NAANAAA's Profile

之前聽朋友同事介紹得多，講到d多士同公仔面有幾好食，野食好快賣哂同埋要等勁耐咁，搞到減緊肥架我都要冒住食完會重幾磅架風險去試下究竟咩料子。知道佢係開8:00，我同同事所以約8:00係果度等，諗住做第1枱食客啦，去到點知已經差吾多滿座得番3,4個位到，拿拿林坐低等叫野食。輪到我地落order架時候，老闆娘話要等45mins喎，我地異口同聲都話：ok!!我地order左奶醬多士同炒蛋芝士棷菜花生醬多士，大概25mins後奶醬多士來了!!原來吾洗炒蛋架多士會怏到d，非常好可以食住等可能本人見識少，真係未見過咁多奶醬架多士，自己係屋企整都吾會多成咁啦!多士係用麥包烘的，感覺上即刻健康番多士望落都覺得好脆，食落口都係好脆一路食d奶醬係多到滴出泥omg!再等多25mins到，炒蛋芝士棷菜花生醬多士到喇!!老闆娘提我地話如果想香口d可以加d黑椒粉，第1啖食落去其實都幾咸，因為未咬到d菜。當咬到d菜架時候完全中和番芝士架咸味，我地都專登淨係食左d芝士，發現原來d芝士係有麻油味架!!!而且食到淡淡架花生醬香味，果然好配搭。加左黑椒粉真係特別香口惹味，一定要加黑椒粉!!!呢個早餐絕對值得等咁耐，食完實在大滿足。…Read More

鍾情韓國菜架我食炸雞韓燒都真係食到厭厭地。咁岩見到開左間fusion架韓國菜，終於有時間會一會佢。呢間餐廳菜名特別都吾洗我多講，菜式種類多到有D花多眼亂，樣樣都好想試啊!但冇多個胃叫住4款先。三光寺的燃燈節泡菜湯年糕配紫菜粉絲卷，魚糕雪人形狀架年糕之前都見過，今之就第一次食，口感都係煙煙韌韌，魚糕好重面粉質感，紫菜粉絲卷最好食，略嫌湯吾夠熱。升上神仙臺係吾凍吾熱架五花腩一層肥一層瘦，雖然好邪惡但我吾怕入口係好淋，仲要好夠味!!真心一萬個推介如果在小每勿島上搭橋又係一萬個推介!!係西冷牛排雖然店員建議食5成熟，不過要就媽媽吾食咁生，所以都係叫7成。但上到枱佢塊白色板仲會keep住熱熟塊牛排，所以叫五成就岩，7成太熟。牛排煎得好香口，好濃牛味又淋，都算juicy，認真建議大家叫5成熟。向著月兒唱羌羌水月徠呢個其實係海鮮薯仔煎餅，炸得好脆，如果吾點則邊架酸甜汁其實冇乜味，海鮮係尤魚同蝦為主。食完咸野吾食甜野硬係掙d咁就叫多個韓式草莓刨冰啦賣相好可愛~草莓醬味道幾似士多啤梨味百力枝果浸朱古力味咁，仲有一杯仔草莓醬for你食到中間吾夠醬，好貼心。不過原來食到中間到係有d稀身架cream同好多士多啤梨係裹面!!超足料，好滿足啊…Read More

想試呢間果汁好耐，見佢落單存方式得得意意咁我揀在野莓(+$3),西柚，益力多 ($31)俾我驚喜係杯果汁係夠哂凍，果味仲好出好fresh，好多野莓同西柚味，而且仲飲到佢D纖維添，反而吾係好飲到益力多味。下次試下其他味先…Read More

吾知係咪天氣開始凍，人都懶左咁，決定要勤力d寫番食評先得。mk妹生日係咁問我幾時請佢食飯，佢又知我差吾多洗哂份糧架關係，就搵左呢間價錢親民架burger去試，幫我錫住個荷包真抵錫去到都算早，岩岩好仲有2個位剩吾洗等。睇睇餐牌，有成十多款burger可以選擇，仲有幾款意粉同小食，最後我揀左丹麥藍芝士漢堡($58)，mk妹就揀左經典芝士漢堡($55)我地都加左$18轉餐，可以跟薯條/薯格/沙律落單時明明講左2次定3次我個丹麥藍芝士漢堡跟沙律，最後出到泥都係調轉左個包一拎上手d肉汁勁流出泥!!真係急不及待要大大啖咬落去真係超超超juicy!!!仲juicy過百幾二百幾蚊果d burger牛肉味好濃郁而且好厚，加埋蕃茄同生菜，惹味得泥帶點fresh真心正。呢次係我第一次食藍芝士，原來係好"蘇"架，吾是我的菜。薯格好鬆脆，一d都冇油淋淋架感覺都冇!沙律都算新鮮，撈埋千島醬食好開胃超有水準架小店，下次試埋和牛漢堡先。…Read More

終於捱到星期五，一於約埋朋友食個正lunch先。午飯時間舖頭外已經擠滿哂人，偏偏就見吾到條隊尾所以我地都一於亂企算喇，雖然又熱又曬，但為左目睹同品嚐滑蛋架風采，熱同曬又算得係咩。等左差吾多半個鐘終於到我地喇!我地都係點左招牌菜-滑蛋叉燒飯滑蛋份量舖滿整碟飯，淨係望都感覺到佢有幾咁滑加埋豉油更加惹味!每啖滑蛋都佈滿住蛋汁外，都食到炒蛋架口感。叉燒雖然偏瘦，但食落口一d都吾硬仲食到表面陣蜜糖味添。蔥花絕對係必要的! 食到尾都仲有蛋伴住d飯，足料味道100分　…Read More

又泥到一星期一日架family day本身諗住食溫野菜，6點攞飛點知7點番去睇下叫到幾多都仲有成十幾張枱，唯有放棄嚕。失望中就搵下附近有咩好食，行過見到有蒲國菜，而且等3張枱，一於就食呢間啦！奉送餐包，烘暖左。馬介休薯球炸到外面脆一脆，裹面好軟熟，而且仲有好多馬介休，咸咸香香，食多兜都仲得。牛肋排係薄身果種，燒得好香口吾乾身，但係就吾知點解難咬斷咁，個汁冇乜味。薯條一上枱已經凍左，但都keep到脆身。個人認為冇咩必要就吾好點呢個蒜蓉炒什菜，餐牌寫蒜蓉但出到泥係蒜頭，炒得吾香，30幾蚊自己炒仲好食過佢呢度必點一定係葡國雞飯，葡汁夠哂香濃吾再講，咬第一口雞肉真係嘩出聲，雞肉好嫩好淋，如果葡汁再多d我實叫多個白飯燒春雞同樣燒得香口，雞肉冇我想像中嫩滑，但係都淋既，點埋隔離個蒜蓉醬更加惹味，辣辣地好刺激味蕾！…Read More

繁忙架工作和節奏急速架生活帶來勞碌同疲倦實在叫人抖不過氣來，今日一於約埋兩個舊同學泥餵飼一下神經。原來我地三個對上一次食飯已經係兩年前架事了，所以今晚要好好一聚。由於我呢個路痴落錯車係左旺角落關係，又要麻煩mk通教我點行去太子，所以最後去到餐廳大概七時多了，這個時候到達當然要等位，要等四張枱。等左半個鐘左右店員出來同我地講8:30 last order，佢地收9點，叫我地自己諗繼吾繼續等落去。都等左咁耐緊係繼續等啦！好彩店外有文青架裝潢可以影下相打發下時間。最後都8:15左右入座，店內架裝潢屬於文青類，唯獨是掛畫與其他裝飾有點格格不入。呢度架餐牌就只有一個，而且掛係牆上，較不方便。我地點左章魚秋葵茶漬飯，茶樹菇秋葵肉燥飯和黑松露什菌菇菇飯章魚秋葵茶漬飯-份量也太少了吧，飯偏壓身，章魚也只是淥熟就算，試左一啖飯覺得吾凍吾熱，味道亦都淡口，不是我的菜。朋友也說這飯簡單得不值這個價錢。茶樹菇秋葵肉燥丼-味道尚算濃郁，同樣飯偏硬身，肉燥不夠多，不足以拌勻全碗飯。黑松靈什菌菇菇飯-這飯味道是三個中最好，黑松露以及什菌份量頗多，芬香噗鼻。但係冇仼何醬汁，所以吃起來好乾好硬飲品都沒有什麼驚喜，花茶味道偏淡。凍蘋果茶蘋果味幾濃幾好飲。總括泥講，價錢偏貴，味道一般，吾值得花時間等咁耐，試一次就好，環境吾錯。餐飯餵吾餵詞到神經我就不予置評喇，但係同朋友一路食飯一路談天說地，笑下開心下，就是真正的神經餵飼了。…Read More

同事話想食糙米家，都知呢間lunch係要排好耐，不過Lunch time有個半鐘架關係就等下啦等左成40分鐘終於到我地喇!!好彩附近有supermarket可以hea下。我地4個人，等左咁耐店員都係叫我地分枱坐我地都係叫太陽蛋豬扒糙米飯($45)加多杯凍檸茶(+$4)個飯望落真係幾邪惡，大大塊豬扒加埋隻太陽蛋好吸引咁。滑溜架蛋黃汁包住每一粒飯，加上一啖超鬆軟且入味架豬扒，超正啊。唯獨是個飯本身冇汁，撈哂隻蛋黃之後就變得有d dry囉，側邊架棷菜都煮得太淋身。…Read More

其實都想試屋喔好耐架喇，細佬話陪我試就一於會會佢啦!7點零鐘去到都吾洗等位，正!睇左陣餐牌掙扎緊食牛肉麵好定肉燥飯好，見到隔離枱個肉燥飯好得意咁，就食佢啦 落左order冇耐個飯好快泥到，賣相真係好得意既糖芯蛋夠入味，蛋黃好creamy，好想食多隻啊!!肉燥味道我就覺得一般啦，撈埋雪菜一齊食都幾好食既，不過飯就糊左d。吾好睇佢細細兜咁，食左一大半都已經覺得好飽。野飲叫左野莓優格沙冰，沙冰質地幼細，優格味濃過野莓味，要好認真飲先飲到野莓味咁，冇d人講到必試咁誇張囉。下次都係食番茶木好過 …Read More

眨下眼原本畢業左4年，真係光陰似箭日月如梭..畢左業咁耐都係第1次同Charming食飯，由於佢係沙田番工架關係，我地就揀左個中間點旺角食喇。係又吾知食咩架情況下我地就是但搵左呢間食喇。我點了紅燒牛腩牛筋麵，成碗麵一d都吾熱，湯底好重果皮味我最憎，麵質有點糊，牛腩牛筋都不過不失啦。朋友就點左紅燒牛肉乾拌麵，佢都係話麵質糊糊的。老街風味雞翼，其實都是用滷水汁浸的，只有雞皮食到滷水味，雞肉係一d味都冇。餐牌寫住有5隻但我地果碟有6隻，不過都食剩2隻，吃不下了 :( 鹽酥雞炸得不夠鬆脆，而且肉質乾身鞋口。反而小香腸味道不錯，可以一試可能成餐飯最好味就係杯野飲吾係講笑。…Read More

星期六吾洗番工當然係去shopping啦！經過見到期間限定架士多啤梨味雪糕，本人乃係草莓迷緊係要try try佢。食過幾次呢間架綠茶雪糕，覺得佢係重牛奶味多過綠茶味，今次都吾例外，仍然好重牛奶味，但係士多啤梨味都太少喇掛食一啖係個口搭好耐，先覺有少少士多啤梨味，草莓迷表示失望。雖然雪糕質地好紮實好滑，但我今次收吾到貨囉！…Read More

係openrice見到灣仔開左間新野，個名就夠哂特別喇，睇埋d相都幾吸引咼。平時連偽文青都吾偽下架我一於約埋自稱真。文青架Kathy去試下啦。1點半左右去到排哂長龍又冇book位唯有等下啦。排住隊都有好多野影，因為整間舖頭每一個角落都充滿住懷舊同文青架氣息。    等左半個鐘有多終於到我地喇，安排左我地坐窗邊位，影相一流。望望餐牌，我地都係點左古早味滷排骨飯。  排骨大大塊，入口酥軟兼有彈性，夠入味。滷肉飯也是可口無比，另外有3碟小配菜，分別係雲耳，酸蘿蔔絲，酸椰菜。餐飲我叫左芭樂紅茶。超濃芭樂味，太甜，變左飲吾到茶味咁。飲左幾啖我再加水落去飲都仲得。雖然有芭樂粒，但係又吾俾匙潘人，叫人成杯倒落個口度咩，最後一粒都冇食到  kathy就叫左檸檬冬瓜茶，我試左一啖就覺得個味怪怪地喇。 餐具很可愛 …Read More

同安安食完dinner落一層見到韓冰推出左款新架哈蜜瓜冰，仲寫住每日限量15個，好似好吸引咁，明明岩岩先食飽飽架我地都忍吾住走去食。一入去第一時間係問職員仲有冇哈蜜瓜冰，佢話有咁我地就搵個位坐低啦，落完單都等左4,5個字先泥，耐左d咼。 終於有得食喇等到頸都長。個冰好大個，2個人食絕對好飽。首先講下哈蜜瓜，好多汁，但吾甜同吾香，幾失望下。 切開個瓜係裝滿牛奶味沙冰，一球雲呢拿雪糕，仲有d軟糖。沙冰好重牛奶味，冰質地好幼細好軟棉棉有水準！食多啖發現原來有芝士蛋糕粒係裹面，超正！不過咁大個冰得5粒芝士蛋糕粒好似姑寒左d咼。 食冰最怕就係食到底都係得冰，好dry架嘛，呢度就加左d類似杏仁脆片係中間，咁咪一d都吾dry囉又多左種層次！整體泥講係吾錯既，唯獨個哈蜜瓜吾香吾甜，$120好似貴左d同吾值囉。下次食番藍莓芝士冰好過！…Read More

原來有半年冇同安安食飯喇，鬼咩成日掛住拍拖勁難約，今日終於約到啦。循例都係send幾間餐廳俾佢揀，佢秒速就揀左呢間。7點左右去到吾洗等位，大概因為係平日吧，環境寬敞，坐得都好舒服我地叫左2個snacks，首先泥到架係炸薯條配黑松露蛋黃醬粗身薯條炸至金黃鬆脆，加上香濃黑松露蛋黃醬簡直係絕配!最怕d薯條炸得吾夠，外面吾脆之餘裹面仲係實的的@@呢度完全係冇呢個問題!100分!好想自私食哂成兜啊!!飲品來了，安安叫的Mid Night Gloira好重柑桔同青檸味，酸酸甜甜好開胃幾好飲我叫的玫瑰荔枝茶也沒有失望，玫瑰同荔枝味配合得好好，吾會有一方搶了對方架味道另一個snack係燒汁雞肉串睇落個樣平平無無奇，以為成舊都係雞肉，點知食落又吾係喎!係免治雞肉mix雞軟骨!燒得香口惹味之餘，仲好有口感主菜我地只係叫左焗芝士什菌通心粉呢個認真普普通通，sauce味道吾夠濃郁，而且好淡，淡到好似冇落鹽咁…Read More

每次行親銅鑼灣經過都勁想試呢間，今日上完韓文堂難得koey姐俾我話事，我就緊係食住個勢話食呢間炸雞了又到有選擇困難症架時候了，炸雞口味方面都有幾多選擇，我地係原味同，蜂蜜脆片味掙紮左好耐，最後揀左蜂蜜脆片炸雞。Size有10件同15件俾你揀，我地2個女他當然揀左10件啦~雞件外皮炸得好鬆脆，雞肉裹面卻是非常嫩滑多汁，冇油膩感配上蜂蜜同脆片簡直係多種味覺享受~原來呢間炸雞係用橄欖油炸的，所以食炸雞都可以食得健康架。雖然話10件雞夠我地2個女仔食，但冇粒米落肚始終差D架，叫多個炸蝦花卷，點埋個醬甜甜地辣辣地，好開胃。…Read More