Alan9090's Profile

今日放工，約老婆去鯉景灣食晚飯，食完飯同佢拍拖行海傍🙆‍♂️。海傍有多間酒吧餐廳選擇，呢間餐廳美國風格，深啡色皮卡位，圓形吊燈，氣氛懷舊浪漫。餐牌以美式為主，有扒類，Pizza，Burger，意粉，海鮮同甜品，酒類選擇也多。最後點咗Pizza，意粉，薯條同Tiramisu。巴馬火腿水牛芝士pizza烤得剛剛好，水牛芝士溶合Pama Ham，香脆好食。蟹肉意粉酸甜惹味，混合特色意粉醬，用蟹肉同蕃茄仔為主，蟹肉都幾多。薯條份量多，夠香脆。甜品Tiramisu出色，質感綿密軟滑，輕盈鬆軟，淡淡咖啡香😄…Read More

今日在灣仔合和中心同客戶開完會，順便約老婆去一遊食晚飯，撐下枱腳。餐廳出品口碑好，款式多，懷舊日本風格，座位寬敞舒適，我們點了豚肉豆腐火鍋、胡麻火炙三文魚壽司，另外點咗蟹肉忌廉、香煎餃子、免治雞肉+翠玉瓜串燒同兩杯梳打。胡麻火炙三文魚壽司，三文魚腩火炙過，面層有木魚薄片，配芝麻醬添加麻香，層次豐富。豚肉豆腐火鍋大大鍋，材料豐富熱騰騰。蟹肉忌廉用芝士同蟹肉炸成蟹球，蘸黑醋食可解膩。煎餃子皮薄脆，雞肉串燒香口有肉汁，翠玉瓜串燒清甜。整體食物水準也很高，埋單$900有找，老婆十分滿意🙆‍♂️…Read More

今日放工，約朋友到形薈地下，《一家》上海菜館食晚飯，菜館裝潢古色古香，打卡位多，座位寬濶舒適。我們點了前菜樱花蝦麻醬秋葵，秋葵新鮮，加麻醬和樱花蝦鹹香，味道好夾。另外，我們order黑醋排骨同三鮮兩面黄，排骨一啖一嚿，酸甜開胃，三鮮兩面黄三鮮材料分別有蝦仁、雞粒及冬菇片，將材料淋在炸成薄脆麵餅食，層次十分豐富。一人一杯特色手搖茶飲，我揀咗善良姨婆：熱情果、百里香伯爵茶，鬼馬三叔：椰子芝士奶蓋紅豆抹茶，比一般台式飲品少甜健康。甜品缸鴨狗玫瑰桂花湯圓，加入玫瑰花瓣點綴，糯米酒槽清香，流沙芝麻湯圓軟糯，夾雜陣陣酒香😋…Read More

同老婆行完工展會，揾個地方食完飯先返屋企，銅鑼灣糖街主題餐廳Vie Won Won，裝修以靈異鬼怪為主，周圍多骷髏骨同鬼怪擺設，環境陰暗，氣氛詭異，餐廳佈置似置身古堡，主打特色fushion菜，餐具同餐牌設計都配合氣氛。我哋要咗日本燒汁和牛燉飯，墨汁炒魷魚燉飯，同兩杯飲品。日本燒汁和牛燉飯和牛牛味十足，入口即溶，蘑菇片多，燉飯creamy，飯粒吸引咗肉汁精華，好夠味，墨汁炒魷魚燉飯，魷魚片軟腍唔靱，墨汁燉飯鮮味十足😋。桂花柑橘蘋果沙冰，金橘混合蘋果同桂花味，清新fresh，白朱古力抹茶沙冰，甜甜地，抹茶回甘，好飲🍹…Read More

中上環商業區林立，下午去上環做野，收工和同事經過附近，見有間掛着紅燈籠嘅日式料理，就順便食埋晚飯先返屋企。店舖有兩層，面積唔算大，但都坐得舒服，牆上貼滿日式動畫海報，播放着日本輕快歌曲，充滿日本懷舊風格。我哋叫咗日式海鮮茶碗蒸、汁燒魷魚筒、日式豬扒滑蛋丼同清酒煮花蜆。日式海鮮茶碗蒸蛋滑得黎有蛋香，材料豐富，有鳴門卷，冬菇片，蟹柳粒同雞肉。汁燒魷魚筒原隻切片，有炭燒香味，煙韌有嚼勁。清酒煮花蜆清酒浸透入蜆肉，蜆肉夾雜清酒味道，又不失鮮甜。日式豬扒滑蛋丼，滑蛋半熟，洋蔥絲幾多，豬扒厚身唔鞋，丼飯大碗👍總評：日本地道風味，性價比唔錯🙆‍♂️…Read More

位於登龍街永光中心韓燒自助放題餐廳韓牛牧場，地方寬大，120分鐘任食，每位$278起,食材用光波爐燒烤，感覺較用明火燒烤乾淨衛生，食物款式選擇也多🙆‍♂️餐廳選用手機落單，放題我同朋友揀咗$298嘅世子牛盛，串燒，炸物可以自由選擇，每枱先來一份定量六色刺身拼盤，、四合海鮮燒烤拼盤、手作刺身和牛壽司同韓國醬油蝦，另外還有一份法式羊架。六色刺身拼盤同海鮮燒烤拼盤顏色潤澤新鮮，醬油蝦渗透醬汁，鮮甜入味，法式羊架每人一支，軟腍惹味🧏‍♂️。牛類先有定量嘅安格斯肉眼扒、肩里脊、海鹽牛舌，韓式醬醃牛仔骨、牛胸肉同牛大腸，除咗安格斯肉眼扒同羊架外，其他牛類同海鮮都可以任食加單，各款牛嘅口感同肉味各有特色，各款牛肉燒至五成熟左右，就最啱我哋口味，，肉汁多，肉味濃郁，海鹽牛舌用舌心部位，爽口又唔靱👍，炸物酥脆唔油膩🙆‍♂️。餐廳自助吧都有多款食物選擇，有韓式泡菜、各款沙律菜，生果，凍食有青口，熟蝦，湯，飯，炒年糕等等，而飲品櫃都有多款飲品供應，另外，仲有雪條同雪米糍，我哋食到肥幾磅🙆‍♂️…Read More

今日出堅尼地城做野，收工約老婆到附近找找地方吃晚餐，找到這間Lex Coffee ，樓底很高，裝修幾有藝術氣息，空間感十分充裕。我們點了安格斯肉眼扒，Lex Burger，Tiramisu，洋甘菊柚子茶和伯爵紅茶安格斯肉眼扒Medium well，十分大塊，配菜薯角和焗蒜頭，兩面煎到微燶，調味不多，肉質粉嫩軟腍。Lex Burger漢堡扒用牛肩肉造，肉味濃郁，配菜用蕃茄片、蛋、芝士、煙肉、生菜、酸瓜片，層次非常豐富，Burger份量十足。Tiramisu酒味突出，蛋糕濕潤質感軟綿，唔太甜。這裏出名嘅Artsy Print 咖啡，已經賣哂，今次冇得試，下次再來品嚐🙆‍♂️…Read More

位於炮台山可可豬海南雞專門店，鄰近友邦中心，以專營外賣海南雞飯為主，亦有少量堂食座位，今日放工順便去買兩份外賣做晚餐，特色椰香海南雞飯，藥膳醉雞飯，還有一份黑蒜醬燒豬軟骨。特色椰香海南雞飯油飯飯粒濕潤，比一般油飯更有椰香味，份量夠兼唔油膩，另外還有沙律菜絲，配搭均衡健康，海南雞去骨啖啖肉，雞味濃郁，蘸特色醬汁一起食就更好。藥膳醉雞飯配白飯，醉雞酒味偏重，雞肉嫩滑渗酒香，黑蒜醬燒豬軟骨，豬軟骨鬆化入味，秘制醬汁酸甜惹味，送飯一流🙆‍♂️…Read More

餐廳位於觀點中心二樓，位置方便，餐牌配搭選擇多，有午餐，也有單點和甜品。中午午飯時間，經常要排隊等位。吹賬水牛芝士牛肉野菌沙律，水牛芝士吹賬到汽球咁大，認真吸睛，打卡一流🙆‍♂️，水牛芝士帶鹹香味，沙律菜新鮮，牛肉炭燒薄切，有嚼勁。BB骨蕃茄烏冬午餐，酸甜開胃，BB骨微燶香口，韓式醬同BB骨好配合，餐飲轉凍檸茶祇加$3。炸雞Combo有雞軟骨，甜辣炸雞同芝士薯條，雞軟骨卜卜脆，炸雞肉嫩有肉汁，甜辣醬令層次更豐富，薯條幼身，加咗芝士醬同芝士粉，鹹、香、脆集合，口感滿分🧏‍♂️…Read More

週日放假，同老婆到銅鑼灣京都廣場老鍋食台式火鍋，火鍋店間格濶落，空間感充足。枱上有QRcode落單紙，掃QRcode就可以自助點選菜單👍火鍋店設有自助調味區，俾顧客自己調製火鍋醬油。火鍋湯底點咗酸菜白肉鍋，另外點咗涮鍋小羊片，鴨血，魚皮餃，韮菜餃各半份，同小食鹽酥一口豆腐，等十分鐘左右，食物就送到面前。酸菜白肉鍋配料豐富，有五花腩肉，醃制大白菜，鮮冬菇，蕃茄，粟米，大葱，寬粉條，五花腩片肥瘦均勻，湯底酸酸地，寬粉條吸收咗湯汁，帶少少酸味，入口爽滑。魚皮餃同韮菜餃有各四粒，雖然唔太大粒，但足料飽滿，魚皮餃煙靱，韮菜餃多韮菜。鹽酥一口豆腐炸到金黄色，細細粒，外層香脆，裡面十分嫩滑👍…Read More

位於官塘工業中心特色卷物餐廳古今二，十分鄰近港鐵站，交通方便。餐廳有多款以唔同材料制作嘅壽司卷，配合造型來命名，首先，一口氣點咗金龍卷、蜘蛛、彩虹卷同煙花，再點咗日式麻醬豆腐沙律，日式天婦羅。日式麻醬豆腐沙律除咗滑豆腐同沙律菜外，仲有蕃茄仔，蟹籽。日式天婦羅炸蝦酥脆，炸物有水準👍金龍卷入面用炸蝦，芝士，三文魚鋪面，炸蝦脆身彈牙。蜘蛛係炸物用軟殼蟹，加牛油果、青瓜和蟹柳嘅壽司卷。彩虹用時令刺身魚配青瓜、牛油果和蟹柳。煙花則是吞拿魚同三文魚蓉壽司，少辣，食落帶點點刺激，四款特色卷物風味各有特色，命名貼切，魚生亦十分新鮮😋…Read More

今日出銅鑼灣做野，約老婆食完午飯先返公司，百樂中心有間吉列牛忌廉烏冬專門店，同事之前推薦過，就上去22樓，同老婆食吉列牛。餐牌有二人套餐供應，吉列牛配咖哩忌廉烏冬，恰好可以同時食餐廳兩款皇牌出品，順便要份雞軟骨餃子，用手機落單就得🧏‍♂️落單大約十分鐘左右，就有得食吉列牛定食，定食配麵豉湯同小食，小食有麻醬車厘茄，豆腐，麵豉湯味道較淡。吉列牛外皮炸成鬆脆，三成熟左右，之後可以放牛扒在石爐上，自己調製喜愛嘅熟成度,我哋煎到五成熟左右，牛扒唔會太生，軟腍兼有肉汁👍，咖哩忌廉烏冬，烏冬撈勻忌廉咖哩汁一齊食，美味滑溜，烏冬掛汁效果佳，甜甜地，唔辣，的確好好食🙆‍♂️雞軟骨餃子皮薄，香口好食，套餐可以十$18，多一杯特飲，我哋分別要咗 Passion Punch和 Citrus Ocean🍹…Read More

中午在銅鑼灣做完野，順便同同事吃份下午茶，再返公司開會，金百利商場門口有傳單派，下午茶$30幾，經濟抵食，有多款選擇，就上八樓渝痴漁醉。下午茶餐有飯，有米線，小寬麵或薯粉選擇，麵食還可選一份小食配搭，我們也點咗叉燒鮮雞湯米線，小食則要墨魚餅和蔬菜炸蝦餅。叉燒鮮雞湯米線湯底清淡，叉燒三片，切雞有四嚿，質素不過不失，墨魚餅和蔬菜炸蝦餅，墨魚餅彈牙好食，蔬菜炸蝦餅則較油膩，點泰式醬食比較好，但没有用調味碟分開泰式醬，感覺馬虎咗🤔…Read More

好久沒吃上海小籠包，同老婆行完街，便去時代廣場地庫翡翠拉麵小籠包吃下午茶，除了小籠包，還點了百步香葱油餅，醉豬手和酸莱牛肉冷麵。祇有小籠包保持水準！小籠包有四隻，豬肉餡有肉汁，葱油餅葱蓉頗多，熱度不足，而食落感覺十分油膩，醉豬手無肉，冇乜花雕味，豬手皮爽脆，但份量太少，酸莱牛肉冷麵，麵質較腍，有酸菜、青瓜絲、紅蘿蔔絲和牛肉絲，牛肉絲數得出10條也不夠🤔除了食物質素下降外，收銀員的服務態度也待改善，對呢間餐廳有少少失望🙄…Read More

杏花邨間Cafe Paradise,以童話式佈局主題餐廳，同老婆行完運動outlet，也會順便吃午餐。等咗十分鐘左右，就可以入座，我倆都愛食牛，呢度嘅午餐$55起，特別是6分厚切西冷牛扒餐，祇係$78，好抵食，要是日特飲的話也不需附加費🙆‍♂️，老婆則要石燒牛肩胛肉眼扒，加$30轉套餐，有埋餐湯、沙律、甜品同飲品。餐廳上菜速度頗快，首先係意式蕃茄忌廉湯同沙律，忌廉湯濃稠適中，酸酸哋，沙律菜新鮮，雖然跟餐但份量也不少。主菜6分厚切西扒牛扒幾大塊，軟腍有肉汁，薯菜配原個薯仔同沙律菜，夠哂飽肚👍，而石燒牛肩胛肉眼扒放在熱石上，可以自己控制熟成度，肉味濃郁，牛肩胛有蒜蓉汁同燒汁，可以點汁食，我愛原汁原味，老婆話蒜蓉汁較好食。要食環境舒適而又價錢咁平，又有質素嘅牛扒餐，呢度係好選擇👍…Read More