AngelababyHo的個人專頁

已經好耐未嚟過啦。啱啱新開嗰陣非常之好食，但係每況愈下。每一次俾機會佢，帶來只有失望。半年都冇嚟過，因為今日趕時間，所以同同事揀咗呢間。叫咗個泰式青咖喱雞飯。嚟到嘅時候，我諗緊，呢堆究竟係乜嘢嚟？點解青咖喱嘅色係泥色？個濃度仲要好似芡汁咁稀。比左幾塊九層塔就當係青咖喱？其實都唔緊要，試吓啲雞先，啲雞好似Overcooked，啲肉散到不得了。最後我都係食咗少少，就係碟上面嘅配菜蘿蔔同埋白菜，同少量飯。都唔明點解咁都可以拎出嚟俾客食？…查看更多

朋友邀請我哋去九龍城大邊爐火鍋店食開年飯。話呢間店已經有20年歷史，細細個已經響度打邊爐，要我地一定要試下。在這家餐廳用餐的經歷可謂十分愉快，首先讓我驚豔的是他們的食材新鮮度。冬瓜瑤柱湯底清甜爽口，湯中瑤柱的鮮味融入冬瓜，讓人一口喝下去便感受到大自然的味道。接下來是傳說中的封門牛柳，肉質嫩滑，醃製得恰到好處，吃上一口，令人回味無窮。鮮腐竹的口感彈牙，搭配唐生菜，讓整體口味更加清新。特別值得一提的是和哥滋味牛丸，內含陳皮的獨特風味讓人印象深刻，令人驚喜。此外，手打墨魚滑的鮮香與韌性，讓我一試成主顧，鮮蝦水餃則是每一口都能感受到鮮蝦的彈性，搭配潮州魚蛋，口感層次豐富。三拼雜菇帶來了不同的香氣，而魚皮餃的脆皮口感更是讓人欲罷不能。最後，脆香腐皮的獨特風味為整頓餐點劃上完美句號。餐後，我還享用了竹蔗茅根水，清爽解膩，令人心情愉悅。環境方面，這家餐廳的設計簡約而不失優雅，枱數不多，讓用餐的氛圍顯得相當舒適。乾淨的環境和明亮的燈光，讓人可以輕鬆地享受美食。另外，價格非常合理，人均大概三百幾蚊。又食材的新鮮度和環境，呢個價格非常合理。總體而言，這次的用餐體驗令人滿意，不論是食材的新鮮度還是環境的舒適度，都讓我期待再次光臨。聽説九龍城會收回重建。唔知重建範圍會否收埋老店？能夠開業20年不是一件易事，希望仲有得繼續去食！…查看更多

有朋友生日，佢又好鍾意食泰國菜，想俾個驚喜佢，就揀咗呢間好出名有芒果糯米飯蛋糕嘅舖頭，同佢慶祝生日。芒果糯米飯蛋糕比起傳統嘅生日蛋糕，都係以生果為主，又健康啲，食起嚟冇咁濟。舖頭雖然係細細，小店一間，但係食物種類非常齊全，而且非常美味！🍹飲品大家分別叫咗泰式奶茶、龍眼冰、青檸梳打。正常嘅質素，飲奶茶嗰位朋友話好有泰國奶茶嘅風味。🍍 菠蘿炒飯呢啲係基本泰國菜菜式，冇諗過都炒得唔錯，幾有鑊氣。🥗 通菜馬拉盞同樣都係有鑊氣嘅馬拉盞炒菜，蝦醬非常出色，帶出菜嘅鮮味。🧆 大大小食拼盤本來諗住叫好多唔同種類，但係見到呢個拼盤，我呢啲懶人就唔使諗就叫啦！有豬肉包生菜，有春卷，蝦餅，肉丸，雞翼。每一樣都有特色。尤其係生菜包豬肉，豬肉炒得好友泰國香料嘅味道。🦀 麵包咖喱軟殼蟹聽老闆娘講呢個菜式係餐廳主打。軟殼蟹蛋漿非常Juicy，而且鑊氣什勁，麵包外皮又脆，點麵包食一流。🍲 泰北冬陰功湯冬陰功湯，係正常嘅泰國餐廳水平嘅發揮。要讚嘅係， 裏面嘅海鮮非常新鮮。🥭 芒果糯米飯蛋糕🎂開頭以為芒果糯米飯蛋糕得個樣，點知個糯米飯非常煙韌，芒果又好甜，非常優質。因為事前同老闆娘講有所準備，老闆娘特地播上泰文版生日歌，氣氛非常好。當日響舖頭，夾埋我哋，有三台人都叫呢個蛋糕響呢度慶祝生日！竟然有三個壽星仔，同時響同一間舖頭，感覺好有趣！大家互相慶祝生日快樂，好開心😆😆總括嚟講，今日呢一場非常之好食，而且氣氛好好，最緊要係朋友仔過生日過得好開心，大家朋友仔出嚟gathering，最緊要就係開開心心呀嘛。如果係想試吓唔同嘅生日蛋糕嘅滋味，泰灜呢一間餐廳真係好值得推薦大家去。…查看更多

呢間餐廳真係一次過滿足你三樣嘢嘅放題刺身、火鍋同炸物，吸引力真係無敵高！頭先上嚟嘅係一份刺身拼盤，種類多到爆。有三文魚、海膽、北極貝、生蠔等等，特別想讚賞下呢度嘅生蠔，真係新鮮又甜口，好滿足！仲有甜蝦、希鯪魚等等，近十幾款，全部都好新鮮好肥美，真係食到好滿足。放題刺身，真係開心到爆！除咗刺身，呢度仲有好多款式嘅壽司可以揀，好似花之戀咁好睇好好食。再來就係火鍋，剛開始我諗住專注刺身嘅餐廳火鍋料會少啲，但我錯咗。想食嘅肥牛、蔬菜、牛百葉等火鍋料全部都有，飽到要扶牆行。唔止咁，呢度仲有好多款式嘅炸物、燒物同炸雞等等，真係多得驚人，仲好驚佢地唔虧本咩？最令人嘆為觀止嘅係，竟然仲可以無限任食小龍蝦！款式咁多，真係好難相信。最後，仲有無限任食嘅雪糕同甜品，你可以一邊食美食，一邊享受甜品嘅美味。旺角神戶屋日韓放題係一個超吸引嘅餐廳。不論係刺身、火鍋、炸物定係甜品，款式真係好多好豐富。真心推薦你黎試試呢間旺角神戶屋放題，絕對唔會失望！香港嘅食家、探店達人同埋旺角嘅食客，記住唔好錯過呢個放題刺身火鍋嘅體驗啊！…查看更多

九龍城是個歷史悠久的舊區，周圍有很多小店。經常聽人說，吃泰國菜就要來九龍城。今天就一反傳統，來九龍城吃日本菜。有朋友推介這間居酒屋的氣氛和食物也很好，所以我就小試牛刀，先嚐一下這裏的午餐。餐廳招牌是上戶酒場的平假名: うえど酒場。內外也充滿日本居酒屋風的裝修，很有返到鄉下的感覺😆。Lunch Menu上的set，選擇很多，而且價格也很相宜。我跟朋友各自選了一個set。另外朋友說想吃刺身，我們返一份Menu，店員就推介，今天的伊佐木白身魚很新鮮，所以我們就點了這個。另外，來到居酒屋，又怎可以不吃燒物，所以另外一點了兩串特色串燒。整體來說，食物質素很高👍🏻先説lunch set~set D 壽司盛🍣，包含了: 三文魚，鰻魚，帶子，赤蝦，燒左口魚，磯煮鮑魚，油甘魚，赤身外貌精緻，這個就是一定的。味道也相當不俗。刺身配料新鮮，而且壽司飯也出乎意料地好，軟硬適中，適量壽司醋中帶出飯香。有很多日本餐廳做不到這點。set H 牛舌薄燒配三文魚炒飯👅，薄切的牛舌很有咬口，加上新鮮香蔥和炸蒜，加乘了味道的層次。另外，三文魚炒飯很出色。除了炒的功夫，三文魚本身也是醃過的，不是單單下鑊炒的味道。看得出是很有誠意的預備功夫。Lunch set本身包了海鮮味噌湯，和鮮菜沙律。特別欣賞味噌湯，是白味噌，配上蜆肉和蝦，非常新鮮的味道。串燒🍡點了兩個:香蔥牛肉卷🫔，本身香蔥與牛肉就是一個很好的配搭，毋庸置疑是好吃。蘋果豚肉卷🍎，這個很讚。本身自己不太喜歡吃豬肉，因為有一浸味道。但是這個配上蘋果，加上豬肉本身的肉汁，很喜歡這個配搭，甜美Juicy。伊佐木刺身🐟這是店員介紹的白身魚。擺盤夠日式正宗，整齊美觀，顏色看上去很和諧，很有心思。刺身魚的外貌，脂肪分布非常平均，而且肉色白裏透紅，非常新鮮好吃。店員介紹，除了點豉油Wasabi，還可以點他們特製的酸汁。兩種食法有不同的層次。一個是函式，一舊時甜甜酸酸的。今次是第一次吃刺身配酸汁這個食法，是新奇的味道。吃完整盤後，店員會把剩下的魚骨拿去炸，成為了一道下酒菜。除了食物好吃，另外也覺得店員非常關照食客。每一道菜也會說明它的來源，以及介紹食法。很喜歡這裏的氣氛，食物質素非常高。除了擺盤漂亮，新鮮，以及串燒也很有水準。今次嘗試了午餐，非常滿意。下次可以帶朋友來試試這裏的晚市了，真真正正在居酒屋邊喝酒邊吃串燒了。…查看更多

住太子那麼久，也沒吃過這間大排檔。屋企人講咗話想試好耐，但係從未想過去試，因為見到餐牌有點小貴。聽講8月31號結業，那就去試試吧。雖然想試生炒糯米飯，但極速已經售罄。咁我哋就點咗以下三樣菜：西蘭花炒帶子象拔蚌豉油王炒河海底椰雞腳燉湯小炒係好有鑊氣。尤其係西蘭花炒帶子象拔蚌，連西蘭花都大有海鮮嘅味道。我估應該係本身西蘭花有用到海鮮嘅汁黎灼過後。另外個燉湯都等到好足時間，因為雞腳骨幾乎一掂就碎。三樣嘢食都唔算大份，但係買單都差唔多四百幾蚊，係有啲小貴。響太子區嚟講，佢都算係貴。其實太子區都有好多選擇，但係大家都係應該想食人情味，因為呢一間嘢開咗好耐，聽侍應講話大家知道執笠後，突然多咗好多客人嚟食飯。其實傳統小炒都係應該要保育一下嘅，因為做到有鑊氣，係好難得嘅事。要好有經驗嘅廚師先可以做得到。…查看更多

今次約左好耐冇見嘅朋友，想搵個地方坐得舒服，冇限時。朋友就帶左我去諾士佛台嘅呢間日本居酒屋。入到去，環境寬敞，燈光微暗。遠處仲有tatami，人多嘅話坐tatami都幾chill。成個地方好適合飲少少酒咁傾計。講返野食，除左賣相精緻適合打卡，亦都好有内涵，味道不俗。除左點了傾偈必備嘅酒精飲品，亦點左酒前小菜同埋串燒和卷物。🍻飲品:朋友點左荔枝西柚，有酒精。我點檸檬柚子，冇酒精。試飲朋友的酒，新鮮西柚味，像沒酒精的飲品。我的檸檬柚子，相當fresh。🍽️餐前小吃:南瓜沙律🥗，滿滿南瓜的香甜。上面插着蓮藕片，得炸鬆脆香口。芝士年糕🍙，外面用紫菜包裹着。索索聲嘅紫菜，包住軟綿綿嘅芝士年糕，食落都唔覺得肥膩。燒鱈魚棒🐟，外貌似零食，但是是經過熱力烘焙後才端出來的。有少少鹹，夠脆，又有好香嘅魚味，是很棒的送酒小食。🍽️主食:串燒七品🍢:免治雞肉串🍗，入口即溶，免治雞肉撈了特製醬汁，非常有雞味。煙肉番茄🍅，煙肉煎得金黃可口，包裹着蕃茄仔，口感特別。明太子雞肉串🍗，明太子醬汁塗在雞肉上面，多了一份趣味。雞翼🐤，串燒配有日式調味粉，增添風味。鰻魚串燒🐠和牛舌👅，非常新鮮。豚肉🐖，中間有蘆筍，菜汁令到肉更加鮮味。另外點左三樣主食🍽️海膽油甘魚手卷🍘 ，中間卷着牛蒡同埋牛油果，上面配有海膽作裝飾。一個非常豪華嘅手卷。最出色係牛蒡嘅味道，應該係醃漬過。海膽同牛油果嘅油脂，陪着牛蒡的蔬菜鮮味，整個手卷嘅味道非常豐富。燒生帶子🐚，配上日式獨特嘅醬汁燒煩，帶出帶子嘅海鮮味道。稻庭烏冬🍜，配有烏冬醬汁同埋鵪鶉蛋，加上紫菜，烏冬口感非常滑嫩，吃了也沒有很飽滯的感覺。整體而言，一遊這間居酒屋，非常適合喜歡日式居酒屋，又想搵地方坐低傾偈，chill下嘅朋友。加上食物美味，而且賣相非常了得，都係一個打卡嘅好地方。如果有朋友想去搵地方傾偈食飯，一遊係一個好選擇。…查看更多

今日同朋友行過尖沙咀行街嘅時候，心血來潮想搵間餐廳坐低，慢慢傾下偈。剛好見到古今二剛開鋪，我地就入去試下。人數唔多，但好快就座滿，不過唔會有壓迫感，座位坐得舒服，好適合慢慢食飯同傾計。古今二以卷物出名，但我覺得佢嘅串燒最好食。可以同朋友一邊食串燒，一邊傾計，好舒服。頭盤：日式麻醬豆腐沙律🥗👍👍👍加埋魚子同三文魚子，鮮味十足，清爽又香口。主菜：火山卷物👍👍👍⋯⋯明太子醬拌埋蟹柳，再加上蟹柳卷，醬汁濃郁，燒得火候剛剛好，就好似火山爆發咁。味道辣辣地，蟹柳醬好正！今日嘅招牌菜，琦玉網燒牛舌👍👍👍👍肉質肥美又嫩口，入口即溶，要點啲醬汁平衡返肥美嘅牛舌。炸物：炸帆蝦天婦羅🍤👍👍👍外脆內軟，炸得啱啱好，再配上開胃嘅天婦羅醬。古今二係一間正宗嘅日式居酒屋🏮，可以慢慢享受傾計嘅好地方。…查看更多

麗豪酒店喺沙田區出名嘅老牌酒店。以前住響沙田區嘅我，一次都冇去過。今次受到沙田友嘅朋友，心血來潮嘅邀請，試吓麗豪酒店入面，濠餐廳嘅自助餐。餐廳地方好闊落，而且好多家庭客，一家大細嚟食，所以環境好熱鬧。嘢食種類方面，有好Standard嘅冷盤同埋葉盤。首先前菜梗係要識下啲沙律先，另外都有生果。最鍾意係有新鮮菠蘿，食定多啲強化腸胃。冷盤有壽司，又有刺身。刺身種類有三樣：三文魚、吞拿魚同埋鯛魚。另外唔少得嘅，梗係海鮮，有海蜆、澳洲海蝦、青口、長腳蟹。所有冷盤都好新鮮，我鍾情長腳蟹，同朋友食咗成碟。比較起冷盤，我鍾意熱盤多啲。最普通嘅，有中式炒粉麵飯。重點要講嘅係澳門主題嘅食物，真係值得一讚。例如佢嘅葡國咖喱雜菜同埋咖喱雞，咖喱汁落足香料，配上白飯，味道一流。另外澳門製法嘅斬料，例如油雞同埋乳豬，佢哋嘅製法係用咗澳門嘅醬汁，所以同平時響香港食到嘅斬料，口感不同。我覺得呢個自助餐有好多特色，出邊係搵唔到。例如我一坐低嘅時候已經發現咗張枱有一個打邊爐嘅鐵鍋。後來我行到出去，就發現原來係可以自己挑選打邊爐嘅食物，然後同職員講話要打邊爐，職員就會將湯底送去你張枱，同埋幫你點火。湯底係澳門土生薑雞藥膳湯，打邊爐嘅配料，除咗有普通嘅肉丸、蔬菜，亦都有貴價小小嘅肥牛同埋魷魚。一路食自助餐，一路烚吓烚吓打邊爐，呢個體驗真係第一次。食到咁上下，突然間聽到有銅鈴嘅響聲，原來廚師退咗個火焰雪山蛋糕出嚟。好多小朋友沖咗出嚟排隊攞蛋糕。睇住一個大嘅雪山蛋糕着火，大家都好high。原來個雪山蛋糕入邊係雪糕，唔太甜膩，好食。再過咗一陣，職員將朱古力火鍋，派去每一個餐桌。職員話可以用生果同埋棉花糖去食呢個火鍋，我哋就用咗Movenpick嘅雪糕，自己切一嚿嚿咁樣點朱古力食。真係好驚喜，實在太浪漫了💕其實外面都有好多精緻嘅酒店式甜品，蛋糕仔同澳門嘅木糠布甸。但係食完呢個朱古力火鍋之後，想試都冇咁大個胃了。總括而言，我都幾滿意今次嘅自助餐，因為而家七八月op做緊優惠。除咗價錢上好實惠，我都好欣賞餐廳比嘅驚喜，簡直係一浪接一浪。其實自助餐嘅食物周圍都係咁上下，就係呢啲小小嘅驚喜，令成個食嘢嘅過程開心咗好多。我都冇諗過身為沙田友，今日竟然係我第一次嚟麗豪酒店，得到一個好開心嘅體驗。相逢恨晚，我會再多啲嚟食吓嘢😆…查看更多

啱啱完成咗個大project，所以同同事去食餐好嘅。大家都鍾意日本嘢，同事就介紹咗去一間日式鐵板餐廳，就係響佐敦嘅龍亭。食吓鐵板燒，飲下酒傾吓偈。入到去，環境好chill，燈光微暗，好適合飲酒傾偈。我哋揀咗「入門廚師發板套餐(五道菜）」，包括: 沙律、鐵板海鮮兩品、鐵板肉類一品、炒飯、時日甜品。呢五道菜啱啱好，夠晒我哋兩個女仔去食，又唔會太飽，畢竟今日主要係飲酒為主。沙律🥗北海道煙三文魚特色沙律，有時令嘅沙律菜，醬汁有柚子醬，同埋魚子醬。令人驚喜嘅係有龍珠果，唔係好多地方可以買得到。沙律菜非常新鮮，配上醬汁，非常清爽。鐵板海鮮兩品🦪我揀左北海道扇貝，同事要南非孔雀鮑，另外嗰一版，各自都點咗北海道3L刺身帶子。海鮮上面加嘅係牛油黑松露汁，所以食落去非常惹味。另外伴碟有用蝶豆花打成嘅泡泡，滲有海水味，廚師建議，海鮮點泡泡一齊食，提升鮮味。成個半啲賣相非常之靚，而且好好味。鐵板肉類一品🥩我哋揀咗兩樣一齊share食。首先係澳洲和牛柳，要七成熟，伴他該晒碟有油炸片，櫻桃蘿蔔，另外有Wasabi同竹炭粉，廚師建議食嘅時候，點一點竹炭粉同埋Wasabi，令口感更加豐富。叫埋廚師炒嘅牛柳，七成熟啱啱好，所以鬆軟到恰到好處入口即溶。另外揀咗秋田雞扒，配上蒜香辣醬，同埋有伴碟嘅辣菜汁。本身雞扒已經煎到非常甘香可口，點埋自家炮製嘅辣菜汁，非常減膩。海鮮炒飯🍤以野菜為主嘅炒飯，主要係蔥、甘筍、蒜蓉，另外加一隻蝦。唔知炒飯落咗乜嘢醬汁，非常鮮甜，而且好有鑊氣。淨係食海鮮同埋牛肉又點會夠，我哋呢啲好傳統嘅人一定要有粒米落肚🤣甜品🍮今日係指定嘅柚子雪芭，食甜品真係好開心。說八三碗柚子嘅香氣，入口即溶。係食完熱辣辣嘅鐵板燒之後，一個完美嘅落幕。最後一定要講嘅係，去鐵板燒，點可以唔叫酒飲。難得嚟到日本食鐵板燒，一定要點一支清酒，同埋啤酒。我揀咗醉樂無極大吟釀，有啲辛口，但係好有米嘅香味。而朋友就揀咗麒麟啤，麻甩地啤啤佢。今日我哋一坐就坐咗兩三個鐘，鐵板燒好味，師傅手勢非常了得，新鮮嘅食材同埋佢嘅神之一手產生左化學作用，我哋都食得非常滋味。朋友冇介紹錯！如果你鍾意同三五知己一齊chill，飲酒食燒肉，渡過一個麻甩吹水嘅晚上，非常建議去龍亭呢間日式鐵板燒餐廳。…查看更多

樓上cafe乃是學生年代必蒲熱點，大人蒲酒吧，學生就蒲cafe。大個左都冇變，一樣鍾意蒲cafe，因為野食好味，又冇限時，一坐最少兩三個鐘。油麻地高氏大樓有幾間cafe，我就最鍾意去孖啡。數下手指，由我第一次去到而家，都已經10年啦。當年係朋友介紹，一齊去傾去旅行嘅嘢。雖然餐牌多年來都冇乜點變，都係以西餐為主，但係啲嘢係堅好食，尤其是係佢啲嘢飲，賣相非常之靚，可以打卡，亦都好好飲。而且地方非常闊落。之後每當想搵地方同朋友吹水，孖啡都係我哋嘅首選。今日亦都係同朋友吹水，想搵個地方坐耐啲，咁響油麻地附近我哋就揀咗去孖啡了。今次我們點了卡邦尼煙肉意大利粉、黑松露野菌意大利飯、水牛城雞翼、黑松露醬薯條、炸新鮮洋蒽圈和藍莓果茶以及Earl Grey 伯爵茶。首先主菜係，卡邦尼煙肉意大利粉和黑松露野菌意大利飯都是非常好吃的。煮得剛好，口感彈牙，而且濃郁的奶油醬汁和香氣四溢的黑松露，讓整道菜更加美味。小食方面，有水牛城雞翼，外皮酥脆，內裡多汁。配上醇香的辣醬汁，味道更加美妙。黑松露醬薯條也是非常好吃的，薯條炸得酥脆，配上黑松露醬，又有蕃茄醬，口感豐富。另外，炸新鮮洋蒽圈口感酥脆，外脆內軟。最後，要坐響cafe長期吹水，點可以唔叫野飲，跟主菜可點$38以內野飲，我們補左少少差價，點了藍莓果茶和Earl Grey 伯爵茶。因為主菜應該有點膩，所以點熱茶消滯。總體而言，孖啡是一家值得推薦的咖啡店，不僅提供著美味的食物，還有舒適的環境和友好的服務。如果您正在尋找一家好吃的咖啡店，不妨來孖啡一試。…查看更多

今日過天后附近工作。聽聞大坑蓮花宮係法定古蹟，就走一轉參觀一下，參拜觀音娘娘。早有聽聞大坑有好多特色餐廳，所以順便就約個friend喺大坑食嘢。我哋冇特別去訂位，見到呢間舖頭個門面，好有日式居酒屋嘅feel，大家又鍾意食日本嘢，所以就揀咗呢間。入到去雖然係得四張枱，但係細得來好有和風居酒屋嘅感覺，係一個傾偈非常之好嘅地方。食得日式居酒屋，都預咗有啲小貴，但係我哋又想relax下，所以就揀咗個價值$1680嘅極上和牛套餐。試完之後先發現，其實係物超所值。首先係前菜三點。一坐低，就有支豆食。醃咗味噌。擺盤有凍蕃茄，和風煮螺，魚乾仔。平時我有啲驚食貝殼類，但係冇諗過佢呢個一啲腥味都冇，而且仲有少少辣辣地嘅味噌味。魚乾仔送酒一流。之後係刺身五點。冰盤擺得好漂亮，打卡一流，而且好有內涵，因為有油甘魚，拖羅，牡丹蝦，赤背，鯛魚。厚切，全部都好新鮮。然後就係戲肉，主菜焼肉。 店員親自介紹，全部都係坐飛機過嚟嘅A5 熊本和牛，有: 厚切牛舌、和牛嫩肋眼上蓋、和牛上肩胛肉、和牛牛柳、特選和牛厚切西冷。因為係日本產和牛，相信食過嘅人都知道佢同其他地方出產嘅和牛係有分別。咬落去牛嘅油脂，加埋白飯，果種美味真係一試難忘。牛油嘅香味充斥成個口腔，非常滿足。除咗和牛之外，盤上都有時令野菜。全部都係日本直送，最鍾意係舊番薯，烤完之後好鮮甜，外脆內軟。另外side dish 係漬物，御飯，湯。漬物係用味噌，醃製嘅蒜頭，食落去一啲都唔冇蒜頭咁刺激嘅味道。個湯係用好多煙燻製嘅鰹魚乾淆製，非常惹味。最後係甜品。日本嘅お菓子，都係非常之精緻，顯出師傅嘅工藝，除咗食得，又睇得。外表好似小南瓜，同埋車厘子嘅形狀，入邊咬落去係紅豆蓉。作為一個甜品仔，又唔會太甜膩，一頓飯完美嘅終結。另外要講嘅係，去得居酒屋，點少得杯中物🍸我就揀左清酒，南部美人。店員雖然話佢有一啲辛口，但係雪凍左都唔覺辛口，好有米香味。食刺身，同埋和牛，一定要送酒先有日本嘅感覺。我哋喺度都坐左差唔多兩三個鐘，呢餐晚餐真係非常愉快。睇價錢雖然好似好貴，但係非常之有質素，淨係日本直嘅和牛，已經係值回票價。所以係性價比高。我同朋友都好鍾意，所以如果要搵一個傾偈嘅地方，又可以食地道日本嘢，我會推薦呢一間餐廳。…查看更多

今日放工約咗朋友行旺角，因為放咗工好肚餓，所以就去食飯先。而阿來餐廳不嬲都係以性價比高嘅泰國菜而聞名。我哋一行四人就入咗去食。今次我哋嗌咗七樣嘢食:炒馬拉盞: 蔬菜非常翠綠新鮮，蒜炒得非常好，看得出師傅嘅功力泰式肉碎生菜包: 一間泰國店好唔好食，就係要睇吓佢嘅肉碎生菜包。簡單嘅肉碎，整得好食嘅話就要睇吓佢嘅香料同埋佢嘅炒嘅功力。結論係香料非常十足入味，而且沒有留下任何豬嘅腥味。包住生菜食，一流。冬蔭功湯: 湯底好粥了，酸辣非常突出，而且非常足料，有好多蝦響入邊泰式炒金邊粉: 傳統泰式嘅酸汁，炒金邊粉，酸酸甜甜，好開胃泰式香芒蟹肉炒飯: 整體感覺非常惹味，芒果配搭減去油膩，蟹肉非常多，係一碟足料炒飯。泰式明爐烏頭魚: 條魚好新鮮，肉嘅質感好彈牙，傳統泰式酸汁非常惹味芒果糯米飯: 甜品時間，向泰國餐廳食飯，有點少得芒果糯米飯。糯米飯非常軟糯，同椰奶配搭好夾，芒果亦好甜。飲品方面，我哋嗌咗兩樣嘢:泰式奶茶: 應該係用阿薩姆紅茶炮製，好有傳統泰式奶茶風味，沉穩得來帶有花香嘅奶茶龍眼冰: 食得泰國餐廳，梗係要飲返杯龍眼冰，響咁多辣嘢嘅情況下飲返一杯龍眼冰，非常解渴阿來餐廳位於旺角市中心，但係價錢相宜，食物質素又高，而泰國餐廳嚟計，響旺角係首選。…查看更多

同朋友響旺角行街，行到餓又有啲攰，想搵個位置坐下，飲下野食下輕食。路過朗豪坊附近嘅「串燒王」就入去試下。入到去係環境普通嘅串燒店格局，但夠麻甩，有霓虹燈裝飾，飲酒氣氛一流。我地點左7樣串燒:首先是鮮冬菇，食材非常新鮮，燒得入味，是串燒中的一款不錯的選擇。接下來是虎皮青椒，這道菜的辣度很適中，跟辣粉很夾，口感也很不錯。而蒜蓉原條茄子是這次用餐中最出色的菜品，燒得入味，讓人一吃就停不下來。雞中翼和厚切牛舌心的口感都很好，前者外脆內彈牙，後者則是彈牙。安格斯牛仔骨的外皮燒得香脆，內裡仍保留肉汁滋味。最後是有機菠蘿，蜜汁滿瀉，鮮甜解膩，是一款不錯的甜點。在食物特色方面，食材非常新鮮，辣粉的調味也恰到好處，這讓整體口感非常不錯，而且不會油膩。另外，沒有澱粉質的菜品也讓人吃了不會有罪惡感。飲品只點了津路烏龍茶，解渴一流。因為晚點再有約會，今次就唔飲酒了。總括嚟講，「串燒王」是一家非常不錯的餐廳，如果你在旺角逛街時想找一個地方小休一下，這裡是一個不錯的選擇。下次我會帶朋友黎坐下，啤啤佢🍻…查看更多

榮哥廚房私房菜是一家值得推薦的餐廳，從前菜到甜品，每道菜都非常精緻，味道也非常好。我和朋友們品嚐了他們的菜式，非常滿意！因為是私房菜的，所以所有菜式也是預設的套餐。首先是前菜🥗 ~本地水耕沙律菜伴芝麻醬。這道菜的口感非常清爽，薄片青瓜包裹着新界水耕生菜，芝麻醬味道濃淡適中，不會搶去菜的鮮味。榮哥自家甜酸齋也非常好吃，帶有清新果香味的豆卜非常適合作為開胃菜。雙色墨魚仔和茶燻流心蛋伴黑魚子醬配厚切茄子也都非常令人滿意，雖然份量不大但味道十分出色。接下來是湯品 ~ 原鼎川芎白芷新界大魚頭湯🐟。這道湯沒有魚腥味，足料炮製，非常濃郁，喝起來十分開胃。主菜方面，共有六道，每道菜都非常精美，讓人垂涎欲滴。黑松露醬炒花尾躉𤣿球配鮮露筍🧆，這道菜的花尾躉肉質鮮嫩，加上黑松露醬的調味，非常美味。蝦球水芙蓉🪷，非常好吃，蝦上有薑蓉，配搭滑嫩白水蛋白，口感非常豐富。韓泡汁煮牛面肉配雙色蘿蔔(微辣)🥩，其牛面肉沒有多餘的脂肪，蘿蔔非常入味。招牌茶王煉雞🐓，荔枝柴的煙熏味，肉質非常鮮嫩，煮得恰到好處。魚湯有機時令鮮蔬🥬。用的是菠菜，很難得沒有青澀的味道，魚湯也沒有任何腥味。農坊獨頭糖心黑蒜炒飯🍚，這道菜的味道非常出色，酸酸甜甜，配搭炒飯一流。最後是時令甜品環節🍯 ~薑汁芝麻湯圓！這道甜品的皮薄餡靚，後來在門口的櫃檯，看見原來是北角的小店 - 福元湯圓的出品，難怪如此好吃。總結來說，榮哥廚房私房菜的食材非常新鮮，欣賞他大膽採用本地資源，把香港特色納入他的私房菜品，地地道道的香港菜實在非常難得的體驗。菜品的質素非常高，細節很着重，菜色的模樣也非常精緻，讓人嘗到每一道菜的美味。價格相宜，非常適合和朋友家人一起聚餐，享受美食的樂趣。如果你喜歡地道的香港菜，榮哥廚房私房菜是一個非常值得一試的餐廳。🇭🇰…查看更多