攸攸爸's Profile

今晚帶老媽子試試依間隱世米線，試了最有名氣的黃酒雞米線，湯底的確係好，清澈食落唔口乾，有小小黃酒香，料頭有中大量杞子，紅棗，小許薑，依碗野相信係女仕欣物，秋冬食佢亦係暖胃既好選擇，雞件充足起碼有10件，我自己再加了菜與豬紅，豬血亦入味，夠身，米線煮得剛好，小小爽身但足夠霖，我幾乎飲左2/3碗湯，真心正，另叫了杯凍奶茶，出奇地又唔錯，未至於老茶記水準，但我已經覺得比好多連鎖垃圾快餐店好得多，應該會經常再來…Read More

油渣麵依種古老食品，相信真係40歲50歲以上既人先會好大感覺， 從前只係低下階層執d肉檔下欄肥膏返去炸油，個油可能拎去賣或自用煮食慳買油錢， 油渣剩左係度就拎出嚟煮麵兼賣，幾蚊雞一碗，我以前都係街市裡面既走鬼小販度食，油渣要做得好食， 我就唔識煮， 但食呢， 入口應該要微脆，吸一吸d湯加埋冬菜，個種感覺我自己最喜歡，有人喜歡剛炸起個種勁脆，都無問題。但今次依間，佢自封油渣王，剛好早兩晚經過點可以唔試試佢， 麵份量都夠，亦有小量冬菇配菜，辣菜莆，湯底預左味精，但都ok啦， 但個油渣，一入口，豬油香咪出哂黎，而且輕唉即化，非常好食， 相信比起太子某間，更鬆化，依度既油渣相信係香港，除左深水埗珠江酒家，都難尋敵手。對依d咁粗既古老食物都咁有心機，真係要致敬，會再來！…Read More

開飯網直升機系列，伏伏伏伏伏，見到有類似元氣既火車送餐，一家人貪得意就去試下，叫左約10個點心，無一不伏， 我有時真係唔明依d老闆坐住個腦做人，依d出品自己都過唔到自己個口你夠膽開鋪拎出黎賣，勇敢掉幾十萬既勇氣我佩服到五體投地， 有時傳統點心唔係話唔比你去改，但改向差個一面，你依種係為改而改， 我逐樣評下啦， 9成是垃圾，評論在相中最後我真係請依度既老闆廚師，出品先係最重要，唔係你搵架火車返來呃大人帶細路黎食就ok, 布甸你都可以難食令我莫名其妙，我仲有舌頭和腦袋，樣樣點心都搬迷你一個詞語出來擺明縮其大水，份量係正常酒樓一半都唔知有冇，咁樣既出品，初五仲收新年價錢，10元一個茶位但水係自己裝既（類似壽司店），食幾個咁難食既點心每籠收附加費仲話再加一，足足差不多一半價錢，巧立名目去略水，我比你略一點又點話，但我一定會在各食評網祝福你老闆一萬年強力建議腦袋舌頭正常既人唔好中伏…Read More

貪得意見到有88蚊龍蝦叻沙， 路過就試試啦，依間鋪頭好有趣，門口冇人帶位， 等一陣無視我後自動坐低算， 坐低無人比餐牌，算，自助，舉手叫職員佢都舉手示意，但係掉頭走架，好有型，三催四請終於有得食，龍蝦叻沙就無乜特別處理過，鹽水煮熟隻龍蝦放上面， 急凍貨，比較咸，平，算， 但個叻沙真係相當失敗，個湯頭咸到要洗腎， 幾經關卡問佢攞杯水其實都唔夠，因為真係好咸但又冇其他香味，唔辣唔香純正咸， 碗大份量少，可以不用試， 我都不會再食…Read More

我地叫左8樣野食， 我敢講除左豬手係正常，其餘都係垃圾級別， 雞煲竟然用急凍雞扒又有陣雪味，梅菜扣肉無味既，咖哩牛腩不知所謂衰過大家樂唔香無味，其他唔逐個評，只要睇下張相就明依間野有幾差招牌自己叫煲仔飯， 個煲你用金屬煲已經超錯，仲有師傅有冇睇火架，叫兩個煲仔飯，兩個都係燶曬底，依d並唔係飯焦而係黑炭式燶式， 飯焦係呈啡色入口香脆，而唔係黑色入口一陣燶味， 大家樂煲仔飯相信比佢更好， 勇士們繼續挑戰佢d致癌極燶煲仔飯吧…Read More

今天專誠去深水埗試食依間蕃茄麵，網上評論一片讚美，天上有地下無一般， 就去試試佢， 叫左兩碗，炒蛋牛麵冇咩好討論好普通，當佢常餐還可以， 試食78蚊得6舊牛肉的牛牛麵，我感想一句講，蕃茄湯，牛肉， 牛骨湯底，完全分三開件事完全無全何關係的，其實同車仔麵一樣分開煮完擺埋一齊，做日式拉麵style既店鋪來講已經係失敗。 🤦‍♂️牛面肉，質地軟稔有點彈，還可以，但無味的， 崩沙腩亦係無味的。我寧願去食清湯腩好食過佢百倍拉麵超市5蚊一個，唔知其他人吹咁大為乜湯底，號稱真蕃茄湯，但老實將老媽子個蕃茄薯仔湯拎去做湯底都可能好過佢， 淡而無味，兩片蕃茄切開就擺落去完全無處理過，係凍既wtf其他人點講我無辦法理，但依個價錢$78一碗係深水埗已經算貴， 食物質素普通到暈，依度100個讚好足以證明識marketing重要過煮野食，絕無下次…Read More

認真講幾句, 見佢新開專登同大人食個遲來情人節飯, 樣樣話慢煮啦, 牛舌的確係好好食, 不過價錢貴佢一倍既肉眼扒, 就相當之普通, 希望佢負責人見到就改良一下, 牛扒我懷疑慢煮時候浸既位置問題? 塊牛扒邊位係比中間生一點, 質感生個邊幾滑但冇味, 但熟D既中間部份又比較硬身, 又夠味一點, 落鹽+黑椒唔均勻都係好大既問題, 其次, 冇扒爐燒佢, 又冇獨特香料落去, 亦有點浪費左依塊牛扒, 揀牛扒亦可能要考慮下, 根位比較多*湯好味, 但份量真係太少..…Read More

今晚放假， 路經門外見冇乜人， 終於入去一試， 試左招牌混亂拉麵， 再加三倍野菜， 老實講， 佢地個粗麵相當水平以下， 我好喜歡吃麵， 但佢個粗麵太碎， 條條都斷開得4-5cm一條, 本身又粗煮得唔夠淋， 麵身又唔索水， 湯味入唔到去， 剩講個麵的話， 係失敗幸好， 豬骨湯頭救回極多分數，湯頭豬骨咪濃厚，而且應該有海鮮類既野加左入去， 略有點鮮甜味回響， 至於叉燒，味道根本比湯頭蓋過， 除非專登飲啖清水再食， 不過不失吧。 整體水準足夠而且重口味的個性突出…Read More

好少寫食評既攸攸爸, 今次為慶祝攸媽生日, 出去試左一間上樓餐廳 <食吧>, 廚師水準好高, 可以講係MK 十大西餐高手一定入列, 但我亦有小小意見, 不過整體好好食, 一家人盡慶而回, 推薦! …Read More

放大假與老婆大人北上深圳行左個大圈, 東門攻略完就去左西堤牛扒嘆番餐, 地點位於一橦商廈既二樓不食由自可, 一食呵呵呵, 基本上佢係SET死 RMB150 一個套餐, 但內裡食乜, 每項前菜餐湯主菜甜品都比5-6款你選擇:三隻蝦比相機食左佢九千次先到人食呀陰功牛扒足夠厚起碼1.5寸, 肉身夠"琳", 肉味夠香, 老婆大人話好好味喎…Read More

雖則我依然會得閒買下香香雞黎送啤酒, 但有兩個問題依然氣難下1. 不論我係深水埗食定係MK食, 雞扒皮肉分離既情況係好嚴重...2. 唔知點解隻雞扒黎到香港會多左舊骨, 我以前係士林食係冇既講完…Read More

查實依間先係正宗廟街咋渣又有幾多人知..想當年依間咋渣鋪係位於廟街內係美都餐廳斜對面, 後來拆樓而搬走, 但廟街口另一間咋渣鋪竟然番版個整個山寨招牌99% 相似, 當然, 以香港人既慣例, 會無人知曉, 但盧文先生主理既咋渣先係正宗好味道..由細食到大, 小弟最愛依然係凍既咋渣, 老豆老母廿年前開始已經叫我食熱既先好食, 我係明白, 但我更喜歡凍食, 凍咋渣黎到你面前, 會好似返工比老細鬧一樣"傑撻撻".. 但老闆會使出"一啖沙糖一啖x", 係表面加上小小淡奶, 溝好一齊食就會回復咋渣既本質, 依間咋渣, 底味充足, 材料十足, 我唔認識各類豆豆既名稱, 但盡量形容, 細紅豆, 大紅豆, 蓮子等等都煮得好"林", 而且糖水入面有小小耶絲, 所以好香耶子味, 又有小小西米, 你諗下一碗野入面有齊咁多種材料, 但樣樣都係煮到剛好林, 但唔會爛曬..係幾高水準, copy cat 係做唔足既..但由於歷史攸久, 小弟都只會建議閣下食咋渣, 同一眾"xx冰" , 其他野係後人加入菜單, 質素認真普通 (n年前係老闆好串只賣咋渣同小量甜品...)…Read More

小弟耐不耐就會去廟街雞粥整番碗, 要我整番個認真食評, 好啦, 老店一定要支持, 唔係香港就只會得番集團式食店:(我講我推介既食物好過啦1. 雞粥2. 雞粥3. 雞粥 必定要食既雞粥, 份量足夠一個男人飽肚之用, d 雞, 亦幾有雞味, 落左粥底令雞肉更滑, 粥底夠棉. 米既份量亦夠, 不似集團粥店, 食兩野就係得水而已......4. 腸粉 - 我會推介叉燒腸 / 牛肉腸, 腸粉佢地水準不比大酒樓差, 粉皮夠滑亦唔厚, 材料份量亦足夠, 牛肉最好味, 但自己喜歡叉燒姐, 我老豆喜歡食魚片腸, 都唔錯.5. 魚皮 - 我唔會講到佢只得天上有, 但依度既魚皮絕對藉得閣下花上十幾蚊去食佢, 好爽好脆, 夠新鮮, thats all~其次, 雞什粥, 都係好味推介最後如果閣下夠功力, 同事頭婆吹下水想當年, 佢會細說廟街咁多年既變遷, 雞粥店既歷史, 仲有現今市道做食市既艱難之處, 請問下食粥之餘, 停一停, 細味一下依間站立係廟街幾十年既粥店吧...香港已經越黎越難搵到歷史攸久既食店了…Read More

原去柯士甸路食雞腸麵, 可惜人地東主有喜, 拾級而上山林道, 就試試聞名以久既文華雞啦...查實兩公婆都係食左白雞, 我食套餐包肉骨茶:1. 雞, 我認為雞肉上處理佢地做得好出色, 雞皮小小爽脆, 肉夠滑, 質地唔係"林pet pet", 真係唔錯.. 但一定要彈爆佢三個醬汁都係好難食, 黑豉油冇味道可言得個黑字, 酸辣汁- 既唔酸亦唔辣, 水喉水溝辣招一般, 你話係咩味.. 最低能既薑容- 完全冇味, 唔咸不特止, 薑本身既味道都冇..得一沈苦苦地既味............ 就咁食雞肉好過...2. 味飯, 不過不失啦..論正宗海南雞個飯, 佐敦馬華餐廳 / 尖咀馬來西亞餐廳 好過佢....3. 清湯, 唔錯, 清得黎有陣陣雞味, 幾好飲4. 肉骨茶, 好濃幾香, 依個抵比佢加我廿蚊最後..一提, 唔明佢晚上為何要加一.......…Read More

今日慶祝生日, 見依間店長期位居前列, 講到唔訂位就唔使食一樣, 就試試佢啦..不過..都幾失望下.去到其實一半位都冇人坐, 為何門口哥仔聽到我冇訂位個樣發出 "面有難色"既訊號?...直頭我食完9點幾閃, 都仲有幾檯空位...anyway 唔關我事就唔理啦.我食左個set dinner 肉眼扒 老婆食左個雞扒套餐法包還可以, 都幾鬆個湯, 我加錢叫左個下面好多話好味既泡沫三文魚忌廉湯, 老實說, 係個樣比較特別, 入口就只係一浸煙三文魚味, 冇cream 味可言, 似乎只係將d 魚打爛變糊再溝落去湯度就算數, 唔香唔濃, 就係得個浸煙三文魚既"煙"味.......=_=老婆個跟餐忌廉湯, 我冇好詳細睇佢咩材料, 試左一小淡, 不過反而個味都仲ok過我個碗..主菜, 我個肉眼扒...老實, 唔係咩特別靚既牛扒, 亦唔係份量特別大, 亦都唔覺有咩可取之處, 以依個價錢黎講($18x 仲要加一), 係唔合格, 食落冇靚牛扒個種鮮味香味, 亦唔覺佢有加咩小小香料去吊起個味..煎個表面亦唔香... 耶林閣質素老婆個主菜: 提子咩酒汁雞扒, 塊雞扒完全失敗中的失敗, 生煎個皮完全入口唔覺佢有煎過, 唔香唔脆, 雞肉冇味道, 個汁咪又係一個快餐汁...茶記級..甜品就算啦, 唔鬧佢喇, 一個好普通到冇可能難食既班戟+雪糕, 老婆係個杏仁豆腐+ pet 忌廉...請閣下自己幻想最後我唯一最滿意係杯咖啡啦, 我唔敢話我好識飲, 不過佢用個隻豆都好香, 入完口吞左, 都仲留香係口中一段小時間, 可惜唔係用淡奶啦, 唔係可以香多d最後不得不丙, 就係佢地d 服務, 十足當左自己係茶記, 刀差一早扮好位冇得講, 但食緊既途中, 個湯都未飲完就衝埋黎問你上主菜好唔好, 大佬我望下後面碟扒都係度, 我講唔好咪又係凍曬....... 而且某一兩位服務生, 係好鐘意將食物"pop"一聲"擺"係檯既旁邊就算, 難道我入錯左隔離個間茶記!? 你加一服務費原來係咁樣樣服務既..雖則我兩公婆至多一年兩次出街食下中價食品, 不過比起尖沙咀厚福街個幾間餐廳, 差不多既價錢, 水準差得多多多多....…Read More