alilys's Profile

係下白泥睇完日落, 搭小巴去流浮山食海鮮.明記算係個條海鮮街既中間位置.要食海鮮就要先到佢隔離間雄記海鮮買左料先.幫我地稱海鮮個個叔叔都幾好人, 我地話想要4隻扇貝, 佢就建議我地要2隻, 怕我地食唔晒.最後叫左1.上湯焗大蝦(6隻)加伊麵.蝦都大隻, 不過味就普通, 個味好平淡. 無咩層次, 就好似係豉油味咁. 個伊麵都係咁既味. 伊麵質地唔錯, 都好多, 不過個味就真係PLAN 左d.2. 蒜蓉粉絲扇貝呢個好好味, 扇貝好大粒, 蒸得剛剛好, 蒜蓉係爆過所以好香口, 粉絲索晒鮮味, 正! 如果粉絲再多D 就好.3.炸蠔原本想食薑葱蠔, 不過海鮮呀叔話依家D 蠔唔夠肥, 11-12月黎先好食薑葱蠔, 依家想食蠔食炸. 呀叔講得無錯. D 蠔唔夠肥, 少左種香味, 炸左都食得出. 不過個炸漿做得唔錯, 炸得幾好, 唔覺油.4. 鼓椒蟶子味道可以其實OK, D蟶子都唔老唔UN. 不過就唔夠鑊氣. 好似一個汁撈蟶子, 多過炒.送左個海鮮豆腐湯, 都OK, 味唔錯. 最後仲有碟橙.我地一路食, 其實都唔知要俾幾錢, 最後埋單先知, D 海鮮總數299, 加工費共200 (應該係每樣50). 夾埋其他野, ~540. 食海鮮又唔算貴, 不過又唔算整得好好食. 回頭機會微.. …Read More

好彩有人預早(5:15) 攞定籌, 謝謝! ^3^6:00就有得入.如果放工時間先黎攞就會差好遠, 一定唔只等45 min.終於入座, 限時90分鐘.餐牌有2本, 一本係drink list, 一本係野食, 其實選擇唔多.仲夏熱帶水果茶$48(一冰一熱). 凱撒沙拉 $65, 甜蜜派對蜜糖吐司 (酥脆) $95, 佛羅倫斯花枝干貝麵 $95先黎仲夏熱帶水果茶(冰), 中伏, 第一啖飲落去係咸咸地. 仲叫左一冷一熱. 早知試左一柸先. 除左咸咸地, 仲有少少鹼性既感覺, 朋友話可能係茶太澀. 味唔討好, 而且所謂既仲夏水果就係橙同蘋果?凍個柸唔得, 熱個柸反而好好多, 係甜左d. 不過都唔可以話好好飲. 因為凍個柸唔夠甜, 熱個柸甜左d, 我地mix 左2個黎飲先好d.但一柸值$48 既野飲其實屬於好差=.=飲左柸又貴又難飲既野, 有d 失望. 之後黎佛羅倫斯花枝干貝麵, 好彩野食好好多. 個干貝麵好好味, 有干貝既鮮味, 而且意粉質感挺身彈牙. 好食, 唯獨係太細碟, 2個人share, 每人分得2啖.凱撒沙拉, 菜好新鮮, 芝士粉同煙肉味配合得好好, 雞排個味都好食. 不過都係好細碟.最後, 係後上既甜蜜派對蜜糖吐司 (酥脆), 侍應會放低俾你拍照, 可以既時候就叫佢地幫你切. 佢地一路切會一路介紹個吐司. 個吐司好味亦好似我地選既一樣酥脆, 沾著吉士醬同雪糕, 好好味. 入面個6條麵包磚好鬆脆, 但個外殼就軟身左d.總括黎講, 服務幾好, 好nice. 野食係好食. 野飲(至少係我地叫個柸)好失望. 野食偏貴同細碟. 食完都唔覺得飽.........朝聖都係只此一次. 試過就算. 相比同樣是人氣既台式CAFE咖啡弄, 雖然都係偏貴, 但會想再去食. 呢間就真係一次就夠. …Read More

今日諗住去下白泥, 午餐就到元朗食.12點半開門, 12點15分已經有人係出面等. 準時有得坐. 不過D 呀姐仲打緊牙絞. 你有你舉手, 佢有佢地吹水. 等多一陣, 終於落到單, 不過呀姐同你講, 落左單都要等3-4個字.本來叫左芒果河粉.不過等左大約10分鐘先話俾我地知今日無. 咁就轉B仔船啦.小食黎得快好多, 因為做野個個應該唔係呀姐, 似係菲律賓人. 睇佢摩打手咁整, 好快整左好多碟腸粉呀, 雞翼尖, etc. 不過無人幫佢攞去檯. 過多陣, 佢都頂唔順, 唔等d 姐姐, 自己送去俾d 客, 見佢真係6-8 碟咁攞.雞翼尖好多, 亦好野味, 有d 蒜蓉味, 少少辣. 呢個好味亦抵食($14)腸粉$7 有4條, 味道唔錯. 夠爽滑. 醬汁亦好味.等左3個字又3個字既B 仔船終於駛到黎. 食完小食就會覺得呢個甜品唔抵. $47 一條B 仔船. 其實就好似生果拼盤加球雲呢拿雪糕. 唔特別, 味道就係正常生果味囉, 自己係屋企都整到.…Read More

入到赤柱, 大概4:30, 因為無book 檯既關係, 我地又無食lunch, 所以去King Ludwig Beerhall 食個早飯. 聽到有個家庭想book 夜晚食飯, 侍應己經話今晚full 晒無得book. 證明我地既決定無錯. 4點幾5點有好多位, 可以選坐出面定入面.太陽已經唔猛烈, 又有d 風, 決定坐出面欣賞海景.農夫包一個$25, 一個醬(牛仔肝醬or 芝士醬)$15. 但佢有個set $40 有農夫包連2個醬.農夫包上檯既時候係微暖, 算鬆軟唔un. 不過再熱d 會好d. 點牛仔肝醬或芝士醬都好味. 不過牛仔肝醬會香d.德國麵包圈 $38, 佢menu 寫一個, 不過佢黎係一份2個.德國麵包圈黎既時候係室溫, 好軟熟. 個人覺得農夫包好食d.豬手($215)等左好耐, 差唔多9個字, 吹佢佢話再要等多3分鐘. 上檯既時係熱辣辣, 侍應仲問我地切之前使唔使影張相. 咁當然好啦.切好啦, d 皮好脆, 入口鬆化, d 肉有少少得意, 一絲絲, 不過係嫩滑既. 而佢係豬手唔係好咸, 皮脆肉嫩, 墊底既酸菜只係微酸, 開胃得黎又易入口. 伴菜既薯仔香口好味. 不過已經好飽, 所以都食唔晒.…Read More

行完海邊, 念住睇下佢收左未, 見佢8點先收(個陣已經7:45), 當然要試下.環境幾好, 幾舒服, 而且差唔多收, 所以好少人.叫左士多啤梨新地.waffle 係即做, 出黎個賣相好靚, 不過一入口, 好甜, 真係好甜, 太甜.個皮係好脆, 入面個涵厚實, 仲一層層, 講真質感非常好.但係, 真係甜到漏, 個種甜既程度係令你覺得面個球雪糕係唔甜, 個waffle 要溝住d 無咁甜(相對)既雪糕先食得落.可能係我地太唔食到咁甜既甜品.…Read More

去親SUPER SANDWICH 食早餐, 9成都係食自選,以前佢會SHOW 晒自選有咩CHOICES, 不過依家水牌就無左自選呢個項目, 不過就仲有得叫.我念唔食開就唔會叫得到. 因為自選真係最抵.$32 有2個CHOICE,$36 有3個CHOICE每款大部分都係打孖上, 好似腸仔有2條, 火腿有2塊. 如果睇佢水牌上面個d 款, 就得一條or 一執.佢有好多款腸仔, 好似早餐腸(白色, 重胡椒味), 煙豬肉腸(深紅色,偏咸), 我最喜歡都係法蘭克福腸, 粗身, 無咁咸.蜜味火腿, 煎得乾身, 有少少甜味, 幾好味.炒蛋今日炒得幾嫩滑, 加埋少少鹽同黑胡椒, 正!佢既熱檸水係要自己搾汁, 不過都有成1/4 個檸檬.…Read More

有一排無黎過銀龍食早餐, 係尖沙咀食早餐, 佢既價錢都算合理.$24 一個單拼湯粉麵跟野飲, $27就雙拼. 加$5 有牛油厚多士. $6 有腸仔蛋一碟.我地叫左2個沙嗲牛米, 加牛油厚多士 同腸仔蛋 share.沙嗲牛米味道正常,茶餐廳口味. 份量算多, 夠味又夠多牛肉.牛油厚多士, 係全塊(2件), 如果唔係share, 食個麵再加一份厚多, 都幾飽.牛油係佢地搽左, 都搽得幾平均, 夠牛油味.而且熱辣辣食, 好味腸仔蛋就好油, 好似油浸咁, 好彩桌上有提供紙巾, 真係要索左d 油先好食......柚子蜜好夠味, 我仲覺得甜左d, 溝多d 水先飲加呢樣加個樣都係$29.5 一個人, 算好多野食, 飽飽咁離開.…Read More

行街行開K11, 因為朝早未飲咖啡, 對於上左咖啡癮既人黎講好辛苦. 所以周圍搵咖啡飲.一見到Agnes b, 即刻走入去買返柸咖啡叉電外賣左柸black coffee, 盛惠$33. 店員見到我地睇水牌, 想招呼我地坐低. 我地示意想外賣, 佢都即刻主動走黎收錢, 服務唔錯.不過佢既black coffee 唔夠香, 咁又唔太酸同苦, 不過真係細柸左d. 有成1/3 柸既空位. 就算要留位加奶都唔使咁多位掛....$33, 我會覺得starbucks or pacific 既americano 好味d.…Read More

尖沙咀既kfc唔多人, 晚飯時間黎更悠閒. 大概只有3-4成滿.帶左優惠卷黎, 叫左最抵個個餐有蜜蜜燒雞翼x2, 家鄉雞x2, 巴辣香雞翼x4, 蘑菇飯(大), 白汁雞皇飯(大) & 粟米 x2.最愛蜜蜜燒雞翼, 蜜汁味夠, 皮脆肉嫩, 好味又夠大隻.家鄉雞就比較熱氣, 都係搣左層皮先食.巴辣香雞翼就同家鄉雞差唔多啦, 係位置唔同.食左好多年kfc, 覺得佢最唔掂係d 飯, 雖然係熱, 但係又硬又一堆堆, 佢個膠盒一直焗住個飯, 更加唔好食. D 汁都係麻麻, 其實都只係咸味同胡椒味, 好plan.呢個餐真係抵, $69 咁多野食, 叫個一人餐都成$3X-$40, 得一個飯, 加件雞. …Read More

有人請食帝苑既CAKE, 心情非常之好.2個人, 總共食左4件甜品, 好滿足, 而且無想像中咁漏.佢第一次試fine foods 既cake, 而我只係食過一次都係人地請既拿破崙.穩陣起建, 一定選返好好食既拿破崙.同第一次食到既拿破崙一樣, 皮十分之脆, 而且酥香味美, 佢既吉士醬唔算好甜, 不過如果少D D 仲好, 士多啤梨都算甜, 好味!第二件選人氣極高既青蘋果芝士蛋糕. 外表精緻, 非常吸睛. 外面係白朱古力, 而入面就係甜甜酸酸既cream cheese, 而cheese 既下面有蘋果肉, 酸酸地, 無咁漏, cheese 上面既脆粒就有d 牛油香, 唔錯. 不過佢表層既白朱古力就太甜, 可能我地對白朱古力麻麻啦, 最後食晒d 涵, 剩返個殼.第三件係白桃柸. 上面2片白桃好香好甜. Jelly蓉既質感好實在, 雖然係蓉, 但係唔鬆散. 中間有層應該係奶凍, 因為唔鍾意食奶, 所以skip 左. 最下面個層就係完整既jelly.最後係芒果mousse cake: 外面有macaroon包圍, 食唔出係咩味, 不過唔係好甜, 比起平時食到既macaroon 易入口. Mousse 好香芒果味, 都係唔太甜, 而且夠軟滑, 中間既底層係朱古力味又有少少脆脆既蛋糕. 應該係dark chocolate, 因為有少少苦味. 不過係易入口既.食完4件, 各有特色, 不過最愛都係拿破崙, 而青蘋果如果係自己俾錢應該就唔會買, 因為太多地方唔食, 好浪費….. …Read More

一向都好喜歡Starbucks 既餅食, scone 係其中一個至愛. 今日買左個blueberry scone. 佢既scone 好鬆, 焗熱左仲外脆內鬆軟. 而且入面既blueberry 都唔少, 酸酸甜甜, 減少左膩既感覺.無論做tea, 早餐定宵夜都一流!…Read More

好耐之前(係佢未搬之前)黎過一次, 今次再黎食過. 感覺搬左之後環境好好多, 無以前咁迫, 整齊清潔左. 不過佢個位置就比以前更唔顯眼.2個人叫左6樣野, 真係好大食本來想叫蒜蓉象拔蚌, 但係呀姐話無象拔蚌同蟶子. 唯有叫第二樣1. 響螺湯 ($33) - 藥材味夠而且係好飲既藥材味. 料都算多, 有冬菇, 圓肉, 響螺片, 杞子, 淮山等. 都算甜, 不過響螺既鮮味略嫌差少少.蒜蓉包 - 唔知跟邊樣野黎既蒜蓉包 , 好好味. 牛油好足, 而且蒜蓉味好香. 包夠鬆脆.2. 中蝦雜果沙律 ($58) - 上面有一隻中蝦, 入面有哈蜜瓜, 蘋果, 火龍果 等等, 面頭有芒果汁. 食得到有D 生果未熟, 有D 酸, 幸好有芒果汁平衡返. 不過$58食生果粒, 可叫可唔叫.3. 海鮮焗飯 ($88?) - 見好多人叫, 所以叫埋一份. Ummmm....呢個同普通食到既焗海鮮飯差唔多,上面既海鮮比一般大, 不過味雖然唔差,但無咩特別.4. 白酒煮藍青口 ($98) - 藍青口個殼好大, 不過入面既肉就縮到好細. 肉都算嫩, 只係縮水得比較緊要.5. 蒜蓉粉絲蒸元貝($86 -3隻)- 好好味, 元貝鮮甜, 加上蒜蓉粉絲索晒元貝既精華, 撈飯一流!6.籠仔蒜蓉蒸白菜仔($48) - 一上檯, 比佢打左個凸, 好大籠, 算係好多菜, 而上面既金黃色蒜蓉同豉油令d 白菜仔生色不少. 好好味, 而且d 菜好滑.overall 佢d野都幾大碟(除左斷隻計個d), 食到好飽. 而且佢唔使加一. 幾好.…Read More

見到openrice 既食評上面好吸引既海鮮相, 又有得用tablemap book 位, 就book 左去試.原本book 左6:15, 當日佢打黎話佢開7:15, 所以改左時間.準時去到, 得我地一檯客, 到走都係得我地一檯客, 可能係地點問題.去到先知有d 海鮮要預定先有, 如鮑魚. 咁我地唯有叫有貨個d.檯上面有調味料俾客人自己調味：孜然粉, 辣粉, 味鹽, 胡椒粉, 黑椒蜆- 好味, 好新鮮元貝-ok雞亦- 感覺本身佢就乾身, 中下羊架- 好大件, 調味亦唔錯, 不過肥肉多過瘦肉, 可食到既部分唔多日本珍寶蠔- 好大隻, 同好有蠔味.火箭大魷魚-好味, 質感軟熟唔un.特大溫室菇 加 cheese -好香菇味, 加埋cheese, 味道一流 (店家幫我地燒埋);菠蘿- 唔夠熟, 都幾酸.厚切牛舌粒- 好大粒, 好軟熟, 正!豬頸肉-好好味, 好爽口雞腎- 好爽口, 味亦好好墨魚咀-無咩特別雞軟骨- 正常紫芋栗子薯餅- 炸得唔錯, 都幾好食…Read More

去完南生圍出返元朗市已經5點幾, 拖住疲憊既身軀, 要食返D 野recharge 返個人.一早念左呢間食西餐, 係西鐵站行過黎大約10分鐘左右.去到大約5:50分, 但佢開6點, 不過待應也好好的叫我地入去坐住等. 不過因為佢地7點已經fully booked, 所以7點前要交檯.佢應該有2個鋪位, 座位唔多, 我地坐個邊得14個位. 另外個邊應該都差唔多.佢有set dinner, 連餐湯或是日沙律同埋野飲. 不過其實佢主餐牌既所有主菜加$30都可以變餐. 最後我地叫左羊架 (紫蘇蜜糖醬)跟粗薯條 ($148). 同黑松露牛肝菌意大利飯 ($98). 兩個都加左$30 轉餐, 一個跟餐湯, 一個跟沙律.先黎麵包籃. 橙橙地色既麵包好香, 外脆內軟, 有微微的香草味, 配埋佢個酸酸地既沙律醬, 好醒胃. 麵包都好香脆, 不過味道就一般.今日既湯係大蒜薯仔湯. 大蒜味就唔覺, 不過湯夠濃亦有好多薯仔蓉. 而沙律smoked ham and corn. 沙律菜好新鮮, 上面有煙火腿粒 同粟米, 份量唔少, 而入面應該加左醋, 個味唔錯。主菜先黎黑松露牛肝菌意大利飯 , 個飯好香菇菌味, 意大利飯既口感唔錯, 剛剛食既時候咸味覺得剛好, 不過再食多幾啖就覺得味濃左d. 可能個飯都係濕左d. 汁太多, 易膩.羊架叫左7成熟, 出到黎都算差唔多, 而且煎得香口, 肉質算鬆軟帶有微微羶香. 肥油唔多, 有4件, 羊架黎講呢個都算有好多肉食到. 而佢個紫蘇蜜糖醬好好食. 甜甜地, 去左羊架既油膩感. 點薯條都好好味, 最後我地食晒個醬.餐茶叫個涷朱古力. 賣相同味道都好好. 朱古力味夠濃, 唔會太重奶味. 呢柸好味既涷朱把今日既元朗之旅劃上完美句號.…Read More

今日去元朗南生圍, 元朗咁多好野食, 當然要做資料搜集. 好耐無食過粥, 見呢間評價不錯, 所以就去試下.鋪頭唔算細, 但坐無虛席, 外面仲有好多人買外賣. 不過流量快, 好快就可以入坐. 可能今日天氣太好, 陽光好猛, 所以覺得鋪頭冷氣唔夠. 不過唔影響心情. 叫左一個碎牛粥, 一個豬潤粥 同鮮蝦腸粉.等左一陣就有得食, 佢個粥係鍋上, 感覺比第二度既粥大碗, 而且非常足料. 豬潤厚切同好多塊. 平常不吃豬潤的我, 試左半舊, 令我對豬潤改觀左 (可能我未食過好食既豬潤). 佢既豬潤好爽滑軟熟, 不是粉狀的質感. 粥底夠綿, 味道亦唔錯.我既碎牛粥的碎牛份量亦唔少, 爽滑得黎有牛味.腸粉既粉皮厚得黎夠滑, 蝦亦好大隻, $17 非常底食. 不過個腸粉豉油唔夠好味, 差左少少甜味.佢既定價唔貴, 而且足料好味, 有機會會再食 …Read More