eatcdar's Profile

之前喺尖沙咀分店食過一試愛上，念念不忘佢自家製嘅芝麻糊馬鞍山店新店開張，定價好似平過尖沙咀少少今日放咗工7:30過去，有唔少人等外賣，但係唔使等位就入到去啦！佢比尖沙咀嘅款式多，一般糖水之外仲有芝士蛋糕同埋好多飲品選擇未食飯，決定要個半糖黑芝麻糊加湯圓當飯食！芝麻糊保持高水準發揮，用日本九鬼香濃黑芝麻自家研磨，芝麻香氣十足，冇好多芝麻糊嗰嘅腥味或燶嘅味道，亦唔係死甜同加粉嗰啲，所以食落亦唔會一pat pat，質地口感恰到好處！芝麻湯圓正常發揮，下次應該會食返平日通常叫嘅芝麻合桃糊加豆腐花，感覺好似冇咁飽，又可以一次過滿足三個願望！…Read More

每次喺上水都好掛住呢間老字號腸粉，之前知道佢冇做超唔開心好彩後來見佢搬咗去新鋪，地點對我來講更加方便！新鋪更加光猛、坐得舒舒服服，保留開放式廚房，價錢同之前差唔多，一樣超級抵食！同一位老師傅，味道品質不變！腸粉有米香、超爽滑，最最正嘅係可以自己落醬 ！另外，亦好鍾意佢嘅皮蛋瘦肉粥，$21一碗算足料，食到尾都仲有皮蛋同瘦肉，食完唔口渴！仲要飲埋佢嘅自家製低糖斑蘭薏仁露，$18大大支，唔會好甜，天氣熱嘅時候超解渴！…Read More

約朋友沙田食晚飯，唔想同人迫又想靜靜哋坐得舒舒服服，諗起中大paper and coffee 幾個月前開始做夜市，一於試吓啦！平日lunch 一般都要排隊，夜晚嚟就可以直入卡位晚市選擇比想像中多：雞、豬、牛、魚、天婦羅、咖哩都有食物質素維持高水準，$42-88 定食包沙律、主菜、飯同味噌湯，性價比超超高！朋友第一次嚟，揀咗名物炸雞飯，大讚好味道薄薄一層香脆炸粉，包住嫩滑多汁嘅雞肉，配埋蜜糖芥末醬，開胃野味，減少炸物嘅油膩感，不愧為中大名物！怕熱氣嘅我同炸雞冇緣叫咗西京燒三文魚定食。三文魚煎得啱啱好，表面香脆，內裡保存三文魚嘅肉汁，沙律菜份量多，走埋飯，啱晒輕食嘅我原本想叫咖啡，但店員禮貌回應晚市暫時未能供應。唔緊要，留返下次lunch 再去過…Read More

朋友介紹，lunch time 慕名快閃小店主要做外賣生意，有少量座位，食物選擇繁多，天氣凍想食熱嘢，可以揀烏冬、丼飯、燒物同各樣小食第一次食唔知份量，一人點咗原條鰻魚同魚生沙律，啱晒少食飯嘅我$42魚生沙律魚生款多足料，鮮甜有咬口，食完其實已經飽咗！原條鰻魚正常發揮，燒汁夠多，下面仲要有蛋絲，掛汁perfect店長初頭以為我外賣，我同佢講個堂食嘅時候佢嚇咗一下原來因為份量實在太多但係咁好食又唔想浪費，結果全部KO 飽到今晚都唔洗食…Read More

之前IG見到推介呢間自家製芋圓，終於有機會嚟試啦！不過佢唔係一間獨立舖頭，係喺灣仔銅鑼灣交界天樂里「開餐」入面serve嘅甜品，記得星期日係冇供應㗎（利申：上次摸門釘⋯）。講返正題，佢嘅芋圓同茶凍選擇唔算太多，但係樣樣有心思，各有特色，心大心細之後揀咗「桂花四弄」。作為一個芋圓控，佢係我食過咁多間裏面口感最Q，用料最足嘅其中一間！桂花烏龍茶凍食到好香嘅桂花味，烏龍茶令整體唔會過甜，加埋芋圓一齊食感覺好新鮮！價錢唔算平，但係份量足、真材實料、用心製作，下次一定會再去食埋其他口味…Read More

難得約咗同事係銅鑼灣食飯，心思思想食返上次試過嘅甜姨姨甜品，飲完茶太飽，決定外賣返公司慢慢食雖然甜品用第二個位消化，但係都想揀啲開胃消滯嘅店員話佢哋嘅楊枝甘露同出面嘅有啲唔同，冇加椰奶，芒果味較濃，聽落就已經好吸引明明話飽，但係又忍唔住加咗三色芋圓，一次過滿足晒兩個願望細細個外賣碗基本上裝到滿哂，超、超、超足料！成碗糖水好似唔係好見到「水」，食落去芒果味超濃，原來有成大大片芒果，超驚喜！另外柚子新鮮飽滿多汁，甜酸配搭啱啱好，飯後甜品首選芋圓同上次一樣Q彈好食，加$10有齊三種顏色，加咗少少椰汁另外裝住，好似食緊另一個甜品咁，超值有誠意銅鑼灣甜品選擇多，比較下定價唔算平，但係食物高水準有誠意，店員服務親切用心，可能店舖位於後街人流唔多，下次去開個頭一定再幫襯:)…Read More

之前聽朋友介紹過呢間甜品小店，趁而家夜晚有堂食，過開去太和就一於去試吓先！星期五晚七點幾，可能大家趁有堂食仲食緊晚飯，裏面冇咩人，唔使等位就入得去啦！甜品款式五花八門，有傳統中式甜品，亦有生果、蛋糕、乳酪、刨冰丶芋圓等等！仲有燒賣、魚蛋等小食，如果你好似我咁係甜品控，可以叫份小食加個甜品當晚餐㗎朋友食咗飯，所以叫個幫助消化嘅自選生果乳酪杯，配火龍果丶芒果同朋友至愛嘅爽滑＂河粉＂，生果用料新鮮，個配搭嘅顏色非常適合打卡 要留意奇異果同脆米by default 比你，如果你驚太飽，或者唔想好似食緊早餐咁，就記得叫佢走脆米喇 我未食飯，所以揀個飽肚少少嘅桃膠芋圓鮮奶。芋圓口感唔錯，整體唔會太甜，最驚喜嘅係大大粒、煙煙韌韌嘅桃膠，有啲直頭大過粒芋圓，好誇張！走嘅時候見到其他人食醬爆蛋糕好吸引，下次一定要試吓！:)…Read More

上網見到好多人喺呢度食刨冰，原來都有傳統甜品㗎。不過menu 張相其貌不揚，價錢唔平，所以都揀咗一輪⋯終於叫咗薑汁黑芝麻迷你湯圓另加芋圓。平日夜晚，唔洗等位即入 ！:) 每張枱上面都有支瑞士製嘅消毒噴霧，好細心呀。甜品一上，份芋圓竟然跟椰汁另上，唔會放喺個薑湯入面太耐而淋咗，好細心呀x2！薑湯好香，淡淡清甜，唔會死辣，食落第一啖就愛上！原來薑湯入面加咗薏米，增加口感同香味，有啲酒釀丸子嘅影子湯圓皮薄滑溜Q彈，流心芝麻餡香口，好味！芋圓有啲不規則，但食落Q彈，口感一流！一份十蚊分開上嘅跟埋少少椰汁，仲以為自己食緊另一個甜品咁期待下次平凡中再有驚喜…Read More

之前聽好多朋友嚟一日三餐都要大排長龍，趁平日放假，朝早10點幾去碰碰運氣。好彩去到啱啱有位走嘅時候已經開始有人龍！第一次嚟，叫咗我平時茶記食開嘅沙嗲牛肉米粉，加個3.6牛乳炒滑蛋、牛油厚方包、仲有OpenRice見到似乎好吸引嘅賞花杏仁露，平凡中各有驚喜沙嗲牛肉係佢招牌菜之一，個沙嗲汁果然煮得好香，牛肉嫩滑。方包用嘅係丹麥麵包，就算唔搽牛油，本身已經充滿牛油嘅香甜，正方形厚切保留咗四邊麵包皮嘅香味同咬口，細細塊唔會食得太膩。杏仁控嘅我一般對茶記嘅杏仁茶冇乜期望，但係呢杯賞花杏仁露真係唔錯，有杏仁嘅香味，唔會死甜，加埋鋪上面嘅食用花瓣，有誠意嘅美味之作…Read More

放工晏咗，想喺馬鞍山附近搵間開得夜嘅糖水舖，終於比我搵到呢間，打電話過去確定佢哋夜晚11點半先收，好在仲趕得切！喺馬鐵大水坑站A出口一出，行幾分鐘就到錦泰商場，門口大大隻字寫住Dessert at Desert (沙漠中的甜品），形容得非常貼切佢哋夜晚只做外賣，唔使俾人摘名，主要賣中式糖水，另外可加小丸子、芋圓。諗咗好耐唔知食紅豆沙定紫米露好，老闆娘從遠處嗌出嚟，咁就食紅豆沙紫米露啦！返到屋企倒出嚟，好大碗、超足料，食咗一半其實已經好飽！紫米煮得飽滿煙靭有咬口，食得出紅豆沙有淡淡的陳皮香，紅豆沙同紫米露嘅味道好夾甜而不膩，OT完到即刻開心晒…Read More

元朗朋友介紹呢間係又新街尾嘅小店，第一次嚟，選擇眾多，店員推介枸杞豬潤瘦肉湯飯。初頭有啲猶豫，因為我對豬潤嘅要求特別高，驚唔好食出事 👉🏻👈🏻但係見店員真心推介，天氣又凍凍地，好啦，一於叫返碗湯飯改米粉試吓啦！上菜好快，一嚟到＂嘩＂咗聲，足料又大碗！但睇睇下，咦？原來變咗湯飯唔係米粉⋯同店員講，佢第一時間話唔好意思搞錯咗原本佢想成碗拎走換過，但係我覺得太浪費。之後店員好窩心咁另上一份米粉，仲要講咗好多次唔好意思，好有禮貌、好貼心呀服務態度加分之餘，最緊要係真心好食！豬潤超爽滑，枸杞鮮嫩，加埋少少薑絲，冇咗平時豬膶枸杞嘅腥味，好好食！湯底濃郁，KO咗成碗，成個人暖笠笠 終於搵到好食嘅豬潤啦！之後再上埋鹹雞，食咗一啖，就明白點解佢係鎮店之寶之一份量多，雞肉勁嫩滑，鹹度啱啱好，鹹味仲食到雞味，蔥油食落聞落都好香，不過我覺得就算唔點都夠晒味啦！期待下次試埋佢嘅醉雞～…Read More

大埔地膽帶路，嚟到呢間位於寶鄉橋旁邊嘅茶餐廳，附近周圍都係巴士小巴站，地點十分方便。一入門口，老闆娘同員工熱情招待，友人話呢啲就係大埔嘅人情味。早餐時段未過，叫咗個沙嗲牛肉米粉、煎雙蛋，牛油厚多士同熱奶茶少甜。啱啱消毒完雙手，口罩都未除，就已經勁快上餐！30幾蚊一個早餐，份量都唔少，我同朋友都當lunch 食。沙嗲汁味道濃郁，牛肉嫩滑（唔會比生粉醃過龍），牛油厚多士竟然連皮上，個人其實好鍾意麵包皮嘅香味 奶茶茶味香濃，夠滑。嚟開大埔，想要快靚正嘅茶餐推介佢哋而家堂食都只係做到六點，所以唔使登記資料，食得開心又安心！:)…Read More

最近愛上bagel，同事極力推介呢間喺長沙灣嘅小店，趁平日請假，專程去拜訪一下。　坐落喺工廠區裏面一條橫街，門面並不太顯眼，一拉開木框玻璃門，日系簡潔舒適嘅裝修令人感覺煥然一新。眾多選擇之中，揀咗日本焙茶bagel配最簡單嘅creamcheese 。如果你想自己搽creamcheese ，記得同佢哋講另上，佢會預先將個包打橫切開一半方便搽醬。之前睇食評見到佢嘅抹茶芝士蛋糕好吸引，聽同事講如果自己網上買要提早預訂，想食又唔想等呢個係捷徑 今日餓咗成日等呢餐，一於整番件雖然已經超飽，但係見到佢嘅黑芝麻拿鐵好吸引，今日就放肆一下啦！Bagel 原來好大個，嚟到嘅時候熱辣辣，聞到好香嘅焙茶味，咬落味道比較淡，但係加埋個creamcheese就啱啱好。呢個bagel 比較近日、台嘅bagel ，內外煙韌，麵粉細滑香口，唔似美式嘅脆皮表面，各適其適，個人嚟講兩種都鍾意:)蛋糕果然名不虛傳，入口好香抹茶味，抹茶控千祈唔好錯過啦！雖然好飽，但係成個K.O.左最後到杯黑芝麻拿鐵，黑芝麻味超香濃，有少少食緊芝麻糊嘅感覺，淡淡奶香，甜度適中，好好味！…Read More

大埔地膽介紹嚟到呢間離大埔墟站不遠嘅粉麵小店，原本只係諗住簡簡單單食碗麵，點知驚喜無限，念念不忘朋友一坐低，先問有冇魚麵，原來好多時都會提早賣晒，確認後就二話不說叫咗個牛腩魚麵，見佢咁決絕，一於跟！其實冇試過出街食魚麵，唔係好知係咩嚟，仲諗住好似蝦子麵嗰啲魚蓉麵。點知碗麵嚟到，啲麵原來好似上海粗炒咁嘅樣，仲要超級香噴噴！一食落去超彈口，好香魚味，其實就好似食緊好多條狀嘅魚蛋咁，雖然啲牛腩都夠林好好味，但係其實就算唔單食魚麵都已經好好味…Read More

寒流襲港，想食啲簡簡單單、又暖笠笠嘅小食，但係又唔想企喺街邊，突然諗起呢間出名食腸粉嘅老字號小店。星期日差唔多食晏時間，又加埋限聚令，雖然唔算太多人，但係都已經坐滿咗個場。除咗腸粉之外，仲有魚蛋、燒賣、豬皮、皮瘦肉粥、炒麵等地度小食😋😋一坐低，就聽到不停有人叫＂一個三色＂、＂再嚟腸蛋＂等暗語，明顯都係街坊街里熟客仔，感覺好親切。當餐晏仔食，叫咗一個腸皮（腸粉豬皮）同皮蛋瘦肉粥。最值得一讚嘅當然係佢嘅馳名腸粉，食落有米香、爽滑、層次分明，仲要所有醬汁同埋芝麻都係比客人自己落，想食健康啲又得😇😇想邪惡啲又得😈😈 豬皮夠爽，皮蛋瘦雖然用料較碎，但勝在夠熱夠米香，夾埋腸皮一齊食啱啱好，簡簡單單又一餐😋😋　…Read More