juan_eto's Profile

我地好多日前已經訂左檯，揀好晒野食。到當日準時到達同覆單，結果等左足足50分鐘，然後先話有幾個同事既野賣晒冇得食，然後又要你換D唔好食既野，咁點做生意呀！仲要成日拎碟根本冇人叫過既意粉係咁問係邊個既，行完一轉話冇人叫過，又叫第二個人行埋黎再問！離晒大譜！其實另外既野食都唔見得好食得去邊，咖哩水汪汪既，串燒又唔夠熱。仲有，一張長檯，永遠只係會晌同一邊放低野，已經同左佢講係另一邊order左既野，佢都可以就咁放低走左去！…Read More

之前做gym見到有新開既樂天皇朝同樂天經典，初初都以為係同一間，所以就直接打去訂檯。打左幾分鐘就有人聽電話，亦都好快幫我留左檯。去到先知原來係分開架，雖然我打既電話號碼係一樣，但原來我訂既係「經典」，唔係「皇朝」，心諗一下「咁我咪冇小籠包食囉？！」之後我問店員係咪兩間既野食都可以叫，店員話可以，咁就可以兩邊既野都食到喇我地都係例牌咁叫左幾款野食，大路野唔多講，特別個幾樣就一定要講下︰1. 海鮮皇炒飯 - 呢個飯既配料好多，個飯亦都炒得好香，好入味；2. 星洲炒貴叼 - 我又覺得太乾身，同埋只係一般既咖哩粉炒落去，唔好講入唔入味，係乾到唔想食；3. 老鼠粉煲 - 呢個即係好似狗仔粉個fd咁，但出奇地好好食，個湯底好似肉粒羹咁，成個配搭好正，必食；4. 川味涼皮 - 好大塊，亦都好夠味道；5. 無錫鮮肉鍋貼 - 個皮好厚，肉汁亦都唔夠，no good wor:(；6. 麻婆豆腐 - 係OK既，個D豆腐丁係布包豆腐切出黎，唔會咁易散，跟飯食一流；7. 皇朝小籠包 - 呢個係「皇朝」之作，唔係唔食下話，咁多款味道，雖然大部分都只係個皮有味，但都係一個好既選擇。而家新開仲有promotion，只要係中午3點前，叫既粉麵飯都有半價，係半價呀~~~~~~以下亦都分享同檯既朋友所影既相片，期待再去食其他既好野！…Read More

已經唔係講好唔好食，因為唔重要，入得去既硬住頭皮架啦~晌呢度分享幾個重點，自己再參考下睇下入唔入去食啦！1. 每張檯中間係零距離，晌中間個檯行去廁所既話，要好似拜山咁不停講「唔該借借」。2. 成間店得4-5個店員，上菜既只係上菜唔落單；經理既只係做經理野唔加水。3. 上左半份片皮鴨，但20分鐘後先上個皮。4. 落單前話「呢D係新春優惠冇既，你食餐牌個D散叫啦，VIP卡就有9折」，2月12唔係「新春」喎~5. 最後張單埋黎，冇9折，仲要話係佢自己get錯，諗住要個客硬食。6. 部卡機壞左喎~(幾個月前聽朋友講已經冇得碌卡)精明既你，應該識揀~…Read More