Cyrusfong512512's Profile

潮州滷水外賣店，在每個街市嘅角落總會搵到一間。今日有幸嚟到灣仔嘅街市，經朋友介紹搵到呢間潮州滷水店，發現意外嘅驚喜。首先不得不讚，呢間滷水店好多的滷水唔係事前整定大量，而係因為當日嘅銷售情況在不斷添加。好似我當日你買嘅時候剛巧滷水鵝全部已經售罄，師傅講明要等新一隻出來要等15分鐘，即係佢哋係不斷提供新鮮嘅滷水出嚟呢點真係要讚一讚。去到味道真係不得了，滷水有啲地方做得唔好係會一種死咸既感覺。但係呢一間味道剛好而且層次分明，你會食到好層次香料既渾合，所以係不論係今日呢個下庒滷水鵝或者係搭單嘅蛋同雞翼，味道都一樣咁好。價錢略貴，但物超所值，加餸必備。…Read More

剛巧身體有啲不舒服，所以就在工作附近嘅地方找一間粥店點知換來的是失望的一頓午餐。廣東粥店，粥底同埋油器係兩樣我最關注的食物。油器今日我選了煎堆，佢有個細心為就係將個煎堆幫你剪開俾你去食，但呢個細心為又好又唔好。唔好嘅地方，其實係會影響咗個煎堆既質感。整體佢唔算做得差。整定午餐最出事嘅事佢嘅生滾粥，今日我點了皮蛋滑牛肉粥。我明白牛肉一定會用醃粉去令佢變得滑身。但他們過分利用令到牛肉產生作一種異味影響了整碗粥的味道，坦白說我食了三份一就放棄了。所以整體而言，呢一餐，所以個病都未好返啦！完。…Read More

一間茶餐廳嘅水準高與低，重點一定係睇吓佢哋小炒鑊氣夠唔夠。所以我決定一試佢哋嘅鐵板肉絲炒麵，坦白講一上枱嘅時候聽到有鐵板傳來的蒸氣聲，已經令人食指大動，呢個細節位真係值得一讚。因為出面大部份做肉絲炒麵嘅都只不過係碟上，呢度用鐵板上效果真係會更理想。面底亦都炸得唔錯，配合肉汁，不期然好快就會將整整一碟食曬。所以單以呢一碟炒麵來計，呢一間店有細心位亦值得推介。但地點位於旺區當然大家要面對嘅，包括姐姐嘅服務態度好一般，地面亦略為污糟，但這是一般港式茶餐廳的通病。如果這些都接受到的話，這間絕對是屬於水準以上的茶餐廳。…Read More

在香港越南餐廳很多，大家第一時間聯想到的一定是食火車頭，即是越南式的牛肉湯河。所以要知道一間餐廳，他的越南食品做得好與否，一碗好吃的火車頭就能嘗出真章。今次食到嘅呢碗，合格有餘，未算頂班。首先他材料是豐富的，包括有生牛肉片，牛展，牛柏葉，牛丸。呢一點絕對需要讚尚。另外湯底是一般隱約都食到味精嘅味道，唔算特別濃郁豐富，呢個突然有點扣分。所以這一款，算正宗，亦符合香港人口味，但唔算特別出色。給一個午餐價錢$70來說，亦未算特別抵食，呢一點大家要留意。但如果在附近你真的要搵一間越南食品，呢間仍然算是旺角區內出色的一間。但就不是要出色得跨區過來的那程度。完。…Read More

傳統廣東式打邊爐嘅好地方，最重要睇佢兩樣食材做得好唔好，就係牛肉同海鮮。今次呢一間，牛肉非常講究，連最難搵到嘅牛胸尖都有，所以雖然價錢唔算平，但絕對物超所值。另外介紹一下佢嘅湯底，湯底有超過10款口味，今日我哋食呢個係海鮮番茄湯底，食材主要有蟹同埋花甲，特別要推介佢嘅蟹融入左湯底之內，做得非常美味。其餘各項食材，平均地都做得好唔錯。雖然接近300至$400一位，但確實可以每一樣食材都有心去做的確唔容易，所以都完全推介大家再嚟呢一間。…Read More

香港有一個地方居住了很多少數族裔，係一個神秘嘅地方，對於我來講係一個美食的天堂。今次介紹嘅地方，正正係尖沙咀嘅重慶大廈，當中最出名嘅就係食咖喱。特別最出名的就是這一間位於7樓的店舖，但老實說已經很多年冇再去食，今次再食可能明顯比以前更加高人氣，味道相反確有所下降，有一種酸溜溜令人失望的感覺，但整體來說仍是出色的。可以一嘗正宗的口味，但奈何地方狹窄及服務一般，來之前記住要先三思一下。推薦：咖喱羊肉及牛腩…Read More

已經唔係第一次幫襯，幾年前第一次食嘅時候已經覺得味道唔錯，點知近幾年它的發展越嚟越好，在多區都有分店。不論是意粉、Risotto 定係炸物嘅都做得好唔錯，而且擺盤精美，呃Like一流。特別推介Risotto，有別於一般做法，反而原整個南瓜上盤。精美之餘都充分吸收到原有的味道，確實很值得去推介。唯獨有一個極大的缺點，就是枱的擺放很細很迫，所以坐下來並不是很舒服。 所以整體來說這裏是一個今享受美食的地方，但如果想找個談天的地方，這就有商榷的地方。…Read More

剛巧在附近工作，隨意找到這一間餐廳午餐，聽講在該區已經屹立超過20年，估計應該有一定水準。結果這一次我的推斷真的冇錯，以幾十元的吃了一頓高質的午餐。我點了他的午餐有德國咸豬手，另外再加水牛城雞翼，特別要提他的豬手做得皮脆肉嫩，味道真的好好。雞翼做得唔太辣，但係非常入味。其實平時一頓數十元的午餐真的沒有太高期望，所以很多時都沒有中伏的情況。但今次遇到一間性價比很高的餐廳。特別覺得感恩與幸運，如果再會在附近工作一定會返嚟再食。…Read More

唔同地方有唔同地方經常食嘅早餐，我相信香港最經典的一定係火腿炒蛋加通粉。所以在香港我哋通常稱呼叫「常餐」。常餐在很多地方都有得食，價錢唔算高昂，而且漸漸變成有一般人嘅早餐成為一日廿四小時都可以享用嘅美食。當中一個常餐最重要嘅兩個特質就是炒滑蛋同靚通心粉，所以我特別想介紹這兩款。華星嘅炒滑蛋做得非常之好，坊間跑馬地有好多種方法可以加牛奶、加牛油，這些都是日式西式做法。但華星靠的是師傅的手勢，對炒蛋時間的拿捏準確。所以每一啖食洛口仍然充滿蛋香，越食越上癮。通粉呢度住得夠淋身適合我嘅口味，我嘅特別推介係加辣椒油食，口味與別不同。簡單來說，如果你一個人朝早起身諗唔到想食咩，呢度嘅常餐永遠都幫到你。…Read More

失望的一餐記得好幾年前這間店初開的時候給我的印象是不錯的，剛好經過尖沙咀就再來嘗試，點知換來是一頓失望的午餐。點算要三道菜式，三讀到令人失望。首先，小籠包皮厚，但湯包來竟然沒有太多肉汁，吃落也沒有得到燙囗的感覺。其次，蔥油拌麵，整個面看起來都是十分油膩感覺，麵條亦做得不細緻。最後最失望是那個南乳豬手，豬手選用的全是肥肉，本身材料就一般，最失望最失望是有好幾舊都炸到過曬火，完全食唔到。應該就不會再來了⋯⋯…Read More

街坊小店中的極品生炸雞🍗髀。今時今日要搵一份又平又好食嘅下午茶，確實真係一啲都唔容易。呢一間位於隱蔽小巷之中的冰室，卻令我充滿驚喜。首先雞髀調味非常唔錯，更重要係隻雞髀比我的手掌還要大，以下午茶餐來說份量非常足夠。 而價錢只是$40左右確實是物超所值，比起很多連鎖快餐店，標榜自己的招牌雞髀做得出色太多了。特別順帶一提，店主是一個遙控車迷，小店內擺放了大量他多年來的珍藏，如果你都係以上嘅同同好，你就更加值得來這裏潮聖一下。…Read More

味道一般的芒果奶蓋。台式茶飲競爭激烈，坦白講味道稍為差一點已經不能夠站得住腳。而這一間店本身名氣就不大，純粹以一試的態度去看，確實有一點令人失望。味道本身好一般飲唔到一種重嘅奶味，亦沒有果味只係有一種淡淡的甜味。整體而言只可以當成一杯解渴的凍飲，沒有能令一留下任何深刻印象。失望⋯⋯至於另外兩杯飲品，係我朋友叫的，在此就不方便評論。如果免强要說一個這間店的好處，就是他沒有什麼人排隊，如果你真的頸項很快就可以有得飲。…Read More

極度出色的燒鵝雙併飯。將繁忙的工作之中，唯有叫外賣飯盒。作為香港人最快捷的人定係食燒味飯。燒味飯周街都有，但係講得上出色的是寥寥可數，棋哥絕對係一間可以食完再食的出色燒味店。首先要特別提及佢主打的燒鵝皮脆、肉厚、油脂豐富，嫰滑得來亦有豐富層次。其餘佢嘅其他燒味包括乳豬，豉油雞、叉燒，全部都做得幾出色，確實係一個斬料加送同外賣的好地方。所以如果今時今日你要有一個地方食燒味我絕對推介食棋哥。沒有之一。…Read More

呢間新開嘅韓國Cafe吸引到好多入嚟打卡，我亦不另外因為佢嘅裝修格調啲被它吸引了入來。坦白講價錢唔算貴，兩個人我哋叫咗三樣食物、兩杯飲品，埋單都只係$360 ，以銅鑼灣時代廣場這黃金地段來講算係合理有餘。不如正式入去討論下食物，坦白講我最期待的蛋包飯，賣相非常出色但係未到算係只是合格。其實蛋汁同個飯都做得唔錯，但係他本身配合蛋汁嘅另一款啡色汁液，確實不敢恭維。甚至有過分味濃搶走了蛋包飯那青新味道的情況。其餘炸雞做得唔錯，而且一份炸雞仲會配合薯條、年糕，以併盤的形式上枱，呢點值得推介。佢嘅年糕係會配合韓式辛辣麵一齊連同芝士焗，口感豐富味道不錯。所以整體而言，它的價錢合理，味道尚可，而且環境亦都吸引所以值得推介。…Read More

在港島區食靚嘅清湯腩名店有很多間，單單係筲箕灣就有兩間安利及一間王林記。三間店舖，大家各有粉絲、各有自己的追隨者，今日不是要刻意去比較，但作為筲箕灣街坊，近年我食得最多的就是安利大排檔。其實兩間安利味道是接近的，只是在細節方法，大家有些微不同的做法。今日主要要講嘅係佢嘅切腩同魚片。清湯腩做得好重點係要有咬口得來又要淋身，即使火候要控制得好好住得過來，煮久了，就會好容易切腩會變得太碎無咬口。煮得唔夠，就會變得唔夠淋。影響口感及味道。但這間店在這方面確實做到恰到好處，屬於高水平。另外，魚片頭，點解一條在靚嘅魚片頭可以比街市買嘅貴上好幾倍？原因除了是用料之外，就是炸起來的香口味道能夠維持，呢點他屬於中上水平。呢一間比起另外一間安利看來最大好處，就是排隊時間可以短好多，當然各有勝長。我建議大家可以兩間都試吓，但作為一個心急的人，今近就已經選定了這間，祝大家用餐愉快。…Read More