今日我哋叫左兩碗車仔麵，平時一定會揀米線嘅我今日居然試咗米粉，估唔到都幾有驚喜。
米粉佢係用新竹米粉，感覺有少少似粉絲，相對冇咁飽😂
由於我哋各自都叫咗三餸車仔麵，今次就抽幾款嘅來講啦。大腸基本上次次都會叫，除咗滷水味好濃之外，佢清理得比較乾淨, 唔會有臭味。另外今次試咗滷水糖心蛋，平時出邊食多數都只係會比半隻，今次佢係成隻上。而且顏色味道都入哂味，絕對唔會輸出邊日本餐廳。
大腸切得好厚，亦好多片，超抵食。
其實佢仲有個貼心嘅point,滷水汁佢會用匙羹裝起，方便各人自己調校鹹淡👍🏻
小食方便我意佢嘅咖喱魷魚，入味得來，好爽口，啱晒我嘅口味。
另外仲叫咗燒賣，一碗裏面有好多粒，新鮮炸起卜卜脆，又係正👍🏻👍🏻
