店鋪位於廣華街2-20號翠園大廈二期地下10號舖，距離旺角站E2出口8分鐘路程，非常方便。店鋪內有20個位，主要2人座位同4人座位，坐得舒適。
御石燒嘅主食有好多款式，除咗有招牌石燒牛，仲有牛肉或豚肉丼、野菜鍋同定食。
我地點咗一份御燒特級牛小排同一份御燒極上級黑松露吉列牛。另外可以加$22轉紫菜味素飯＋流心蛋＋麵豉湯/汽水。
石燒牛送到餐桌後，店員會講介石燒嘅食法。座位上亦有石燒四部曲教學，先用油脂將石板塗滿油，再將肉放在石板上燒，最後沾上醬汁便可食用。
御燒特級牛小排 $158
石燒牛份量好足，牛小排薄薄一片，肉質肥瘦均勻，燒完多汁又唔油膩，配埋醬汁食好夾。
御燒極上級黑松露吉列牛 $138
每塊吉列牛都沾滿黑松露，肉質好軟嫩，肥而不膩，配上燒完好酥脆嘅黑松露，好食。
整體來說，石燒牛份量足，味道唔錯，值得一試。
