EX1330的個人專頁

今日同朋友敘舊，想靜靜地又坐得舒服所以揀咗去油麻地一間樓上西餐廳。一上到去，已經覺得好有聖誕氣氛😂因為餐廳已經有好多嘅佈置。其實依度都好多選擇，除咗set dinner，散叫都有唔少選擇，但由於我哋想食意粉，而今日set dinner就無意粉，所以最後就散叫。講下個餐包先，分別有粟米味既包同埋橄欖包，兩種味道都唔算好突出，但軟硬程度係我鐘意既。之後就上左南瓜湯， 好creamy之餘仲有南瓜粒喺湯裏面，口感上會豐富好多👍🏻 跟住就黎左個熱辣辣既脆薯角，炸到好香脆，一口接一口，未上主食已經差唔多比我哋食哂😂主菜我就選擇左龍蝦尾伴龍蝦汁扁意粉，依個真係好推薦。 首先佢食落唔會覺得好膩，會係想keep住食， 龍蝦味好重，每一條麵都掛哂汁👍🏻 龍蝦肉份量都好夠，又爽口。 總括嚟講，環境舒服，食物質素中上，價錢ok,一定會再嚟幫襯😃…查看更多

平時週末，我都好鐘意去尖沙咀韓國街入貨。無意間見到有間新開既樓上cafe,行到熱熱地就上去諗住嘆冷氣順便飲杯咖啡。 點知一入門口就已經聽到滋滋聲，原來依度係紋身店加埋cafe,唔怪得個名咁特別啦😃今次叫左杯mocha, 令我非常驚喜。平時其他地方飲係比較甜，依度既mocha唔係好甜，但又有好香既朱古力味👍🏻👍🏻 問返店主先知原來d朱古力係佢哋自己用Belgium朱古力煮出黎，唔係就咁用朱古力粉😋誠意十足另外再叫左個cheesecake 😍依個真係食過返尋味，好濃嘅芝士味，又香又滑 重點都係個句唔係好甜🥰 …查看更多

今日同朋友去行Donki前先嚟呢間店到打卡 朋友係openrice睇左環境好靚就話一定要順便嚟埋為左確保有窗邊位，我地決定早少少去到，當然成功啦，環境闊落，文青木系佈置，坐係梳化位真係夠晒chill叫左呢個卡爾谷煙燻車打牛肉漢堡一齊食 因為我地見到隔離檯個漢堡實在太巨大 呢個時段內會變為套餐包埋餐湯或者飲品 我地要左餐湯 朋友再叫多杯飲品個南瓜湯好足料好濃郁 淨係飲個湯都已經覺得好唔錯 期待漢堡 轉頭熱辣辣嘅漢堡包就送上嚟啦 漢堡包輕烘 醬汁非常開胃配埋邪惡熱溶芝士以及吋幾厚嘅Juicy漢堡肉 仲有啖啖薯嘅連皮粗薯 真係好滿足好飽之際 朋友另一個甜品胃又喺度蠢蠢欲動決定叫一件海鹽焦糖蛋糕share雖然好飽但呢個蛋糕實在太好食好彩我哋決定都要食埋 真係好味過好多甜品店Cafe店 上面一層燒到脆卜卜嘅焦糖 下面係一層非常creamy嘅蛋糕 讚…查看更多

今日家姐生日決定同佢大食一餐慶祝下 揀左屋企附近呢間韓燒餐廳估唔到呢間餐廳都幾多嘢食 出面食物有蓋琴住就放心 肉類唔似以前嗰啲舊式韓燒咁醃到好重味濃味 佢可以就咁揀呢啲原味嘅 當然我覺得佢醬汁醃左個啲都好味 我哋覺得呢度嘅肉質非常唔錯 好有肉味 除左豬牛雞 連羊肉都有 但我同家姐最欣賞就係佢呢度有好多類型嘅海鮮提供 超級回本 而且佢晚間韓燒一個人都係＄258淨係每人食返六七隻扇貝再加埋蠔，扇貝同帶子等等都好滿足 鐘意佢呢度仲有芝士蠔 夠晒邪惡如果要有米氣嘅人 可以揀紫菜飯或者係湯烏冬 冷烏冬 辛辣麵等等 不過我哋淨係食肉同海鮮都已經好飽再加埋食埋各類型嘅甜品同飲品 飽到飽肚 但過足最口癮 開心…查看更多

今天與朋友來到大角咀的泰嘟嘟餐廳吃泰國菜。這間餐廳的佈置非常特別。一邊是精緻的壁畫，另一邊是曼谷購物區的感覺。在明亮的燈光下，給人舒適和放鬆的感覺。今天點了兩款輕食，就是泰式小食拼盤和泰式燒魷魚。這個小食拼盤非常豐富，有蝦餅,魚餅,荷葉包雞,串燒,春卷。最欣賞就是荷葉包雞，雞肉鮮嫩多汁配上淡淡荷葉香味非常推薦。泰式燒魷魚亦非常美味，處理得恰到好處。這間餐廳的飲品選擇非常多，由泰式啤酒，泰式特飲以至茶餐廳的飲品亦有供應，總有一款啱你心水 。今天點了泰式奶茶，茶味濃郁，香香甜甜的，喜歡泰國奶茶的朋友可以一試。這間餐廳明亮舒適值得推薦。…查看更多

旅行癮又發作啦... 好掛住泰國街邊小食啊....要去食下家鄉菜式止渴。今日去左尖沙咀一間泰國菜，其實無做d咩research,全靠彩數😂今日大家都好肚餓，叫左勁多野食😍首先講吓前菜先，叫左泰式生蝦同冬蔭公湯。依個時勢最緊要街衛生，我見佢上蝦個汁會有保鮮紙包住d汁，食個陣先開。 蝦都好新鮮同埋好夠凍👍🏻湯就岩哂我，佢唔會好辣，飲落去好順。 主菜叫左個咖喱軟殼蟹， 包夠軟熟， 點埋咖喱真係不得了😍 軟殼份量好多， 食到最後都仲有， 唔會得咖喱汁無餸另外嗌咗魚肉生菜包，味道好好重薑同青檸味， 反而幾有驚喜，因為係我記憶當中其他餐廳好似冇點過依個餸。 炸魚本身比較肥膩既野，但包埋生菜食就岩岩好。最後一定係必叫既炒金邊粉， 炒得夠乾身， 麵條比較幼身， 但我覺得可以再重味d😋…查看更多

呢間餐廳我哋之前食過旺角分店已經覺得服務同埋食物都好好今次呢間個位置仲方便我哋所以就要再嚟試多次嚟到呢度環境非常之大出面嘅食物櫃同埋飲品櫃都好闊落 仲有一個雪條櫃我見到啲韓國雪條已經知道今日一定要食店員好有禮貌咁介紹我哋可以先試咗雞煲鴨煲或者係豬手煲先我哋見阿哥平時都出面比較少有今日就決定試下味道都好濃郁亦都好嫩滑唔錯之後就揀咗個藥膳湯底打邊爐推介鮮牛肉 非常之嫩食落較厚身有口感 墨魚滑亦都好食 幾有驚喜係嗰個花枝片 既爽口又新鮮 其他海鮮都好唔錯 仲有豬潤 鵝腸平時任食火鍋比較少有嘅食材 飲品好多選擇不在話下 但係我都想講下佢呢枝好有驚喜嘅韓國雪條 外面係咖啡味裏面有朱古力醬仲要有啲爆炸糖喺入面真係估佢唔到咁好食重點佢個價錢非常實惠可能因為試業中 希望之後放寬多啲人食飯再約班friend嚟食過…查看更多

今日去Yoho商場超市入貨 之後就食個豐富午餐補充體力呢間餐廳主打生煎包 我同老公揀左兩個午餐 一份主食外再包埋一個小食 （可以選擇生煎包)仲免費包埋杯綠茶店員安排座位時會有善提醒有口罩紙袋 仲話有小籠包可嘗試 我倆都覺得好吸引 因為價錢都唔貴而且我地係湯包愛好者 就叫左兩籠試下 再慢慢睇午餐牌 點左份秘製厚切豬扒湯麵 老公就食擔擔麵 小食配佢嘅主打生煎包小籠包熱辣辣 忍唔住要吸佢一啖汁先 雖然好熱 皮薄又多汁 內裡肉又唔會太老太實 好正 轉頭生煎包送上 內面同樣好多湯汁但係個底就脆 食起嚟兩種唔同口感 建議兩種都要食 哈哈食到呢到都有幾分飽 但秘製豬扒麵送上後又開左我地胃口 豬扒好好味 肥瘦岩岩好 又唔鞋 調味佳老公個擔擔麵都非常唔錯 帶花生味但又唔會傑到一pat醬咁 擔擔麵粗幼剛好 掛滿汁好味道 比好多大型連鎖店好食 飲埋紅豆豆漿簡直畫上完美句號 呢餐非常滿足 推介…查看更多

近排天氣咁凍又乾燥 想飲碗老火湯滋潤下 之前買過連鎖集團湯包 又貴味道又唔足料 所以又再次喚醒我去維港灣揀餃子配無添加味精老火湯先同個湯包差唔多價錢 但呢到高質素好多今日我除左要個芫荽豬肉煎餃 仲要左個口水雞同蒜泥白肉，湯同埋 我哋仲要咗杯銀菊露由於限聚 我唯有買返屋企 不過無改食物高質素 一客共有六隻餃子 個皮底部煎到有d脆口 內面餡料飽滿 芫荽唔可以擺得太耐 否則口感會有所不同 所以絕對食得出呢到餃子新鮮製作 芫荽香氣十足 又唔會霉 作為芫荽迷我非常欣賞 跟配是日山珍野菌雞湯 簡直係住家湯味道 非湯包可以相提並論 口水雞同蒜泥白肉 見到粒粒細細辣椒粒 兩樣都辣得過癮 爆蒜口味岩晒我 份量又唔少 個人鐘意白肉多d 好彩要左杯自家製銀菊露 甜甜地又清熱解辣…查看更多

今日想介紹下新發現既正宗印度餐廳啦😃食物質素同價錢都好高性價比,而且環境裝修幾有特色。Tandoori chicken 依個餸係用鐵板裝住，送來嗰陣由遠處都聽到*咋咋*聲同埋好大煙，完全勁吸晴。雞下面鋪左好多洋蔥吸油， 半份雞既份量係有兩個雞鎚同雞胸。 味道方面相對比較重，超濃味，但同時都好滑👍🏻Fish curry我最欣賞依個魚咖喱唔係用魚柳😂 因為我個人唔鐘意食魚柳😂 佢個魚肉有4-5大舊， 魚肉比較實， 搭配住咖喱都好夾， 忍唔住叫左個飯同薄餅答配。意想不到係佢個薄餅都做得幾好， 唔油膩而且鬆軟。 飯就正正常常印度米，粒粒分明，質地亦偏硬身，但撈埋個咖喱汁就啱啱好。不過雖然佢話小辣， 但對於我黎講都幾辣， 非常開胃，仲不停追住食。…查看更多

今日又黎介紹我同事食最愛之一既車仔麵店啦😃除左食物質素，環境衛生都係令我不斷encore再encore既原因今日我哋叫左兩碗車仔麵，平時一定會揀米線嘅我今日居然試咗米粉，估唔到都幾有驚喜。米粉佢係用新竹米粉，感覺有少少似粉絲，相對冇咁飽😂由於我哋各自都叫咗三餸車仔麵，今次就抽幾款嘅來講啦。大腸基本上次次都會叫，除咗滷水味好濃之外，佢清理得比較乾淨, 唔會有臭味。另外今次試咗滷水糖心蛋，平時出邊食多數都只係會比半隻，今次佢係成隻上。而且顏色味道都入哂味，絕對唔會輸出邊日本餐廳。大腸切得好厚，亦好多片，超抵食。其實佢仲有個貼心嘅point,滷水汁佢會用匙羹裝起，方便各人自己調校鹹淡👍🏻小食方便我意佢嘅咖喱魷魚，入味得來，好爽口，啱晒我嘅口味。另外仲叫咗燒賣，一碗裏面有好多粒，新鮮炸起卜卜脆，又係正👍🏻👍🏻…查看更多

雖然近日疫情開始回落至單位數字，所以開始多咗好多人出街食飯，但可以嘅話我都會揀外賣返屋企慢慢嘆。兩個人叫咗一個粉麵加兩個餸已經好夠食，而且「木屋」嘅份量好足，食完相當滿足。豬頸肉炒河份量完全冇因為外賣而減少，有成7-8塊豬頸肉，仲要大大塊厚切😋炒河粉都好考廚師功架，因為河粉好容易就會碎晒。哩個炒河鑊氣好足，應該係即炒嘅，返到屋企都仲熱嘅，唯一係偏油咗少少。傳統蛋咖喱炒大蜆哩個就一定要試吓，未打開個盒都聞到咖喱香，哩到有超過10隻大蜆，都只係$108 咋，認真超級抵食。大蜆清潔得好乾淨，完全冇沙仲食得出好新鮮。串燒拼盤心大心細就揀拼盤最好，串燒拼盤有齊哂豬牛雞各2串，仲有一大片豬頸肉，$148 就有齊哂咁咗多款，我最鍾意就係蜜汁豬頸肉同雞肉串燒，雞肉串燒仲好juicy 同雞髀肉仲好滑唔會燒得太乾。…查看更多

限聚令終於放寬返做4個人啦，疫情亦都相對穩定返，係時候要約下啲姊妹敘舊😃由於太耐冇出嚟食飯聚舊，乜都想叫😂店員哥哥亦都好主動過嚟介紹餐牌有咩好食，店員哥哥話依度d蟹每日都新鮮返， 數量唔多。 今日我哋遲咗一步，已經賣哂....唯有叫其他野望梅止渴。今日叫左幾樣餸，等我重點講幾樣先😃越南蔗烤蝦粒粒超飽滿既蔗蝦， 外脆內軟， 非常札實蝦既底部仲擺左一d越式朦粉， 再配埋特調醬汁， 好解膩。越式燒春雞釀黃飯係店員推介下，叫左黎試，真係幾有驚喜. 雞肉好嫰滑又juicy ,再加埋黃飯一齊食，超滿足。側邊仲配埋酸酸甜甜既沙律，好開胃👍🏻👍🏻飯既份量又夠多，岩哂同枱大食朋友食返夠本。酥炸香茅魚賣相又係好吸引， 雖然佢係冇骨，但絕對唔係出邊嗰啲冰鮮魚柳。 酥脆得黎，仍然食到魚味南瓜焗咖喱海鮮配印度酥餅首先賣相非常之靚，仲要超級足料，裡面當然唔少得有南瓜肉， 青口，蝦，魷魚等.. 我就最鐘意食魷魚，彈牙爽口。 而咖喱就唔太辣，點埋脆卜卜既酥餅真係好夾😝…查看更多

呢排唔敢去大茶樓飲茶 行過見到呢間小型茶居茶位先收$3一位而且佢都幾特別有燉湯 呢啲非常時期要滋潤下 所以同朋友就決定入嚟食幾件點心做下午茶入到嚟佢嘅裝修都幾傳統掛曬啲木牌寫上食物嘅名 當然佢係有點心紙既😄我哋首先叫咗個鳳爪排骨飯啲飯唔會好似大酒樓咁正到乾珍珍排骨同埋鳳爪味道適中而且都幾滑 真心唔錯 ！之後就叫咗幾籠點心 慢慢嘆茶等 同朋友傾陣計後 黑糖蜂巢糕 菜苗餃 牛肉球就蒸哂好啦 唔知係咪佢哋唔會大量製作之後就熱住係到 所以覺得啲時間火侯控制得非常之好 食物亦唔會煮得太老 ，而且新鮮熱辣辣而唔係翻蒸嘅感覺再要埋個青紅蘿蔔豬肺湯補補個肺 非常清甜 燉湯所有精華都鎖喺個燉盅 飲落感覺非常良好，唔會好油，連湯渣都食埋😂最後再食埋個小甜品作結尾，椰汁味非常之香，口感好似啫喱咁👍🏻唔錯…查看更多

抗疫期間日日都係屋企玩煮飯仔，食住家餸都食到勁悶😂 今晚我要休息一天偷下懶先，就去左屋企附近間「木船」買外賣番去慢慢嘆。雖然哩到都有抗疫精選套餐俾你揀，可惜家人嘅口味好唔同，我地就各自揀選心水晚餐啦😚- 招牌燒豚肉飯叫得招牌果然係名不虛傳🤩哩個真心推介大家去試呀！雖然係外賣餐🥡但份量完全係足料。滿滿嘅炭燒黑豚肉片舖滿成盒飯，配上秘製燒汁，甜甜地又辣辣地咁，勁惹味👍🏻- 海南雞飯每次食親泰菜都總係要嗌番個海南雞嘅，今次都唔例外🤣哩到總共有成7-8件雞仲啖啖肉，都係$78咋，真心抵食。黃色嘅油飯粒粒分明，而且雞油同黃薑調配剛好，真係食唔停口。-泰式鹵豬手飯泰式鹵豬手都唔係間間泰菜館有得食嘅。估唔到木船哩到俾到驚喜喎🤩豬手鹵得入味又唔會過鹹，重點係煮得勁腍勁腍勁腍，好好味😋😋…查看更多