foodie beginner's Profile

4個人去食，訂左位，點知去到餐廳時企左一陣都未坐到。侍應們好搞笑，侍應A話15號台，侍應B聽完又走去櫃台同侍應C傾，侍應C話冇錯呀，X小姐訂8位，咪15號台囉。我地8個人全程企係度等佢地「溝通」，大佬，有唔搵人同我地解釋，淨係知15號台，咁邊張係15號台？講番食物，依間同灣仔既金田差好遠，除左食物質數麻麻，重冇甜品。刺身唔算新鮮，炸蝦好鹹，炸南瓜冇味。燒羊鞍好多肥膏，肉好UN。串燒肉類唔好食，自己都整到。粟米蠔上業時好夠熱夠新鮮，但太多芝士，完成食唔到有粟米。值得一讚既係芝士年糕。相比起同類日式放題店，依個價錢真係唔值，太貴，又冇野飲又冇雪糕。唔會再幫襯。…Read More

Book左 7-9pm時段，$228+10%。因為第一次去，都唔知原來價錢包一權汽水+任食雪糕，打去book位時侍應又冇講，去到見到人拎先知有！去到劃紙叫食物，初段時所選既份量同上菜既份量都一樣既，但慢慢上菜時既份量比起叫既越來越少，食物又上得慢，第一輪叫既食物到第三輪(差不多830)先一次過上，但當時大家都飽得七七八八喇。830 last order，有位小姐就會逐台問需唔需要加單，同埋需唔需要查翻叫左d咩。其實問需唔需要查翻叫左d咩依個動作好奇怪，因為我地講左要後，佢重要去下一台問同樣問題，問哂後幫我地去查都要起碼10分鐘後，10分鐘內都上左好多食物喇。上菜既侍應多係男士，佢地好似唔識講野咁，上菜既只係迅速上菜(都唔會睇下客人手爭係邊到，有幾次上菜擺正係朋友手爭，咁朋友睇唔到咪推跌? )，有人遞食物紙就只係好快咁收食物紙。其實食物水準還可以，但服務真係重有好大進步空間。…Read More

一進內, 天花板的吊飾是頗吸引,鋪的一邊擺放了不同的漫畫, 不知道客人可否閱讀呢?可是如其他食客所講, 地方淺窄,我們總數為七人,入鋪後被安排暫時坐係餐廳與商場交界的臨時枱,侍應話稍後會安排我們換枱,星期六既8點幾, 眼見只有廚房一位老闆和一位女侍應,女侍應真係忙到踢哂腳叫了兩個不同的二人set餐,食物上枱時比預期中既份量小 炸豆腐, 很好味, 不會太油膩, 外脆內熱, 吃的時候小心燙口 噹噹燒, 材料也夠多, 醬汁也很野味 金菇肥牛卷, 不吃也罷, 硬板板的 北寄貝沙律, 很細份, 我不知道我吃得是八爪魚肉或是北寄貝肉...但醬汁不錯 帆立貝拉麵, 大概有8-9粒細小的帆立貝, 不要跟連鎖壽司店的帆立貝比較, 湯底是辣的, 撇除帆立貝細的問題, 拉麵與湯底是很好!見有食客話個杯唔掂,燙得令人拿不上手,說句公道話, 天氣冷, 水不夠熱又說不夠熱,水熱得拿不上手又說杯不行, 凡事不能兩全其美吧?不過我認同的是服務質數有待改善,初入內時, 侍應說會給我們換枱, 我們一直都在等"通知"隔了一會, 我們才意識到轉枱的問題,此時其中一位朋友說 : 佢剛才有示意我們可以轉咦? 侍應不是應該過來跟我們通知一聲: "轉得枱喇"或"枱已經執好喇", 而不是眼神或手勢示意吧!從上面所形容, 侍應欠缺的又是溝通和笑容…Read More

一行五人,先後叫了兩份tea sets, 一份凱撒沙律, 一份千層肉醬意粉,total around $560, 以下午茶來說, 是頗貴的,但它的賣點是環境, 格調, 食物質數甫坐下, 侍應已替我們添熱水,室內冷氣調得頗低溫度,而室外正下着毛毛雨,故我們的熱水在一瞬間已喝完,幸好侍應也有間中為客人添熱水因為先後叫了兩份tea sets,它的數量顯得格外異常,第二份set來的時候, 數量明顯比第一份set來得多,而第二份set的食物與第一份的也不同,當中有些是「鐵膽」如cranberry jelly, 朱古力慕絲蛋糕, sandwiches等對我而言, tea set只是不過不失, 沒有什麼驚喜,別以為有三層像是很多食物, 第一層的只有2塊朱古力(分別是dark & orange)加一小杯cream加一小杯strawberry jam,只有第二和第三層有較多的食物,值得一讚的是, 凱撒沙律和千層肉醬意粉較tea set來得美味,凱撒沙律的醬酸酸的, 令人胃口大開, 不過它較tea set後來......千層肉醬意粉感覺不會令人很膩, 揭開一層一層的麵條時, 有一縷縷的煙冒出環境確實一流,要改進的地方是侍應身上找不到笑容,我們由330pm坐至5pm多,餐廳裡的燈光很明顯被調至暗淡和柔和,我們明白是時候離開的,但給經理突如其來的硬塞帳單來,語氣和表情也不甚有善,連多謝也沒有一句,一間以環境及服務為要素的法國餐廳應以這樣的態度待客人嗎?…Read More

週六一點多, 人唔算多, 唔使等位同朋友兩個人黎, 可以坐到卡位叫左兩個午市套餐, 飯前八碟前菜無預期中既好食, 但排埸很夠的說前菜只吃了一點, 主菜就已經上枱如果時間拿捏得更好, 可以係吃完前菜先上主菜咁可以俾食客較多既時間細味品嘗每一道菜 石頭飯, 有很多配菜+蛋, 上菜時侍應會幫你攪混, 還問要唔要加辣椒豉油, 食到底時候會有好多飯焦呢! 鐵板燒牛肉, 汁很惹味, 可惜很快便涼了...後來重有甜品, 綠茶雪糕&紅棗茶二選其一紅棗茶好甜, 對於喜愛甜既人黎講係唔錯既選擇而且紅棗味很濃!值得一讚既係佢既茶味道好似日本料理既茶很好飲, 而且好夠熱侍應得閒就會幫忙加茶好多人話侍應態度唔係咁好,但我今次去覺得態度唔錯, 好有禮貌當中好多既女侍應都係韓國人, 聽講都ok可能佢地係cool少少, 但比起一d當紅酒樓既侍應,我認為佢地態度較真誠或者要睇番用餐時段吧, 如果係繁忙時段,侍應本身都好忙, 遇着等位等好耐又煩躁既食客我諗大家都要易地而處體諒一下吧!…Read More

聽過朋友講荃灣間好好食又平 今次機緣巧合去左慈雲山分店第一次試食一行三人, 兩大人一小朋友730PM去到都唔使等位漢堡牛肉薄餅, 軟底唔錯三份沙律+湯餐(意大利雜菜湯+海鮮湯), 沙律新鮮夠凍, 惟獨湯唔夠熱, 上菜時只係微熱辣味雞翼4隻, 夠辣唔錯, 表弟指明要食2隻煙三文魚白汁意粉, 唔夠味, 有四小塊煙三文魚伴下碟菠菜意大利粉, 好食過煙三文魚白汁意粉, 菠菜好多Cheese Cake, 不過不失朱古力蛋糕, 好好食, 朱古力味好濃, 食落亦夠滑三個人食已經好飽, 試唔到佢既自助飲品, 好在水係任添值得一讚係侍應效率好高, 不過就無乜笑容佢地好忙, 唔係好夠人手最得意係, 察覺到幾個男侍應行路都鍾意"線"住黎行可能會快d掛, 但會鄧佢地危險畢竟傳菜時一不小心就跌倒如果個枱客有小朋友會重危險!搞笑既係, 幾枱客人都有講d侍應"線"住黎行既趣事我諗, 餐廳應該同員工講下職業安全好d食左大概$200, 好抵!!…Read More

同阿爸阿媽一行三人去食, 大概7點到, 等位等左好耐, 不過預左假日一定要預番一個鐘等位迴轉帶上既款式唔多, 所以都係要搵職員落order隔左成年無黎, 職員多左, 記得之前黎舉手舉左好耐都無人認, 本身餐廳唔夠人手所以今次食得好開心, 舉幾次手都即刻有人黎落單而且服務態度好好, 個個都好有禮貌特別係assistant manager(唔記得左叫咩名)因為第二次去食時, 職員幫我地登記vip卡俾番張卡我媽時講話"什麼什麼95折"我阿媽就問assistant manager點解唔係9折(vip係9折)assistant manager就好耐心地解釋原來我地亦係聖誕期間既特選客戶享有9折後再額外95折 特大帆立貝壽司, 好正, 有去金水(屯門)食過就知元氣既平d又新鮮d飛魚子壽司, 飛魚子夠多, 紫菜亦夠新鮮限定既蜆肉湯, 好多蜆肉又大隻, 湯亦夠熱限定既三文魚頭湯, 起碼有4-5舊魚肉, 個人認為蜆肉湯更好飲雞蛋布丁, 好滑亦唔太甜炸軟殼蟹, 咬落感覺蘇得濟, 肉感唔夠, 不過碟軟殼蟹好大碟三文魚刺身, 惟一彈既, 未解哂凍, 亦薄身就好多, 不過價錢無變可體諒total around $300…Read More

今次都唔係第一次去，次次去都無失準，上幾次同唔同既朋友去都讚又平又抵食。今次就同媽咪去，最好係唔使等位，但如果多過8個人就麻煩D，無咁多位可能會迫D。冷烏冬，彈牙又煙UN，有好多蔥粒同WASABI，個人覺得比起赤丸既好食好多。燒玉子，熱騰騰甜甜地好好食。炸南瓜，必叫，厚片，好脆又唔會好油脷。熱/凍珍珠奶茶，本人愛熱多，但熱既會偏甜。除左食物我都想讚下侍應生服務，有一次自己一個人去，中午十二點到，間鋪岩岩開市，我係第一個客。落完order話要等耐少少，我話可唔可以快d，因本人趕時間，最後佢地都好快手上哂d菜，而且仲好有禮貌。…Read More