稻草人's Profile

食物質素整體不錯 , 凍海鮮有蟹腳龍蝦同鮑魚 , 蟹腳幾鮮甜 ,龍蝦亦尚算不錯 ,  鮑魚比較淡 扒類有羊架及燒肉眼 , 冇過熟 , 肉質夠嫩 . 熟食有牛胸肉 , 豬鞍, 辣子蝦 , 椒鹽鮮魷 , 炸軟殼蟹 , 咖哩, 螺片時菜 , 炒飯同墨汁意粉等 , 雖然選擇唔算多 , 但亦唔係濫竽充數 . 燒味有叉燒 , 燒肉 , 尤其燒肉皮脆肉嫩 , 五層肥瘦相間 , 相當有質素亦有海南雞 , 但海南雞唔算突出 , 另外黑豉油略帶苦味 , 唔太建議甜品主打有文華1963芝士蛋糕 , 如果買既話一底就$978 , 呢度可以任食 但最差既就係水果類 , 得一款水果沙律 , 西瓜密瓜哈蜜瓜菠蘿四款撈埋一齊  味道混合埋一齊唔太好 , 而且又d蓉蓉爛爛  , 個人覺得如果可以分開俾人夾會好d環境比較暗同安靜 , 座位唔算多 , 所以人唔多 , 亦唔洗排隊拎食物 , 侍應服務有禮 …Read More

當日主題一樂燒鵝 / 安利魚蛋 , 雖然出名 , 但其實亦只係不過不失 , 簡單D講 , 自己去佢地度食都得啦 , 何苦要去自助餐 , 記憶中一樂燒鵝全隻都只係600咁上下 , 任你再大食都食唔到一隻 , 而且燒鵝肉質唔算嫩 , 水平一般 . 安利魚蛋就更加唔值錢 . 有魚片雲吞牛丸墨魚丸揀 , 當中雲吞最差 , 蝦爽但冇豬肉香亦唔夠味 .海鮮冷盤主打龍蝦 , 但波士頓龍蝦向來味淡肉粗 , 尤如嚼蠟 , 如果可以揀我都係揀蟹腳比較好 . 凍肉盤有3種煙三文魚 , 其中兩款質素比較好 (厚切既黑椒三文魚同紅菜頭三文魚), 但好快就冇再REFILL . 風乾火腿唔錯 , 有油香唔死咸 . 熱食好多款都唔得 , 牛仔肉太硬 , 牛柳亦唔嫩 , 燒牛肉較好 , 但牛肉味不夠 . 比較推薦既反而係即炸魚塊同燒虎蝦 , 炸魚新鮮炸起外脆內嫩同平常炸好多時既完全唔同 .  點心仲有多款 , 但基本上同一般酒樓水平無異 , 但對比起其他自助餐粗製濫做既好 , 有蝦餃燒賣粉果鳳爪牛肉球及幾款包 . 甜品款式雖然多 , 但味道太一致 , 如果盲試既話 , 有唔少款式除左口感唔同之外 , 味道真係分唔出邊款打邊款 , 同一隻朱古力味貫穿大部份甜品.  然後LAST仲有出泰昌蛋撻 , 不過冇拎 , 自己去買都得啦 , 講真先10蚊隻 , 唔洗特別係度食.最後服務係好既 , KEEP住有人收碟 . …Read More

兩個人去 , 因為時間早未到六點 walkin 唔洗排隊叫左C餐 因為星期六要加10蚊 所以係 288+10 再加一 主力就係食M5牛肉 , 其他封門柳 , 牛脊肉都有試 封門柳肉味濃但肉質冇咁滑牛脊肉有似一般鮮牛肉 最好食都係M5牛 , 基本上油花都唔錯 , 但偶然都有一兩碟唔多靚 , 不過大致上都合格既 而且佢出料都好快 , 唔會特登拖時間唔出 , 我地一共叫左18碟M5牛佢都KEEP住出得快佢自制既野飲都唔錯 , 幾推介金羅漢果海底椰 , 清清地  , 薄荷烏龍茶就唔太飲到薄荷 , 當佢清茶咁環境都乾淨 , 地下乾爽唔會有水有油咁…Read More

3個人 , 叫左一個晚餐Set $378 再加 一客羊架 $198蘑菇湯足料, 啖啖都有菇碎但味道太單調麵包新鮮 , 不過不失 小食拼盤唔錯 , 炸得唔會太油 , 夠脆亦夠熱 , 芝士記得盡快食 , 否則凍左就冇拉絲效果炸雞凱撒沙津唔得 , 特別係炸雞 , 雖然即炸夠熱 , 但雞胸嚡口 , 而且冇味道 黑松露手工意粉 , 意粉個人覺得比較乾 , 唔係我口味 , 但只屬個人口味 , 或者其他人會鍾意 美國燒排骨份量大 , 粗略數都有十條骨或以上 , BBQ醬唔會過甜 , 肉質亦唔會過淋 , 有咬口但唔痴牙羊架失色 , 一份有3件 , 但冇肉味亦唔夠膻  侍應會留意自動加水 , 服務不錯 …Read More

新出左隻百里香美極雞 , 外賣同堂食一隻都係$88 , 一如以往個名就改到天花龍鳳 , 但其實就冇乜特別既 , 唔洗對佢有期望 , 當佢普通豉油切雞就啱架啦 , $88大大隻 , 完全乎合期望 , 得閒會再買來加餸 , 又或者下次可以試乜野風沙豬手 , 都係$78 . …Read More

行過經過  , 見未試過呢間就買左D燒肉加餸啦 , 60蚊得幾舊 , 價錢黎講貴過太興 , 不過如果佢係整好食都算啦 , 點知皮又唔脆 , 肉又粗又嚡又無味 , 食左兩舊都覺得浪費Quota , 請垃圾桶食算 , 肯定冇下次 , 未食過咁差既燒肉 , 好心佢唔好用燒味做主打 , 整出黎自己都試下味先啦                                                       …Read More

要左美國SRF和牛既 , 肉質唔錯 , 亦冇拖時間特登唔出 , 如果集中食牛肉既話的確幾抵 , 平時買250克都百幾蚊不過湯底就幾一般 , 要左蕃茄湯但基本上冇蕃茄味 , 另外豉油亦過咸 , 雖然佢寫甜豉油 , 但都係太咸自助軟雪糕食落就冰粒太多 , 奶既成份唔高 丸同菜不過不失雞肉都有驚喜 , 不過都係鍾意食牛多D 總括黎講 有機會再ENCORE , 但如果醬料方面可以改善下更好…Read More

新廣發以前係沙角都有幫襯過 , 雖然次數唔多 , 老實講90一個人  , 湯底24 , 食物質素你都唔會有高期望啦 , 但對得住個價錢有特啦 , 又可以自己出去揀 , 唔洗寫紙仔等佢拎俾你 , 有時D酒樓寫左又唔俾 , 仲有啤酒任飲 , 方便成班人吹水其實搬左去聯和墟街市環境仲好過以前沙角果陣 , 至少叫窒內又乾淨d 食物就推薦水餃 , 海鮮我就冇乜興趣 , 其他都係大路野 ,  可以想像到既味道不過睇Openrice食評啤酒有Hoegaarden , 但去到得Blue Ice, 獅威同森堡…Read More

其實已經食過好幾次 , 質素穩定好食 , 雖然腸粉係名物必點 , 不過我個人覺得蘿蔔仲好過腸粉 , 清甜無渣 . 豬皮都OK既 , 但我比較鐘意食腍D .大蘿蔔豬皮25 , 中腸粉12 , 叫多杯豆漿6 , 食得夠飽加埋都唔洗50 , 對比起茶記餐廳已經算平 , 將來有機會再試下燒賣 牛肉之鱑 , 不過次次去到最後都係叫返蘿蔔豬皮腸粉 唯一係落單就亂d , 你想加單又要叫返當初幫你落單果個阿姐  , 其他阿姐又話怕亂唔肯寫 .…Read More

晚餐連加一350元 , 選擇不多 , 主打牛肉 , 但奈何牛肉質素太差 , 牛胸同牛肋骨都係4款 , 鹽燒/燒汁/果味/山葵 , 但講真4款係食唔到有乜大分別 , 但如果你D牛肉夠鮮都冇乜問題 , 咪當佢原汁原味囉 , 但最大問題係佢D牛肉真係空有外表 , 睇上黎有部份都叫有雪花 , 但食落去完全冇肉味  , 如果唔自己點下汁真係食唔落口 , 而且有時都幾靭 ,  因為果D唔係油花 , 係筋黎 . 另外有一口牛 , 更加係靭到不能入口 , 又係冇肉味 , 失敗.350黎講唔算平 , 加多一百去D酒店自助餐都得 , 咁既質素真係冇下次 .…Read More

其實自佢開店以黎都食左好多次，基本上樓面都係得２個人，１個仲要負責收銀。可以睇到有時走左幾枱但因為員工太少，根本連碗碟都收唔切。而且出野食有時好亂，例如我３個人叫同一款餐，但都可以分開三次上。雖然標榜有自助區，但好多時係除左湯同飯之外，海帶椰菜絲甚至係醬汁冇哂都冇人再REFILL。但味道都唔錯，多數叫醬油雞腿，好過吉野家好多，夠味同嫩滑。芝士豬扒冇乜味，食過一次就冇再叫。天婦羅定食就比新開張時縮左水，新開張時有多兩塊魚柳，但宜家就冇左。…Read More

價錢黎講就算平架啦，同去日式放題差不多。不過一分錢就一分貨啦，熟食都係雞扒豬頸肉咖哩之類，唔好打算有乜特別野。蟹有４款，但唔算特別好味，尤其是蟹腳，好乾無味。日式刺身任拎，但放埋一齊，有ｄ醋醃既會痴到其它刺身。去到一半亦冇再補充返。另外當日最大問題係切牛肉羊架果位廚師當日狂咳但唔戴口罩，雖然有擰轉面唔係對住Ｄ食物咳，但我個人都係唔係好接受到，所以完全冇拎過。呢方面酒店真係要留意下。總體黎講，價錢雖平但冇乜特別，都係寧願俾貴ｄ，揀間好ｄ既。…Read More

其實佢開左好耐，一直都冇試過。都係幫襯PAD THAI又或者金枕頭。3個人叫左泰式炸豬手，海南雞半隻，泰式炒飯同豬肉碎生菜包豬手唔夠味，肉質似煲湯豬肉，雖然話係炸，但其實只係表面炸一炸，反而搞到皮好靭。海南雞都算細，個醬唔係幾好。炒飯一般，但唔係太油，不過泰式臘腸好難食。豬手同海南雞冇記錯都係130左右，炒飯同生菜包就80幾，仲要加一，同區黎講都算幾貴。對比聯和墟PAD THAI又或者金枕頭 至少貴4至5成。金枕頭130蚊已經係1隻海南雞，佢得半隻。PAD THAI泰式炒粉麵50左右，佢就成80幾。味道又唔特別好，將來應該都唔會再黎。…Read More

雖然譚仔三哥or譚仔已經開左好多間，但就一次都未食過。最近連粉嶺都開左，見就腳所以試下。兩個人叫左個過橘米線、土匪雞翼同蒜泥白肉ｓｈａｒｅ。米線就大雜燴會咁，睇落去好似好多料，但唔係幾好食囉，大路野，有ｄ似打完邊爐食剩咁，又冇乜特別出色，食完都冇邊一樣係特別有印象。土匪雞翼又冇網上面講得咁好食咁香，個人覺得孜然味都係羊肉夾ｄ。蒜泥白肉就太油啦，又唔夠味。冇下次囉，都係食返港式粉麵好ｄ。…Read More

睇openrice見到評分幾好，價錢又平，一於去試下。總體黎講平，但選擇都好少。如果同一般自助餐比佢選擇真係非常之少。凍海觧，有蟹腳、青口、螺之類。但蟹腳太淡，冇味。反而青口最好，唔係好大隻果種細細隻（藍貝青口？）。但佢係冇凍肉盤既，即煙三文魚、磨菇腸、莎樂美果ｄ。熟食盤得五定六樣，仲要幾樣都係粉麵飯。然後有幾樣炸物，魚、春卷同蝦卷，魚真係唔得，差過大家樂。。。然後壽司吧，刺身只係普通，自助餐壽司唔好食就定律黎架啦我覺得。最後甜品類都唔算多，大概十款左右啦，但雪糕係movenpick。可能係我期望太高，雖然價錢平，但選擇真係太少啦，寧願俾多ｄ錢出黎去間好ｄ。…Read More