品坊 (Closed)

價錢黎講就算平架啦，同去日式放題差不多。不過一分錢就一分貨啦，熟食都係雞扒豬頸肉咖哩之類，唔好打算有乜特別野。蟹有４款，但唔算特別好味，尤其是蟹腳，好乾無味。日式刺身任拎，但放埋一齊，有ｄ醋醃既會痴到其它刺身。去到一半亦冇再補充返。另外當日最大問題係切牛肉羊架果位廚師當日狂咳但唔戴口罩，雖然有擰轉面唔係對住Ｄ食物咳，但我個人都係唔係好接受到，所以完全冇拎過。呢方面酒店真係要留意下。總體黎講，價錢雖平但冇乜特別，都係寧願俾貴ｄ，揀間好ｄ既。