Cola Hui's Profile

當我踏入這間日式餐廳，宛如時光倒流，回到日本大正年代。餐廳以古董珍藏與精緻美學營造沉浸式用餐氛圍，當下我以為自己處身在百年前的日本呢。我選擇了「竹」套餐。從季節前菜三品開始，細膩展現四季風物。溫物部分有鮮美鮑魚與車海老，搭配青海苔的微鹹，層次豐富。壽司三點盛清新開胃。而重頭戲 A5 和牛壽喜燒則選用西冷部位，油花分布均勻，配合秘製割り下醬汁，香氣與口感兼備。最後以烏冬收尾。一碗果物清爽解膩，體驗圓滿。…Read More

未搬之前已有幫襯，搬到厚福街後第一次上去。來到醉胡爐當然要玩火，所以我們點了火焰龍蝦海鮮鍋。銅爐中有龍蝦、青口、鮑魚等海鮮，還有娃娃菜。點火後熊熊烈焰，甚有效果。龍蝦等海產很新鮮，湯底無味精。之後再打埋邊爐，真係大滿足呢。打邊爐的配菜同樣新鮮，同行友人不食牛，為配合他選了我平日少吃的豚肉片，想不到肥瘦相間肉質細嫩，口感豐富。另外手工餃、黃金魚皮和紫菜響鈴都是即日製作，口感和味道都比其它好。食材質素高，服務良好。職員無論即場湯底點火和上菜介紹都相當專業，今次打邊爐的體驗好好，會繼續再來。…Read More

家母大壽，和她去觀塘食私房菜。餐廳在工業大廈內，位置隱秘，不過師傅是粵菜高手，又常有新菜色，還可自編菜單，加上不收酒類開瓶費，所以我們在過時過節都會嚟食飯。今晚點了幾款海鮮，都是媽咪喜歡的。.白胡椒爆炒南非鮑魚用辛辣的白胡椒配搭新鮮的南非鮑魚，味道相當夾，在爆炒中發揮了鮑魚的最大風味。鮑魚肉質肥美彈牙，每一口都能感受到它的鮮甜鮮美。東星斑二食東星斑肉質細膩鮮甜，起肉炒球口感滑嫩鮮美；而將魚骨炸成椒鹽小吃，酥脆可口。上湯龍蝦斬件新鮮龍蝦肉質飽滿彈牙，簡單的上湯煨煮，更能凸出龍蝦的鮮味。蒜蓉粉絲蒸蟶子皇新鮮肥美的蟶子皇，與惹味的蒜蓉醬融合。粉絲吸收了蟶子的鮮美汁液和蒜蓉的香味，清新爽口，又充滿層次，回味無窮。士多啤梨骨酸甜的新鮮士多啤梨搭配嫩滑可口的排骨，顏色艷麗，食到啜手指。大澳蝦醬生啫通菜鹹香惹味，充滿大排檔風味。猴頭菇藥膳瘦肉湯湯底濃而不膩，飲一啖，滿口生香，喉嚨舒服，媽咪大讚。…Read More

今日中午，我又拉朋友陪我吃炸雞，六點前結帳全單七折，除了炸雞，還可叫多幾款韓式料理，大滿足。.香港眾多烤雞、炸雞店，有韓式、台式、美式，甚至港式。當中我覺得Yadllie Plate的炸雞最好味，因為它是「韓雞」空運到港，肉質鮮嫩。粉漿薄，每件炸雞都用人手撲上一層薄薄乾粉，令炸雞外皮又薄又脆，同時不會吸收油份，食落更健康。而且味道好，醃製入味，口感鮮嫩，一試難忘。🏅半半炸雞（原味+大邱辣醬）我最愛原味，朋友說要挑戰3隻辣椒，於是叫了半半炸雞，滿足兩種口味。我試了一件大邱辣醬炸雞，並不辣啊。🏅芝士蟹子蛋捲超多蟹子和芝士，蟹子在口中爆裂，好過癒。🏅芝士牛肉煎餅同樣是超多芝士，除了牛肉餡，還有不少蔬菜。口感比較軟身。🏅辣豬肉拌飯辣！但非常好味。單是辣醬配珍珠米飯已得好吃。豬肉是火鍋肉片，加蔥絲同吃，口感和味道都一流。🏅烤牛肉水冷麵三片牛肉烤得完美，腍滑多汁。冷麵爽口清涼。🏅柚子米酒很濃厚的柚子味，口感柔和，令你一口愛上它。🏅草莓乳酸梳打酸甜清爽。🏅朱古力雪冰我麻麻地，如果你愛黑朱古力的會喜歡，因為雪冰和中間的brownie都比較苦澀。…Read More

創意卷物，款式多又美味。每次都叫自己盡量不重複，次次都無失望。卷物的名稱未能望文生義，雖然有圖片看，但其實都不是太清楚卷物的味道和口感會是怎樣，就是帶着這種未知，次次都有驚喜。卷物是創意和驚喜，串燒則穩定和放心。🏅埼玉網燒牛舌（4件）$78嫩、滑、爽、彈，百吃不厭。每次都叫一客。🏅M26 蜘蛛 （$103）炸軟殼蟹、青瓜、牛油果、蟹柳、蟹籽。外軟內脆，香口美味。🏅M27 富士山（$98）上層推滿蟹柳沙律、卷物內是鰻魚、牛油果，外面灑黑芝麻和脆片。清新鮮味。🏅日式章魚小丸子（6粒）$48外脆內軟，不會滿口粉的感覺。外皮香酥，章魚粒彈牙，淋上特製的醬油，更添滋味。…Read More

葵芳多嘢買又多嘢食。尤其是新都會廣場，當滿手戰利品時，就寧願留在新都會廣場食飯。每次我和朋友都會去4樓的丸十日本飯堂，貪他光猛闊落，有足夠位置放我們的一袋二袋，而且價格平實。我們叫了壽司、串燒和丼飯。壽司無論米飯還是刺身都很新鮮，吞拿魚夠厚，而且是以新鮮米粒製作（「當店精米」），入口的感覺寧捨不同。串燒也相當精采，用料新鮮，燒得剛好，不用調味已好好食。丼飯由於同樣是當店精米，水準甚高，雞扒甘香惹味。…Read More

Omakase廚師發辦日本料理講究食材新鮮，賣相精美，還有廚師功架。鮨．央泰的廚師發辦是由傳承東京米芝蓮一星食府的日籍師傅主理，製作過程相當嚴謹，看着廚師即席發揮，嚴謹得來又潚灑自如，已是一種享受。我不懂日文也不怕和廚師無法溝通，因為店員會在旁邊翻譯，介紹不同食材的產地和特色。這餐飯真是既醫飽肚子又增長知識，身心都得到滿足。由於不想「相機食先」，所以不是影了很多相。美味的口感和記憶不用相片也永存腦海中。…Read More

Sogo shopping中段，上6樓的Sensu食個tea，飲杯茶，休息夠又可以再行過喇。喜歡這間小小的cafe，常常是我和朋友在銅鑼灣的中途休息站，環境雅緻，食物好味，服務又良好，好像我們叫的水果茶，就主動為我們加添熱水，抵讚。我們叫了一壺熱的蜜香雪梨葡萄烏龍果茶，材料充足，水果味濃，加添熱水後一樣好飲。我是菇迷，大啡菇黑松露水波蛋吐司就最啱我了。朋友肚餓，叫了北海道帶子櫻花蝦明太子意粉，夠飽肚又好味。…Read More

昨天跟朋友去沙田新城市廣場食串燒，餐廳門前有鳥居好易認。餐廳屬高級居酒屋，串燒質素比一般的好，尤其食材和調味都甚有水準，環境舒適，服務優良，當然價錢也會貴少許，但絕對值得。我和朋友們叫了三個串燒套餐，涵蓋豬牛雞和海鮮，把酒談歡，渡過愉快的一晚。套餐相當豐富：海之盛 ( $188）有日本蠔、海蝦、帆立貝串鳥之盛 ( $328）有雞翼、免治雞肉棒 2 串、雞膝軟骨 2 串、山葵雞腿肉和燒雞腿肉 陸之盛 ( $328）有和牛串 2 串、極上牛舌芯 2 串、煙薰沖繩黑豚肉串…Read More

旺角壽司鋪愈黎愈高質數，通常日式裝修乾淨舒服。約左朋友花園街行街食飯，入左呢間食日本野。餐廳有卡位同吧檯，坐吧檯可以睇住廚師整壽司🍣一人叫左一個壽司餐，沙律蒸蛋同味噌湯先上，沙律開胃，蒸蛋滑溜。壽司全部現場即叫即做，材料好新鮮，火灸過既香味好遠都聞到。三文魚卷最好食，三文魚厚切食落好肥味，入面包住甜蛋同青瓜，面頭魚子醬鮮甜。另外每舊壽司都好有水準：蟹柳，帶子都好新鮮，同係日本食既味道一樣。最後飲埋加左豆腐同紫菜既味增湯同甜蛋收尾，好飽好滿足。…Read More

又一年一度慶祝老爺生日，年年都幫襯大喜屋，今年試下呢間旺角新開分店，一大班人都夠坐，唔逼又傾到計。QR Code 落單，熟食多選擇岩晒老人家；壽司細細粒可以食多兩件，仲有即燒串燒、燒蠔、燒干鮑任食，全港首創。飲品區又係好多野揀，熱既蜂蜜菊花茶、各款解茶烏龍茶、到台式珍珠奶茶都有！仲有雪糕雪條任揀，連台灣芋圓都有，行一次一定拎唔晒。魚生刺身新鮮，三文魚厚切同牡丹蝦食落都好鮮甜，擺盤仲要加左乾冰好吸睛岩晒打卡。…Read More

呢間泰國菜環境唔錯仲幾好坐，位置都好就腳，地鐵站一出過馬路就係，上到去又有卡位坐，同一班朋友黎都唔會覺得逼。餐廳有二人餐同四人餐，不過都係散叫會岩食啲。沙律有大蝦柚子沙律，大蝦配左酸甜既沙律汁仲有清甜柚子好開胃，面頭加左啲腰果同脆魚干增加口感。天氣凍想飲口熱湯，椰汁🥥海鮮就最易入口，平時配雞就見得多，今次係加左蝦既鮮味令椰汁湯更加香濃。用熱火爐烘住就可以留返遲啲飲都唔怕凍。重頭戲叫左咖哩軟殼蟹，金黃色好sharp醒，軟殼蟹份量多滿意。…Read More

午餐今次真係平靚正，套餐有齊麵或者飯，小食同飲物，仲可以加個甜品，以上海菜黎講一啲都唔貴！準時12:00入去唔算多人，卡位任坐。我地兩個人當然每人一個餐，點心仲可以升級做一碟小食更滿足。先上菜既糖醋小排同上海醬鴨賣相好吸引，兩款都已經比好多醬汁浸住，變到咁深色一定醃到好夠味。糖醋小排佔滿甜酸汁，又惹味又開胃，排骨肉入味得黎又煙韌，好似肉乾咁香口！醬鴨同樣又淋又香酥，跟餐小食黎講都幾大份，食極都仲有。主菜就叫左回鍋肉粗炒，比平時食開既上海粗炒加多左啲四川麻辣味好過癮。…Read More

朋友介紹呢間食物多選擇又有質素。下午茶時間上到去唔算多人，卡位任坐。餐牌果然好多選擇，米線到打邊爐，籠仔飯到串燒，一定有樣野岩食。QR Code 下單方便快捷，荷葉飯選擇左雞肉冬菇。黎到係好大份香噴噴，可以隨自己喜好加甜豉油增加咸味。雞好滑，不過小心有碎骨，冬菇炆過都好入味。另外仲叫左好多串燒分享食，非常過癮。首先推薦燒原條茄子，大大條面頭超多香蒜茸，食落好香口惹味。再叫左既半打燒生蠔都好值得推薦，呢個價錢已經俾我想像中要大隻好多，浸住生蠔汁好鮮甜，性價比高。…Read More

中午係旺角行到攰攰地，但又有啲口痕，就去搵糖水舖食糖水。 入左呢間中式傳統糖水，見三點剛開門，又有位坐，環境企理。先叫左個招牌芝麻胡，揀左凍食都好濃味，而且又滑又香，啖啖都有流心既感覺，又唔會太甜。加既芝麻湯圓好煙韌，雙重芝麻享受。 另外叫既冰花燉蛋俾我一口氣食晒，金黃色既賣相已經好吸引；燉蛋好嫩滑，每一啖都有香濃既蛋味，濕度亦岩岩好，入口即化，係兒時既味道。 最後同朋友分享左白果薏米腐竹，薏米好足料，腐竹亦煲到全融化，滿意。…Read More