cminc's Profile

鐵板燒用餐體驗今日光臨貴店，對鐵板燒的高性價比印象深刻，特此分享體驗感受！首先，菜品價格親民得宜，以同類型餐廳而言，性價比極高。無論是龍蝦定鮑魚，前菜刺身食材新鮮度與份量皆誠意十足，完全超出預期。其次，服務細緻周到，環境舒適，環境寬敞整潔，鐵板檯與座位區規劃合理，既能近距離觀賞料理過程，又不會受油煙困擾。適合三五知己相聚嘅地方總體而言，這是一間價格實惠、味道絕佳的鐵板燒店，絕對值得推薦給親友！期待下次再來品嚐更多菜式…Read More

【自煮石板牛體驗】自助石燒牛扒！肉控可試「亂切牛」驚喜彈牙，鰻魚正常惹味這間自助形式的石板牛扒餐廳，也算高性價比與DIY趣味性吸引不少食肉獸。從點餐到烹調全程自助，適合追求自由度與飽足感的食客！餐廳採用半自助模式，門口設自助點餐機，可選擇牛肩排、封門柳、亂切牛等部位，另有鰻魚、雞扒等非牛選擇。付款後員工送餐，自己可到自助區無限添食日式牛肉湯、沙律吧與米飯。裝潢走簡約風，座位間距適中肉類實測：亂切牛驚喜勝封門柳*這次點了兩款牛肉與鰻魚餐： 1. 封門柳（300g） 肉質未如預期軟嫩，雖帶炭烤香氣，但纖維較粗，需仔細咀嚼。建議切成小塊並控制石板溫度，避免過熟影響口感。 2. 亂切牛（300g）> ，唔知自己食緊邊款牛 混搭不同部位的牛肉，內裡保持粉嫩多汁。肉味濃郁且油脂分布均勻，沾上蒜蓉燒汁更提鮮，滿足感十足。 3. 鰻魚 鰻魚鋪於熱石上，邊緣微焦帶脆皮，提醒不要放在石板上太耐，否則鰻魚皮會燒燶如果突然想食牛，又唔想自己煮呢間餐廳可以一試。…Read More

【隱世小店食記】選擇困難症救星！簡約版南洋風味驚喜登場在街角發現這家主打南洋風味的溫馨小店，推開門就感受到"選擇困難症友好"的貼心設計——餐牌精選不到10款，主食搭配2款人氣小吃，對於厭倦翻厚餐單的都市人來說，簡直是治癒系的存在。✦ 招牌叻沙 ✦湯底走清新路線的改良版，既沒有傳統叻沙的濃重椰奶感，又巧妙保留南洋香料層次。特別推薦搭配雞扒，肉質嫩滑得用筷子輕夾即分，浸潤湯汁後更顯鮮甜。男生建議加$6升級麵底，滿足感立即翻倍！✦ 鎮店雙寶 ✦【日式豬軟骨】燉煮得骨肉將離未離，醬香完全滲透每絲纖維【脆骨五花腩】每口都暗藏驚喜，軟骨爽脆與油脂香在齒間交響PS. 喇沙嗰隻蛋都好食晚市八點後會出現10-20分鐘人龍，不過翻桌速度頗快。特別欣賞店員的點餐指引，入座即清晰介紹「今日有2款主菜可選，小吃推薦試試我們的...」這種不讓人費神的服務節奏，與簡約餐單理念完美呼應。適合：✔️ 追求效率的上班族✔️ 南洋料理初心者✔️ 深夜想來碗暖心湯麵✔️ 厭倦網紅店的清流食客這家店證明了美食不需要華麗包裝，簡單專注反而更能突顯真味。可以期待二訪了～ …Read More

其實自助燒烤真的方便，但錫紙也要另外買，番薯🍠又沒有自己先包好，感覺好像去廁所包括，但另外要付款買廁紙般。這個感覺不良好， 3大2細$1152， 都唔係平，市道唔好，這般計算式餐廳，唔會想成日來。如果想近海，另外加$200 ，😅個塲都唔滿，使唔使要加錢呀！？食物質素可以，環境確實寛大，只係營銷手法麻麻。我唔會話我一定唔再來，但係呢個價錢，如果有更好嘅地方，我會選擇其他地方。…Read More

今日吃了all day breakfast & pancake 甜品，另外加了酥皮龍蝦湯。All day breakfast standard level, 平時想搵個舒服地方食全日早餐，這裏也是不錯選擇。今日跟餐加個酥皮龍蝦湯，佢個酥皮好脆👍🏻👍🏻，龍蝦味都有嘅。個pancake加朱古力雪糕都唔錯。一個普通嘅晚餐，呢度水準都穩定。餐牌都有好多唔同嘅選擇。復活節嘅關係，另外有小禮物俾小朋友，適合一家大細嚟呢度食飯，環境舒適。…Read More

這間日本人開的餐廳已經在尖沙咀區很久了，疫情下仍然屹立不倒，希望佢能夠堅持下去。我已經很久沒有來，晚餐約兩組4人慶祝生日飯，今次選擇很好很正確😎。有點不好意思是最後只有4+2人吃晚餐，用多了他們兩個可以做生意的位置，所以盡量叫了8人份量。🙏🏻🥺今晚食物質素很好，感覺味道再提升了，而且樓面人手轉左香港人，收野，倒水，上菜速度快咗好多👍🏻服務質素提升，而且環境仍然好有日本餐廳味道。生日飯上人多可以叫好多菜式分享。今晚比較推薦1）炸BB池魚，好鮮甜，雖然細細隻但係好美味，又唔會1口油。2）第二樣都好鍾意的是八爪魚魚餅，佢係好林，但係佢個魚肉味好好食。3）蔥白吞拿魚腩卷：成個口感好夾，值得食。4）牛腸麵鼓炒椰菜：牛腸好入味，連埋麵鼓一齊炒好夾，好嘢味👍🏻👍🏻鍾意食內臟的朋友，要記得食。5）雜錦刺身好新鮮，每款都好好食，特別係油甘魚。6）串燒類都唔錯，合格如果有聚會日子，想要輕輕鬆鬆的環境，這裡值得推介。環境唯一不是太好，是廁所好細間，轉身有困難😅不過，為了美食，會再來光顧的😋…Read More

為咗關東煮而特別訂枱來這裡吃晚飯。店舖小小，可以有七組坐位，三組面向煮食枱，四枱四人位置。7時多也都坐滿人及員工也多(4+3㕑)。坐得舒服的。疫情前，應該可以來吃宵夜至凌晨。大廚係正宗日本人，員工們同大廚交流全部都係用日文溝通，電視都係開住日本台，歌亦係播日文歌，感覺真係置身喺一間日本居酒屋咁。首先推介吃1.關東煮。個湯底真係鰹魚味濃。今次試咗：大根(淋，超入味)/竹輪卷(入味又有口感)/餃子卷(有口感而入面個餃子亦好出味，必試)/炸雜菜魚餅(正常，淋身嘅)/牛蒡魚餅(都有口感，魚肉味夠)/厚燒玉子(甜底再吸入湯汁，可以)，都好味2.串🔥：又鹽燒或汁燒選擇，喜歡味濃，揀汁燒好啲鹽燒豬腩肉串(好味，唔乾身)/鹽燒雞肉串(雞味重)/汁燒青椒(甜)/汁燒雞心(口感是帶淋的)3. 豬骨湯牛腸鍋：煮完之後D牛腸會縮到好細，正常嘅，湯底濃，追加埋個拉麵食，吸曬個湯汁，好味，但因為牛腸啲肥膏出咗好多油，所以個湯底係變到好油的，如果接受唔到嘅朋友可以選擇叫豚肉鍋。只會推介俾識食牛腸嘅朋友試。4.不可思議豆腐：店裏的特色菜之一，佢係一個好軟身嘅豆腐，但係有少少年糕煙韌，特別口味，多人吃可以叫一齊分享試。5.鹽燒鯖魚，加日本白飯：出奇地意外好味，本來覺得會係好乾身，似超市買急凍魚，但燒出嚟嘅時候，睇到肉質係新鮮，冇去問返係咪新鮮魚，但係味道整體來說係唔錯嘅。食過之後，下次可以叫其他燒魚試總括嚟講，呢間餐廳會想再同朋友嚟食。價格吾會太貴，買單都係$700下。…Read More

這間拉麵店是一間街坊食店，它就是其中一間餐廳，放工想搵個地方吃好吃的晚餐，而選擇會去吃。但如果你咁啱嚟到葵芳又想試吓搵嘢食，咁佢都可以係你嘅好選擇。又或者你係一個好鍾意食拉麵，咁特登過嚟食拉麵都係可以，但係如果你唔係特別鍾意食拉麵，而唔係住喺附近，咁就唔使特登山長水遠嚟食。講返個拉麵先:個麵口感ok彈牙，如果大食嘅人可以加面底。叉燒有兩款：真叉燒>好嫩肉，似怕嗎火腿咁，而普通叉燒就正常肉味，唔會乾。配料：筍丶紫菜丶粟米丶蔥，全部夾埋都幾好食。蛋是好味，喜歡吃流心蛋嘅我覺得不錯。湯底：我平時會揀清湯因為冇咁油膩，如果鍾意食濃味嘅可以叫濃湯底或者加黑蒜油，每個都有特色。小吃：炸雞都唔錯,新鮮炸，脆香；炸蝦就嫌粉多咗少少，冇特別要求都合格。以拉麵店來講，佢係味道是不錯。…Read More

如果你想坐得舒服丶如果你想食得滿足丶如果你想被服務舒心＞＞你想的話，就可以來試下這間環境一流的日式串燒餐廳門口位置有個特色鳥居，坐近門口可以直接看到師傅即場做串燒，2人同行又唔介意坐高凳，也會有一番風味。今次同家人(4大人)在初一來吃午飯，沒有了用優惠券嘅人流，所以環境都很清靜。大部份嘅位置都可以睇到維港海景，喜歡食埋環境的朋友，這裡是個好選擇。因為是公眾假期，沒有午餐優惠，所以決定睇餐牌自由選擇想吃的東西。「幸」有一套自家調煮9款特色醬料，餐牌入邊可以看到。有啲串燒已經配左唔同嘅醬料去烹調，而本身餐廳都選擇左三款比客人『白拌醬(豆腐製)/芫茜味噌/御手洗味噌』，我個人比較起喜歡味㬝嘅鹹味，特顯出肉味。新精頭，坐低之後，店員就送上他們特製的日式新年年糕湯，美又暖身，一餐的好開始。試了以下類別的串燒，整體🔥得很好，保留食物的鮮嫩，唔會過熟。1. 肉類串燒：1）手羽先(雞奕)-熱辣辣嘅嫩滑雞用，好味，是Encore選擇; 2）免治雞肉棒 - 燒得好，吾乾，有肉汁; 3）和牛舌-嫩; 4) 黑豚長蔥燒 -食肉之人可以叫多幾串吃; 5) &6)雞軟骨、雞腎-都燒得好好7) 福岡豚肉草莓卷(士多🍓豬肉) - 有趣的味道，唔食得有酸味嘅朋友就未必啱你口味8) 福岡豚肉芫茜卷(芫荽豬肉) - 喜歡有芫荽味嘅都可以一試。2. 海鮮類：1) 燒大鱔 - 肉厚，味道鮮嫩3. 特色串燒：1) 芝士年糕 - 真係覺得好味道，外脆內軟，以一串可以分享一齊試，😆本人不是年糕控，只係新年諗住食個好意頭，意外之好吃，可以推介。4. 菜類燒：1) 西班牙青椒仔-好香椒味，又甜2) 日本洋葱-好甜3) 京蔥燒 - 香5. 熱食類：1)野菜稻庭烏冬：想飲過熱辣辣嘅湯，所以揀咗呢個有菜同埋烏冬，如果你想有啲菜落肚，這是一個很好的選擇2)天婦羅：多款蔬菜同蝦都好味。3)最後叫咗個鰻魚鴨肝飯，佢係新鮮煮個飯，因為等左一陣，佢用咗一款日本米，味道好好食。餐廳嘅服務都好好。每一道菜，廚師同埋員工都好熱心介紹俾我哋知，推介我哋各式美食，令你感覺好好，服務態度值得一讚👍🏻望住維景個海景，它有一道門可以出去影相嘅，鍾意四圍望嘅朋友，可以試吓行出去影相，店員都好熱心幫你影相㗎🤗如果我有朋友聚會，環境可以靜靜地傾偈，位置坐得舒服，而食物也有水凖，呢間餐廳值得推介。…Read More

已經食咗好多次，一次過總結下這間餐廳。由試業到現在，見證佢價錢提升，佢已經定位為高水準品質的餐廳，不是行平價路缐，用高CP值來吸回頭客，只要水準維持，應該可以長做。而且附近真係未有同類水凖同環境比拼。食物推介：有機豬：大件夠飽，配薯仔已經好飽，午餐食完到夜晚仍然唔會覺得肚餓。魚：幼滑/法式煮法不錯；鴨胸：贊；意粉同意大利飯：濃味大份，食一個會好飽。…Read More

星期日，特登安排入嚟土瓜灣試呢間有All day Breakfast 嘅餐廳.食完第一個想法係：佢哋租金係咪好貴？所以以至咁普通的全日早餐變成咁昂貴。話佢貴係因為佢用嘅食材對比佢既價值同品質係完全不相稱。本身已經限制時間40分鐘用膳，以cafe來說，已經打折扣。基本60分鐘嘆杯咖啡嘅時間都唔夠。自己楝入去食，所以唔計今次分數，但如果你係想relax 嘆一餐，你就要林清楚。講返今日嘅食物先：1）$129的全日早餐：真係一個好「薄弱」的一個全日早餐（好一面係好健康）：小杯乳酪勁酸，大圍水果，將菠蘿放入勁酸嘅娛樂就係好些少 （酸嘅乳酪將菠蘿嘅甜帶咗出嚟，本身個菠蘿都係酸），煙肉只1塊細的，而且勁乾，蛋同塊菇算合格，不突出。整體來說，食開全日早餐嘅人來講，呢一個價錢配這個質素就唔合格，全日早餐係一個好似好簡單，但係會睇到一間店嘅心思係入邊，我睇到佢係一個高利潤嘅餐牌😢。個人意見，寫清楚個全日早餐係健康版，唔好用現家個名，如果唔係會令食開全日早餐嘅人期望有出入，真係會因為呢一個早餐再返嚟幫襯。全日早餐係要比心思落去每個細小嘅食材。2. 自家製喇沙海鮮扁意粉：味道可以，不過份量有點少，吃完胃夠位加埋甜品會飽。3. 曲奇窩夫配朱古力雪糕：新鮮整所以不錯4. 美式咖啡一杯：這杯咖啡是可以回來再喝我諗呢間餐廳可以為咗甜品以來，但係未必為咗鹹點😅…Read More

環境舒適，剛剛開業，感覺所以未好穩定，多D客人，再會好些，需要點時間站穩Omakase 這類食法。環境配套足夠，食物流量保持新鮮係要維持，加油。有機會再來試第二次。所有用品及擺設很有心思。…Read More

好少去元朗覓食，今次第一次来錦田上路食午餐，聽聞好難book，今次訂了兩位x2>四人一齊坐鐵板枱前享受廚師表演，及吃午市鐵板燒套餐，很滿意。交通其實都方便，錦上路地鐵外就有小巴直達，或乘座的士也很近。餐廳其實很細，只有10個位置對住廚師鐵板燒，另外有三至四張枱在後面。廚師很健談介紹食物也很清楚。睇住新鮮食材在面前煮食，色香味俱全。所有菜式都好好味，這個午時價錢真係好抵，絕不後悔長途入去食。柚子雪糕味都好好食，另外係慶祝生日飯，所以送上他們自製嘅紅莓雪糕蛋糕，好好食，但不是每次都是同一款的。餐廳環境其實很舒適，人不多，慢慢食，好享受…Read More

疫情期間，佢們安排入間坐，共三枱客人，靜靜的，很好的聚會地方，環境舒服。今次朋友安排了8道菜午餐，大家要預備會很飽的，對於兩女份量來說是不少，所以我們一直吃一路打包回家再享用😆。坐下來先送上脆腰果，我好少食但係都覺得唔錯。第一道菜係大閘蟹粉配脆多士，再有幾快印度薄餅一齊吃，第一道唔知飽，所以全部都吃光光，只剩數片薄餅，這個好香蟹粉味，配襯吹口嘅多士好有西式味道；第二道菜係火膧雞燉官燕，好清甜，好少飲有燕窩嘅燉湯，這個又吃完，已經有飽肚感；第三道菜係雙鮑魚豬腩浸翠蔬，一款鮑魚硬身啲另一款就好軟熟，快豬腩肉都好好味，不過這道菜已經打包左一半；第四道菜係西班牙紅蝦配竹笙蝦湯蒸蛋白，塊竹笙同蛋吸晒D蝦味，正！這個全部吃掉😋；第五道菜係吃牛伴蘆筍（冇睇Menu所以唔知係唔係澳洲M9），朋友吃黑魚籽星斑片伴豆腐；第六道係長壽麵（有豬肉碎），第七道菜係花膠糖水；之後店送了生日愛心蟠桃（壽桃包），🥳最後第八道菜係季節限定嘅水果盤，有香印大提子同麒麟果，加桃汁一小杯，味道清新。我認為這裡除了好吃之外，新同樂能帶給我享受美食的環境，氣氛，服務，整個用餐過程很滿足，我會想再與朋友們一起來吃東西。…Read More

有車，又有時間的話，而又想去下新地方，入嚟食這間正常平價all day breakfast也是選擇之一！佢是平民的all day breakfast , 麵包只是白包，平實，又可以選擇份量，加多或減少材料，價錢就有不同的。不過不要期望像出面$100-160的all day breakfast，會有細緻材料，像會轉特色麵包丶條腸好鬼西式丶西莎律菜等，它只是平實的早餐。另外試埋法式壓榨咖啡（即時用咖啡粉浸完，用盛器隔渣嘅咖啡），味道可以。…Read More