吉吉Lo's Profile

小店舖內細細，平時walkin都幾難會有位。尋晚特登打去訂枱，今晚終於有機會試試😌店內只約有7-8人座位，5位壽司吧枱，壽司師傅一人主力照顧各位客人，另外仲有兩位師傅/店員協助。師傅同店員都好親切，感覺良好。吉吉同朋友都係第一次幫襯，未黎食之前已經做定功課計劃食乜野。我哋目標都係先試試特選壽司盛。隔離食客點了omakase，師傅首先為佢地上菜。我哋繼續耐心等候。 終於到我哋了；師傅好有心機講解每件壽司食材及製法，仲有會建議客人點去享用每件壽司。 每當我地食咗一件，師傅都會觀察我地食後嘅反應，然後溫柔地問我地意見。食完8件壽司盛後，吉吉同朋友都意猶未盡... 問問師傅有咩推介； 師傅介紹左比較唔多遇到嘅鮮帆立貝、仲有時令赤甘鯛，左口魚。另外我哋再叫左一客活赤貝刺身。 不得了...不得了...鮮帆立貝壽司比較少響其他店提供，師傅形容為「試左返唔到轉頭」。呢7個字如同「期間限定」嘅魔力😝 吸引左我哋注意力！的確，估唔到嘅爽口，彈性，爽甜！好好味😍赤甘鯛壽司非常漿口，微甜，正灸燒左口魚裙邊壽司啲油脂...真係好好味...好好味... 返唔到轉頭...特選壽司盛時令壽司由師傅發板，每件都唔同特色，有唔同味道。食完唔夠喉🙈是日晚餐；二人前特選壽司盛 8件鮮帆立貝壽司活赤貝刺身赤甘鯛壽司灸燒左口魚裙邊壽司食完返唔到轉頭，所以要再返轉頭😌…Read More

今次吉吉終於嘗試菜飯以外嘅晚餐。結果係選擇正確☺️😌同樣好好味😋雖然放工時正正落大雨，但美食當前，煩惱盡消😌🥣好喜歡喵盒子嘅雜菜湯，好清甜，無味精，有蔬菜食😜 裝湯嘅碗子好精緻，日系小湯碗。🍝帶子扁意粉好味😋帶子好嫩，意粉醬汁唔會太稀，開胃茄味，上菜時熱辣辣，一路捲意粉一路出煙。☕️今晚特別想飲凍飲，膽粗粗阻住老闆娘執拾問下有咩凍啡推介；老闆娘亦膽粗粗咁介紹左呢杯香橙咖啡俾吉吉。 好飲👍🏼先試底層橙汁，再試面層咖啡，然後再mix埋一齊飲。 好香😌 吉吉覺得比檸啡好飲，無咁酸，香甜。 老闆娘放下心頭大石😌😝🦁⛰😷獅子山口罩，堅靚😍👍🏼 幸運地中午見到喵盒子出post，膽粗粗問老闆娘可否今晚留一盒俾吉吉，老闆娘一口答應，感恩🙏🏼🙏🏼喜歡小店 喜歡喵盒子 喜歡老闆娘溫柔細心 喜歡喵盒子嘅食物 🥰雜菜湯蕃茄忌廉帶子扁意粉香橙咖啡獅子山口罩…Read More

早兩日響ig無意間睇到有人介紹呢間剷屎官cafe，店內沒有真貓貓，但有好得意嘅貓貓背面造型咕𠱸，背面神秘但卻得意，吸睛指數極高😍 店內仲有好多貓貓有關嘅產品出售，好得意。吉吉覺得店主花咗好多心思響店舖擺設上，由心而發都係貓貓meow meow🐈吉吉被吸引後，慣性會去OR & 食店fb睇下有咩好嘢食；剛剛今個星期先再推出嘅「椰菜花飯」吉吉被佢吸引左！ 之前都有聽過椰菜花飯，但就從來未食過，好想試！阿公蛋包椰菜花飯雜菜湯TiramisuFlat White蛋包飯入面有椰菜花飯、粟米粒、豆腐粒。椰菜花甜甜的，因為啖啖菜入口，所以感覺又好清新好田園。最緊要係唔驚食梗成碟飯，無咁邪惡😁雜菜湯熱辣辣，我睇到嘅材料有洋蔥、紅蘿蔔、蕃茄。好清甜！唔覺得有味精！好清新好田園味道😌😋Tiramisu & Flat White，味道唔太濃，「飯」後慢慢嘆very good👍🏼今晚用膳感覺良好，心情愉快。吉吉必定會再去睇貓貓背影 😌…Read More

吉吉試新野；西班牙巴斯克芝士蛋糕咸牛肉厚多士Mocha芝士蛋糕；勁好味，軟 綿 濃味 少少焦糖甜味 好香，呢款極力推介🤤厚多士；好多芝士，份量剛剛好，輕食一流👍🏼Mocha；由於店員等齊食物才叫客人取餐，估計Mocha等左一段時間，所以面嘅花紋已經糊左，我隱約見到本身啲花好靚架。浪費左。 Mocha味道朱味偏濃。等食期間見隔離枱叫左Waffle，份量好大，好豐富，好吸引😍 吉吉食Waffle就應該食唔到其他野了，可以同朋友Share就perfect😌 好多野都想試🤤…Read More

吉吉試新野😌疫情關係，好耐無食點心啦😍 放假出黎搵好野食😋芝麻蝦多士；好香口呀，食到我口腔爆炸😝 其實係食唔停口，但係實在太飽飽了，吉吉自己已經食左兩件...無位再食啦。XO醬炒蘿蔔糕；煎得好香，少少辣。好喜歡落左芹菜絲一齊炒，平衡返。好味。鳳爪排骨飯；啲白飯好好味😍好煙靭，好飽嘅情況下唔覺唔覺食左一碗仔🙈 而且孖寶餐好抵食。正。新鮮蝦餃皇；皮煙靭，清清地。蜜汁叉燒包；無肥豬肉，醬汁唔會過多。包皮好Q。好味。蘿蔔絲天鵝酥；賣相好靚好得意！酥皮好鬆，入面滿滿蘿蔔絲😌XO醬炒腸粉；味道係OK，不過吉吉嫌炒得唔夠乾身，會更香口。渴左好耐點心，今日終於可以食返夠本😍😍…Read More

吉吉好貪心😍眼闊肚窄🤤買左好多麵包西餅試😋 放心，西餅分左兩餐食架😝🤤 🌰栗子包；面包好煙靭，栗子餡好正！栗子容當然有啦，連栗子粒粒都食到呀！味道不是死甜！真係好味啵👍🏼 沙翁；面包都係好煙靭。味道都正常OK👍🏼 蘋果撻；好多蘋果餡，仲食到粒提子乾，撻底餅底幾好味啵。藍莓芝士蛋糕；唔係NY cheesecake果種實的的，而係軟熟，而且芝味好濃郁，有驚喜。拿破崙；呢件真係有兒時味道👍🏼👍🏼入面嘅餡料有種真係兒時成日食到嘅配搭。唔係吉士醬味道，但好好食！要再買多件食真啲先。蜂蜜卷蛋；一次過食到其他味道嘅卷蛋併合而成蜂蜜卷蛋。真係可以一次過滿足哂想試多種口味嘅你😌😋卷蛋質感實在，絕不是一陣風的！吉吉喜歡😍我諗次次去灣仔吉吉都會去幫襯😌 下次試曲奇🍪#個人口味#支持LSshop#yellowshop…Read More

吉吉第一次到訪😌之前想試好耐了☕️🥯由於佢平日收4點，所以放工後試唔到🙄金門火腿芝士烘包Gammon ham & cheese BagelHot Mocha Large大鄉吉出城... 吉吉第一次食Bagel😝包包偏軟，有QQ口感。芝士味好濃郁，少少咸。金門火腿，唔錯，好味。(吉吉詞窮唔識俾食評😅) Mocha；雖然都有半年無幫襯過屎打筆，但係果陣mocha味仲未甩到... 呢度嘅mocha係啡味比較多少少嘅，朱味唔會太重。吉吉都喜歡飲呢杯mocha嘅。順便要戒掉屎打筆嘅味道。店內環境；簡約。座位不多。#個人口味#支持LSshop#yellowshop…Read More

今晚吉吉終於鼓起勇氣... 點左「噴火雞中翼」黎試下。 我本身唔會主動食辣，太辣亦食唔到。問過腦細，話有少少辣。好！鼓起勇氣一試😝雞翼即叫即煎，熱辣辣(大家要俾啲耐性等待😊)我仲見到少少辣椒籽🌶😅皮煎到好香，雞肉剛剛熟認真，辣的，不過我仲頂到😝辣完好快無事，雞翼好味👍🏼😋仲有另一樣我未食過，第一次試；「芝士汁撈芝士丸」幾好味，芝士汁唔太漏芝士丸入面爆芝士成口芝士呀😝剩返嘅芝士汁唔好浪費，點埋其他野一齊食🤩另外，三寶都係我至愛；快、靚、正👍🏼 (燒賣、魚旦、司華力腸)…Read More

吉吉試新野；(其實開左好耐，只係吉吉第一次試😅) 焗肉醬千層麵，外賣自取折後$62份量十足，醬料勁多，一個人食都幾漏😅 建議開心share😌 我覺得可以買啲麥片/粟米片然後點肉醬黎食，送埋啤酒，簡直享受🤤下次想試薄餅及炸雞😌 好多網友都話炸雞必試🤤…Read More

前晚終於都去左新蒲崗友利坊晚餐😊查實我都係第一次幫襯😅 睇網友推介要必食乳豬，放左工就拿拿臨好期待咁去試吓... 「乳豬賣晒」😱omg... 無計，好野通常都好快賣哂嘅... 唯有試下叉燒油雞飯+花膠海參螺頭燉雞湯，套餐$79。燉湯；幾清甜，有料頭，唔錯。叉燒；半肥瘦，厚肉但唔硬，好味😋油雞；ok，幾嫩。油菜；其實我唔知個餐原來跟一碟菜🤣店員；有禮貌。價錢；食到飽飽，好抵食丫😌下次要試到乳豬為止🤤🤤…Read More

吉吉又試新野😝呢排好忙，忙住周圍試新野😌吉吉第一次幫襯，今晚比較貪心，乜都想試下，見呢款招牌便當有多款餸菜，所以今次揀黎試試。重光招牌便當 $65首先想讚讚個飯，買完個飯，搭埋車返屋企，約15分鐘，返到黎仲拖左個地，然後先整頓好開餐，開餐前仲俾相機食左先😝 一口飯入口，仲暖架😍 加埋啲紫菜/芝麻一齊食，好好味呀😍餸菜都好多，4-6款，味道都唔錯，好滿足。呢個便當，吉吉喜歡👍🏼 下次再試其他款😌😋…Read More

突然想打邊邊，我地兩個人都未試過呢間，平時行過見到任食都好想試，今晚決定黎試下。7點未到，場內無乜人，我地安排到4人卡位坐，舒適。坐下見牆身有usb插頭可供客人叉電用。場內燈光都光猛，食物自助區都好齊整。感覺光鮮齊整。拎完食物，準備開始，發現筷子有污漬，放在枱面上嘅用具有小昆蟲... 清潔度就真係要改善下。我地叫左最平嘅牛牛餐，牛牛質素普通，但呢個價錢都ok。飲品選擇都唔少，有啤酒提供。仲有甜品選擇，啫喱雪巴自己選擇。…Read More

吉吉終於第一次食厚pancake了！好開心無選錯食店，仲要滿心歡喜咁食飽飽離開之前無意間見到原來新蒲崗開左間cafe，佢地有售吉吉夢寐以求想試嘅厚pancake，價錢合理而且平日tea time唔洗等位，可以靜靜地享受，所以特登黎試下今次一行二人，吉吉點左牛油楓糖漿pancake，而朋友點左草莓口味。大大碟，pancake好厚，楓糖漿味道好好，唔會死甜，配pancake & cream一齊食好好味。而草莓味嘅就配埋大大粒脆糖，真係好鬼正 下次要再黎試下其他野食先…Read More

7月1日；今日第一日開張，我去到已差不多7點，店員話外賣已經賣哂，堂食就仲有，不過只有原味供應及飲品。難得出尖沙咀，價錢雖貴，負擔得起，一心想試，排隊！人流算快，而且我一個人，好快有位。(其實件蛋糕可以極快食哂, 所以人客唔會坐太耐😝)Signature Mille Crepes;其實係偏甜的！果層pancake有焦糖，甜！皮唔厚，幾好。 Cream，非常滑，真係好滑，d cream 好好味😋 食到d cream後感覺非常開心，好少女，好sweet呀☺️☺️可能而家天氣熱，我有d感覺食到一半個cake溶溶地😁 不過味道依然好味😊cake size 唔算好大件，價錢 $68，偏貴，但尚可接受，若然平少少更好😂Iced Cappuccino;本身吉吉最喜愛Mocha，但可惜mocha無iced... 唯有order IC... 好飲！我覺得係d奶質素好👍🏼 好滑，夠啡味😊 $50，貴過杯starbucks mocha 😅店員；佢地好忙，基本上都nice的，不過不失。由於我杯飲品遲左好多，有位女店員不時同我講「唔好意思」，又主動幫我添水，nice ^^(吉吉今日心情好，我無介意，亦好理解第一日開張實有甩漏^^)由於價錢問題，我唔會主動再去食，但我會非常懷念d cream嘅味道😋😋 so sweet ^^…Read More

好耐無食過「熱辣辣嘅乾炒牛河」雖然味道較淡，但熱辣辣好夠鑊氣，真係好正！配埋杯茶走，開心開心！（順帶一提，金寶奶茶茶味夠，茶/奶比例幾好，吉吉喜歡）店內環境雖然舊及細，但好喜歡有幾張2人卡位，唔洗同其他人share枱。店內衛生度都唔差，起碼地下好乾爽。仲有，老老闆(估計係爸爸) 好nice，好有笑容，俾錢果陣見到佢會好開心☺️ 都係舊小店正👍🏼…Read More