kykittyip's Profile

行經英皇道既時候比呢間台式飲品店既門面吸引到 因為好colourful 入面有面假綠草牆 見到佢主打手作珍珠 於是決定一試當日有賣既手作珍珠都會寫係塊板到 味道都幾新穎👍🏻今次就買左推廣中既皇牌琥珀珍珠奶茶同琥珀抹茶拿鐵 琥珀既意思係講緊d黑糖紋 下次先試佢既手作珍珠 哈哈琥珀抹茶拿鐵叫左半甜微冰 抹茶味好濃 同黑糖味夾 要搖匀飲 唔會飲到抹茶粉留係口到 珍珠大大粒好qq 夠煙un👍🏻皇牌琥珀珍珠奶茶揀左紅茶底 下次想試埋烏龍茶底 黑糖味飲落唔會有陣焦味 味道岩岩好 奶茶底夠濃夠滑 再加埋有咬口珍珠👍🏻正各式各樣既台式飲品店而家愈開愈多 而呢間係會再幫襯既選擇 仲有其他野飲同手作珍珠等住我試！…Read More

今晚晚餐訂左去間人氣台式餐廳 係對面已經望到門口顯眼既大字燈牌：我愛台妹！哈哈手繪雙色鹽酥雞食台式餐廳必叫 呢到既鹽酥雞幾特別 配有2個醬汁 一邊係味道比較濃郁既松露醬 陣陣既松露味同外脆內嫩滑既雞肉配搭得好好 另一邊係比較清新既柚子醬 好特別 因為比較少見 配上鹽酥雞食落開胃唔會漏👍🏻牽絲芝士酥皮蛋捲酥皮蛋捲食落有少少似手抓餅 面頭再加上大量既溶芝士 簡直十分邪惡但又欲罷不能 芝士醬上仲帶有酸酸甜甜既醬汁 令到食落減低膩度 正自製酸辣牛肉麵其他台式餐廳好似比較少見 湯底唔會好辣 帶有開胃酸菜 麵條彈牙而且唔會太冧 粗幼亦適中 牛肉方面用左牛展部位同牛根 煮到十分入味 牛根十分冧身 好味道👍🏻溏心蛋魯肉飯魯肉煮到好入味 肥瘦算均等 唔會好油膩 溏心蛋蛋黃剛剛好 仲配上幾片開胃醃蘿白餐廳食物質素高 難怪食完出黎出面已經排晒隊 好彩早黎食 哈哈…Read More

今日收工約左老公拍下拖撐台腳 去左食呢間想食好耐既Steak Bar 吉列豬扒就食得多 吉列牛扒就真係第一次試！好彩有一早訂定台 因為舖面唔算大 位置有限 好快已經全店滿座唔好以為間餐廳得牛食 其實佢仲有提供羊架同魚柳比唔食牛既客人 十分貼心 全面照顧晒唔同顧客既需要👍🏻而且wine list選擇都唔少 又有小食 岩晒happy hour我同老公分別叫左吉列牛同煎牛扒 可以試晒唔同既口味 食牛配紅酒🍷一絕👍🏻澳洲穀飼肉眼牛扒套餐有沙律 芝麻醬凍豆腐 含飯素既飯 非常豐富 飯素食落好香 肉眼扒推薦5成熟 食落肉質好鮮嫩 濃郁既牛肉味 想重口味d既可以點少少海鹽 或者炸蒜片 或者牛肉醬汁 個醬汁食落略帶酸醋味 醒胃得黎又配搭得好吉列炸和牛扒本身牛扒係1-3成熟 然後會跟埋塊鐵板 隨個人喜好想煎幾成熟都得 多左種樂趣 哈哈👍🏻食落口吉列粉唔多 剛剛好 為牛扒添上雙層口感 肉質脂肪分佈都幾平均 入口勁鮮嫩滑 外脆內嫩 而且份量都唔少 我一個人食唔晒 要分幾舊比老公食推薦想試吉列牛扒既大家一定要去呢間餐廳 店員服務良好 而且地點唔難搵 食物高質用心製作👍🏻…Read More

今日收工同老公去拍下拖 落左銅鑼灣食burger 呢間其實想試好耐架啦 但之前成日經過都要排隊 今日早收所以無乜人等位👍🏻天氣凍 店舖outdoor座位都好貼心咁擺左暖爐 溫暖食客 而野飲同醬汁都係自助形式 同埋店舖推廣環保並無提供即棄餐具 黑松露芝士薯條新鮮熱辣 濃濃既芝士味配上隱隱既黑松露香味 惹味十足 邪惡但不能抗拒 哈哈雙鵝肝牛肉漢堡嘩 個份量好大！2塊鵝肝好厚身！ 大到唔知應該從何食起 哈哈 牛肉肉質嫩 唔會乾身嚡口 仲配上少少沙律菜 比你可以refresh下個口感 而醬汁方面就用左微微酸既千島醬 Portobello牛肉漢堡個體積大得驚人😂用料十足 牛肉夠厚 啖啖肉 好豐富既口感 個漢堡包有落牛油烘過 食落口有微微既牛油香味 芝士份量都十足 而且意想不到佢d生菜同蕃茄都好新鮮 平時食burger都唔會特別留意到d配菜 但呢到真係食材新鮮 配搭得相得益彰！呢到d漢堡份量好大 for sharing幾好 而且會幫你切開2舊 方便食用 如果想要原個漢堡 落單既時候要主動出聲喇～…Read More

今日同朋友收工黎西營盤食飯 西營盤呢個地方有好多細細間但用心經營 值得一去既餐廳 朋友今次搵既餐廳 一入門口就比呢到既裝潢吸引 簡單但又帶點異國風情 尼一個泊爾香辣雞腎 $38好盞鬼既菜式名 哈哈 味道香濃 有少少似印度咖哩 多款香料味道衝擊味蕾 雞腎食落爽口 係正既下酒菜非洲懶人雞翼配Peri-Peri汁 $68單骨雞翼配上酸酸辣辣既醬汁 但唔會好辣 味道開胃 即使係開邊煎 但雞翼肉質嫩滑又juicy唔會嚡 拉絲芝士牛坑腩焗薯條 $68好邪惡但好好味！特別既係用牛坑腩整成肉碎 並唔係用一般既牛肉碎 所以更加有口感同香 熱辣辣既薯條薯味香 再配上芝士 一流👍🏻咖哩茄汁德國腸 $1584款唔同既德國腸 配有3款唔同既醬汁 分別係咖哩茄汁 黃芥末醬同甜芥末醬 店員推薦食weisswurst配甜芥末醬 因為weisswurst本身味道較無咁重 而甜芥末味道甜甜且少辣 兩者味道夾👍🏻阿根廷香草醬牛側腹配燒牛油果及粒粒甜栗 $198個名完全演繹晒碟菜式 哈哈 香草醬好濃郁好清新 牛側腹肉質脂肪少肉味濃 店員建議4成熟 配上香草醬相得益彰 為肉味濃郁既牛側腹添上一絲清新餐廳既Menu上每款野食前都印有代表既國旗 設計用心 另外值得一讚既係餐廳雖然不設加一 但服務殷勤 會為客人主動介紹食物 而且上菜時間快 每碟食物都可以新鮮熱辣咁品嚐👍🏻重點係價錢合宜 絕對值得encore!…Read More

今日同hubby拍下拖出去食個晏 佢搵左呢間西班牙餐廳 一踏入門口就覺得個裝潢幾特別 好有西班牙風情 哈哈 我地食食下係餐廳另一邊 水吧台出面有好多西班牙人舉行緊聚會 好似cocktail party咁 感覺好開心我地2個都叫左all-you-can-eat brunch 因為包括晒我地想食既paella同suckling pigs 而且值錢比較划算 因為仲包埋幾個tapas Tuna tartar入口好有層次 tuna食落新鮮 而且佢唔算切到勁細粒 所以有咬口得黎口感又豐富👍🏻Spanish cold cuts有多款既ham 同chorizo 份量好多而且好好味！味道唔會好死咸 而係淡淡既咸香 再配上芝士同搽上鮮茄醬既包 味道好夾！送酒一流🥂🍻哈哈Beef skewers / Clams with chorizo 個牛肉串無乜特別 食落少乾 而且嚡口Clams細細隻 好香口 個汁chorizo味濃郁 整體不過不失Bravas 我地另加既tapas 哈哈 因為hubby鍾意食 雖然係簡單既炸薯粒 但並唔係間間西班牙餐廳都有而且個醬汁既味道會整得好味 但呢間餐廳做到🤤薯仔味濃 醬汁微辣 好香口好好味Suckling pig 🐷 不得了 皮薄而且脆口 肉質勁幼嫩 有少少入口即溶既感覺🤤外脆內軟 肉味香 值得encore再encore！但我地已經食到肚皮爆😂Seafood paella 🥘較遜色 海鮮種類唔算多 而且唔算好新鮮 飯食落味道淡 無乜味得個上色 所以我地都無再encore Churros 原本要加錢先有既甜品 最後仲送左比我地！本身我對churros呢款傳統西班牙甜品既印象一般 覺得好甜又平平無奇 但呢間餐廳整既churros令我完全改觀 食落新鮮熱辣 外脆內軟 🤤唔會好死甜 cinnamon味好香 再配上雪糕 味覺衝擊 我反而無點個sauce驚會太甜 就咁食都好好味 為餐lunch畫上完美句號餐廳位置唔算方便就腳 價錢都唔算平 但食物質素幾好 所以食all-you-can-eat相對抵d 岩晒大食一族黎大食一餐🍴…Read More

今晚約左friend係大坑食飯 呢間餐廳之前已經想試 但訂唔到台 因為餐廳位唔多 好快full booking 今次特登早幾日訂台就食到啦落完單就送上包 個牛油好特別 因為有truffles 食落好香 而且包係溫既 牛油一搽就即溶👍🏻Scallop Caramelised Lime Salad (Day’s special)好特別既沙律 帶子份量都唔少 食落去煮得岩岩好 唔會太熟 好鮮甜👍🏻不得不提d青檸片 每一片都係用焦糖包住 食落去甜味中和左青檸既酸味 當然都仲係會酸 但我本身食得酸 所以覺得好開胃好好食👍🏻沙律菜方面好新鮮 再加上Olive oil 健康之選👍🏻海膽意粉呢間餐廳標榜handmade意粉 果然名不虛傳 意粉入口彈牙 而且好香 一流👍🏻加上海膽亦好新鮮 食落鮮甜 值得一試👍🏻但略嫌上菜個陣已經溫左 如果可以新鮮熱辣個陣食會更滋味Habanero Chilli Squid Pasta (Day’s special)一上菜已經聞到好香好惹味🤤好足料好多squid又大舊 唔食得辣既朋友表示太辣 但我覺得係辣不過辣得過癮 而且唔會辣到搶味 反而配搭得幾好 意粉麵質彈牙 軟硬適中👍🏻…Read More

今日同hubby去左又一城食lunchweekend真係成個mall都爆多人 最後揀左呢間蒜香餐廳 唔洗排隊Pork Belly SSAM主角豬肉既肉質意想不到咁嫩滑 而且好林身 有獨特既蒜香汁做配搭 口感幾好 配菜仲有紅洋蔥同本菇 仲可以配埋牛油餡角 sour cream同炸蒜片一齊食感覺會無咁膩👍🏻熱板烤招牌肉眼扒配蒜頭山我地揀左美國肉眼5成熟 一上菜就好香 因為係熱板烤 但唔怕牛扒會過熟 因為有配菜洋蔥同蘑菇係底托住 牛扒上面配有大量蒜蓉同炸蒜片 好香🤤 牛扒肉質食落較林 好嫩 但肉味唔算濃郁 配上蒜片一齊食 口感一流 略嫌蒜蓉較咸成餐都好啖啖肉 其實會膩 但整體黎講質素幾高👍🏻…Read More

今日黎搵個friend食晏 落好大雨 於是見到呢間唔洗等位既cafe就入左去啦 細細間舖所以台同台之間擺得好埋 lunch set有跟埋野飲 我地都叫左熱啡 帶子芝士菠菜醬闊條麵（$88）帶子有2細隻 闊條麵口感食落不過不失 芝士菠菜醬較遜色 味道較淡而且無乜層次可言 份量黎講都足夠 唔算少反而朋友叫既辣茄醬海鮮意粉有d驚喜 醬汁食落少少辣又帶點酸酸既味道 感覺開胃 海鮮質素就一般 不過個份量都算多但係我地落完單等左起碼20分鐘先上菜 杯咖啡都就飲完 繁忙lunch time個個趕住食完番公司 上菜時間有待改善…Read More

而家銅鑼灣好似變左過江龍台式飲品黑糖鮮奶既擂台 呢日同friend食完lunch之後去搵野飲 呢間珍煮丹之前去台灣旅行既時候已經有聽過個名 但無緣一試 而家特許經營到香港 就隨時都可以飲到啦！上次經過間店條龍長到令人卻步 今次再黎情況好好多 我地排左15分鐘左右就落到單 然後等多15分鐘左右就拎到野飲 已經係算快 黑糖珍珠仙草鮮奶珍煮丹既黑糖飲品係可以揀甜度同冰量既 我叫左半甜 因為平時飲開都唔好太甜 店員就建議第一次飲可以叫少甜 一入口黑糖味夠濃郁 我叫左半糖就覺得甜度剛好 想像唔到全甜有幾甜 哈哈 珍珠咬落夠煙un 偏林身 而鮮奶味道黎講就相對無咁濃 仙草食落就不過不失 珍煮丹既冰係用碎冰 所以一杯既份量其實唔少 因為唔會有大大舊冰佔左好多位置 但就未必個個顧客都會想飲既時候無可避免會食到少少碎冰 始終會影響左少少口感 但整體黎講唔錯👍🏻黑糖珍珠布丁鮮奶呢杯朋友叫左少甜 同我杯半甜比較我會覺得太甜唔岩飲 布丁味道唔算濃 始終黑糖都會搶去少少味道 而口感黎講就比起仙草偏硬身少少無咁一pad pad 珍煮丹既黑糖同其他過江龍既黑糖比較會甜d 但黑糖味道出色 而且可以較甜度同冰量 所以可以因個人口味唔同而選擇👍🏻…Read More

今日約左friend係銅鑼灣想食拉麵 行左去登龍街覓食 睇中呢間係米芝蓮一星推介 於是去食 即使係食晏時間1點 但都唔洗等位 佢既位唔多 全部都係bar台位 圍住中間就係師傅準備拉麵既地方 呢到拉麵全部有得揀大或細碗 不過我認為女仔食完細碗都會夠飽 麵質硬度無得選擇 鹽味味玉拉麵（細）我習慣食拉麵係試左湯底先 第一啖就咁入口覺得平平無奇 又啖味 有少少後悔叫左鹽味湯底 但開始食搞勻左碗麵既時候 就覺得個湯底不得了🤤因爲配料上有新鮮紅蔥頭 又有塊新鮮香草🌿再加上橄欖醬 成個口感好夾好有層次 又帶點清新唔會膩 個人覺得好正 哈哈 講番拉麵麵質 係幼身既 食落軟硬度適中 而到塊叉燒 得一塊而且薄薄既 無乜口感 唔會好肥 味道亦不過不失 到粒溏心蛋 流心好正 但食落無乜蛋味 整體黎講中規中矩 湯底出色等候時間比起其他拉麵店較耐 不過食完碗拉麵就明白點解 因為湯底較多配料 令到整個入口層次升級 唔係單一既濃湯味道 但老實說價錢比較貴 值唔值就見仁見智…Read More

同friend係附近搵野食 原本想食另一間餐廳但要下星期先做得番堂食 於是諗住試下呢間招牌食海南雞既飯堂 點知食完好失望 招牌無骨海南雞飯（$52 可跟湯或飲品 凍飲加$3）配上黃油飯底 但食落完全無味 得個上色 有跟埋特製醬汁一邊係稀稀地既甜豉油 一邊係辣辣地有蒜蓉既醬汁 但份量好少 而且要添仲要比多$3先有😶 到重點個海南雞 無錯肉質係滑嫩 份量都算係咁 但食落毫無雞味 而且好肥 雞皮厚脂肪多 有點失望 招牌食海南雞但未到水準 係工廠大廈內既餐廳但收呢個價錢 唔算抵食 而且質素有改善既空間…Read More

今晚慶祝屋企人生日 壽星女想食燒肉 所以book左呢間日式燒肉同佢慶生 signature既大牛扒需要提早預訂 所以我地係訂台既時候已經預留埋 每4人先可以訂一塊 餐廳既內外部裝潢同日本既燒肉店都相近 手袋驚沾上燒肉味道可以放係登下面個櫃 點完餐之後好貼心咁為每人送上膠袋仔一個放入電話 同埋一次性既圍巾以防整污糟香蔥牛舌 店員會幫我地燒埋 燒到剛剛好 然後再放上碟比我地 好好服務 香蔥配上牛舌 口感爽口 味道一流！海膽牛肉同樣地店員會幫我地燒好牛肉 再放係海膽上 一入口燒牛肉味好香 肉質好嫩 再配上海膽既新鮮甜美 完全唔會搶味 相得益彰 好好味🤤黑毛和牛肋肉好好味🤤脂肪比例一流 入口好嫩 不過覺得牛味可以重多少少會更一絕一本壺漬牛肋條牛肋條原條放係壺入面 另配有特製醬汁 肉質有𡁻口而且肉味濃郁 但特製醬汁略咸同辣 會搶去本身肉味豬腩肉汁燒同鹽燒我地都有叫 厚切同薄切都有叫 哈哈 厚切會跟埋生菜同其他配菜比你夾住一齊食 肥而不膩 個人比較喜歡鹽燒 覺得本身既肉味更出 鱈魚卷物正正常常 無咩驚喜但都不過不失 始終呢到係燒肉店 哈哈一口冷麵 細細碗 食落好透心涼 配菜有埋少少泡菜 不過麵質略硬 如果麵質可以q彈少少更好 主打既大牛扒 果然好大塊 抵食！足足蓋過成個爐 同樣地店員會幫我地燒 我地揀左一塊汁燒一塊鹽燒 燒之前要同全店店員互動一番 一齊叫口號先有得開始燒 哈哈 有趣有趣 大牛扒食落肉質嫩口 肉味未算好濃 但都好好食 有d部分脂肪會較多 個人覺得汁燒比鹽燒好食 而鹽燒店員會提供wasabi味既配菜一齊食 但wasabi味較重 會搶去肉味 原隻魷魚🦑已經切好一塊塊 再砌番成魷魚形狀上碟 入口爽口彈牙 調味料可以再多少少 因為本身魷魚無乜味道 餐廳免切餅費 十分好👍🏻賣完單之後仲會為我地每人送上一小杯酸奶解膩助消化👍🏻值得一提 餐廳洗手間都好貼心咁提供埋漱口水 紙杯仔 一次性牙線 綿花片 等等既貼心用品比顧客使用👍🏻…Read More

難得weekend 於是約左friends共享英式afternoon tea 我地order左3 sets afternoon tea 一眼盡現 食物唔算精緻 種類都唔多 三文治有生菜蟹柳沙律同生菜吞拿魚 款式勁簡單 甜點都無乜特別 稱唔上好食 茶包方面係用twinnings 最過分係scones 好明顯地over baked 脆過薯片 硬過石頭 完全切都切唔開 唔明白點解咁都可以出到比客🙄我地當然要求更換 酒店方面都立即換比我地 食物質素真係太差 服務就正正常常而且坐得好唔舒適 因為sofa大張但好矮身 台亦好矮 其實係2張大圓茶几 淨係飲野都ok既 但食起野上黎真係好唔方便又唔舒服 同埋朋友傾計聲量都要大少少對面先聽到…Read More

Happy Friday係應該同班知心好友相聚 好好暢談一番 今次搵左呢間西餐廳位於上環永樂大廈附近 地點幾方便易搵👍🏻 Crab tian 食落好有層次 因為有多樣材料 而且西芹爽口 同蟹肉同其他材料食落好夾 初頭以為塊包會好硬 唔想放上蟹肉千層一齊食 但一試個包仲溫溫地架 而且好軟熟 加少少檸檬汁落個蟹肉千層 再放上包到食 味道清新開胃 加分！Wing pops因為我地等人齊 所以叫個小食一路食一路等 雞膇仔食落grill味香 但如果可以係wings會更開心 哈哈 1KG white wine mussels配菜薯條好食 但mussels食落唔算好甜美 大小參差 味道唔夠 有點遜色 Pork knuckle上菜時已經將豬手拆骨 一舊舊咁將燒豬皮同豬手肉幫我地切好晒 值得一讚係好貼心咁連豬皮下既脂肪都清走晒 而且豬手肉質食落好嫩口！一d都唔乾唔嚡口 仲有好多配菜 但略嫌整體咸左少少 Seafood linguine青口算多 但蝦得一隻 同埋食落唔算新鮮 linguine質感好食 軟硬適中 香草味濃郁 整體黎講食物不過不失 有進步既空間 因為係Happy Friday 全場滿客環境熱鬧 傾計要大聲少少先聽到 哈哈…Read More