pizzaandhamburger's Profile

睇廣告見到有泰國自助餐好似好吸引，就入去試吓山長水遠入到去，發現餐廳既食物種類小，食物味道差，服務質素差，搵唔到可以讚嘅地方！！！！大家自己衡量下，係咪要去😙…Read More

(放工後…..)終於可以光明正大咁吞POT喇！地方雖然不大，但環境舒適，望出去仲有街景睇添。而且通風系統都唔錯，大熱天時，打邊爐都唔會身水身汗。今次豪食雞煲火鍋，因為唔特別好辣，揀左滋補養顏既螺片花膠雞煲半隻。一黎到就急不及待試試個湯，味道濃郁，雞同花膠都足料，如果唔係空肚黎，可能真係食晒個雞煲已經飽左一半。點左必食既邪惡爆芝響鈴，即叫即炸，新鮮熱辣上枱，未食都見到流心芝士好澎湃！襯熱浸一浸湯即食，正。仲有食肉獸必點既特級肥牛，份量十足，脂肪比例均勻，過一過湯即食。唔食牛既朋友，絕對要試依到既豬腩片，厚薄適中，唔需要滾太耐，配埋芝麻醬食，肉味一絕！手打四寶丸亦相當唔錯，一碟4款，每款2粒。當然有我最愛既墨魚丸，爽口彈牙，必食！最後，當然唔少得近年打邊邊之寶，娃娃菜啦！浸到軟身，索晒湯底既精華，真係好入味。…Read More

今日同朋友食飯，之前有朋友介紹過一間係旺角吾錯的地方，地利位置都好方便，於事就同朋友去嘗試一下。就係朗豪坊格黎。一出地鐵就係。我地BOOK 定位，一去到就入得啦，入到去個環境好浪漫，又吾會太嘈，又吾會靜，吾怕太嘈傾吾到計，又吾怕太靜講野會比人聽到。環境方面周圍都係星星燈、好柔和，令人有一種放鬆既感覺，餐廳的設計帶一點文青風格、 好適合鐵意打卡既你同埋你。餐廳食物多不多不勝數，很難選擇， 樣樣都好懋試，但係胃就得兩個，我最後點了鵝肝芝士自家制舉肉麥漢堡配薯條。晚餐會配餐湯，蒜蓉包，同沙侓，點完餐之後無耐就黎咗個沙侓，酸酸甜甜咁，食飯之前酲酲胃先，之後就可以食更多，碟沙侓入面有新鮮蕃茄，鮮甜菜，爽口既青瓜，仲有栗米，不錯不錯‵食完個沙侓，仲有有餐湯同蒜蓉包，餐湯容易入口、蒜蓉包夠脆口。嘩嘩嘩。。。主菜終於來了。。。。。份量超多，好有誠意！！！！！一直都擔心夠吾夠飽，黎到之後我地擔心食吾曬！個漢堡好大個，配上多汁既鵝肝，厚厚的肉，仲有蕃茄等等，食洛去好滿足，另外配上粗薯條，本人好鐘意食粗薯條，所以好開心！！！！叫左個晚餐之外，仲叫多個小食拼拼， 個小食有粗甜反薯，超級無敵好味，食洛去吾油，甜甜地，夠粗身，我會為左個粗甜薯再黎多次！！！！！除此之外仲有雞翼，同埋超級厚既一磨茹。要提一提個茹，超級多肉汁，一點都不乾，配上一點煙肉同芝士夠曬野味最後我覺得尼個價錢食到咁高質的食物係超值的！！！！…Read More

今日同朋友吃輕食，就在旺角CAFÉ找，坐最後選擇了一間叫心選的餐廳，來到個裝潢都不錯但幾油煙，我地叫了一個晚餐和一個小食食，因為沒有雞翼唯有叫炸薯條，但在不多人情況下都已經要等二十五分鐘太耐了，是新鮮炸但沒有香口感，以差不多四十元來講份量都可以，之後再來的是飲品，熱情果沙冰，叫了少醬所以味會比較淡但好清新仲有生果核在沙冰內。最尾來的鰻魚炒飯都可以分到四碗飯，醬汁炒得不錯，飯夠入味，不太咸，鰻魚都大粒都不少，如果不用等差不多半小時和油煙應該會再來這裡吃飯傾計。…Read More

長沙灣新開了一間上海小店叫尚小館，而且好似裝潢不錯就今日食午餐過去食，因為一個人等一陣就可入去，餐牌價錢四十多元都可以，有菜飯和麵食，最後就選擇了紅燒牛肉和雪菜肉絲配上海麵和凍豆漿$45，本來想食小籠包但這裡沒有有點失望，等了十五分鐘先有得食，份量都幾大碗，上海麵的麵質都幾軟熟又不會好淋身，比心目中好食而且都多麵，牛展有幾片，口感都幾好但就覺得沒有味道而且原本的牛肉味都好弱，雪菜肉絲的雪菜好味道又吾會好咸，肉絲都幾入味，豆漿就不太凍，豆味一般但幾大杯。…Read More

之前食過這個包但是個包是原味，今日經過見到有期間限定的南瓜包好吸引，又見有點餓就入去食個下午茶。入到去裝潢都不錯幾舒服，吾會覺得好迫又乾淨，之後食物來到，見到個包依然都好大個，但一食落去原來豬柳細片了不少，只有整個包的一半都沒有，而且包好濕，沒有之前咁好食，有失望。另一個銀針粉份量十足，而且湯底都有味，加上辣椒油好味道，火腿都不少，都幾飽肚。而飲品今次要了茶走，茶味都夠，奶都剛好不錯，所以豬柳南瓜包配銀針粉和飲品奶茶$29咁平仲有飲品，已經叫不錯。…Read More

銅鑼灣特色餐廳都幾多，依間都係網上見到好多人話好食，經常要排隊。今日約左朋友係銅鑼灣行街晚餐決定食佢。餐廳唔算大，門口幾靚，排隊等位嘅時候可以影下相打下卡。店員按排我地坐底，就介紹有咩牛扒，唔同扒類都會推薦幾成熟口感係比較好，我地點390日谷飼牛同主廚平鐵牛扒，另外加左一個套餐，係紅蘿蔔蕃茄湯同藜麥沙律。依度薯條係任食，薯條迷一定愛死～薯仔熱辣辣夠脆，帶少少地黑松露味，店員會幫客人加薯條，我地就係甘食左兩盤😆藜麥沙律有拿吞魚，個汁好清新除左沙律醋仲有檸檬汁嘅清香，湯好足料，好香蕃茄味而且仲有蕃茄肉。主角牛扒黎喇，兩份都係8安士，睇落好似唔多，我地兩個女仔係食唔晒。谷飼牛係5成熟，入口帶點焦香，牛味香濃，口感較為鬆軟，配左一個紅酒汁，令肉味更加香。平鐵牛扒係7成熟，比軟有口感，但肉汁都多，食落肉味會再濃啲，配左一個薄荷香草汁，帶點清新感。餐廳簡潔時尚，食物價錢合理唔會太貴，岩晒年輕人，而且好好味，打卡食好野岩晒。…Read More

辛苦左成個月，終於等到今日好好獎勵自己喇!減肥?留返俾聽日嘅自己啦XD吉壽除左款式多之外，最吸引我當然係價錢啦!以今時今日嘅物價，一至三黃金時段+黃金地段，任飲任食兩個鐘，加埋一，埋單竟然都唔駛250蚊一個。簡直係抗通脹嘅震撼價!同朋友一早bk好檯，準時入席。雖然平日但入座率都有8成，唔想等位，記得bk檯喇!係頭暈眼花嘅情況下，我地急忙落單。好彩啲嘢食好快就到~頭盤當然係香港人嘅最愛-刺身。吉壽嘅刺身款式真係好多，我朋友太餓，幾乎全部都劃晒XDD又估唔到真係一件不漏咁到齊刺身原薄啱啱好，食落去都覺得幾新鮮，特別鐘意油甘魚食到如火如荼嘅時候，迷你海膽手卷上場，份量啱啱好1啖1件，一口海膽手卷，食多幾件都唔怕飽仲有放題必食嘅天婦羅，我嘅最愛炸蝦天婦羅，即叫即炸，正!最驚喜係平時好少見到嘅炸鮮奶，居然係吉壽到見到，外脆內軟，我同朋友食完都忍唔住再叫多份，安哥XD串燒方面，有我最愛嘅燒鰻魚同牛舌，另一個邪惡之選~芝士焗帶子，一人食至少食幾件。除左點餐紙上面嘅嘢食，仲有好多頭盤，小菜可以即時拎埋位食，啱晒我依啲餓左成日嘅人，特別推介:白雲鳳爪值得一提，甜品選擇都好多，如果好甜嘅朋友，真係要留定肚!XD掛住食影少好多相，我諗好快要再同我個朋友再嚟過喇!…Read More

我以前喺屯門華都住嗰陣，都好鐘意幫襯下D細鋪食肆，佢地通常都係家庭式生意，但係D出品好好食。今次去咗屯門市廣街，順便來華都揾野食，睇下以前D鋪仔變或點? 地下都有D集團式進駐，去到2樓，見到新開間泰國餐廳仔，係泰國人開，裏面見到泰王張相和泰國佛像，其實間鋪好細，最多係容納到十幾人，樓間一個泰國姐姐，廚房都係兩個炒鑊，一腳踢。我叫左個泰式海南雞飯，個海南雞係肥左D，多膏，但D肉好滑有雞味，羗蓉做得好幼細，食落有少少魚露鮮味，個泰式酸辣汁很正，又酸又辣，㸃雞超好味，飯都係食得過，餐只48蚊，有埋雞湯，個雞湯有芹菜和香料的味道，OK啦，另外配凍椰汁冰不用加$，椰汁冰好飲又清甜。老公叫左個泰式炒金邊粉，炒得好有鑊氣，個汁夠薄有茄汁味和魚露味，入面有蛋絲，肉粒和芽菜絲，食落香口夠乾身，少少汁，好開胃，炒得好巧手，配熱柚子蜜不用加$，40幾蚊泰式炒野，扺又好食，D鋪仔出品唔差。…Read More

我成日同friend出旺角行街，晚上見到呢間打冷鋪成日好多人等位，那晚我同   兩個friend特登嚟食下，因為我地都好食打冷。入到去D格局有D大排檔feel，夠親民。叫咗炸大腸，椒鹽九肚魚，韮菜豬紅，鹵水鵝，鹵水什錦，我最愛食潮州鹵味，D鹵水餓入晒味，陳年鹵水香醇帶甘甜，鵝肉獨特肉味，越吃越滋味，鹵水什錦中鵝腸和豬大腸最好吃，爽彈煙韌又豐膄，吸收晒鹵汁香，好好食。另外炸大腸也很巧手，腸皮炸得脆，入面夠又軟腍，有一種肥的"蘇"香，好食到連友人也叫了支青島啤啤下。我唔啤叫了支玉泉忌廉，配番椒鹽九肚魚，炸得香脆，椒鹽味又出，魚味好，呢餐打冷水準好，後會再有期。…Read More

美食定價貴，總會給人有高檔之感，再加上長店外排隊的人龍，總會令人有錯覺，必定是非吃不可的美食。就是那天見在銅鑼灣一蘭拉一麵極長的人龍，心中純純欲動想吃一碗，終於入座了，早已填了選項追加每款要12元，香蒜兩傷又加12元，拉麵㸃了超硬口感，湯和油膩度都要超濃，通常吃拉麵我會先喝湯頭，湯太咸了，濃郁的湯不代死咸，湯不是濃而是咸，油膩度夠勁，只是咸又滿口油，味感太差。拉麵要特硬，其實是要吃到麵的韌性，可是硬不是太硬，嫌軟身，但掛湯力不足，唯一好是沒有鹼水味，跟日本正宗一蘭的拉麵有落差，而叉燒太薄，不夠香和豐膄，溏心蛋叫合格，但蛋味差些，其他追加實在不值要多加$12元，甚麼解脂美茶收我$39，唉，唔算好吃的拉麵，服務普通，重收加一，唔好去搶!  …Read More

這間店的鳳城水餃，真的非同凡響。水餃豐滿，餡料十足又大隻，豬肉，木耳，冬菇，筍絲，混以蛋汁，調味入味，食落肉香扎實有汁，以廣東式雲吞皮包裹，外皮特別滑溜。其實鳳城水餃，比用麵粉皮包，更為好吃，麵粉皮也讓人太膩胃。這店的湯底出名好，有大地魚，豬骨的鮮味，不油膩的清湯底，令鳳城水餃更添美味。別忘加上此店的炒製辣椒油，香辣味極出，可謂十分惹火又惹味，再配以香䓤，切記不用加淅醋，因加醋會影響新鮮水餃原汁原味，如此美味的廣東小吃，此店是我吃過最灑家的，其實提議冬天時，在此店買打生水餃回家打邊爐最好。…Read More

每次一班朋友諗唔到食咩嘅時候,最好嘅選擇就係放題！以往食開其他放題，俾人嘅感覺都係劣食樂天大喜屋係我食過最高質嘅放題今次已經係第六次光顧而今次係食平日早段六點鐘時間平日早段已經爆場不得不提呢間放題嘅座位非常舒適亦係我會encore光顧嘅原因全場所有枱都係卡位或半卡位形式飲品非常豐富汽水啤酒支裝飲品罐裝飲品放題首選刺身種類很多例牌三文魚厚切入口即溶口感豐富甜蝦-特大隻牡丹蝦仲有象拔蚌帶子刺身北寄背螺肉長腳蟹腳唔識刺身生野嘅，仲有熟食自助區有湯有糖果🍬老人家小朋友都啱芝士鰻魚壽司牛油果軟殼蟹芝士天婦羅蝦壽司新鮮即做壽司飯與芝士融為一體串燒系列特別推介-鹽燒牛舌牛舌絕不會次痴牙，極爽口另外再介紹其他放題未必有嘅食物薑蔥牛柏葉-豉椒炒蜆兩樣都非常有鑊氣，比得上大排檔風味甜品都有多款選擇朱古力慕絲，芒果布甸，Tiramisu，芝士牛乳，藍莓芝士蛋糕，糯米糍仲有每人一杯Häagen-Dazs雪糕六款口味選擇…Read More

上網見到’ 壽司喰 ‘見到個環境同埋個食物都好吸引所以就約朋友放工就喺中環到試下呢一間嘅味道如何。入到去之後個環境係有少少黑暗幾有情調，一入到去餐廳職員就好好客咁問我地係有啲咩唔食嘅，咁我哋就冇咩嘢係唔食既，就由師傅去發揮當日有咩新鮮嘅食材俾我哋去食，我覺得咁樣係非常之好嘅，因為我哋成日都諗唔到食咩，有選擇困難症啦，而家由師傅去發揮，甘樣可以節省左我哋好多嘅時間，同埋放咗工唔想再諗食咩啦，如果有師傅幫我地諗埋就非常之好啦！餐廳入邊有吧枱啦同埋有卡位嘅咁如果淨係自己一個去食飯嘅話都可以坐吧枱可以睇吓師傅點樣製造食物嘅過程，咁樣都唔會怕悶啦！咁食物方便,師傅幫我地準備咗第一個就係胡麻醬佐賀白金豚野菜沙律, 個豚肉係非常之大片嘅食落去啖啖肉,而且佢會加咗一啲芝麻醬同埋加咗一啲咋過嘅香蒜片落去再配埋一些好鮮甜沙律菜,食落去非常之清新同埋好整個沙律好JUICY一啲都唔乾身！第二樣食物係燒白飯魚乾, 係比較薄身嘅，囗感好得意，脆卜卜，咬落去好非常脆口，佢會配合埋一個沙律醬俾你，食落去有少少甜甜地，都唔錯幾開胃，吾錯！！第三樣雜錦刺身特上, 有五種刺身，刺身非常之新鮮而且師傅擺設到成件藝術品咁，未食已經覺得好吸引，影完一張相已經急不及待去食啦, 每一件都好好食，最吸引系帶子配蝦，帶子唔使點樣咬，只係用舌頭去頂一頂已經係融化系口入邊而且非常之鮮甜，而個蝦就就好重膠質，正呀😍另外吞拿魚都都做得非常之出色，魚充滿油脂，食落去淡淡嘅油香味，令人回味無窮第四樣就系火炙壽司 , 帶子壽司非常肥美, 壽司師傅吾會做到太大件.可以一啖放入口去咬,係非常之滿足既事!而且女士又不會失儀態! 另一個蝦壽司就食落去好爽口而且好有海水嘅味道。第五樣cocktail壽司,一上到枱見到就好吸引.好靚,好岩打卡,係cocktail杯入面放壽司入去,入面會有海膽、松菜蟹、三文魚籽、魚籽醬, 個海膽吾加豉油都完全吾會腥,松菜蟹,食得出好新鮮,仲會有三文魚籽好有咬口!不錯喔!!!第六樣日本芥末燒蠔, 係非常之超級好食，蠔上面既醬汁系沙律醬加埋一時啲芥茉醬汁造成，再配合埋蠔去食，非常野味，食10隻都唔夠呀，呢個菜好開胃，值得一試！第七樣海膽雪場蟹天婦羅, 天婦羅個皮一啲都唔厚粉，雪場蟹天富羅系有蟹膏系入邊，有兩層嘅口感非常之特別，未試過，有創意最後來一個日本厥餅為這餐飯來一個總結, 甜品有一啲抺茶粉上邊，入邊就煙煙韌韌,似麻薯咁幾有咬口,幾特別又唔會太甜!!!…Read More

今日放學就係附近食野，觀塘實在太多野食，係咁多間餐廳之中，終於比我簡咗板上。點解我會簡佢？係因為見到佢地方夠大，吾想同人迫，想坐得舒服一點，而且有電視睇，所以就決定選佢，餐應有好多選擇，樣樣都好吸引，最後我就簡咗我最鐘意食既鰻魚飯，再加多杯紅豆抺茶奶茶。先講下個飯，塊鰻魚仲長過我塊面，超低食，好有誠意，塊鰻魚好有水份，上面既燒汁吾咸，最重要既係佢夠厚。把入口即溶既鰻魚配合埋飯一起食，真係令人回味回窮呀。便當入面仲有栗米同埋茄子，食到栗米有牛油味同埋個茄子夠林。正！再講下杯紅豆抺茶奶茶，紅豆夠甜，夠抺茶味，不錯不錯！我見餐廳入面有CAKE 食，同COFFEE 飲，但得我一個人又食吾洛，所以留番下次帶朋友一起去，一邊食CAKE 飲COFFEE ， 一邊傾計。因為我見佢有長枱，3-4個或者一大班人去都無問題！！！食飯既時望下個大電視，見到有波睇，心想，如果世界盃可以係到同朋友食飯睇波一定好有氣氛，同埋我見到佢有小食同啤酒飲，一大班朋友坐係到傾計，飲酒，睇波一定好正。另外想提一提，當我食緊飯時，隔離枱一走，就有職員去收搭枱面，清潔，令我覺得好好乾爭，食 得更加放心！！最後我想講，板上食物既價錢好平民價，完全吾價，吾怪得果日見到好多學生都去食，又平，又可以容納好人，GOOD！…Read More