FoodIsRabbitEnergy's Profile

今晚放工同同事食晚飯，係mikiki覓食咁耐，都未試過依間plato cafe. 咁開心就揀個二人餐試首先是日餐湯係南瓜湯，非常濃郁香甜，好飲。前菜揀左 蒜炒硯，啲硯勁大隻，一啲沙都冇，隻隻都好新鮮，入口滑嫩鮮甜。上面啲香菇同蔬菜牛油味超香。龍蝦汁龍蝦意大利飯依個超好味，真心勁推薦，唔好講笑。我冇唸過依個價錢可以食到咁新鮮同厚實的龍蝦肉，而個龍蝦汁飯係非常香濃，飯嘅硬度剛好，兩個人share咁食岩岩好，唔會好膩。羊架羊架又係非常好味，我地揀左七成熟，肉質剛好，香草味香濃又突出到羊肉的香味，烤得剛好，個邊脆脆地，味道唔蘇而且好味。三件份量好足。甜品係芝士蛋糕，另一個加左少少錢轉開心果白朱古力心太軟配雪糕。芝士蛋糕好嫩滑香濃，而心太軟水準都不錯，開心果味心太軟好少見，出色。整體而言，道道菜都好好味，環境乾淨好適合傾計。…Read More

同朋友慶生，我地揀左個和牛套餐，特價880一位。鮑魚肉質超級軟糯，味道香甜鮮美，入口後即刻同友人對望了一眼，同聲講左聲:好味! 可想言之，係真的好味！刺身三款每款都鮮，油甘魚油味肥美，真鯛鮮味好出，我地食到點晒頭！金槍魚腩手卷好鮮味嘅金倉魚蓉配魚乾，略嫌紫蘇葉太重味蓋過咗啲魚香味，但整體上也很不錯。海鮮茶碗蒸我朋友超鍾意，同出面嘅茶碗蒸唔一樣，比較淡但落啲著醬油就好好味鐵板食材不得不推薦哩嗰野生龍蝦，真係非常出色，無誇張！用龍蝦膏炒製龍蝦肉，肉汁厚實彈牙嫩滑，食得出係非常新鮮嘅龍蝦，並且廚師絲調味及手藝一流，將龍蝦嘅美味發揮得最好！佢可能係我食過最好味的野生龍蝦~鵝肝配酸甜酸甜的醬汁，同埋麵包，係超好味，食完之後念念不忘係真的！和牛師傅又係好細心咁問幾成熟。調味剛好，唔會太鹹，肉汁入口溢出，又係一道100分嘅美食。炒飯粒粒分明另外炒雜菜都香甜品係我中意的抹茶味，感恩！…Read More

放工和朋友來到銅鑼灣的家賀屋，第一次黎試下先。揀左特選刺身盛，一次過享受到六種刺身嘅鮮味，十分正。每一片魚肉都新鮮飽滿，色澤鮮亮，展現出嚴選食材的用心。三文魚魚的油脂豐盈，入口即化，帶出濃郁的海洋鮮味；吞拿魚則質地細膩，口感滑嫩，味道純粹自然。蝦大大條又鮮甜濃郁。擺盤精美，色彩搭配鮮明，不僅讓人食慾大開，也體現出店家對細節的講究。特大帆立貝壽司新鮮的帆立貝厚實彈牙，咬下去時能感受到它的鮮甜與細膩，壽司米粒粒分明，醋飯酸度岩岩好。火炙鵝肝壽司經過炙燒的鵝肝外層微微焦香，釋放出誘人的香氣，內部則依然保持細膩柔軟，入口即化，散發出濃郁的脂香與醇厚的風味。深海池魚王三件肉質厚實且彈牙，有獨特的鮮甜味道，沒有多餘的腥味，反而帶出海洋的純粹滋味。刀工細膩，切割角度恰到好處，使刺身呈現出完美的厚度與紋理。軟殼蟹手卷外層酥脆香嫩，充分展現軟殼蟹的鮮美與口感。蟹殼經過炸至金黃酥脆，內部的蟹肉則保持多汁鮮甜，外層的紫菜仍是脆的，帶來豐富的層次。西京燒三文魚 肉質滑嫩，燒得很香口，配上蛋黃醬簡直入口即溶，完美配搭。石狩丼三文魚是本人愛好，所以點了一個三文魚丼，滿意。下次想試下燒半燒海鹽三文魚丼。見到做緊優惠，酒精半價以及生蠔半價，超級抵食。本人覺得啲定食都好抵，配曬茶碗蒸同前菜。值得一題的係侍應服務非常好，會在合適的時間加水以及收走碗碟，而且笑容可加。整體的經驗十分滿意，坐足幾個鐘傾計都唔趕人。見到隔離台慶祝生日，有個好靚嘅菠蘿雪葩甜品碟上仲有chikawa公仔圖案，非常精美。…Read More

第一次行過入來食，應該新新地？一食覺得都幾唔錯。芒芒雪花冰，這款冰品以細膩的牛奶雪花冰為底，入口覺得散發住淡淡的牛奶香，搭配香甜的芒果醬和新鮮芒果粒，入口即化，甜而不膩。雪花冰的質地輕盈細膩，完美地襯托出芒果的自然香甜，讓人一試難忘。友人點了雙芋冰嫩仙草凍，走冰。這款甜品融合了芋頭和嫩仙草的雙重口感。芋頭部分鬆軟香濃，帶有淡淡的甜味，而嫩仙草凍則滑嫩清爽，兩者相輔相成，還有芋圓和地瓜園帶來豐富層次的口感體驗。紫薯麻糬串，這款以紫薯粉為配料的麻糬串Q彈有嚼勁，味道出色，甜而不膩，帶有紫薯的天然香氣，是一款既滿足又令人喜愛的小吃。這幾款甜品各有特色，都是用心製作的美味選擇。值得一試，讓人感受到多元與創新。…Read More

同朋友黎食飯，發現依度提供好多款色嘅佳餚。海膽甲羅燒這道菜將新鮮的海膽和蟹膏蟹肉和其他配料如蛋放在蟹殼中，經過炭火烤製，散發出誘人的香氣。混合後入口即化，溢出濃郁的海洋鮮味，配餅乾一起享用。磯燒日本烏賊烏賊經過特製醬汁炭火烤製，外層微焦酥脆，內裡則保持彈牙多汁。烏賊的鮮味與醬汁的鹹香完美融合，帶來鮮美且香氣四溢的味覺享受。黑椒鹽池魚仔新鮮池魚仔經過簡單的黑椒鹽調味，炸至金黃酥脆。魚仔的鮮甜與黑椒的微辣交織，份量也很多。海鮮豆腐鍋嫩滑豆腐的湯底濃郁而不膩，我十分喜歡這湯底，愈煮愈濃淍，仲漸漸有焦香味，我飲左幾碗湯。海鮮種類豐富，鮮甜充分釋放，冇唸過三文魚刺身的火鍋食法如此美味，蝦蠔和帆立貝都大大件，配上柔嫩的豆腐和蔬菜，讓人一邊享受熱騰騰的湯頭，一邊品味多樣海味，暖心又滿足。鵝肝焦糖蘋果多士這道甜點融合了奢華的鵝肝與甜蜜的焦糖蘋果，搭配酥脆的多士，口感層次豐富。鵝肝的濃郁與蘋果的清甜相互呼應，焦糖的香氣更添一份華麗與溫暖，是完美的結尾佳品。門面同鋪內都好靚，濃濃日本有居酒屋風，讓人感覺置身於日本，仲有成排大公仔好可愛…Read More

粟米味的蛋糕真係未食過。想試下新味道就揀左黎試下。點知一食食到停唔到口，我最後一個人食左成半個蛋糕。成個蛋糕充滿著淡淡嘅粟米清香味，絕對唔會太甜，但係又有好自然清新嘅粟米清甜味道。而蛋糕唔同層次，例如當中的cream同仲有滿滿嘅麻糬配上蛋糕同埋粟米粒，簡直就係完美嘅配搭，有好豐富嘅層次。食咗半個都唔會覺得味道單調或者太膩。入面啲麻糬好足料，特別香濃同出色，無諗過粟米味嘅麻糬係咁好味。而且店主將蛋糕裝飾得好靚，連外面啲烤粟米都可以食。整體黎講成個蛋糕係非常高質而且富有創意嘅香港手工製造蛋糕，也喺一件藝術品。佢間店仲有好多味道嘅蛋糕，特別想試佢招牌伯爵茶海鹽焦糖脆脆蛋糕，仲見到佢有好多曲奇餅都係特別有心思，睇落好好味，下次一定要試下。超級推介呢間，如果下次慶祝朋友生日唔想買啲連鎖店嘅招牌蛋糕，就考慮嚟幫襯呢間啦，一定唔會失望。…Read More

店鋪十分舒適，店員服務非常親切友善。見好多熟客，就知依間居酒屋優質兼扺食！食過覺得真心係一間值得支持的好店，堅持用優質食材，嘗試定最抵食嘅價錢！職員主動介紹炙燒A5和牛壽司做緊優惠，29蚊一份，咁抵一定要食！品嚐過後，實在是一道令我驚艷的燒A5和牛壽司。一上枱見到大大塊和牛配鷄蛋醬油囗水已經出晒黎，店員再先問期望幾成熟，係我地面前炙燒，夠晒動感。店員解釋啲筋位要燒得多啲，令佢食落軟身。燒過的香味引人入勝，隨著每一口，濃郁的牛油脂在口中融化，帶來極致的豐富感，讓人忍唔住想再來一口。塊牛肉邊仲要燒到有啲脆脆地，超正！如果唔係想試多啲其他菜式，應該會叫多十件～另外，我地點左特上刺身拼盤，一次過試晒多種刺身。一個字，鮮！最好味係蝦，大大條，甜味鮮明，肉質厚身彈牙！帶子，北寄貝，鯛魚，鯖魚等等讓我感受到海鮮的自然鮮味，而拖羅，三文魚和海膽則給予我的舌頭濃郁魚香，依盤刺身真係極大享受。鰻魚壽司則是下單後即刻燒而成的，厚實的鰻魚肉質軟嫩，搭配燒烤過的香氣，食到回味無窮，中意鰻魚的朋友別錯過。前排去完日本，當地食的鰻魚都冇咁好味！深海池魚壽司也十分新鮮，我估其他壽司刺身同樣新鮮，下次要試下！依度仲有不少串燒選擇。我地點左安格斯牛粒串燒，入囗驚喜。牛味十足，口感鮮嫩，配上佢地自家製的七味粉，增添了獨特的風味，不會太辣卻香味十足，讓每一口都充滿層次感。燒冬菇好惹味，豚肉秋葵更是肉汁和蔬菜汁在囗中溢出的混合享受。另外食左燒蟹膏芝士飯團，香濃的蟹膏和芝士配燒脆過的飯，囗感味道皆不錯。這次的用餐體驗無疑是一次味蕾的盛宴，冇一樣野係唔好味，實在滿意燒，讓我深刻體會到食材的新鮮與廚師的用心。如果你是日式料理愛好者，不容錯過酒津！…Read More

一直唔知油麻地有依間森林cafe，有公仔陪住食飯！環境靚心情都好啲~叫左個牛油果蟹肉意大利飯，聽個組合已經正。黎到舊蟹肉大大舊，唔知餐廳每日拆蟹肉要拆幾耐！撈埋一齊食好好味，滿意！見到慢落豬好多人推，就叫左黎試。黎到見到大大舊肉，胃囗大開。而豬肉入囗一啲都唔鞋，大舊但好淋，肉汁溢出，肉味香濃，難怪咁多人推介。旁邊的蕃薯條都好香甜，沙律菜很新鮮，可以一解食太多肉後的膩。今次冇叫到野飲，但係餐廳serve嘅水係碟豆花水，好有心思！…Read More

今日同家人來試下鐵板燒海賀，環境好乾淨舒服，裝潢很漂亮，空間感滿滿。見到仲有張好長嘅鐵板食枱，多人黎都岩晒。我地點左飲品，一杯mocktail, cocktail。兩杯味道都十分好和清新。我地叫左春日宴，做緊優惠。前菜的鮟康魚肝和螺肉都好好味，調味優秀。刺身三點先食櫻鯛，再食鏗魚，最後食蝦。不得不說，鯛魚好鮮好正，而蝦十分甜。大蜆湯入口十分清甜，湯中有三大粒大蜆，肉質更鮮甜嫩滑。享用此湯彷如味覺身處海洋般，嘗到最鮮的貝類味道。依個煮春野菜鮮腐皮入口好驚喜，好新鮮的豆香味，口感嫩滑，好滿足。是在別處吃不到的菜餚，大推。坐係鐵板前不單止欣賞到廚師手藝，食物製作過程的香氣也十分誘人，而且看到原材料也很有趣。這是他們家的澳洲大鮑魚，還在郁動十分生猛。蟶子皇配文也汁肉質爽口嫩滑，配菜也好夾。比目魚配蕃茄汁廚師大讚此魚肉很滑，入口的確好嫩滑，厚身。而且蕃茄汁十分惹味，有用心調味。牛肉眼薄燒揀左五成熟，牛肉本身一燒已十分香濃，再配埋香蔥同配料一齊享用真的是味蕾的一大享受。櫻花蝦炒飯好多櫻花蝦，足料，粒粒分明。麵豉湯甜品 造型十分春日，令我好想睇櫻花，味道酸甜不膩，是美好的結束。…Read More

今晚約左朋友稱食樓上cafe，見佢一個平日成晚一直full，就知依間野質素好高。我地點左日本和牛粒配喜馬拉雅山岩鹽平時啲cafe小食份量得少少，依碟卻好足料，成大盤牛粒。而配碟的岩鹽有兩款，也香囗，配搭岩岩好。我覺得入囗後牛肉的油脂香在口中化開，形成十分美味的享受。主食叫左生拆蟹粉拌北京拉麵一上枱，嘩，咁多蟹粉同蟹肉，連蟹糕都見到好多。而且睇得出吸蟹肉係新鮮拆出黎，而唔係現成加工醬汁，再混合埋新鮮蟹子，成碟都好鮮味。餐廳仲勁細心咁配多一碗蟹粉蟹肉汁，多到食晒啲麵仲有蟹粉剩。配有蟹醋解腥，最特別係有女兒紅“香水”，噴一啲落去會提升風味，仲可以驅寒。餐具以中國風設計，風味特別。另外叫左虎蝦蝦乾帆立貝意大利飯。冇唸過個意大利飯入面都有好多蝦肉粒，實在好足料，個飯汁都好香濃，什至有少少龍蝦味咁。我同朋友都好中意。飲品方面好多好多選擇，樣樣都想試但小鳥胃。最後朋友揀左養生茶，美白美顏，飲落好香香草味。我揀左款smoothie，green Giant!由羽衣甘藍牛油果菠蘿等等配搭而成，好健康而且好好飲，好fresh，飲到停唔到囗最後都忍唔住叫埋甜品，開心果巴斯克蛋糕賣相已經好吸引份量都好大份，入口軟糯好香開心果味，上面個醬同果仁粒超正。餐廳仲勁好，幫我朋友寫生日字同唱生日歌慶祝，服務加分！！整體依間cafe真係店如其名，適合黎layback一下，食物環境服務都十分滿意，會再encore.…Read More

今日好難得黎到傳說中好難預約的海言，是間專門食魚生飯的中環小店，幫朋友慶祝生日。前菜有薯仔蔬菜沙律，薯仔十分綿密，配有南瓜栗米等豐富蔬菜，很喜歡。另外配上茶碗蒸，滑蛋入囗先暖胃感覺很好。我們點了一份海言廚師發板魚生飯，主打由時令的鮮魚魚生配搭而成。另一份點了江戶前散壽司，主打傳統配搭。一個刺身飯，能品嘗到接近二十款魚生，實在是視覺和味覺上的盛宴。由海膽和魚子開始吃，順時針地品嘗。按著序品嘗時，奇妙地能突出到每款魚生的特色及味道，而且不會因前一款味道太濃而味覺麻木。從編排上看得出廚師的心思。壽司飯的醋飯比例剛好，和魚生十分夾。魚生全部都十分新鮮，部份有炙燒過。味道時而鮮甜時而濃郁油脂香，彌漫在舌頭上。我和友人特別深刻的是，海膽十分新鮮味道鮮甜不腥，蝦的肉質滑嫩味道十分濃郁，還有放於中間的吞拿魚是難以言喻的美味，入囗驚艷十分！另外，腐皮我們也很喜歡。最後還有櫻花蝦湯作結，很滿足。小小的店鋪，用心的製作，周道的服務，推薦！喜歡魚生的朋友別錯過！…Read More

同朋友黎食好野，本身純粹想食到多啲就技放題，點知有驚喜!!帶子入面有海膽，依個組口令人水流晒口水，一入口簡直驚為天人，鮮味食過番尋味，好想再黎食!!刺身拼盤望落十分毫華，份份厚切。八爪魚口感爽實，三文魚腩非常肥美，北寄貝鮮甜，希靈魚一啲都唔腥且好爽口令平時唔食希靈魚嘅我都覺得好味。鮑片燒鰹魚都好味，旁邊的貝類令蝦就大大隻，鮮味十足，肉質好。油甘魚味道都很濃郁。另外一份海鮮拼盤，很高級，有魚子醬成盒上，鮑魚大大隻，蟹腳的肉甜美可口，象拔蚝非常好吃超鮮甜。黎得食放題，繼續食食食。燒貝好香牛油和海鮮香，味道在舌頭上成為絕佳融合蠔也鮮甜十足，友人點的蟹肉小杯好出色，值得一叫，或者叫幾杯餐廳仲送左兩碗湯俾我地，入面有勁多蟲草花同肉超級足料一飲落口，哇，太好飲了吧。而且當我地狂食生冷野之時，熱湯真係岩岩好令我地腸胃都舒服，養生。餐廳除左有日式料理，仲有thai式料理任選，菜都有得食壽司們也保持好水準多款甜品可揀，仲有雪糕雪條飲品都好多選擇…Read More

今唔日同家人一齊出去食飯，踏入LAB EAT RESTAURANT，環境好好，感覺好岩情侶家人朋友黎慢慢坐。前菜吞拿魚他他一上桌，便以極簡美學征服視覺，放在雪糕筒裡充滿創意。緋紅生鮮的吞拿魚丁如寶石般晶瑩堆疊，加上其他配料，色彩碰撞顯優雅。 魚肉入口冰涼柔潤，毫無腥氣，唯有海洋的清甜在舌尖漫開。 周打魚湯好香，入面的薯仔，蜆肉的鮮甜與魚肉的香滑，加上火腿碎的點綴，瞬間喚醒豐饒滋味。 奶香纏綿卻不掩食材本真，鹹鮮、醇厚。有被驚喜到。肉眼牛排，主廚以精準火候鎖住肉汁，肉質很滑，份量也很足夠。有炭香味卻冇燶左嘅味。另一個揀了廚師精選，當日是牛肩肉，以往很少吃此部位，原來如此美味。生熟程度岩岩好，好嫩滑。甜品，精似香蕉mousse ，幾特別而且好味，。…Read More

睇完醫生搵地方食個lunch, 去左dodam chicken，係利舞臺入面。餐廳空間感好大同埋暗暗地幾舒服，lunch set好扺食。但我最後叫左半份炸雞同一杯柚子蜜嘆。隻隻味都好正咁，但食唔到咁多，就揀左蜂蜜牛油蒜炸雞！半份有六件，有晒手套。好香脆，唔會好膩，牛油味好香濃，配埋蜂蜜入囗味蕾大爆發，推介！特別雞腿部位肉質嫩滑，好味。另外杯熱柚子蜜好大杯，同外面啲cafe size完全唔同，柚子好多，冬天或者養生之選。適合多幾個人一齊黎食，可以試埋其他味同部隊鍋。…Read More

今個周末同朋友search到，黎到依間隱世中環法國菜！朋友住左係依度附近咁耐，都唔知原來一棟大廈上穩藏左一間餐廳，仲要咁正，平民價可以食到法國菜，驚喜!我地試左蝸牛，店員好細心地教我地點樣用工具輕易將肉拎出黎。入口口感好好有咬口，朋友同我都好中意，配薯蓉就完美配搭。之後一人一碗飲左洋蔥湯，好香濃，配埋塊麵包係湯一齊享用，好正！好少飲到咁高質嘅湯。香草燒黑毛豬𩣑配焗薯軟硬適中，配個汁更突顯到豬肉的香味，值得一提係配菜的薯仔烤得好香好好味海鮮墨汁意粉個汁超香濃海鮮味，然後意粉硬度適中，帶子十分好味，青口煮得剛剛好，蝦係當中我地最中意的，肉質好味道又香濃好新鮮。成碟都好足料，滿足，推!甜品揀左個雪糕西多士好特別嘅係依個西多用嘅包係長型，並且係煎的唔係炸的，所以入口就外脆內軟，又唔會熱氣，而且味道唔會好甜但卻有好香牛油味，配埋個雪糕好夾，雪糕都勁好味，有nuts係入面，清甜。餐廳好舒服好有空間感，而且唔會趕人，好岩同家人朋友黎坐下休息同傾計。廚房仲要係open kitchen! 香港嘅周末已經好難搵到依啲地方，特別中意嘅係果種少少懷舊復古的風格，同埋員工同客人之間的人情味。見佢地好多熟客，應該光顧多年，而且的確服務員好細心。好好嘅一個體驗。…Read More