村爺爺龍蝦湯.泡飯.燉湯專家

Open Now

Now Closed

前排喺fb見到人介紹呢間湯飯慶祝三週年，淨係睇個廣告介紹個湯飯，已經好深刻!個湯飯賣相好吸引。第二日我即刻同老公沖去試下，我就選擇左中午時間去食，好好彩。。竟然唔洗排隊。食就緊係食最吸引我對眼嘅“極上海鮮龍蝦湯泡飯”個餐仲配埋一份“響鈴”或者“炸魚皮”，呢間湯飯有個好細心嘅地方，就係飯同湯係分開，可以比你自己控制每次加幾多飯喺湯，唔會因為食得慢而令到啲飯比湯浸到軟哂。個湯好足料，有扇貝，魷魚，青口，蜆肉，生菜，個龍蝦頭係得個殼，比賣相呃左，而個湯勝在有濃濃嘅龍蝦味，但我略嫌個湯唔夠熱。不過以七十零蚊嘅價錢，尚算超值。另外叫左杯凍咖啡同凍檸茶大大杯，夠哂冰凍，飲完爽哂!