靈半's Profile

食咗幾次禾川，今次先記得影相寫返個食評。幾次試咗唔同嘢，都覺得水準之上，所以值得一寫。今次叫咗呢個大切魚生丼。平時叫呢啲丼，總是覺得大切的魚生種類唔夠多。或者未係自己心水既魚生。但估唔到禾川呢間既大切，又意外地好。眼見有三文魚，玉子、吞拿魚之外。還有劍魚、蟹籽。想不到連蟹肉碎、蝦也有在內。種類多到，眼看也有七八款之多吧？份量很足，誠意之作。此外，還點了一小盤的壽司。當中有如下：腐皮壽司、油甘魚壽司、香蔥三文魚蓉軍艦等。這的壽司，魚生部份都比一般的壽司店厚切，這是值得一讚的地方。而這裡還有一些特別的壽司。例如個香蔥三文魚蓉軍艦咁，出面就好少見。…Read More

第三次黎古琴雅苑食晚飯，水準仍然keep到，抵讚!次次黎必叫北京填鴨，今次4個人食，所以只叫了半碟，一如以往，師傅都會係我地面前即場表演片鴨片上碟，每一片厚度一樣，顯其功架。踏入秋季，當然要試下秋季限定菜式啦，今次我地揀咗蟹粉賽螃蟹，蛋白蛋味香濃，夠滑，加上自製蟹粉同食，兩者配合得宜，完全沒有違和感，季度推介！友人中既然有麵控，是晚順理成章就梗係有一碗香濃花生香嘅擔擔麵，酸甜麻辣俱備，醒神又開胃。最後，有甜品先係完美既一餐吧，我地叫左高力豆沙香蕉作為甜品，剛好每人一件，以豆沙同香蕉做餡，份量調教啱啱好，當然，鐘意豆沙同香蕉嘅我，梗係希望餡料份量能再多啲就perfect池啦~…Read More

吃台灣菜怎能少得花枝丸，今天跟朋友去了位於海港城，坐擁無敵海景的台灣過江龍翰林茶館。抵達的時候眼見很多食客，幸好只排了15分鍾左右。我們叫了椒鹽花枝丸，巷口蔥餅，日式炸醬拌麵及紅燒牛腩茶麵; 飲品則叫了鮮奶烏龍茶及香港限定冷泡茶-草莓果粒紅茶。由於太肚餓的關係，忘了拍下主菜圖片… …主菜炸醬拌麵十分開胃, 紅燒牛腩茶麵亦十分足料，牛腩軟腍味濃，絕對值得一提的是這裡所使用的茶麵，聽說是以茶入麵，絕非坊間一般上都以茶味粉調味，只在麵條的表面塗上，也難怪這裡的茶麵條，每一口都夾帶優優的茶香餘味。地道台灣小食椒鹽花枝丸非常好吃，口感彈牙，花枝香味充斥味蕾; 巷口蔥餅則十分香口，鬆脆軟韌皆恰到好處~ 總括而言，我和友人對這餐飯非常滿意，這間餐館食物水準不錯，侍應也有禮貌，服務不錯，環境也挺舒適，未吃過的不妨一試…Read More

尖沙咀食飯食乜都好貴,想食好少少都要就住就住😫超無奈，點知有日經過諾士佛臺見到寫住$99 魚﹑蝦﹑蟹喎，咁就緊係9秒9打電話call 啲friend 嚟食餐好架啦！從無諗過可以係諾士佛臺食到咁筍價嘅美食！話晒糧尾時間都係”窄窄地”架啦。𨋢門一開傳來陣陣燒烤味，突然覺得好餓... 燒遙海中寶（冷盤）講真呢個燒遙海中寶份量係3-4都食唔晒，佢最正係入面有齊好多海鮮，對鍾意食海鮮朋友就啱晒，海中寶好開胃，因為我地點冷盤，個汁酸酸辣辣，海鮮底下仲要有粉絲，啲粉入晒味，的確唔錯！ 狂歡 魚 蝦 蟹 泰皇咖喱蟹99蚊咋！！！泰皇咖喱帶甜味，椰香味香濃，好食到停唔到手，估唔到99蚊可以食到咁大隻蟹 。泰式豬手皮軟腍膠質豐富，肉質亦非常嫩滑。泰式生蝦刺身 - $128配上泰式酸辣醬同清新薄荷葉一齊食，酸尾尾，辣辣地，十分開胃。啲野食好味道，份量好足，價錢夠貼地，一句講晒”扺食”！…Read More

放工同朋友仔聚一聚，大家都想食日本野。就揀了世貿這間牛禪試吓。裝修環境都好舒服，員工的服務態度仲好好 ^^Menu實在太吸引喇，好多野都想叫嚟食。最終點左以下的，哈哈。※ 三點前菜 - 小小的餐前菜，有魚仔合桃，海蜇，蒜頭。- 冇錯係 '蒜頭'， 食落去口感很特別，沒有蒜頭味，但不錯。※ 明太子玉子燒 - 熱辣辣的，明太子不算濃。蛋香滑而不膩。※ 一口芝士 - 芝士很香濃，好好味吖。 芝士迷一定要叫嚟試吓 :)※ 日本青蘋果蟹籽沙律 - 好清新的沙律。青蘋果好清甜，不酸，好好食吖~※ 五品刺身 (響螺, 三文魚腩, 牡丹蝦, 深海池魚, 銀線魚)- 刺身很新鮮，超正吖! 響螺爽脆，三文魚腩肥美，牡丹蝦大隻美味。至愛是蝦頭，鮮甜＋有糕的。 池魚，銀線魚都好好食。※ 極上和牛盛宴 (牛舌，尾龍扒，牛臀肉，牛腿上肉，牛外胸腹，牛肩，牛頸脊，小排，肉眼)- 分牛的9個不同部位，由淡到濃，慢慢一個個層次去品嚐。每一個位置帶來的都是不同的口感＋味道。第一次這樣食，真係好好味，好正＋超值吖!食到中間，牛味已經慢慢濃郁，肥美。好彩叫了碗白飯，中和番，減輕油膩的感覺。※ 什菜盤 - 有菇，南瓜，大蔥。食材新鮮。※ 牛油露筍炒野菌 - 外表是平平無奇的，但味道剛剛好，好味到停唔到口。菇味香濃。值得推介!※ 吉列豚肉 - 香脆好味，多肉汁。炸得不油膩。※ 什錦天婦羅 - 有菇，蝦，秋葵，南瓜，蕃薯。- 全部都新鮮，美味 :)※ 雪糕 (海鹽，榴槤，抹茶，芝麻...)- 揀了芝麻味，超級香濃吖。好似食緊雷沙湯圓咁，好好味~正吖!※ 藍蝶綺蘿 (飲品)- 菠蘿味清新, 解渴。不甜不酸， 好飲。※ Sake放題- 加$100，任飲指定Sake。啱晒我地傾計啦，仲要裝到滿瀉的，喻意幸福滿瀉吖^^ …Read More

又到打邊爐嘅季節，5個人來到重慶麻辣很出名的”渝味曉宇”。環境裝修好好，坐位寛趟舒服。每人有件小圍裙，很貼心，食時唔怕沾污衣服^^我地叫左個 '番茄魚頭鴛鴦鍋'。上面是唔辣的清湯，帶有少少芫茜味。下面是麻辣的，有很多很多的辣椒，同花椒八角的配料，火紅紅的。但原來比我想像中唔辣，可以再辣多少少。不過湯底味很香，同出面食嘅麻辣唔同，呢度食落去個胃係好舒服，唔會覺得刺激同傷胃~如果鍾意食內臟嘅朋友，呢度係必選！ ！因為真係有好多好特別嘅內臟，名都是第1次聽的。我地就叫左d來試吓 :'鮮黃喉' / '脆爽豬天梯'- 2樣都好爽脆, 口感幾得意，出面很少食到。'大刀牛肝' - 新鮮，口感軟棉棉，好滑。- 牛味好香，比豬肝好味好多，難以形容。推介！！'串鮮蝦' / '桂花蚌' / '手打墨魚滑'- 樣樣都好新鮮，好正！'美國安格斯優質肥牛' - 牛肉新鮮，肥瘦剛好，略嫌太少片喇。'黑豚腩肉'- 豚腩肉新鮮，很香。'重慶耗兒魚'- 個名幾特別，食落有少少像鹼魚的味道，很多肉，肉質是厚實的。'重慶炸酥肉' - 香脆的飯前小食，食完一口，忍唔住又要食多幾口^^'曉宇苕粉' - 食麻辣真係唔可以缺少會'索'汁嘅食物。所以絕冇叫錯，呢個粉吸收晒麻辣湯底的精華，粉煙韌，好好味啊~'炸芋頭' - 又係麻辣不可缺少的，'索'晒湯底，芋頭軟棉棉，好香好好味~'功夫萵筍片' - 上枱已經覺得好靚，刀工精美，一片片切得好靚，是整盤翠綠的花。放入湯吸收了所有的精華，爽脆清甜，好好味啊~'自製羅漢果'- 味道有d似雞骨草，一路麻辣，一路飲，感覺很清熱。…Read More

今晚慶祝朋友的生日，大半的朋友都係住港島區。就揀左呢間 Cafe2 Oyster n Grill 慶生喇~環境舒適，氣氛唔錯。原來做緊 $88 任飲白酒/紅酒/beer。試左紅，白酒款都好好飲，果味易入口，真係好抵~仲有生蠔buy 1 get 1添， 啱晒我地今晚7個人的bday gathering ^^餐牌上真係好多野食都好吸引，最終我地就叫左下面的野食 ~1.黑松露牛肝菌雜菌湯 菌味黑松露味濃郁，好似將整個菇攪碎來整呢個湯咁。超香濃 + 美味，個人對菇情有獨鍾~2.凱撒沙律with smoked salmon 沙律菜，煙三文魚都新鮮。3.脆炸有機甜粟米 食呢個香口小食，一定要點埋配上的獨特醬汁。咬落去一粒一粒的炸栗米，不會有太多炸漿的感覺。口感味道都不錯。4.Seasonal Oyster Platter 見到個拼盤已經夠晒吸引。由淡至濃，順時針方向慢慢品嚐^^ 生蠔肥美新鮮，爽口。絕對超值！5.四式薄餅 pizza皮薄香脆， 味道剛好足料。一個order就可以試晒4種唔同嘅口味，很特色。6.蟹肉流心蛋釀大啡菇 嘩，超多的蟹肉在面，菇很大隻新鮮。夾埋一齊嚟食，好好味，正！7.炭燒美國安格斯斧頭扒超巨型的斧頭扒， 多人叫嚟食最好， happy share.店員很細心地幫我地切埋~牛肉 juice, 煮得啱啱好，唔會太熟或生。好美味吖！有海鹽或mustard點嚟食。個人喜歡配海鹽，牛肉鮮味更特出。8.墨魚汁海鮮意大利飯 海鮮新鮮，味道剛好，飯唔會太軟或太硬。9.朱古力溶岩伴雲呢拿雪糕 裡面係流心香濃的朱古力，一定要配埋雲呢拿雪糕嚟食，美味的甜點。10.法式焦糖燉蛋 焦糖燉蛋是最喜愛的甜品。燒得剛剛好嘅焦糖蛋面。食落去外脆內軟，好滑好好味吖。一個開心又美味的聚餐，圓滿啊 ^^…Read More

近排好多朋友仔去泰國, 攪到好想食泰菜^0^.又冇得飛去食, 又唔想到九龍城.  就試呢間在世貿的 SOI 18. 唔錯喎, 環境舒適, 坐位寬敞.啱啱做緊 '白酒放題' $88 任飲, 聚餐一流~今晚5個人, 叫左以下野食, 大家滿肚而歸, 很滿足啊^^1. 雪裡玉, 是一柸沙冰, 荔枝味略淡, 但火龍果味很清新突出。外面很少飲到是火龍果味的飲品, 好解渴, 感覺很清新啊.2. 泰式沙爹雞串, 雞肉 juice, 多汁，不濃不淡，味道不錯。3. 泰東北燒牛扒青木瓜配糯米飯, Wow 牛扒好嫩滑啊, surprise + 水準之作.特別之處, 是配上一小袋熱辣辣的糯米飯，原來是要自己用手一粒一粒的搓出來食，很得意喔。 配上自家特別調制出來的醬汁. 味道天衣無縫的夾啊~4. 泰式砂煲魚翅, 超多翅，是一排一排的，加上芽菜中和番。 忍唔住食左2碗了，哈哈 !5. 泰東北風味牛肋骨和味鍋 , 很足料, 有好多牛肋骨啊.  牛肉入味, 唔韌.  6. 怕靚羊腩, 呢個咖哩汁底, 非一般出面食到的.  有最喜歡的菠蘿片, 味道清新開胃，加上羊腩不騷，好好味啊~7. 辣豆醬炒椰菜苗, 新鮮的椰菜苗，咬落去是啖啖的爽脆。8. 酸辣汁原條蒸魚, 熱騰騰的黃花魚, 很鮮味嫩滑, 加上滿滿的蒜及其他小配菜，夾埋一起食, 又是很喜歡. 9. 香草粉絲焗蟹煲, 濃濃的香草及胡椒味.很大的蟹啊，好多糕啊，粉絲很入味.10. 曼谷咖喱炒蟹, 都一樣很大隻蟹，好多糕. 呢個味道好香, 唔會太油膩. 好好味啊~11. 蟹肉南瓜飯, 可要求店員辣的程度. 今次有個朋友仔特別愛辣, 所以叫了個大辣.  嗜辣人仕必選，不油不膩，很野味香口。12. 泰式香芒椰汁糯米飯, 新鮮juice的芒果，配上剛好的椰汁，不甜不淡。特別喜愛黑糯米，很香很好哨口啊。 好味的甜點, 為今晚的聚餐劃上完美的句號~~…Read More

同朋友仔試新野，5個人去吃。簡樸的裝修，有種懷舊的親切感~叫左幾個粉 + 一些小食。值得推介的是 : 1) 炸蝦蛋，有花生碎粒 + 特色的泰國甜酸醬。口感似蝦餅，彈牙，好味。2) 泰式雞搥，望落是平平無其的雞搥。原來味道十分出色。香脆的外皮 + 嫩滑的雞肉, 很 juice.3) 炸雞皮，都是第一次食，比想像中不油膩，很香口。要襯熱食，如果唔係就會唔夠脆啊。4) 牛肉船麵，湯底味香濃，帶有少許藥材味。配上九層塔 + 細切的通茶/洋蔥配料。牛腩嫩滑, 河粉比一般的粗塊，都幾特別。個人十分喜歡吖 ! 其他的，泰式酸甜無骨鳳爪， 不算特別。粉紅湯粉， 是帶有少許南乳味，甜甜的。個人略嫌豬紅，魚蛋配菜沒太多味道，其他的都OK。冬陰乾撈，期待的冬陰公味不太突出。是甜酸味的， 有點像青檸似的。個人還時比較喜歡重口味^_^還好有隻流心雞蛋。…Read More

上次來過這裡吃壽司，對此餐廳的食物質量非常深刻，今次重臨此店，一定要試下這裡火紅的海膽杯。海膽杯以小紅酒杯盛裝三層海膽、蝦蓉、三文魚籽、拖羅蓉等以層層疊的方式呈現，材料十足，先吃面層的鮮海膽，入口即化的口感，鮮味非常突出~再往杯子最低處由上撈一羹入口，鮮甜酸嫩多重口感隨之而來，太美味了~與友人一人一杯以吃甜品的心態來享用，是否有點奢侈了點呢？…Read More

一直想來正斗試試除了雲吞麵之外的美食，這次終於有機會了。恰巧好友公司附近有間正斗，那就二話不說，與好友相約在正斗共度午餐時刻。咕嚕蝦球用醋、紅糖、山楂等原料配上特製糖醋，酸酸的味道甚是刺激醒胃，蝦球餡料使用的是新鮮的大海蝦，其鮮味突出，彈牙爽口，加上炸到夠脆外層，讓人一試就停不了口。蝦餃皮薄，聽侍應說師傅每天都會現場拍，難怪總覺得特別的嫩滑，用特製醬料醃過的新鮮海蝦，要蒸得好（據耐性的侍應的解說），先會食落去薄得嚟唔會粘口，確實口感與侍應描素的沒落差，蝦味鮮香，帶點Q彈，細細的鮮蝦汁流於口腔，徘徊的時間還蠻長呢~…Read More

記得早前聽朋友說榮華里的巷子盡頭有間泰國餐廳的通菜炒得特別的火候十足，於是便趁假日，與太太一起前去試試。名為蝦醬通菜的這道菜一上枱已先聲奪人，說的比不是其外相，而是其充滿鑊氣的香味，未入口已經滿足了嗅覺，細嚐之下，果然名不虛傳，鑊氣充斥著每一條通菜，夠爽口，蝦醬的咸香緊緊的被鎖住，每一口都勁有滿足感。串燒沙爹又是另一驚喜，點了三串雞肉三串牛肉，每一串都份量十足，肉質都帶有肉汁，並不像坊間許多串燒，那般的乾爭爭，此間的雞肉串肉質滑實，易嚼嫩彈的口感，特別討好，牛肉串則不嚡不韌，牛味雖然不突出，但勝在夠嫩，輕易就可以咬開。另一道椰子焗咖喱海鮮，紅咖喱辣度適中，椰漿味濃郁，青口嫩口，蝦肉鮮甜彈口，最值得留意的是當中的魷魚，鮮味十足，極為新鮮。…Read More

聽說這酒樓每年正值入秋之初就會推出羊腩煲，堅持了多年，依然準時推出，想必定有其過人之處，美味的食物自然會有回頭客，堅持每年都推出自然是獲得食客的一致讚同。這套古法羊腩煲材料十足，枝竹、羊腩、馬蹄應有盡有，羊腩完全沒有騷味，而且有夠腍身易嚼，每一口都夾帶醬汁的精華，咸香濃郁，配合枝竹與白飯食，堪稱人生一大美味啊~…Read More

在銅鑼灣附近出差，午餐當然也選擇在這附近探索，上網查看，原來附近有一間裝潢獨特的餐廳，於是便決定前往試試。餐廳位於銅鑼灣霎東街Oliv 4樓，5尺高的樓底砌上鋼骨的城堡，一眼望去有點震懾心神的感覺，心中默念：哇，好有氣派~法式海鮮濃湯Bisque，簡稱蝦湯，傳統泡制，選用虎蝦、甘蝦等甜蝦，新鮮熬煮4個小時，鮮味濃郁芳香，每一口都充斥著濃濃的鮮蝦味，十分突出。喜愛素食的朋友絕對不容錯過Green Mac’ n Cheese，選用意大利青醬(pesto sauce)烹調的直通粉，充滿特殊香味，青醬內的九層塔、蒜泥、橄欖油等味道獨特，再加上冬菇及芝士香濃滋味陪襯，簡直令人停不了口。值得一提的是隨碟還附上一片師傅特製的薄片芝士脆餅，想要增加芝士所帶來的濃郁口感，建議不妨吃一口直通粉呷一口脆口芝士脆餅，那令人意想不到的味蕾刺激，肯定能輕易的俘虜芝士迷！…Read More

又在一次來到荔枝角，這次是陪同事前來辦事，適逢午餐時間，理所當然的，也就就地找間餐廳解決。餐廳名字是翠豪園，店內相當擴大，只是略顯得有點殘舊。XO醬肥牛炒公仔麵，一看外表已做好最壞的打算，一試之下的確讓人極之失望，公仔麵過軟，粘綿的口感吃得好牽強，肥牛更是失敗之作，乾硬難嚼，沒有丁點牛肉味，反倒油花味極濃。此餐廳也順理成章的成為了可一不可再的名單上一員，很抱歉，只此一次已足夠矣…Read More