一定聞過呢陣牛腩味
之前食過都覺得唔錯
所以今日再去食
平時唔係太多地方有得食魚麵
呢度見到有而且唔係好貴
所以就叫左黎試
個麵質唔會好多粉 都幾香魚味
牛腩比起之前冇咁好食 有啲鞋
上次食就林身得多
但果少少脂肪食落好香口入味
冇辦法 咁大舊牛腩總有啲位好食啲
辣椒牛丸就較普通
只係食到牛丸入面有少少辣椒
做唔到成粒牛丸都有辣味既效果
而且唔算好彈牙
如果下次會試其他
但有啲意外係一般粉麵舖最多送餐飲/油菜
呢度可以選擇炸魚皮
但就係普通炸魚皮
不過不失
15蚊一碗蘿蔔都幾抵食
阿姐送到黎我都不禁講左句”嘩咁大碗既”
目測都有半條白蘿蔔
但比較可惜既係蘿蔔有渣
而且冇味
本身比較期待蘿蔔索曬啲腩汁
應該只係白烚既蘿蔔
不過15蚊就算啦
都唔應該期望過高
