Sukiyeung1987's Profile

喺咁凍嘅天氣，大家會去打邊爐，其實仲可以選擇食蒸氣鍋！非常健康又無咁油膩。。。店內有多款新鮮海鮮店內仲有多款調味料選擇我同老公就揀左“瑤柱鮮淮山粥”清清地每位包半隻“脆皮乳鴿”個皮燒得好脆，肉質好嫩滑仲可選擇一款燉湯，我地都揀左“淮杞燉龍躉骨湯”，非常足料，同好鮮味！飲完絕對唔會覺得口渴套餐仲跟一份“貝殼盛盆”，隻隻都好大隻大閘蟹同龍蝦，二選一。。我地揀左“龍蝦”龍蝦肉彈牙爽口。。我地仲揀左“貴妃蚌” “鮑魚” “大元貝”“龍躉”，每款都好新鮮最重要係有專人幫我地蒸海鮮，每款海鮮蒸嘅時候，店員都會調教鬧鐘，令到每款海鮮都唔會蒸到過火，影響海鮮嘅口感！到最後就算食到幾飽都好，都一定要食埋個粥底，佢集合哂所有海鮮精華，非常美味！…Read More

難得放假緊係同家人去食我最愛嘅西餐，今晚就去左屋企附近嘅餐廳，環境非常寬敞，又唔嘈吵好舒服！第一度前菜“脆炸一口馬蘇里拉芝士”外脆內軟，非常好食！之後仲叫左3款主菜1)德國脆爆咸豬手外皮好脆，啲肉又唔老，份量亦都好大2)傳統西班牙海鮮飯淨係睇個賣相已經非常吸引，飯面放滿海鮮，海鮮亦好新鮮，飯粒軟硬適中，不錯嘅選擇！3)香辣意大利腸燒烤醬披薩個披薩選用薄批餅底，非常脆口，加上味道唔太辣，適合任何人食！…Read More

早前見到朋友喺fb share左拉麵相，第一眼睇到已經深深吸引住。。所以今晚就專登去試下。。晚上七點鐘去到，已經有條人龍排緊隊，由於我實在太想食，喺三十幾度嘅情況下，我都堅持排隊。。足足等左二十分鐘。。真係熱死人！！入到去我同老公都叫左同一款嘅野食“濃厚豚骨魚介沾麵”。。可以選擇 小（140g）中（210g）大(280g)...都係$78，特大（420g）就$88。。。充滿期望嘅我，緊係叫（大）啦。。。個麵仲可以選熱定凍。。我就選擇熱！賣相真係好吸引，碗麵有一塊叉燒，半隻糖心蛋，幾片筍，仲有少少蔥花！第一啖就緊係試下個沾麵先啦。老實講，好失望。。個汁真係好濃郁，好“杰”，加上個汁又唔夠熱，反而食落去覺得好膩好滯，食左幾啖已經無辦法食落去，可能唔啱我口味姐！我地仲叫左一份小食“蟹肉忌廉薯餅”$38炸得好好，個外皮好脆，個饀好滑，唔油膩…Read More

今晚同老公去黃金商場睇手提電腦，行完自然周圍搵野食，竟然見到一間裝修唔錯嘅西餐廳，當然要入去試下。。。。首先叫左份“蟹棒肉蘋果雜菜凱撒沙律”賣相真係100分，雖然蟹棒算係普普通通，但沙律菜非常爽脆， 蘋果菠蘿又新鮮，加埋啲煙肉碎同多士粒。。多重口感，份量好大，以$78一份沙律，超值！我地每人叫左一個餐，跟餐包+餐湯+餐飲餐包竟然係牛角包，都算鬆脆！餐湯我地都係揀左羅宋湯，湯裏面都有好多雜菜我就叫左份“芝士焗波士頓龍蝦伴肉眼牛扒配薯菜”個龍蝦真係不得了，好多膏！反而個牛扒就普通啲，無咩肉味，而個薯角就炸得好脆！而老公就叫左份“蜜燒德國咸豬手配意粉”咸豬手個皮好脆，可惜喺咸豬手嘅邊邊位有啲乾，變相咬落去好硬，不過都係小部分嘅位置！凍飲亦都夠大杯總結：雖然食物味道算中等，但份量夠哂大（我地都食唔哂），價錢都好大眾化！服務態度無得彈！…Read More

前排約左舊同事食飯，網上有人介紹呢間西多士好食，我地就緊係要去試下。。去到又唔洗等位，喺地鐵站行出去好近，入到去第1時間緊係叫“奶皇流心西多士”效率好快，等左一陣已經有野食，個西多士有啲啲失望，我覺得味道普普通通，勝在外脆內軟！個饀唔算話好流心！之後我地再叫左兩碟小菜“茄子魚腩煲”賣相唔錯，可惜味道有少少過咸！“蓮藕餅”反而有驚喜，好香脆，一啲都唔油膩。。味道適中。。因為我地叫嘅係套餐，仲送左兩個布甸，布甸都好滑，唔甜！…Read More

前日同老公喺油麻地行街shopping,行完都唔知喺邊度食飯好，點知見到間門面唔錯，價錢ok嘅餐廳，咁我地就沖左入去食我地嘅晚餐。。呢間餐廳真係不得不讚，服務態度非常好，知我地有好多物品（啱啱shopping完），一有大枱即刻轉我地去坐，等我地坐得舒服啲。。好窩心！食物價錢亦都唔貴個餐仲包埋 餐湯 蒜蓉包 沙律 飲品我同老公都揀左羅宋湯，好足料，沙律啲菜都好新鮮。。。仲可以加錢有兩份小食，我同老公同都揀左田螺，個田螺嫌為乾左身少少，不過以$3x價錢有兩份田螺，已經好抵食我就叫做份“鹹豬手”真係好好食，個皮好脆，豬手又唔會太肥，唔會覺得好油膩，我第一次可以自己食哂份豬手！我老公就揀“鐵板肥牛飯”好香胡椒味，肥牛唔會太老，好食！…Read More

前排喺fb見到人介紹呢間湯飯慶祝三週年，淨係睇個廣告介紹個湯飯，已經好深刻!個湯飯賣相好吸引。第二日我即刻同老公沖去試下，我就選擇左中午時間去食，好好彩。。竟然唔洗排隊。食就緊係食最吸引我對眼嘅“極上海鮮龍蝦湯泡飯”個餐仲配埋一份“響鈴”或者“炸魚皮”，呢間湯飯有個好細心嘅地方，就係飯同湯係分開，可以比你自己控制每次加幾多飯喺湯，唔會因為食得慢而令到啲飯比湯浸到軟哂。個湯好足料，有扇貝，魷魚，青口，蜆肉，生菜，個龍蝦頭係得個殼，比賣相呃左，而個湯勝在有濃濃嘅龍蝦味，但我略嫌個湯唔夠熱。不過以七十零蚊嘅價錢，尚算超值。另外叫左杯凍咖啡同凍檸茶大大杯，夠哂冰凍，飲完爽哂!…Read More

前排聽家姐講佢屋企附近開左間韓國餐廳，本人一向都熱愛韓國菜，點會錯過每一間韓國餐廳。所以我就同老公專登去食下。。餐廳位於元州商場裏面，搭地鐵去到長沙灣站A2出口，行5分鐘就到，好方便好易搵。 嘩~一入到餐廳，竟然見到OPPA，佢地有部分員工真係韓國人，最重要係佢地識少量廣東話，絕對唔會溝通唔到。餐廳裏面都以韓風為主，地方都好大，環境好舒適一坐底 ，服務員即刻送上4款韓式前菜嚟到呢度緊係要食佢地嘅“飛機醬缸醃蟹”，佢地啲醬蟹每天從韓國飛機空運來港，同時贈送一客“麻油紫菜伴飯”喺呢個時候有個OPPA幫我地拆肉撈落去伴飯，真係好幸福！啲飯佈滿蟹膏，好新鮮，一啲腥咪都無，醬油又唔會過咸，真係好好食，絕對值得推薦！跟住就黎到餐廳十大必食名菜之一“漢拿山豚肉炒飯”呢個炒飯，由OPPA即場喺你面前炒，仲將炒飯整到星星形，好靚！OPPA仲會細心咁問你食唔食得辣，因個人喜好而調節辣度，呢個炒飯可選擇辣或者唔辣。最後我係選擇左辣，不過大家可以放心，佢地辣度啱啱好，炒飯撈埋芝士同蛋，真係好惹味，食哂成個飯都唔會因為有芝士而覺得滯。我地仲叫左份“泡菜蠔仔煎餅”個煎餅真係有驚喜，餅邊煎得好脆，蠔仔一啲都唔細隻，好足料！再加埋個醬汁去食，酸酸甜甜，好好食。芝士控嘅我，點會唔叫“鐵板芝士拉飯卷”果然無令我失望，飯卷上佈滿芝士，如果鐘意食芝士，呢個必點！我同老公各叫左兩杯飲品1）菠蘿冰啲沙冰好幼細，味道唔會過甜，仲有塊大菠蘿，喺炎炎嘅夏天嘆一杯菠蘿冰，真係爽！2）生啤份量夠哂大，又夠冰凍，解暑一流！…Read More

今晚約左幾個朋友一齊喺朗豪坊睇戲，為左方便大家唔洗走黎走去，最後都決定選擇喺朗豪坊食晚餐，咁啱經過“紅蔥頭”，平時已經見好多人等位，都無機會去食，今晚竟然無咩人，唔洗等位，緊係唔會錯過呢個機會入去食啦。我地分別叫左5個主菜！1）蜂蜜味bbq火燒豬仔骨估唔到份量都幾大，仲要係啖啖肉，豬仔骨啲醬汁好惹味，肉質一啲都唔韌，薯條都炸得好脆，實在有驚喜！2）西班牙海鮮飯海鮮就麻麻地，唔算話好新鮮，反而個飯出奇地好食，軟硬度適中，味道都出色。3）芝士忌廉汁焗黑松露煙三文魚飯呢個飯就真係唔好食，味道過咸，完成食唔出黑松露嘅味道，食兩三啖都唔想再食！4）黑漆漆墨魚麵 5）鮮蝦墨汁意粉因為我地成班朋友都好鐘意食墨汁意粉，所以叫左兩款差唔多款式嘅墨汁意粉，麵質軟硬適中，食落去唔會覺得好油膩。墨汁味唔算重，食完記得抹咀，因為食完個咀唇同牙都會比墨汁整到黑哂，好攪笑。另外加錢可以跟飲品+沙律或者飲品+法包+湯（忌廉湯或羅宋湯）我就選擇左飲品+法包+羅宋湯，法包好脆，而個羅宋湯都好好飲，有少少微辣，又足料。。。…Read More

有日同朋友去銅鑼灣行街，見到有間日本餐廳，門口亦有好多人排隊。。無理由唔去試下卦！我就叫左個“火焰三色丼”見到師傅用火槍燒三文魚，中拖羅同埋左口魚，每一塊仲要係好大塊，好足料，每一件都好新鮮，入口即溶，真係無得彈。。而個沙律菜都好新鮮爽口，上面仲放左啲蟹肉，無咁單調。。唯一失望嘅係個麵豉湯，味道不過不失，最大問題係個湯唔夠熱。。。我朋友就叫左個“北海道玉子黑松露和牛丼”和牛就略為熟左少少，不過口感都算鬆軟。黑松露味道都較少，而飯方面，反而好重蔥味，有少少遮蓋住玉子嘅味道。我地再另叫左兩份小食“炸廣島蠔”呢碟炸蠔真係好好食，外脆內軟，一啲都唔油膩，不過食嗰時小心燙傷，真係即叫即炸，啲蠔好新鮮好多汁。。第二個小食“雜錦天婦羅”啲野菜炸完都依然保留到咁軟熟，炸粉又薄，食完都唔會覺得好熱氣。。 總括而言，環境乾淨，食物好新鮮，雖然睇落碗飯好似好細碗，但其實足而填飽你個肚，用二百零蚊食到咁新鮮嘅海鮮丼 ，值返回票價啦！…Read More

前排喺屋企附近開左間鯛魚湯專門店，聽聞話湯底好出名。。我住得咁近無理由唔同屋企人一齊去食下。。。我就叫左呢個“皇帝蟹腳海膽湯飯”啲海膽真係好新鮮，而蟹腳都好大隻，好多肉，個鯛魚湯底更加無得彈，食完真係一啲都唔會口渴。。同埋佢會將個湯飯放喺個爐仔上面，就算食得慢都唔怕啲湯凍哂。。另外老公叫左“吉列廣島蠔定食”啲蠔外面炸得好脆，肉身亦保持好多汁，唔會因為炸完之後變乾。。沙律菜都好新鮮，配埋啲麻醬更加開胃！而定食亦跟左一碗鯛魚湯，呢個定食足而滿足到，餸+湯+飯嘅要求 雖然食物方面質素都偏高，但價錢都偏貴，間唔中食下都ok嘅。。。。…Read More

今晚同老公唔打唔撞入左去食，本身不愛甜品嘅我，都唔會抱好大興趣。點知一食！嘩~出奇地好食，第一。。味道一啲都唔甜，第二。。一啲都唔油膩，第三。。外脆內軟，第四。。好香肉桂味，第五。。雪糕又滑。。簡直係同朋友嘆下午茶嘅好地方。。亦都係飯後甜品嘅好選擇！…Read More