煩膠為食肥師奶's Profile

基本上行過旺角東火車橋附近一定聞過呢陣牛腩味之前食過都覺得唔錯 所以今日再去食平時唔係太多地方有得食魚麵呢度見到有而且唔係好貴所以就叫左黎試個麵質唔會好多粉 都幾香魚味牛腩比起之前冇咁好食 有啲鞋上次食就林身得多但果少少脂肪食落好香口入味冇辦法 咁大舊牛腩總有啲位好食啲辣椒牛丸就較普通只係食到牛丸入面有少少辣椒做唔到成粒牛丸都有辣味既效果而且唔算好彈牙如果下次會試其他但有啲意外係一般粉麵舖最多送餐飲/油菜呢度可以選擇炸魚皮但就係普通炸魚皮不過不失15蚊一碗蘿蔔都幾抵食阿姐送到黎我都不禁講左句”嘩咁大碗既”目測都有半條白蘿蔔但比較可惜既係蘿蔔有渣而且冇味本身比較期待蘿蔔索曬啲腩汁應該只係白烚既蘿蔔不過15蚊就算啦 都唔應該期望過高…Read More

岩岩收工肥先生話要醫左個肚先月頭食左餐唔好食既越南野我地都想食番餐好既中和下😂過到去8點半餐廳大概9成滿座 好好彩唔洗等位座位寬闊 唔洗逼住逼住 都坐得幾舒服一坐低就有侍應拎左青檸辣椒魚露暖水唔會當睇你唔到👍🏿選擇都算多我地2個人叫左4樣野食有時食軟殼蟹整既野會驚預先炸左好耐凍冰冰油淋淋呢一個係唔係即炸我唔敢講但食落香口酥脆 冇油益味個米紙薄得黎唔會一夾就散加埋蘿白同菜其實都幾夾 唔會太油呢個沙律我同肥先生食第一啖既樣變左😳然後我地就冇再傾過計因為實在太好食成碟沙律有3分2都係豬頸肉而啲豬頸肉燒得恰到好處唔乾又唔會肥味道唔會太咸配埋青瓜都幾清新食到落底都仲係好多豬頸肉肥先生叫左個生牛河我偷食左幾啖個湯清甜唔會油牛肉夠滑 又唔會得幾塊仔賣相都幾靚 河粉都算幾滑肥師奶就叫左呢個脆蝦卷撈檬本身以為係蝦黎原來係炸腐皮包住蝦滑一見到成碗炸腐皮就比左一半肥先生其實開頭口感唔錯食得出係即炸 香口但就略嫌有啲太漏同太油食到最後有少少覺得大啖大啖油放落口撈檬都不過不失 普普通通另外服務方面都幾好本身餐廳提供暖水侍應見到得番一半水就會自動加而且笑容禮貌都好好當我地2個咁多野講既人都食到停唔到口就證明係一間值得推介既餐廳…Read More

川婆婆之前有分店係廣華街果頭近住肥師奶公司附近因為價錢平既關係我地成日都會叫外賣味道係唔錯但因為接單/送外賣同事態度唔太好成日執錯/執漏既關係 我地每次都好忐忑今次見佢係旺中開左分店咁反正都係要食飯就嗌黎試下Whatsapp落單 減少電話聽錯講錯配料機會👍🏿繁忙時間落order 3分鐘有人覆接到單👍🏿繁忙時間預先通知有機會送得慢啲👍🏿大家都知等食lunch時間永遠最漫長預先通知大概幾時送到 45分鐘都算合理呢個位大大加分👍🏿👍🏿👍🏿今次叫左4餸麵賣相方面都係一般車仔麵 加上外賣就冇乜所謂啦黑椒牛丸大大粒 好重黑椒味 永遠係我地同事既favourite 魚皮餃就普通啲 但係都有4粒蓮藕同萵筍唔會話浸得太耐就淋pat pat而且份量好多 唔會得1,2塊湯底方面冇以前咁多選擇今次叫左清湯 但都有啲蒜蓉係底 唔會話真係太清薯粉冇乜味 但都幾彈牙 40蚊外賣呢個質素真係唔錯好味抵食服務好 當然要繼續支持啦…Read More

肥師奶同肥先生見有蔡san個名 本身諗住應該唔會難食得去邊掛點知食完真係講曬粗口未入門口已經比個侍應搞到冇乜心情話說餐廳門口冇寫人齊入座 咁我地4個人有3個到左 咁米照排隊囉丫姐: 你地幾多位丫我: 4位丫姐: 1,2,3你地點數到4個人丫你數比我睇喇 唔齊人點比你入丫我當堂打左個突 唔齊人唔入得其實都合理 始終多人排 但其實唔洗咁串既我地之後有再問last order係幾點 但丫姐就冇答我地咁入到去始終都新開 裝修當然唔錯 乾淨企理 見到廚房一盤盤生牛肉放係度 係幾新鮮既 不過走既時候見到上面疑似有幾隻烏蠅飛下飛下咁希望冇飛落啲牛肉度啦餐牌上面選擇唔算多 但都係地道越南粉有既野我地4個人 分別叫左幾碗粉幾個小食配菜都幾多 羅勒/芽菜/青檸/辣椒份量都足牛肉多 唔會話得幾片仔不過越南河粉特式係滑 佢呢個河粉特式係碎 如果同行有bb就岩曬 唔洗剪湯底話跟勇記但其實食落都係好普通既湯底同勇記都相差好遠炸春卷其實就係一般春卷 唔會太油 不過不失呢個豬頸肉本身已經好薄 然後乾爭爭仲要好重味精加埋佢啲酸蘿蔔同生菜就好少少呢個其實算係有驚喜入面有件炸魚 食落香口 有少少菜襯番唔會太油 加埋個芒果酸酸甜甜成餐飯呢個最好食呢個三文治又係一個經典本身想讚切左3份上都幾細心但明明入面豬肉同牛肉 食落淨係食到個包打開黎睇 幾塊肉薄過紙...食左2啖就塞左比肥先生食😂五色冰算係餐廳既特式飲品 唔算太甜 都可以既然後呢間餐廳有個特點 係河粉可以任添正當肥先生唔夠飽想加河粉同甜品既時候一開頭個丫姐又講左句 last order左喇其實last order..都可以預先同我地講聲既總括黎講 價錢對於係中環既越南餐廳黎講其實算平但係食物同服務態度真係好差同埋冇諗過即制河粉會咁碎應該就唔會有下次啦…Read More

肥師奶夜收工 唔得閒煮飯比肥先生食快快趣趣搵間茶記醫下肚呢間茶餐廳平時都有食開貪佢夠就腳又開得夜最緊要係碟碟都夠鑊氣今晚叫左2個小菜尖椒炒豬頸肉豬頸肉爽口 冇”蘇”味有時最怕入口一陣味 值得加分尖椒略嫌唔夠辣但勝在豆豉椒絲落得夠足好惹味西檸雞柳就爭少少個皮唔夠脆入口大啖肥膏成件事好油呢個就冇下次喇但平時食開啲炒粉麵飯都唔錯住開呢頭既過黎試下都幾好最方便係可以八達通比錢 又近小巴/巴士站…Read More