booey's Profile

放左工想食下好西慰勞自己，朋友帶左我去尖沙咀食鐵板燒，平時見啲餐廳都係得一排吧檯位，呢度係有三邊可以睇住師傅料理，空間感都好夠好闊落，師傅亦都會不時介紹菜式。🥢特色沙律$38🥢鐵板蒸蛋 ＄68蒸蛋口感滑溜加黑魚籽脆卜卜口感豐富。入面仲加左煎香鵝肝味道更香濃。🥢斑馬瀨尿蝦＄248斑馬瀨尿蝦好大條好生猛，切開左頭身都仲郁緊😳瀨尿蝦好飽滿啖啖肉，肉質好彈牙，簡單牛油炒香淋上已經好好味🥢加拿大銀鱈魚 ＄138銀鱈魚煎香後舖上滿滿鹹蛋黃，再用火輕輕燒過表面，鹹蛋黃醬係師傅自己調味，唔會過鹹而有蛋香味。魚肉肉質嫩滑，入口即化🥢鐵板花甲＄248花甲新鮮大大隻，加左香辣醬炒好惹味😋🥢煙燻黑豚肉＄208師傅將櫻花木放鐵板再架上黑豚肉用蓋焗做到煙燻嘅效果，當打開時香味撲鼻，黑豚肉肥瘦適中，好好味🥢鐵板炒飯 ＄68炒飯粒粒分明，櫻花蝦加醃菜炒飯真係第一次食，好新奇，味道出奇地夾，醃菜嘅鹹味可以唔洗調味已經夠味👍🏻🥢味噌湯＄12🥢日式炒野菜$68野菜清甜爽脆，食完豐富一餐要食菜減下油膩感🥢士多啤梨雪糕＄38…Read More

依家深水埗多左好多coffee shop,今次我同朋友去左呢間位於荔枝角道近太子站嘅KK coffee，店舖有室外及室外座位。All day breakfast $148煙三文魚、牛油果、雜菜沙律、炒蛋、炒香菇、煙肉、香蕉、牛角包窩夫賣相唔錯同埋好豐富，份量足夠可兩人分享卡邦尼意粉 $98香濃蛋香加煙肉芝士碎，都係熟悉嘅味道玫瑰宇治抹茶紅豆牛角包窩夫 $108牛角包窩夫口感酥脆淋左啲濃郁嘅抹茶醬，味道回甘而不苦，上面加左啲玫瑰花瓣食落有玫瑰香👍🏻朱古力咖啡$50碧翠園大極 抹茶latte $68我揀左鍾意嘅抹茶，味道濃郁帶點奶香甜味，好好飲…Read More

銅鑼灣新開Omakase 重房，裝修帶點日本庭院風。一張可以坐滿十多人嘅長吧枱，空間感都幾夠。依家暫時只有一個dinner set $1580, 價錢唔算貴，因為品項好多好滿足。二人同行仲可以送300ml 嘅清酒。前菜：水雲、蟹肉、冷菠菜、三文魚子，醬汁味道酸酸地夠晒開胃冰見寒鰤：刺身好鮮甜，撒左啲五色芝麻碎&黃色芥辣味道更豐富。深海池魚：師傅用網燒過下表面加左木魚花，食落幾香又鮮嫩。赤崎真蠔：生蠔大大隻好鮮美爽口，海水味濃郁。池魚碎切：食左上面粒黑豆再食下面啲魚生粒。醬汁係用左西蘭花苗、薑花、花椒葉同埋用醋做嘅麵豉汁，食落酸咪咪幾好味北海道bb銀鱈魚：肉質細膩又鮮味香箱蟹：即雌性松葉蟹，將蟹膏蟹肉蟹子放晒喺蟹蓋上，再加埋三文魚子，十分鮮味，好鍾意呢道菜☺️醬燒帆立貝：帆立貝肥美，醬油味唔算濃，啱啱好唔會蓋過鮮味鮟鱇魚肝：呢個有驚喜，加左酸甜草莓碎、香蔥碎同埋淡雪鹽味道層次豐富。磯煮鮑魚：肉質彈牙，配上鮑魚肝醬提升鮮味金鯛立鱗燒配南瓜湯球：魚皮好酥脆，肉質鮮嫩。南瓜湯球係以分子料理整成，一入口就會爆開，食嘅時候要一啖擺落口。赤貝：口感爽脆，加左柚子皮同橘子汁完全無腥味。甜蝦：表面搽上蝦膏蝦頭熬煮嘅汁相當鮮甜美味。黑鯥魚：用火炙燒過，油香味更濃。根室海膽：味道鮮甜濃郁，帶少少甘味。生死戀：個名非常特別，因為係有一片生同一片熟嘅刺身而取名。新鮮炸嘅紫菜加紫蘇葉夾埋兩片拖羅，外脆肉軟，口感豐富，滿滿魚油味👍🏻魚湯：味道濃郁鮮甜，入面仲有豆腐粒&雜菌添水信玄餅：水信玄餅好少食，餐廳自家製左個蝶豆花糖水，加檸檬汁攪拌可以變夢幻粉紅色，味道好清新…Read More

初嚐串揚omakase，朋友帶我黎到九龍城"北斗"食好西🤭門面較低調，內裡卻有眼前一亮嘅感覺，雖然座位不算多，但勝在夠安靜舒服。餐廳全部料理都係由日籍廚師主理，而食材刺身魚類都係來自日本當日進口香港，相當新鮮。晚食分別有 北 $980 同埋 斗 $1380，同朋友都揀左斗，可以食埋刺身同埋燒物😋✨先付 // 牛蒡漬 & 蒜頭漬✨前菜 // 青森縣 大間鮪魚赤身 & 北海道海膽擺盤有心思，赤身砌成玫瑰花，好睇又好食，味道好鮮甜✨清湯 // 蜆湯用茶壼裝住好別緻，味道鮮味清甜，內裡仲有大大隻蜆🤭✨刺身// 北寄貝 、深海池魚、鯖魚、北海道生蠔、炙燒大拖羅最鍾意深海池魚同埋大拖羅，非常肥美，炙燒後魚油香氣撲鼻。北海道生蠔大大隻好滿足，入口爽滑。鯖魚完全無魚腥味，好鮮味。北寄貝加左啲柚子汁入口清新爽脆。✨串揚 // 京都茄子、魷魚&三文魚子、白鰻魚、沙鎚魚、秋刀魚串揚上嘅粉漿好薄，咬落好酥脆而食材亦保留肉汁和鮮味，每一道都好出色。魚肉肉質好嫩滑，唔捨得食晒🙈✨燒物 // 神戶和牛厚切和牛粒燒得好香，肉質軟腍，加左黑椒粒好惹味。✨食事 // 明太子茶漬飯前面已經食到飽晒，但有我最鍾意嘅明太子一定會清晒🤭明太子鹹香微辣配茶漬飯好夾，味道層次豐富✨甜品 // 靜岡 冠蜜瓜清甜可口嘅蜜瓜作為最後甜品真係完美😋😋…Read More

之前有幾個朋友都講過九龍城呢間壽司店好唔錯，今日終於有機會同朋友黎試下，日式裝潢，舖面雖小，但一應俱全，座位亦都幾舒服。店內主打壽司及刺身，魚生全部都係由日本空運到港，非常新鮮，仲時不時都會轉換時令食材添，價格亦比較相宜。店員時不時會留意客人需要，同埋會主動加茶，好貼心。特上刺身盛盒 $498赤身/拖羅/三文魚/油甘魚/真錭深海池魚/帶子/海膽/牡丹蝦食完呢個刺身盛盒好滿足，種類多樣，每樣食材都非常新鮮味美，每樣都不可缺少😋最愛嘅海膽超鮮甜💛手卷：火炙三文魚海膽手卷$52火炙本鮪大拖羅手卷$68火炙過嘅大拖羅散發魚油香味，但食落一啲都唔膩，大拖份量仲唔少，啖啖滋味。秋刀魚壽司$48@each平時比較少會點秋刀魚壽司，朋友今次點左就試下，味道幾獨特，都幾鮮甜。自家製鰻魚丼$78呢排天氣轉涼左，食完凍冰冰壽司刺身後，想食返啲熱嘅暖下個人☺️鰻魚燒得好香，肉質鮮嫩肥美，配玉子燒又幾好味喎，特別想講啲飯好好味🤭平時唔多食飯嘅我都俾我清晒🙈…Read More

今日同朋友去呢間位於九如坊嘅杣．yashima食Omakase，雖座位不算多，但安排座位時有特意隔開每組客人，有足夠空間感。聽講係有日本師傅主理好期待，可惜當日唔喺度，但當日師傅都有耐心逐一介紹每款料理，食材非常新鮮，配搭亦好特別，整體無論服務，環境，食物都好唔錯。夕食 $2680前菜水果蕃茄、北海道海膽、鮑魚、松葉蟹肉堆疊，上面加左魚子醬同酸汁，非常醒胃。胡麻豆腐 九繪魚 配辣椒蘿蔔蓉及酸汁啫喱幾清新，肉質爽口彈牙。伊勢龍蝦 配海膽 鮮甜味濃郁。鮑魚意粉配紫蘇花 非常特別，第一次喺omakase食到意粉🙈味道都唔錯龍蝦 松葉蟹卷 配南瓜再淋上龍蝦dashi 汁很鮮味。赤鯥 虎蝦 茄子 呢道有啲似中菜感覺🙈一餐omakase可以食到唔同料理都幾特別。白魷魚 象拔蚌静岡地金目錭喜之次牡丹蝦 蝦膏北海道赤海膽 牡丹蝦蓉江戶前玉子燒 賣相好似一舊燒肉，但估唔到係玉子燒😂好特別嘅口感，有少少似食緊蛋糕，幾好味麵豉湯靜崗蜜瓜蘋果味大福Panna cotta + yogurt…Read More

今日黎左呢間收藏左好耐嘅Mano食個weekend brunch, 原來朋友之前都黎過，味道都唔錯，今日再試下佢未試過嘅🤭餐廳位置較偏僻，以為會無咩人，點知假日都差唔多滿座，訂定位就唔洗怕要等。（拍攝時已食完，所以望落無咩人🙈)黑松露卡邦尼扁意粉 $108賣相幾好，滿滿黑松露一啲都唔吝嗇🤭扁意粉煮得幾彈牙，但略嫌味道稍淡，加返少少鹽會好啲夏威夷薄餅 $178主打手工薄餅，當然要試下，呢個薄餅幾驚喜，出面食開嘅夏威夷薄餅上面嘅菠蘿係罐頭菠蘿黎嘅，但呢度係用新鮮菠蘿，味道相當甜，呢度好加分🤭少少美中不足係啲火腿可以香口啲會更好（可能係自己比較鍾意香口/重口味啲）🙈整體都唔錯👍+$15 是日餐湯 (周打蜆湯）味道都幾濃郁，仲有原隻蜆肉👍+$18 Mocha…Read More

第一次黎位於尖沙咀H Zentre搵食，原來都幾多餐廰，今次朋友搵左呢間三郎。燒肉，裝修有格調座位寛敞舒適。今次同朋友order 左和牛Omakase。食物質素高，款式好多樣化，有刺身、炸物、燒肉，最驚喜係個和牛煲仔飯，和牛粒肉質非常嫰滑，蛋汁混合粒粒焦香珍珠米，非常惹味！必試！烤和牛肩他他凱撒沙律 季節刺身盛合(五款) 鱲魚、青鯛、鰈魚、赤蝦、中拖羅香辣雞翼 特選和牛盛合(五款) 下腹肉、和牛牛肋條、特上羽下、和牛肉眼、外側後腿肉阿波尾雞中翼、阿波尾雞頸、牛油帆立貝和牛煲仔飯柚子雪葩…Read More

放假當然要享受下美食啦。今日同朋友去左呢間位於跑馬地嘅Suzuno品嚐omakase。晚市只設一款DINNER SET︰MIYABI前菜︰水雲藻山芋蓉、真鯛高湯凍、鰻魚淮山及沢蟹。最鍾意係沢蟹，炸完再煮，可以連殼食，食落好香脆。京都鱧魚 屬鱔嘅一種，鱧魚用左梅醬點綴，味道清甜肉爽。師傅仲加左覆蓋啫喱狀嘅順菜 第一次食味道唔錯當日師傅將富山灣小白蝦整左三食，炸小白蝦、小白蝦刺身及炸白蝦丸。炸白蝦全隻炸至香脆好惹味，餸酒絕配。小白蝦刺身 肉質彈牙，味道鮮甜。海老真丈伴青椒仔 真丈口感鬆軟而有彈性，炸後內裡充滿肉汁, 仍保有鮮味一啲都唔膩。刺身︰鱸魚味淡，點一點醋橘或配酸汁加紫蘇花 味道更鮮。鰝鰺即深海池魚，油脂肥美而不膩，肉質緊緻綿密。八爪魚 觸手肉 和 吸盤， 配山葵漬和wasabi。觸手肉口感較軟糯，吸盤都係第一次食, 口感爽脆，好特別。原隻岩手紫海膽 師傅話每隻海膽味道視乎生長環境而有所不同，有礦物味較重及偏甜味，我同朋友交換黎試，朋友嗰隻真係甜啲，而我嗰隻就礦物味較重啲，長知識了。炸粟米好甜好味壽司︰金目錭 以湯霜造做法充分激發出魚皮油脂的旨味。關鯖魚 魚味濃郁，肉質紮實有彈性。鮎魚又稱香魚，味道鮮甜肉質嫰滑。帆立貝 開半包住壽司飯，味較淡, 但有彈性。池魚 肉質緊緻帶魚油香。海膽 分量足，鮮味濃，口感軟滑。中拖羅 油分適中，味道濃郁。大拖羅 配海鹽提升拖羅的鮮味，人口即化。醬油漬赤身 味道適中，軟嫰美味。奈良縣西瓜漬小卷 西瓜漬師傅喺奈良旅遊時帶返黎的, 西瓜漬散發濃濃酒味，風味獨特，但不是每個人都識欣賞，包括我...哈哈麵豉湯 內有魚肉，味道都幾鮮甜。甜品：粟米慕絲 質感綿密，新鮮粟米味，仲食到有絲絲粟米衣🤭靜岡 赤蜜瓜 味香甜多汁。…Read More

相約朋友到心一．影聚會，餐廳位於灣仔Winland Square，步入餐廳已經有店員熱情招待。餐廳非常寛敞，劃分左數個不同區域，亦提供多元化的料理，包括串燒、OMAKASE、割烹、酒吧。餐廳更提供私人VIP房，房內有埋卡拉OK好適合一班朋友舉行派對聚會。今日同朋友就揀左坐心型吧檯食串燒，本身吧檯會變色的，不過當日因餐廳氣氛適合白燈，所以無轉到色，很可惜未能感受。我地揀左Sake & Yakitori Dinner Set，每位都會附送一壺 宮寒梅純米大吟釀，更可自選自己喜歡嘅杯，清酒帶果香非常易入口。前菜係黃金飛魚子沙律，清甜爽脆椰菜絲配上口感爽脆飛魚子，很開胃。刺身有四款，包括赤貝、象拔蚌、拖羅及左口魚。每款刺身都各有鮮味，最喜愛拖羅入口即化。接下來係串燒，係用木炭黎燒架，有十三款可選擇，每人可選6款不同款，師傅會在面前即燒。店員遞上裝有調味的碟，上面有黑炭鹽、岩鹽、七味醬及一角檸檬，每款串燒本身已調味，不過可根據自己口味再點上不同醬料。龍蝦串燒已將肉起左串起燒，食落啖啖肉，口感爽彈味道鮮甜。澳洲和牛及牛舌燒得啱啱好，肉質軟嫩多汁。雞翼燒到金黃色，外皮香脆內裏嫩滑。燒魷魚外層微焦但肉質都爽嫩及彈牙。最特別係好少喺串燒出現嘅午餐肉，係用左謝霆鋒推出嘅鋒味午餐肉，咬落去係食到滿滿嘅豬肉絲，感覺比其他午餐肉較低鹽。跟餐有香蔥碎吞拿魚腩飯，但我地加左98蚊轉左蟹膏蟹肉甲羅燒飯，因為食到已經開始飽，所以叫左少飯，店員喺面前為我地煮飯，見到都幾大碗蟹膏蟹肉撈落飯到最後再喺表面炙燒過，再撒上烏魚子碎，味道好有層次，亦無一般嘅甲羅燒鹹，值得一試最後甜品少不了雪糕，當日嘅係柚子雪葩，入面有粒粒柚皮，酸酸甜甜啱晒飯後可以解膩整體無論氣氛、餐飲還是服務都係有水準的。…Read More

朋友收工約左我去呢間位於北角嘅三代目，見到評價都幾好，好期待。入面座位好闊落，樓底高空間感更大。食物選擇多，總有一款啱你口味。原排海膽配壽司飯 $288去日式餐廳又點少得海膽，今次叫左一板，見到都流晒口水。味道鮮甜，就咁用紫菜包住白飯都已經好好味。火焰雞 $68雞肉係用慢煮方式烹調，肉質好嫩滑，配上少少自調辣汁，味道都唔錯。豚肉醬油魚介拌麵 $92配料有櫻花蝦、筍絲、洋蔥粒等等，用蛋汁將麵條拌勻，由於我地無即時拌開，啲麵有少少黏住左，建議上枱後即刻拌開會好啲。味道剛剛好，豚肉有少少似豬展肉唔係一般嘅叉燒，幾特別。玉米芝士條 $58芝士條炸到好脆，上面撒左啲玉米味粉，味道少少偏甜都唔錯，入面嘅拉絲芝士超大條，每人食兩條都飽左三成牛之拼盤 $108(牛舌，一口牛，牛肉蘆筍）味道唔錯，最鍾意牛舌，咬落軟嫩，一口牛就半肥瘦，我自己就一般粟米天婦羅 $48南瓜甜薯天婦羅 $52天婦羅粉漿算薄，炸得幾酥脆火焰牛 (配醬漬山葵莖）@$48牛肉炙燒後有油脂焦香，肉質好嫩，一啖過好滿足荔枝焙茶 $38出面無乜見過焙茶有荔枝味，即刻order黎試下，估唔到又幾清香喎，不過就有少少蓋過左焙茶味。梅酒 $68…Read More

朋友食過呢間千之味唔錯, 今日放工後同我黎食, 見唔少食客都會點套餐, 選擇好多, 價錢都係幾十蚊，相當抵食。不過我地就想食唔同嘅, 所以我地都係單點。除左壽司及卷物外, 我地都點左幾樣小食，整體都唔錯抵食。本鮪中拖壽司(2件) $75特大赤蝦壽司(2件) $34海膽軍艦(2件) $48火炙左口魚邊壽司(2件) $56油甘魚壽司 (2件) $35劍魚腩壽司 2件 $28辣味三文魚卷(4件) $50辣味芝士軟殼蟹卷(4件) $58芝士炸蝦卷(4件) $48鹽燒鯖魚(1條) $58芝麻雞翼 $38…Read More

位於大壩街嘅鮨一喺正荃灣廣場對面，之前經過都有啲興趣試下，今日放工後有時間就同朋友過黎試下，食完順便可以行下街。餐廳座位唔算多，不過坐落唔逼幾闊落，原來餐廳仲有其他兩間分店分別喺大埔同埋尖沙咀。三色丼定食(三文魚、甜蝦、帶子) $98定食附送：前菜、沙律、麵豉湯三文魚都幾厚切，帶子鮮甜帶少少彈性鮨一千層海膽飯 (小)(升級日本海膽加$50）$248海膽堆到成座山咁高, 仲多過飯，中間仲加左啲吞拿魚蓉，啖啖滿足原條池魚刺身 $188原條上嘅池魚刺身都少見，師傅將魚肉薄切, 點埋酸汁幾鮮味，價錢唔貴值得一試火炙鰈魚邊壽司 $56鰈魚炙燒後逼出魚油香，入口即化甲羅燒 $98每次見到有都會想試，超多蟹膏再拌埋蛋黃配埋即烘嘅一口多士好惹味，多士趁熱食最好味， 放耐左會變軟燒芝士年糕 $32燒到入面暖暖地有流心，芝士味都幾香日本芝士蛋糕 $32綠茶蕨餅 $28熱情果梳打 $32信洲白桃梳打 $35…Read More

之前喺旺角分店食過都幾唔錯，今次再同朋友兩個人試下呢間西環分店，呢度可以叫半份，啱晒人少少又想打邊爐嘅我地。台式古早沙嗲麻辣鍋 (小辣）$168湯底偏麻辣味，沙嗲味較淡，鍋入面已經附有蜂巢豆腐同埋鴨血，份量都唔少👍**我地叫左個湯底先見到星期一至四指定湯底有得免費加鴨血同埋蜂巢豆腐架，下次睇下有咩promo再叫就唔會錯過左喇，不過佢本身份量都多，其實都夠食極品安格斯肥牛（大）$286薄切肥牛質素幾好，油脂分佈都幾靚鴛鴦雙蚌（珊瑚蚌拼桂花蚌）$145兩樣拼埋都幾好，可以試晒唔同，份量算多，食材都幾新鮮，質感爽彈牛骨髓 (半份）$44呢樣係我同朋友去親火鍋必點嘅，口感軟滑似豆腐，配沙嗲湯底一流黑松露菌醬爆漿牛丸 (半份）$59法式龍蝦湯爆漿牛丸 (半份）$59叫左兩款爆漿牛丸，入面啲漿超濃郁，完全食得出係咩味👍最鍾意黑松露味，同牛丸最夾，不過要小心焫親個咀皇帝菜 (一份）$49非常新鮮，配沙嗲湯好好味椒鹽九肚魚 $75粉漿薄薄一層，表面炸得好酥脆，好好味冬瓜檸檬冰沙（一渣）$89冬瓜檸檬味都好出，解渴一流，不過有時飲冰沙飲得太快會得返啲冰喺度無晒水😆如果唔想得返啲冰，就要等佢溶少少先飲就會好啲店家仲送左碗仙草芋圓俾我地，雖然係送嘅，但一啲都唔馬虎，一大舊仙草上面加左紅綠豆，珍珠，白玉，芋圓，好味道😋味道會偏甜少少…Read More

同朋友放工後諗住去食下飯飲杯嘢放鬆下，朋友介紹左呢間酒吧唔錯，仲有西班牙菜添！餐廳裝修都幾特別，牆身有貓貓壁畫，望住食飯都開心啲🤭整體感覺都唔錯，幾有氣氛✨西班牙炒辣肉腸 $58辣肉腸鹹香惹味，配酒飲一流呀😋忌廉白酒煮青口 $108呢個好好味呀，青口有十隻咁多，同埋都幾新鮮肥美，忌廉汁濃郁得黎唔會膩，仲附有3片多士泰式烤豬頸肉捲餅 $58豬頸肉烤得好香，仲保留左肉汁配泰式辣醬超惹味北海道松葉蟹腳忌廉意粉 $188有兩隻松葉蟹腳😋意粉煮得啱啱好，軟硬適中，個汁好creamy, 入面仲加左好多bb蘆筍呀👍Spicy fifty $74呢杯cocktail 好特別，用左紅辣椒，vodka , vanilla, honey syrup同埋elderflower syrup調成，飲落甜中帶辣🌶Midnight $55(passionfruit, grapefruit, butterfly pea)兩種水果果味都好香，甜帶微酸，加埋蝶豆花美感up!打咭一流🤭…Read More