LhcCrystal的個人專頁

今日同朋友出旺角，想食cafe，最後去咗孖啡食晚餐。孖啡招牌夠大夠光，搭車時就見到，位置好易搵。餐廳裡面環境闊落，有多人梳化座位，門口擺放各種類型嘅board game，適個一大班朋友一齊食嘢，一齊玩。晚餐有套餐，包一杯$38飲品，另可加錢加配龍蝦湯或甜品。我地點咗一份明太子海蝦意大利粉同一份軟殼蟹黑松露意大利粉。飲品補差價，點咗一杯cappuccino同一杯latte。另加$28加配蛋糕一件。明太子海蝦意大利粉 $136明太子醬汁好多，配埋檸檬汁，意粉食落好creamy又清新。海蝦夠大粒，有6粒，食落幾彈牙，好食。軟殼蟹黑松露意大利粉 $148黑松露味道夠濃又易入口。軟殻蟹都算大件，味道唔錯。Cappuccino上面有女仔圖案，適合打卡Latte上面有拉花芝士蛋糕芝士味夠濃，口感比較厚重，食落夠飽肚。…查看更多

今日同朋友去咗裕民坊嘅水門雞飯食dinner。餐廳門口有2張枱，店內亦有座位，可以容納三十幾人。餐單有好多款式選擇，有飯、沙律、串燒、泰式船粉等。我地點咗一份招牌水門雞飯，可以加$10轉雞脾肉。另外點咗一份鳳尾蝦泰式金邊粉。小食點咗3串串燒（豬肉/雞肉），串燒3串起叫，可以合拼。飲品點咗1杯泰式鴛鴦同1杯泰式奶茶。最後仲點咗一份甜品(斑蘭大菜糕)。水門雞飯 $64水門雞飯配一碗湯同泰式醬汁，雞脾肉好嫩滑，配泰式醬汁食好夾。鳳尾蝦泰式金邊粉 $75金邊粉份量好足，有4隻鳳尾蝦，好彈牙。旁邊有花生碎、辣椒粉、青檸汁等配料，可以根據個人口味拌勻食。串燒（豬肉/雞肉） $42 (3串)我地點咗2串雞肉串燒同1串豬肉串燒，可以配沙嗲汁食。泰式鴛鴦(左)/泰式奶茶(右) $22斑蘭大菜糕 $321份斑蘭大菜糕有3件，上層係斑蘭糕，下層係大菜糕，配埋淋係上面嘅椰漿一齊食，味道唔錯。…查看更多

今日同朋友去咗河內越南料理食午餐。入到餐廳，店內有好多二人枱同四人枱。我哋大概兩點幾到，店內都坐滿八成人。餐牌有湯檬、撈檬、河粉、飯等選擇，仲有三文治、沙律、米紙卷、濱海類、小食等。我哋點咗優惠二人餐，包兩份河粉或撈檬、一份小食、一碟田園灼時菜同兩杯特色飲品。我哋另外點咗一份香茅沙嗲牛肉串燒。二人餐比單點平啲，我哋點咗一碗越式香茅豬扒湯檬同一碗河內生牛肉湯河粉，小食點咗越式香茅雞翼四隻、一碟生菜、一杯椰汁珍多冰同一杯椰果椰汁西米露。越式香茅豬扒湯檬香茅豬扒份量都OK ，豬扒夠入味，湯檬份量夠大，食得夠飽肚。河內生牛肉湯河粉生牛肉夠薄片，浸喺熱湯一陣就熟，河粉份量夠多。日式香茅雞翼四隻田園灼時菜（生菜）（左）椰汁珍多冰（右）椰果椰汁西米露香茅沙嗲牛肉串燒（三串）…查看更多

今日同朋友去咗金豪酒家聚餐，入到裡面，環境闊落，好多張大枱，適合多人聚餐。餐廳有好多唔同菜式選擇，有海鮮、炒飯、炒麵、家常菜、濃湯雞煲翅、避風塘小炒等。飲料有茶、啤酒、汽水等。我地點咗海鮮孖寶（包1隻避風塘炒蟹同4隻鹽燒聖子）、椒鹽豆腐、艷影蝦球、懷舊生炒排骨、啫啫通菜、米綱蝦春卷。蟹.蟶子海鮮孖寶本身點咗避風塘炒蟹同聖子，但聖子轉咗豉椒炒蝦，味道都唔錯。椒鹽豆腐豆腐外面包住一層椒鹽粉漿，炸得夠鬆脆。一口咬落去，食到外面脆皮，裡面豆腐又夠滑，味道唔錯。艷影蝦球，蝦球都夠大舊。懷舊生炒排骨排骨炒得夠入味，味道酸酸甜甜。菠蘿夠新鮮。啫啫通菜好特別，上菜後即時再炒一炒，好有鑊氣，通菜夠嫩。米綱蝦春卷…查看更多

今日去裕民坊，上咗3樓嘅花園餐廳食lunch，最後去咗Plato Cafe & Bistro。入到餐廳，環境闊落，主要有4人卡位同靠窗邊嘅2人座位，可以一邊睇景一邊食嘢。Lunch set包1份主餐、田園沙律/是日餐湯、1杯$32飲品。另可追加小食同甜品。我地點咗2份lunch set，一份西班牙黑毛豬鞍同一份澳洲肉眼牛排，另加$28點咗一份日式芝士餅。前菜點一份田園沙律同一份是日餐湯。是日餐湯係蕃茄紅菜頭湯，味道唔錯。西班牙黑毛豬鞍配蘋果蓉，蘋果蓉嘅甜味配豬鞍都幾夾。主食點咗意粉，意粉煮得啱啱好，唔會太硬或太腍。澳洲肉眼牛排配紅酒燒汁，牛排可選三成熟、五成熟、七成熟同全熟。我點咗七成熟，主食點咗飯。飲品點咗一杯英式奶茶同一杯cappuccino。奶茶係紅茶同奶分開上，可以自己調配鍾意嘅奶茶比例。…查看更多

今日去咗The One，經過Royal Inn門口，見到餐廳歐式風格嘅裝修好靚，睇埋lunch menu嘅野食都幾吸引，所以入咗去食lunch。入到餐廳，地方闊落，餐廳整體以白色為主，仲有水晶吊燈，環境舒服。Lunch set包括1份前菜(湯/海鮮拼盤/沙律)、1份主菜、1杯飲品。我哋點咗兩份lunch set，前菜點咗是日餐湯，主菜點咗一份香煎北海道帶子海膽意大利飯同一份法式寶雲酥羊架，飲品點咗兩杯檸檬茶。是日餐湯係蘑菇湯，另附有一塊多士。蘑菇湯味道濃郁，多士夠香脆，仲可以沾上蘑菇湯食，味道唔錯。香煎北海道帶子海膽意大利飯比較正宗，意大利飯質地creamy，飯粒咬落略微堅硬。法式寶雲酥羊架賣相好靚，裏面有兩塊羊架、南瓜蓉、蕃茄仔、蘆筍。平時食羊肉好怕有羊臊味，但呢個羊架嘅調味可以遮蓋到羊臊味，而且羊架烹調得啱啱好，食落唔韌，羊架肉質亦很好，肥瘦相間，好食。配菜味道都唔錯，配羊架食可以解膩。…查看更多

今日去咗旺角食十侍壽喜燒，係station 21搭電梯上1樓。店舖係日式風格，門口就有一個日本武士嘅擺設，裡面有5張四人枱，環境舒服。我地點咗壽喜燒(二人前)套餐，包括鹿兒島A5黑毛和牛西冷肉眼(360g)、自家製壽喜燒醬汁、季節野菜盛合、日本蘭王雞蛋2隻、讚岐烏冬同自家製雪糕。另外點咗2杯白桃乳酸梳打。店員會到每枱幫客人煮壽喜燒，先放好大塊嘅棉花糖入鍋再加上壽喜燒醬汁煮。平時會加入壽喜燒汁煮嘅糖用棉花糖代替，好有特式。之後加京蔥，就開始放入和牛煮。鹿兒島A5黑毛和牛有6塊，攤開好大塊，肉上嘅油花分配均勻，肥瘦勻稱，仲有埋證書。店員煮好和牛就放入已打散嘅雞蛋裡，和牛沾上蛋液，食落肉質嫩滑，味道好正。食完和牛，就開始煮野菜拼盤同讚岐烏冬，野菜同烏冬吸收哂壽喜燒汁，味道唔錯。食哂和牛同烏冬，仲有自家製雲呢拿雪糕，雲呢拿味道好濃，好食。…查看更多

今日下午3:30去Be Leaf食嘢，行到門口，已經被餐廳裝潢吸引，門口有4張木枱凳，坐係度食嘢感覺好舒服。餐廳裡面環境闊落，門口左邊有一個吊籃椅，旁邊仲有唔同花嘅裝飾，打卡一流。我地點咗一份香辣蒜片欖油大蝦意大利麵同一份招牌手打日本和牛芝士漢堡配薯條。下午茶時間惠顧可免費升級至套餐，包括是日餐湯、餐包、伯爵茶/洛神花茶/冰紅茶。飲品方面，我地點咗一杯Grapefruit Summer同一杯自家制焦糖餅咖啡。焦糖餅好脆，配咖啡好夾。香辣蒜片欖油大蝦意大利麵好香口，意大利麵有好多配料，除咗大蝦，仲有櫻花蝦、蒜片、蠶豆等，食落好惹味。日本和牛芝士漢堡好足料，份量大，薯條即炸好脆口。是日餐飲係忌廉蘑菇湯，飲落好驚喜，有淡淡嘅松露味，好飲。餐包沾上忌廉蘑菇湯食，味道好夾。最後我地仲點咗一份法式焦糖卡士達梳乎厘班戟，梳乎厘有兩層，好大份，夠4個人食。梳乎厘質感好蓬鬆，味道唔錯。整體而言，呢間餐廳環境優美，打卡一流，食物同甜品味道都出色，值得一試。…查看更多

今日同朋友去咗沙田中心嘅牛摩食午市90分鐘火鍋放題。餐廳環境闊落，有2人座位同4人座位，每個座位都有獨位電磁爐，每位食客可以享受一人一鍋。肉類有六種級別，分別LV.1星級牛肌腹、LV.2精選牛肩胛、LV.3阿古豚梅肉、LV.4極尚小牛排、LV.5 M7和牛、LV.6 A4霜降和牛。我地點咗LV.4極尚牛小排放題，所以我地可以品嚐哂LV.1至LV.4嘅肉類。一人一鍋可以自選湯底，我地點咗人氣博多豚骨濃湯同蟲草花雞白湯。餐廳有火鍋豉油同配料區、自助放題區有蔬菜、丸類、粉麵、豆腐等，另有果汁機、咖啡機、雪糕機，還有甜品區包括糯米糍、泡芙、啫喱等，提供非常多唔同種類嘅選擇。火鍋放題除咗唔同級別嘅肉類，仲可以任食海鮮、小食、炸物、飯等。我地點咗LV.1至LV.4嘅肉類、溫泉蛋、鴨血、海蝦、蟹籽墨魚滑等。推薦鴨血，質地細嫩，口感彈牙，好食。肉類方面，LV.2牛肩胛牛味非常濃郁，而LV.3豚梅肉肥瘦相間，味道唔錯，食落唔韌。左上 LV.1星级牛肌腹右上 LV.2精選牛肩胛左下LV.3阿古豚梅肉右下 LV.4極尚牛小排整體而言，一人一火鍋選擇多，配料款式多，肉類味道唔錯，值得一試。…查看更多

今日同朋友出咗尖沙咀，想食水門雞，發現原來尖沙咀有2間水門雞飯，只相隔一條街，最後我地去咗厚福街分店。店內有多張枱，主要4人枱同6人枱，空間闊落舒服。我地點咗2份午餐（水門雞飯、冬蔭公湯雞絲湯粉），2份小食（泰式腩仔、馬拉盞肉醬芥蘭苗），1份甜品（斑蘭大菜糕），2杯飲品（泰式奶茶、泰式鴛鴦）。水門雞飯 $62水門雞飯餐包有一碗湯同泰式醬，午餐仲包1杯飲品。水門雞份量都幾多，雞肉夠嫩，點埋泰式醬食好惹味。冬蔭公湯雞絲金邊粉 $60泰式辣雞絲湯粉午餐可以加$6轉冬蔭公湯，湯粉有河粉、米粉、金邊粉等選擇，我點咗金邊粉，份量好多，冬蔭公湯底味道正宗，小辣，夠惹味，雞肉唔韌，配搭冬蔭公湯好夾。馬拉盞肉醬芥蘭苗 $24午餐可以加$24點一份芥蘭苗，芥蘭苗夠嫩，肉醬味道唔錯。泰式腩仔 $52腩仔炸得夠脆，肉質肥瘦各半，可以配搭醬汁食。斑蘭大菜糕 $321份甜品有3塊斑蘭大菜糕，每塊糕有2層，上層是斑蘭，下層是大菜糕，糕上面淋上椰醬，整體口感好夾，味道唔錯。泰式鴛鴦 (左)泰式奶茶 (右)…查看更多

今日同朋友出旺角，去咗御石燒食石燒牛。店鋪位於廣華街2-20號翠園大廈二期地下10號舖，距離旺角站E2出口8分鐘路程，非常方便。店鋪內有20個位，主要2人座位同4人座位，坐得舒適。御石燒嘅主食有好多款式，除咗有招牌石燒牛，仲有牛肉或豚肉丼、野菜鍋同定食。我地點咗一份御燒特級牛小排同一份御燒極上級黑松露吉列牛。另外可以加$22轉紫菜味素飯＋流心蛋＋麵豉湯/汽水。石燒牛送到餐桌後，店員會講介石燒嘅食法。座位上亦有石燒四部曲教學，先用油脂將石板塗滿油，再將肉放在石板上燒，最後沾上醬汁便可食用。御燒特級牛小排 $158石燒牛份量好足，牛小排薄薄一片，肉質肥瘦均勻，燒完多汁又唔油膩，配埋醬汁食好夾。御燒極上級黑松露吉列牛 $138每塊吉列牛都沾滿黑松露，肉質好軟嫩，肥而不膩，配上燒完好酥脆嘅黑松露，好食。整體來說，石燒牛份量足，味道唔錯，值得一試。…查看更多

今日天氣轉涼，同朋友出咗荃灣，經過國基集團中心，去咗4樓嘅六両三食台式火鍋。餐廳以木系風格為主，環境闊落舒適。六両三除咗台灣牛肉麵等台式美食，仲有台式火鍋一人一鍋套餐。火鍋套餐有3個湯底可以揀，配一份120g肉，一份台灣丸拼盤，一份雜菜盤同一份主食。除咗火鍋套餐，仲可以追加其他火鍋食材。我地點咗一個牛骨沙茶鍋套餐同一個藥膳麻辣鍋套餐。另外仲追加咗100g澳洲M7和牛後腿肉眼同2款台式飲品。餐廳仲有自助配料區。我地點咗3份肉，分別有澳洲M7和牛後腿肉(100g)、鹿兒島豚腩肉 (120g)、鹿兒島豚梅肉(120g)。豚腩肉肥而不膩，豚梅肉好大塊，食落一點都不韌。台灣丸同雜菜盤台灣丸有台灣燕餃、薑母鴨丸、鱈魚丸，味道唔錯。雜菜主要有高麗菜、金針菇、大甲芋頭、玉米同蒟蒻。我地點咗2杯小黑糖珍珠奶茶，珍珠夠煙韌，好飲。…查看更多

今日同朋友出咗尖沙咀，想買嘢飲，見附近Flash Coffee有做買一送一優惠，就去買咖啡。尖沙咀嘅Flash Coffee係天星碼頭，由海淘城行過去都要十幾分鐘。今次Flash Coffee期間限定DINOSAUR PARADE恐龍系列買一送一優惠。恐龍系列係Flash Coffee聯乘Milo嘅限定飲品。Flash Coffee可以揀咖啡杯size, 甜度同冰量。咖啡杯size有small size, regular size, large size。甜度有正常、半糖、無糖。我地點咗Milo Latte, regular size, less ice, regular sugar。價錢$40/杯，買一送一優惠平均$20/杯。Milo Latte飲落比較甜，飲完覺得口渴，但等到冰開始溶，味道啱啱好，唔會太甜。整體來說，flash coffee味道不過不失，價錢略貴。…查看更多

今日同朋友出咗旺角兆萬中心嘅神戶屋日韓放題食晚餐，晚市放題每人$299，仲可以加錢升級大閘蟹放題套餐或海膽生蠔任食套餐。餐廳提供好多款式嘅食物同飲品，有沙律&前菜、炸物&天婦羅、即叫即做嘅和食料理、即叫即做嘅燒物、手握壽司/軍艦、卷物&迷你手卷、火炙/黑松露壽司、刺身、火鍋湯底及配料、即叫即做嘅麵類。入座即送期間限定嘅火鍋，我地點咗一個日本和牛壽喜燒，食完可以追加肉類，海鮮等火鍋配料。和牛壽喜燒好食，和牛唔韌，火鍋裡面仲有雞蛋同菜。我地食完仲點咗肥牛同生菜繼續打邊爐。另外入座仲送一大盤刺身拼盤，有三文魚、生蠔、甜蝦、海膽等多款刺身，好豐富。我地另外點咗手握壽司同卷物，火炙沙律燒三文魚腩壽司好食，花之戀口感豐富，牛油果軟蟹卷同芝士鰻魚卷味道都唔錯。我地仲點咗唔同種類嘅炸物，有海苔多春魚天婦羅、松葉蟹棒天婦羅、海老天婦羅、吉列廣島蠔，仲有日本香芋丸同韓國炸鮮奶都幾好食。燒物點咗日式汁燒雞肉串，鹽燒青魚同燒扇貝，鯖魚同扇貝都好大份，味道唔錯。最後一定唔可以錯過甜品，有牛乳奶凍、雪糕杯、韓國雪條、雪米磁、泡芙，超多款式，仲有馬卡龍同甜品杯，好睇又好食。…查看更多

今日同朋友出咗尖沙咀，去咗鮨石食omakase。入到餐廳，環境好舒適，裡面有9個座位。我地一邊品嘗日本料理，一邊欣賞師傅為我們準備食材，仲見到師傅即剖秋刀魚，真係味覺同視覺嘅雙重享受。師傅處理唔同食材嘅時候仲會用唔同嘅砧板，非常注重食物衛生。前菜係北海道長崎縣蝦搭配無花果和蛋黃醬，口感豐富，蝦肉鮮嫩，無花果嘅甜味同蛋黃醬嘅濃郁相互襯托。明石八爪魚，食落好有嚼勁，非常爽口。北海道帆立貝好大粒，食落又甜又脆，讓人回味無窮。白籽係一道養顏的日式料理，富含維他命B和E，口感好creamy，底部還有一層海帶，夾埋白籽一齊食可以中和白籽味道。磯煮鮑魚鮮嫩嘅鮑魚同鮮甜香濃嘅醬汁非常夾。香箱蟹、燒賣和俄羅斯魚籽醬嘅組合係一個令人驚艷嘅創意。師傅將不同嘅食材完美地融合在一起，味道好驚喜。炸秋刀魚外脆內軟，非常好味。(左上) 海膽拖羅壽司(右上) 赤貝壽司(左中) 鯖魚壽司鯖魚無醋漬過，保留咗鯖魚自然的鮮味，食落有一種清爽的口感。(右中) 炙燒銀雪魚壽司銀雪魚的鮮嫩同炙燒嘅香氣互相融合，好食。(左下) 池魚壽司(右下) 拖羅壽司北海道海膽口感豐富，味道濃郁，令人回味無窮。湯品係濃郁嘅麵豉湯，飲完肚暖笠笠。最後，甜品係焦糖番薯配焙茶雪糕，香脆又甜嘅番薯配搭濃郁焙茶味嘅雪糕味道一流。整體黎講，所有菜式味道很好，食材新鮮而且食物賣相好靚，係高質嘅omakase，值得一試。…查看更多