chuishancherrie's Profile

睇住上手麵包店開業不久就做唔住。而家由呢間「老虎烘焙」頂手，沿用舊裝修，如果唔係店員姐姐門口介紹，都可能唔會留意到。而家新店，每日都有不同款式新鮮出爐麵包 ，店員姐姐熱情招待，每次去都介紹唔同麵包。店內麵包，見到不同顏色麵包已經好吸引，而且仲有好多唔同特色麵包選擇。例如: 手打芋泥軟飲包紅酒藍苺乳酪軟歐包黑糖香橙朱古力軟歐包雑糧裸麥抹茶無花果軟歐包紅莓果皮軟歐包店員介紹紅莓果皮乳酪包，攞上手好有份量感，只係$30！回家一切開，竟然係一大片乳酪餡料，麵包又鬆軟，仲夾雜有一啲果肉，大滿足！而家仲可以買半個，可以試多幾個唔同款式！再試咗紅酒藍苺乳酪軟歐包，酒味比較重，對比乳酪包乳酪就會少D，但係酒味比較香，同樣好好味！另外自家製嘅芋泥酥同曲奇同樣出色。…Read More

中咗伏😆😆見食評好似幾好，決定OpenRice 訂位試吓！雖然係公眾假期時間，但網上booking 仍然有好多位時段選擇。去到7:30， 但餐廳只係開了一邊，只有一半位置有大約7-8成客，另外一邊完全冇客。😳點了C餐，有涮涮鍋+燒肉，亦可以出自助區攞沙律、甜品、熟食、飲品。自助式落嚟單，選擇都算幾多，坐低咗就先有一盤牛肉送上，賣相都唔錯。而整體食物就係有賣相嘅，但係牛肉嘅質素就唔係幾好啦👎，無論係涮涮鍋，還是燒肉，都無乜牛肉味，而且好鞋又un，如果係以牛肉為賣點嘅餐廳，真係唔合格怪不得紅日都能夠即日booking 到位！😆😆…Read More

環境是整潔舒服，食物味道中規中矩，份量亦足夠，上菜速度尚算快，擺盤亦很靚。但是服務方面真係有待改進！位於時代廣場食通天，都算屬於有中上質素餐廳，但服務態度比預期有落差，失望。分別幾位過嚟嘅待應都係無乜笑容，而且說話唔太友善又無乜尾音。我經OpenRice apps booking ,進餐日下午亦電話confirm booking ，服務員了解到備注欄係生日慶祝🎂🎂，主動提議可order 定蛋糕及可寫祝福語，當時亦即時order咗。過咗一陣，我突然電話收到訊息話我booking 被取消，我要自己再打電話到餐廳了解，才知道話係餐廳自己㩒錯咗，booking 係仍然有。😆😆😆Booking 8pm ，當食到約9pm左右，食物都未食晒，只食到一半，男待應巳經好似好急咁，分別過嚟問了兩次係咪巳經食物到齊？我告知巳order 的甜品未上，佢表示會跟進！男待應轉頭又再過嚟，完全無預告下，突然巳經帶埋信用卡咭機過嚟要求我哋埋單！:(其實真係好打擾用餐！我再表示甜品未到，之前Req咗寫字。個男待應表示可以order甜品 !男待應轉頭又再過嚟，佢望一望手錶⌚️，話甜品可以上，但唔可以寫字。🙅🏻‍♀️🙅🏻‍♀️🙄😧真係即刻著咗🔥，問返佢咁我下午電話已經order 嘅，仲要俾埋要寫嘅字，而家咁情況係乜嘢意思呢？🤯男侍應先再問我，即係下午已order 咗寫字? 我表示係，仲要俾埋要寫嘅字，佢先再去check 話係有，原來巳經準備好咗，咁點解唔係check 清楚先答覆客人呢？不斷嘅打擾，只顧要趕收錢，趕收工，乜嘢都有甩漏真係燥咗？😡😡…Read More

以前隱藏喺未裝修前啟田街市入邊，都已經好多人入去食，不過地方就會比較狹窄，地方濕滑，通風系統比較差，夏天時更加要一路食一路流汗，就算係咁，都係營業多年嘅泰式粉麵。街市重新裝修後，以為唔再開，點知原來小店搬到街市對面，店舖重新營業，隱藏在大廈巷仔內，環境雖然都唔算太好，但都設有座位，通風較以前好D，就好似坐喺路邊泰式大排檔咁，都幾有風味。小店以往最出名泰式炸鹹肉，仍然有賣，每日新鮮即炸，放喺店面見到都覺得脆卜卜！裝修後，價錢比之前有所提升，湯底亦好似較以往淡D。…Read More

第一次去食午餐，就已經一肚火，真係以後唔會再去！有負分，我係會俾負分😡😡😡😡😡😡😡5位一齊去到攞位，門口阿姐問齊人未，我哋話已齊，咁就入去坐底啦，有3個就要去門口先食煙，行返出去。兩個先睇食乜，隔咗一分鐘左右，點知有個阿姐話我哋只有兩個人，要我哋出去再攞位，我哋話頭先入咗嚟啦，行咗出去食煙咋。點知每隔1-2分鐘，D阿姐就輪流過嚟大聲夾惡話唔齊人，再講只係喺出面食煙，D阿姐連續嚟咗三次，怕咗D阿姐，出去叫三個返入嚟，但人哋口煙都食到未有一半入唔到嚟，咁就先叫5個餐，喺入面嗰個朋友話，我出咗去揾人，D阿姐又連續環嚟話幾次，叫完餐仲有阿姐過嚟嘈，話得2個人，我哋話餐都叫埋啦，仲想點呀！前前後後D阿姐起碼大聲夾惡話唔夠人，超過6次以上！食餐飯都要鬧交咁，不停係咪挑戰底線。…Read More

明明叫2客都係烤牛肉湯檬，但唔明點解要分兩段時間上（都相差大約8-10mins)。一個檬粉先嚟到，又唔知點解同之後嚟嗰個好大分別，先到一碗分量望落好似多一半咁，但其實係好似浸咗一段時間發脹咗咁嘅！😖首先講吓個湯底，仲衰過屋企自己煮！😡😡湯底兩個都完全無味道，亦未有越南粉都會有配上的芽菜、辣椒、青檸、香葉！🤔🤔桌面上有D汁料，而落完旁邊汁料都係可以叫有小小味道嘅。但作為越南湯粉，湯底係非常重要，亦可以講係靈魂所在，呢個真係我食咁多越南菜之中，完全失敗之作，亦係唯一最差。😖烤牛肉份量算多，味道可以的，但唔明點解味道似韓式燒肉腌製！另外俾錢追加嘅春卷，只有短小兩件 ，無乜餡料，但生菜反而新鮮爽甜，係唯一驚喜！講真，午餐價格已經不是親民價，每人都要平均$110/位。平時已經話隔離「越式」每況愈下，估唔到新店都可以低處未見底。😤😤…Read More

垃圾食店，如果可以俾負分，我會俾負分！價錢貴，阿姐態度惡劣！😡食品已經不是好食及出色！最重要係D阿姐態度惡劣,門外叫咗幾個小食，同佢講咗喺店內食麵，😡😡😡個阿姐只係不停同你講俾錢先、俾錢先！然後阿姐點都唔肯攞埋個小食入去店內，係咁話自己攞、你自己攞，一定要個客人自己攞入店！喂，你呢度食三餸個小食$30，叫個麵，只係二餸一麵都要$36㗎！一個餸亦要$10，但又只係得嗰幾件，地方又唔係乾淨同坐得舒服。隔離枱有2個人，叫咗小食入店坐底食，點知D阿姐就以呼喝聲缐話，「你唔係叫麵㗎咩？」個客話唔食麵，只食小食。幾個阿姐就一齊又呼呼喝喝話「你話叫麺先俾你入嚟坐，你唔夠數唔可以喺度坐呀！」仲話要學人有最低消費$30/位。所以點解店內得小貓三四隻，真係祝你以後生意興隆！…Read More

以前一直都有家的感覺🏠，食物好好味，而且價格亦合理，經理真的服務亦非常到位，同每位客人很談笑風生，很易令到客人想再來，好值得讚賞。👍👍今天再次到訪，店舖從新裝修，原來已經被易手，價錢亦即時真係升幾倍！😱😱以前$62可以食到午餐（不收加一），現在同以前一樣份量，但價錢就跳升到分別係$88/$108/$138（仲要加一茶介），即係埋單要$108-$152！老實講，食材係新鮮，但餸菜份量差不多，而又未見特別比以前出色咗喎，點解我要俾貴一倍價錢去食先？😒😒今天經理仍然在鎮店，服務仍是出色，但是現在價格之高，經理再努力亦很難留得住客人！😔😔…Read More

最初開時，食物水準是藍田區內比較不錯嘅食店。但隨著擴大店面及開分店後，食物質素就越來越差。👎👎👎今日食個早餐，蕃茄牛肉通粉，蕃茄湯淡如水，D牛肉乸到變成豬肉咁嘅色之外，仲要完全沒有味道又硬到咬唔開😡😡，極之過份，最後成碟通粉係食剩三份二。…Read More

見食評不錯,放假就去試吓！點左四個餐,首3個上枱都冇特別大問題,賣相亦都可以！但味道正常，未見好突出。點知去到第4分就出事啦，蒜香帶子意粉一上枱，已經見到帶子係好奇怪嘅透明色🧐🧐，咬落去竟然係膠感，亦冇任何味道，太過份啦，蒜香帶子意粉嘅「帶子」，係「假」帶子!😤😤😤😤用手㯲落去更加不會散開，完全係麵份做。叫侍應過來，同佢講啲帶子有問題，竟然係問「係乜問題呢？係咪唔夠大隻？」😑😑，同佢講:「就算細隻都唔係問題，而係咬落去係好似食膠咁，係假帶子啊」即時用手再㯲落去帶子度俾佢睇，呢個時候，再有個女侍應行埋嚟，見到先就話換過一個俾我哋！仲夠膽收70幾蚊一個意粉換過另外一個卡邦尼意粉過嚟，又係淡而無味！最後食咗一半都放棄!而羅宋湯就更只係得個辣味!最後只可以講一句，喺呢度係唔可以叫西餐食品，亦更加唔會再去。…Read More

早前在同一大廈午餐，見到呢間新餐廳貼咗宣傳餐單，價格都係親民價，而且新張期內仲有9拆。今天就去試試新野！下午大約2:15pm上到去，一枱客都無，可能仍然是新開，未有太多人知道。仲心諗「會唔會中伏？」，算啦，都上到去即管試試。點左星加坡海南雞飯，一上枱真係嚇一跳，份量一D都唔少，仲有跟老火湯同油菜。食第一啖海南雞，又幾肥美又香滑喎！不過就略嫌雞油飯未夠香。老火湯係紅蘿蔔豬骨湯，又真係唔味精喎！油菜份量都幾多，其實一碟都夠兩個人食。坐位大部都用卡位相隔，坐得好舒服，如果多人，見到都有幾間VIP room 俾人客夜晚打邊爐。整體而言，都算平靚正之選，可以又多個午餐地方選擇。…Read More

見食評唔錯，放假入梅窩渡假，就去試試。建議大家如果要食就叫套餐好啦，唔好散叫海鮮！😐散叫一斤白灼蝦要成$300/斤（係平時街市靚蝦3倍價錢），蟹係$240/斤， 見我哋話貴就話$280/斤蝦俾我哋， 講得好聽話係海蝦，最後都叫了1斤半試食，結果上菜D蝦一半大一半細溝埋一碟，差別大，一碟蝦已經要$480，又唔覺特別鮮味好食吖！😩8-10人套餐嘅椒鹽瀨尿蝦，上菜就只得六隻，一人一隻都無！😩辣酒煮花螺，落酒太多，只有一陣酒味，完全無其他味道😑。我哋叫咗$788（8-10人套餐），另外加咗一個炒飯、一個炒麵、一斤半白灼蝦、一碗蠔仔泡飯，一個辣洒煮花螺、12支酒水，埋單竟然係要$1900。😵😵雖然唔係叫好貴，但今次大人6個，4個小朋友，都要加菜先叫啱啱飽，如果全部大人，套餐一定唔夠食！…Read More

見食評不錯，一心去試。星期日，幾個家庭一行10人，大約1pm到達。地方不大，見地下有2張吉枱，向女店員表示人數，點知她態度不禮貌亦不友善直接表示唔接待。咁嘅服務態度，日後亦唔會再考慮去試。…Read More

本地人帶路，去到住宅區內小巷宵夜！12am左右去到,已經好肚餓，阿姐話等5-10mins，點知等咗成25mins！:(其實枱與枱之間無乜空間，坐得較迫！環境衛生亦一般。一坐底即刻點差不多每枱都店嘅骨煲！另外點咗蒸奄仔蟹、椒鹽屎蝦、豉椒花甲、仲有雜菜係放骨煲內食嘅！骨煲用大瓦煲上，份量都好足！先飲咗啖湯低試試，好香胡椒味，之後朋友推介骨要用飲管去吸啜，先有風味！真係好輕易就可放入去骨內，就吸到內裡精華！澳門出名食奄仔蟹，蟹膏都不算少，不需花巧，只係清蒸的確已經好鮮味！椒鹽屎蝦炒得好夠亁身，又入味！仲帶點豉油咸香味！好味！花甲未知係咪澳門出名，但都算大隻肥美，豉椒汁同香港口味有D分別，係帶小小甜嘅，不過都好野味！…Read More

喺氹仔呢邊酒店區，要揾到價錢較低，又好味嘅食店，真係比較難！好彩有百老匯酒店的出現，酒店旁邊嘅大街，引入了不同澳門半島出名嘅食店&車仔檔，喺呢度開分店！而且大部分營業時間到凌晨兩至三點，可以多個宵夜好地方。坐底後,環顧四週都掛上老店的介紹，以及不同報章，食家的報導！點咗以下3款小食，除咗食物有賣相外，味道亦好美味！馳名牛雜-一放入口，同平時食到嘅好唔同，食到有一陣原始嘅牛味，好有住家風味，但份量就較少，只有約茶杯碟咁大份量！但牛雜配合黃介辣齊食，真係絕配。淨魚球-一口咬下，魚肉香滑鬆軟，亦不腥，平時唔喜歡食魚肉嘅我，都忍不住食咗幾件。鴨紅菜-鴨紅估唔到咁滑，好似食豆腐花嘅感覺！另外好欣賞，店中自家製辣椒油，辣度適中，但同時間食到蒜香味，喺口中散發著香味！…Read More