唔到食完就係啱啱好飽，而且味道仲要好好，特別推薦檸檬忌廉雞肉咖喱，夠清新，一啲都唔油膩。仲有和牛漢堡扒，肉質一啲都唔嚡，又好厚身。今次又俾我哋搵到多間飯堂，絕對會再encore！…Read More

我哋係佐敦Tera寺食嘢，叫左2樣主食、1樣甜品加杯嘢飲。金黃嘅炒蛋配上日式燒汁雞扒真係一絕，口味一定岩小朋友，小朋友食咗一大半，不停話雞扒好好食。意粉有驚喜，估唔到煙三文魚和香甜嘅青醬好夾。小朋友都話鍾意食，不過就要撩哂洋蔥出嚟先食🤣。我自己就超愛開心果梳乎厘，超多開心果醬同果仁，但又唔會太甜，每食一啖都覺得開心。🐓雞扒炒蛋飯 $88🐟煙三文魚青醬意粉 $118💚開心果梳乎厘 $148🥛抹生椰乳 $46…Read More

呢日我哋點了火山排骨(甜辣醬)，賣相不錯，每舊排骨都多肉，怕辣又想試就岩。還有叫了雞牛豬mix串燒🍖，一共六串，我最鍾意雞肉串燒，烤得岩岩好，不會乾，肉汁好juicy！另外，還點了泰式明爐烏頭魚，加上泰式青檸酸辣醬汁，味道特別開胃，辣得黎好刺激🤣。吃咁多肉，就叫左碟蒜蓉椰菜苗，熱辣辣的，即叫即炒。最後還有海鮮菠蘿炒飯，特別叫給小朋友的，有佢最愛的腰果和肉鬆，香噴噴，小朋友吃得超開心。我們仲點了珍多冰和椰汁冰🧉，大大杯又冰涼，岩哂呢幾日天氣熱飲！…Read More

呢日我哋行經太古城中心，發現4樓THE 24 . ST呢間餅禮專門店，佢哋嘅蝴蝶酥係融合四季與二十四節氣理念。即係以植物「冬、春、夏、秋」所經歷的「根、苗、花、果」四個成長階段為靈感，研製出四季主題口味嘅蝴蝶酥。佢哋有好多唔同款式嘅禮盒，我哋就揀咗香港🇭🇰特色蝴蝶酥禮盒，好有代表性。🇭🇰香港特色蝴蝶酥禮盒 15件🦋黑白芝麻味增🦋經典糖不甩🦋金沙櫻花蝦🦋荔枝紅茶🦋蕃茄芝士我哋最鍾意食經典糖不甩和金沙櫻花蝦味，香脆得黎又夠入味，食完一個接一個。而且禮盒包裝都好精緻，送禮啱哂！…Read More

必食招牌微辣「銷魂麵」套餐 ($98-128)，一個套餐就已經包括「銷魂麵」、麻辣/清燉牛肉湯及套餐配菜，唔夠喉仲可以加配台式小食同飲品1️⃣杯。我哋就叫左2個套餐，分別係麻辣大滿足 和 清燉三寶。麻辣大滿足 有齊哂牛五花、牛筋、牛腱、鴨血、滷豆腐、滷豆皮，一次過滿足晒對牛肉🥩和麻辣🌶️的需求，配上「銷魂麵」真係冇得頂👍🏻。唔夠辣仲可以加辣🤭。清燉三寶 同樣有齊哂牛五花、牛筋、牛腱和「銷魂麵」，清燉牛肉湯底，岩哂怕辣或者小朋友食。…Read More

不嬲我地都有食開，見有又有新推出嘅清心甘竹蔗雞煲，就外賣左個套餐食。啲雞食落甘甜得黎又唔熱氣，仲要超嫩滑，小朋友都啱食！套餐入面包左嘅真係超多野食，2個人一定夠食。…Read More

終於港島東太古都可以食到白咖喱豬扒啦！前幾日終於見到佢開，梗係同老公一齊試吓。我哋今次叫咗一個二人套餐，都幾抵食。二人套餐包兩份湯、兩份小食、兩份主食、兩杯飲品同兩份甜品，兩個人食一定好夠食。…Read More

呢日經開見到好特別嘅小菠蘿包，所以就買咗幾件嚟食，當下午茶。🥯🥯小菠蘿包🥯🥯💕麻糬芝麻菠蘿包超濃黑芝麻味，配上煙韌嘅麻糬，口感一流，大推👍🏻👍🏻👍🏻💕真 • 菠蘿包夾住大大塊真水果菠蘿🍍片，入口酸酸甜甜，零舍開胃唔肥膩💕三文魚菠蘿包創新食法，香甜脆口嘅菠蘿包配上三文魚🐟，一次過滿足甜同鹹嘅口感我仲買左幾件小牛角。🥐🥐小牛角酥🥐🥐💕極濃芝麻小牛角黑芝麻味好濃，本身超鍾意吃黑芝麻，所以必揀😍💕提拉米蘇小牛角好新穎嘅口味，完全估唔到提拉米蘇可以同牛角酥一齊，但又出奇地夾💕抹茶紅豆小牛角甘香嘅抹茶🍵撘上甜甜嘅紅豆🫘，但又唔會將牛角酥嘅牛油香味掩蓋👍🏻…Read More

今日我哋一家人來到專食潮式美食的潮庭共享晚餐🍽️。🍂五指毛桃粟米排骨湯一打開煲蓋就傳來湯🥣的濃郁來自五指毛桃嘅椰香。🌰栗子鮮冬菇大芥菜原來芥菜都可以整得咁好食，無左苦澀味。🐟金華火腿蒸馬友好鍾意魚肉夾埋塊火眼一齊食，魚肥美嫰滑不腥，食上嚟啖啖肉，同金華火腿🍗嘅鹹香非常夾。🦪薑蔥生蠔蘿蔔糕生蠔隻隻都好大隻好肥美，加埋蘿蔔糕同薑蔥🫚一齊炒，惹味十足。🐓五指毛桃鬍鬚雞隻鬍鬚雞有陣陣椰香，每塊都肉質嫰滑，食左好多塊，好滋味。…Read More

二人套餐：皇牌芝士炸雞🍗一見到大大舊以為有骨，點知成舊雞都係無骨，仲熱辣辣啖啖肉好嫩滑，肉汁恰到好處。滿滿的芝士粉均匀依附係炸得好香的金黃色外皮，鹹中有甜。🥢味道非常夾，唔係單單只係帶芝士🧀️的粉狀係外層。蒜香酥炸魷魚🦑見平時好多時食薯條，見有魷魚就想試下。蒜香味十足 ，魷魚彈牙，又另一風味。紫菜飯🍚肚餓關係叫左一人一碗紫菜飯，紫菜好香麻油味，超開胃。跟餐仲送每人一款汽水🥤，用嚟送炸雞一流！…Read More

真係經過每次都會買😂超好吃😋最鍾意黑芝麻味麻糬波波，又香又煙靭今次仲試左開心果麻糬包，好多開心果醬🤤配上粒粒麻糬❤️一流佢哋嘅紫菜肉鬆拉絲芝士麻糬波波都好正。…Read More

誠品入面餐廳百芳出左新品，係台灣三杯雞🐓便當，雞肉啲汁唔會太辣🌶️，岩哂怕辣又想試新野嘅人。便當份量都多，唔會怕食唔飽，仲要送埋餐飲🥤，有紅茶或綠茶可以揀，好抵食👍🏻。…Read More

超正超好食嘅魚生丼飯🤩。我哋叫咗虎燃四皇丼、虎士山丼和焦糖三文魚卷。丼飯超大碗，魚生嘅份量超多，配上自選醬汁，口感好夾，個人超推薦海膽汁！焦糖三文魚卷係必食，佢哋係即場係你面前燒焦糖，超新鮮😋。…Read More

放工諗住過嚟食嘢，諗唔到食咩，就決定去珍意食晚餐。呢晚叫咗三樣嘢，馬拉盞豬頸肉炒粉、泰皇咖哩炒大蜆和串燒。三樣嘢都唔錯，特別係個炒蜆，好惹味，同埋都有幾多蜆。串燒燒得幾好，唔會太燶，配上沙嗲汁，正！…Read More

天氣熱🥵，叫左碗五式黑糖冰🍧消暑，入面點左芋圓、嫩仙草、芋泥、小丸子🍡、紅豆🫘，全部都係我至愛。成碗冰甜度適中，又唔會話甜到漏，仲要好大碗，啱哂2個人食👍🏻。…Read More