果醬's Profile

食lunch都要四十蚊仲要係碟頭飯，好嗱利哎．賣相唔吸引又唔好食兼且價錢貴，我唔會再幫親．…Read More

５月２２日，同幾個friend去食晚飯，叫左四人餐及小籠包，（一湯兩前菜兩小菜一甜品）豆腐羹好”杰”不過豆腐就好滑，前菜有肴肉，燻魚，肴肉一般，燻魚太入味所以咸左D，小菜分別有鮮竹小棠菜及西檸骨，小棠菜用上湯浸住，好咸．西檸骨味道唔錯，塊塊一樣大細，合晒咀形．甜品我地選擇紫米露，味道一般無驚喜，反而檯面小食辣菜圃，越食越好味，真令人意外．仲有壺茶，係碧螺春，非常之甘香．…Read More

去元氣食野，除左壽司外，燉旦就是我的至愛，所以次次都會叫，但葵芳哩間完全無水準，一D旦味都無，淡而無味，完全可以講得上唔好食．至於壽司就一般，比唔上太子個間咁好食．…Read More

葵涌廣場有好多野食,諗左一陣就黎左哩間舖頭幫親喎.好多人幫親呀!唔知係咪好正呢?....我同朋友坐係卡位諗左一陣就點左2份鐵板餐,1份係西冷牛排($27),1份係朱排餐($25).好有份量,塊排大大件(朱/牛排一樣咁大件)配菜有薯條,雜菜粒,洋蔥同甜粟.好豐富.如要加意粉($5)一碟,唔會好大碟,不過,已經食到好飽.飲品就一律半價,需跟任何餐.埋單都係$80蚊到.佢仲有其他中西美食,賣相都好掂.不方試下.…Read More

迴轉bar檯居然無嘜壽司可以選擇,來來去去只得5,6款係到轉(玩自轉,無人會要果D),買相已經差,乾淨淨,都唔知罷左幾耐.又經常落錯order,壽司鬆散,紫菜淋patpat,非常之唔新鮮,埋單記得check單,因佢地落錯單會將D高價錢D壽司計落你張單到.做個聰明既消費者記得check單.…Read More

食左幾次，都係覺得蠔仔肉碎粥最好味，幾足料GA.大大碗好飽肚．落多少少胡椒粉，咁就一流．水餃有水準，好味．哩度俾人O既感覺好有大陸食店FEEL.D人攞住類似餐牌O既野係度行黎行去，見人就叫人入店食野．感覺有D怪．…Read More

星期六黎飲下午茶，２：００PM開始入坐，２：３０PM就開始陸陸續續無野食．到３：００PM可以唔駛黎．因為你點嘜無嘜．環境擠迫，似屋村酒樓．衛生麻麻地．旺角區有大把選擇，我下次唔會再黎．…Read More

有一排無黎哩到食晚飯,所以今晚特地同個朋友黎食飯,嘩!無食一排依然咁有水準,兩人食到肚滿腸肥.好胞.9點後有特價小菜多款菜式一律$20元,煲仔飯每煲都係$10元有10款選擇,仲有超抵ga花膠燉雲吞雞湯每盅都係$10元咋.好抵好抵.果汁每渣$10元,汽水$10元有3支,簡直係超值兼抵食.加上環境舒適,服務殷勤,值得一讚.今日我地點左小菜有:1).黃金脆玉卷~~類似海鮮卷咁,皮係籮白絲炸成,餡係海鮮卷D料,一碟4條,OK ga 唔係太肥膩.2).金莎脆瓜爆爽肉~~即係脆玉瓜炒肉片囉,不過不失.OK啦.3).萬壽果焗帶子薯蓉($18元)~~半邊木瓜焗原隻帶子,木瓜好甜,帶子好大粒,好鮮味,木瓜燉就食得多,焗就好少咁食法,初初覺得怪怪地,食落先知好好味,部長無介紹錯,值得推介,記得襯熱食,特別香.4).檸檬泰皇雞~~即係西檸軟雞,幾香唔會太甜或太酸.5).兩個煲仔飯~~豉汁鱔片同鱆魚雞粒煲,鱔片足料,好味道,鱆魚雞粒就麻麻地,得幾粒洒係飯面,比較削.不過D飯上左檯有一段時間都仲熱辣辣,有煙出,仲有D飯焦好香口,一剷就起,唔駛渣住個煲係咁刨,咁鬼尷尬.6).糖水($3元一盅)~~真係令人又驚又喜,唔好以為平野無好野食,居然有超好食既合桃糊,又香又滑既香芋紫米露.令我回味無窮.7).仲有3支汽水以上埋單都係$132元,咁既價錢食到咁優質既食物同埋服務.應真超值.…Read More

平時食開佢o既芝士旦榚好好味ga，垂不知早兩日係葵芳間伊藤家買左一件芝士旦榚，一件綠茶旦榚，諗住返屋企慢慢嘆，點知打開個綠茶旦榚發覺個盒有D一粒粒o既野”痴”係到（諗落應該係霉菌）同埋有D倒汗水，當時不以為然因大家都係綠色，跟住切開就有陣臭臭地o既味飄出o黎．好惡心．買o既時候，唔怪之得，個職員嗱嗱聲將個綠茶旦榚放係袋先，跟住叫我揀個芝士旦榚，原來係咁．佢都算衰，明知有問題都賣俾人食．我以後都唔會再光顧哩間野．…Read More

我又O黎食飯啦，今次叫左回鍋肉客飯，宮保雞丁客飯，紅油炒手，京東餡餅，熱豆漿等．客飯依然咁好味，不過今次就細碟左少少，紅油炒手略為淡左Ｄ，唔夠旺角間”好好”好食．京東餡餅OK喇，總括O黎講，今次比上次失色左Ｄ．但我覺得比”紅洋蔥”好味．無咁肥O麻．…Read More

$8.5大大條O既餈飯好抵食，加埋豆漿都係$11蚊咋．餈飯本身有：炸菜，肉鬆，油炸鬼，如果想加餸加$0.5有一款，如唔喜歡食以上其中一款可以轉其他餸唔駛加錢．炒麵都OK架．…Read More

$20蚊tea，又多選擇，凍飲唔駛加錢．我個人認為吉列豬排沙律最好食，外皮金黃又脆口，肉地夠淋又大塊，好有水準．黑椒雞絲意，都唔錯o既選擇，但油多o左少少，不坊試埋芝士什菌意好好味o架，食完好飽肚，好滿足．多人去食每人叫一款，跟住大家一齊分享，咁就可以試多幾樣野喇．晚餐７點前落order都o係＄４０蚊咋．加一服務．…Read More

食物質數不過不失，但個環境情調好，晚餐o係到食飯好有feel.我最鍾意佢近門口位o既大梳化．兩張打對面四個人坐o係到傾o下計，飲o下野，好relax.唔似旺角區咁，迫迫”杰杰”．平日就少人D，假日就要等位．…Read More

海霸已經執O左笠好耐喇，後來開O左間豬骨煲，幾好味O架，不過都執埋．有點邪．…Read More

豬軟骨湯飯:豬骨湯底,配紹菜一鍋鍋上(都幾大兜),另有一碗白飯跟,感覺上覺得好底食,豬軟骨有四五塊,有小朋友手掌咁大塊喇,味道略為淡.D骨好淋好脆.肥瘦適中,另外仲有豬骨筒湯飯,酸菜肉碎湯飯都o係$25蚊,如果想飲野要加$5-$15不等.雲南過橋米線:$17蚊一碗,每款(食送)加$3蚊.都o係一鍋鍋上,除了大兜之外,買相幾豐富.(因我加了雲耳及雞肉)味道就普普通通.總結o黎講,比我想像中好.…Read More