HelenNgHangYan's Profile

一間上樓西餐扒房，我同老公分別叫咗一個午餐，加咗個廚師餐湯，另外聽餐廳經理講叫咗一份廚師推介甜品Share，各自都係$58，好合理。餐湯係蕃茄蓉湯，上菜嘅時候，擺盤好精美，加咗一圈Olive Oil同一啲燒藜麥。蕃茄蓉湯比較厚身，似歐洲嘅濃湯，間中食到煙煙韌韌嘅感覺，個啲就係燒藜麥，配搭嘅感覺又幾特別！燒烤雞胸肉配無花果雜菜沙律$188 雞胸肉烤得剛剛好！加上雞胸肉應該有先慢煮過再Grill！面帶金黃脆邊，但內裡多汁唔乾（食雞胸最怕又乾又柴，但佢無！）配上雜菜沙律，加上新鮮無花果酸酸甜甜，配搭得剛剛好。燒新西蘭肉眼扒配烤蔬菜$188肉眼扒叫咗七成熟，上菜時煎得剛剛好，Grill Mark 非常之靚。燒得剛剛好嘅肉眼加上配搭嘅酸酸汁，十分驚喜。問返經理，個汁係Porcini Sauce ，係廚房自己用咗紅酒調較出嚟，外間每一個味道都唔同，而The Grill Room嘅係會偏酸甜。但正正係一點酸甜，調和返塊扒嘅油膩感，肉眼油脂嘅罪惡感即刻冇晒。 終於嚟到我心目中，全餐最驚艷嘅 — 甜品。廚師推介甜品係熱情果朱古力Mousse蛋糕！一啖落去，先係熱情果醬嘅獨特酸甜打返開你食甜品嘅胃，之後就係佔蛋糕三分二嘅朱古力Mousse，一個字，「夾」！真係忍唔住食完一口又一口！環境方面，餐廳座落一棟服務式住宅入面，好近地鐵站。雖然環境唔算大，但勝在Cozy同Relaxed！入面仲有梳化位，約埋三五知己食個飯傾下計都唔錯。最欣賞嘅係開放式廚房，你會見到晒廚師喺入面備菜同煮食嘅過程，好食嘅又可以對廚師俾個Like！…Read More

最初望到依家餐廳名，即刻諗起我之前好鍾意睇嘅一套號特工電影，成間餐廳都擺咗好多關於特工嘅擺設，如果有睇電影嘅人，就會覺得佢有好多打卡位。未食之前就有一個問號，究竟依間嘅豬扒同大O樂出面食嘅茶餐廳豬扒，有啲咩分別？今日我哋就叫咗個Mission B同C Mission B $102 芝士蘋果焗豬扒飯手打豬肉丸蘋果嘅清香味配搭香濃嘅豬扒，豬扒非常之鬆軟入味，平時我好怕食芝士，因為食完會好頂胃。但係今次佢就加咗蘋果，消化左芝士帶來飽的感覺。佢嘅手打豬肉丸，咬落去爭啲啲汁都會噴到隔籬嗰度。肉丸十分彈牙，配埋個燒烤醬一流。Mission C $92豬榴彈（雙層手打豬柳芝士漢堡）忌廉南瓜湯個豬柳芝士漢堡，兩面個別麵包夾住，有濃厚香草味，又加牛油烘過。雖然豬扒好 juicy, 包有烘過，所以呢唔會整到好濕。豬扒整體都好高質，估唔到豬扒都可以整到咁多菜式出嚟。同埋用QR code自己落單，好方便，環境亦都好舒適，坐得好舒服。想食豬不妨試吓。…Read More

薄餅上加菠蘿卻是意大利人的禁忌，對於香港人嚟講夏威夷pizza重點就係菠蘿，會咬一口都會食到菠蘿汁嘅甜味，因為佢啲菠蘿真係好大粒，而且薄餅厚度適中，識落好煙韌好有口感，啲醬料呢就鋪滿成塊Pizza裏面，唔會話有時候淨係食到塊餅，但係就冇材料。用個架整高份pizza 有氣派，同埋佢裝修好有情調，好適合情人節，白色情人節同另一半去食，或者三五知己喺梳化度一個圈坐，喺柔和嘅背景音樂之下，望住出面嘅街景，好似我哋咁樣唔經唔覺都坐咗幾個鐘傾偈，慢慢品嚐啲嘢食Truffle 🍠條作為前菜小食，佢唔會話好重黑松露味，本人的口味食得比較淡，所以覺得熱辣辣嘅薯條，加上少少黑松露，都非常好味燒大蝦三文魚籽蝦汁扁意粉，大蝦唔使我多講，大家都睇到有幾大隻，有好多蝦肉，又多汁，加上三文魚籽，同埋佢個扁意粉龍蝦汁唔算話好濃，因為有時我會覺得個龍蝦汁太濃嘅話，我唔知究竟我自己係飲緊龍蝦湯定係食緊一個意粉，反而我覺得依樣係啱啱好，味道淡淡咁樣，意粉食落都會好有口感…Read More

最近銅鑼灣開咗間, 英倫復古風炸魚薯條 , 最初係俾佢個裝修吸引，入面裝飾充滿着英倫嘅風格，有不同簽名波衫，就行咗入去試吓啦。首先叫咗一份大炸鱈魚薯條, 薯條大大條，黃金香口，一食就知係新鮮炸出嚟，炸魚有成12oz，2個人食絕對足夠（可能三個都得)。唔似坊間啲炸魚柳，一切即散，炸魚外邊嘅炸粉剛剛好，薄薄一層好香口，再咬深一啖COD FISH彈牙鮮嫩，真係COD SAVES THE QUEEN！ 另外試咗一款特色飲品，紫色個一罐上網睇返仲有止咳功效，想試一試英國人口味嘅朋友仔，歡迎叫一罐試一試。但我問一問男朋友嘅意見，佢就話：真係好有挑戰性！最後多叫咗一條雞肉腸。唔似香港食開嘅廚師腸，好大支夠嗮足料，咬開薄薄外皮炸漿，入面係Juicy嘅肉汁。整體好推薦朋友仔去試一試，四個人左右，可以叫一份大Fish & Chips，另外餐廳仲有肉批，我地太飽無叫到，但旁邊食客都食得津津有味。…Read More

今日咁啱經過觀塘，天氣超級凍。我朋友同我講好多工廠大廈上樓都有好多美食，我就上咗去呢一間叫做巧得鍋打邊爐，希望可以暖笠笠咁落樓😂上到去因為有太多款嘢食，而我又有啲選擇困難症，所以直接叫咗個套餐巧得set，入面已經包咗前菜，主食，仲有嘢飲同水果。先講講個前菜，涼拌蓮藕，好特別，佢個汁有啲麻麻哋嘅味道，又唔算太辣。跟住就上咗個雞煲，熱辣辣，個人即刻暖翻好多！然後我哋就食正餐，有一個牛肉，亦有海鮮。值得一讚嘅係佢打邊爐嗰個位置係凹陷入枱，四邊有吸煙位，唔會好似平時打邊爐咁成日有啲煙吹埋嚟勁唔舒服。牛肉好軟熟，我海鮮入邊有包括廣島蠔，帆立貝，刀貝等等，好豐富！整體來講都算唔錯！飲品方便我哋叫咗個藍草莓同埋檸檬青蘋果，兩樣都係特飲，包左係個餐入邊。檸檬青蘋果好fresh，味道好鮮甜，而藍草莓入面直程有新鮮菠蘿，味道好似熱情果口味，正！最後上咗個生果係哈密瓜，佢係冰鎮主要嘅生果，呢樣真係要讚一讚佢，超級好食，而且超級甜，感覺好新鮮！有少少似食緊水果雪條！Overall嚟講呢個價錢，食到呢個Level嘅嘢，真係唔錯！…Read More

可能你一去到尖沙咀淨係諗住食韓國菜，今日就想試吓啲新嘅嘢，食下墨西哥菜。真心最初嘅時候都唔知道墨西哥菜係食咩，只係見間餐廳酒吧feel，裝修有幾有格調，價錢又合理，就入咗去啦。我哋今次叫咗下面以下食物1. Avocado Tomato & jalapeno corn Ensalada 沙律色彩非常之豐富，加埋獨特嘅墨西哥醬汁，甜酸辣嗰種口味都加埋一齊，係一個好好嘅開胃菜，佢其中一個醬汁係牛油果生洋蔥蕃茄綠色醬，好特別！2. Jerk Pork Nachos跟住墨西哥烤肉米片辛辣的番茄湯中倒進玉米脆片、酸忌廉、辣椒片、哈羅米芝士和牛油果等不同配菜之中，加上玉米脆片的口感，感覺好新鮮，咬落去有時食到甜味，有時食到酸味，唔知就咬完第一後，會忍唔住咬第二口。3. Spinach, Napales, Cheese Quesadilla墨西哥餡餅，皮薄餡脆，平時食開Pizza，佢嘅餡料一樣咁多，加上濃口嘅芝士，值得一試。4. Seafood Mexican Paella今次依個海鮮飯，比起其他菜式，真心唔係太特別，但係份量都好足夠，飽肚嘅，入面嘅材料亦都多，但係同平時出面食嘅飯未能夠突出墨西哥風味。但係如果多人食飯，都可以order. 😌總括嚟講餐廳都非常有格調，地點又方便，重點係你好少食到墨西哥菜，見佢超多外國人食，就應該知佢係幾正宗。…Read More

今日有啲事做所以去咗大角咀，又突然好鬼想食串燒喎。我依個人一突然想食就即係一定要食。行行吓就見到依間屋村入面嘅小店，佢真係唔鬼多起眼，細細間鋪啦，最初真係俾佢個價錢吸引咗㗎咋。坐到入去見到個Menu，嘩，十幾$20就會有串燒食，我依個講多人真係好少見囉。我食咗啲乜嘢就唔詳細列出嚟啦，因為水蛇春咁長，但都係$320落樓。總括來講，啲全消呢唔會話呢好乾身，同埋呢佢有時用咗自己嘅醬料，唔會下下都會用孜然粉。佢啲孜然粉亦都唔會落得太多，唔會冚過左燒香肉味。又唔會話燒到好乾身，咬落去呢仲會係有肉汁嘅。講真，啲味道食成點都可以大家自己睇吓相片，賣相絕對唔差，份量亦都好足夠，唔會話好細串，所以都好鬼飽肚㗎 ！重點係咩啊，價錢合理，可以盡情喺個餐牌度take take take，唔需要就住就住，盡情大吃特吃！…Read More

考試前諗住去食餐好嘅去清淸自己嘅腦袋，再望吓海景，跟住行行吓上環海邊就見到依間餐廳行入去試吓。佢哋而家做緊第二個餐半價優惠，所以價錢來講都算合理，今日就叫咗個銀鱈魚$228 頂級安格斯西冷扒 $188煙肉蘆筍 $48自家製免冶雞肉棒 $54我覺得最值得推介呢係個雞肉棒，佢呢好特別要將佢呢係打落啲蛋醬度，雞肉填埋啲蛋醬呢好入味啦非常之夾，有一查呢黏黏感覺係最裏面，再咬落啲鬆軟嘅雞肉，感覺係幾特別。至於銀鱈魚同埋西冷扒都幾高質，知道佢哋呢唔係用平嘢，內裏雪白的銀鱈魚西京燒食落口甜甜地之餘仲一d都冇魚腥味, 但係我就覺得賴皮就可以脆少少。西冷扒亦都好有肉汁，配合返啲日本米，一流。晏晝來講呢價錢真係唔係特別平，你而家做緊優惠，再加埋出面個無敵海景。食完野沿海邊慢慢行吓，吹下海風，醒腦醒神！…Read More

今日叫咗三樣嘢食：雞絲扎肉椰汁酸湯$69窩蛋火車頭$88蝦多士$45鹹檸七$15🦐多士係必食推介，除咗較特別之外，佢入面仲有邪惡嘅芝士，外面炸到金黃鬆脆，表面亦都鋪咗芝麻。我平時個胃食啲好油膩嘅嘢會好容易唔舒服，但係我食完蝦多士完全冇呢種感覺。佢完全唔油膩，反而非常之入味，而且上枱係有一種即刻炸完比你食嘅感覺。至於個窩蛋火車頭，有大大嘅一隻生蛋擺咗喺上面，再將佢連埋其他食材同湯一齊食，別有一番風味。材料亦都非常之充足，湯亦都清甜入味。雞絲扎肉椰汁酸湯酸湯一入口椰奶再加埋佢少少香茅香檸味呢就好似一個冇辣嘅冬陰功咁。湯底嘅味道已經好surprising。另外一樣令我好驚艷嘅係佢嘅雞絲，普通食嘢雞絲可能係好平淡嘅白灼雞絲，如喺呢度食嘅係一種有醃製過嘅鹹香雞絲，當然再加埋彈牙嘅扎肉，呢一碗粉一定係夏天必食首選。食物質素 🌟🌟🌟🌟價錢🌟 🌟 🌟 🌟 🌟環境🌟 🌟 🌟 🌟…Read More

熾工房喺西營盤地鐵站出嚟，行大概5分鐘時間，就見到呢間熾工房。佢嘅環境好寬敞，喺疫情期間呢樣非常之重要，空間感非常之足夠，就算好多人食都唔會有擠迫嘅感覺。重點係佢嘅價錢非常之合理，喺$100樓下就可以食到漢堡包，薯條，炸雞等。兩個人食都係百零蚊左右。我哋今日就叫咗個兩個套餐，等我簡單介紹一下啦竹炭包包皮有烘底，炸雞外皮乾身鬆脆，啖啖肉多多汁，搭配埋紫椰菜同埋酸酸甜甜嘅醬汁，好醒胃，一啲都唔膩。而包皮有牛油香味，令到佢嘅味道喺口裏面增加咗嘅質感。要薯條呢佢係好新鮮炸出嚟嘅，所以每一個套餐都可能要等5至10分鐘，但係即叫即整，令到薯條出嚟係非常之新鮮，熱辣辣，值得推介。環境 ⭐️⭐️⭐️⭐️味道⭐️⭐️⭐️⭐️推介⭐️⭐️⭐️⭐️價錢⭐️⭐️⭐️⭐️⭐️大家去開西營盤嘅話，值得去試一試㗎！…Read More

碗盛天后是我之前翻工的地方，一路都知道天后多嘢食，今日呢就嚟到一間新開嘅日本餐廳，佢個裝修非常之揼本，坐得非常之舒服。入面擺咗唔同嘅小裝飾，椅子下面又有籃俾你去擺嘢，仲有USB插頭位比你充電，十分之貼心。今日我哋嗌左都幾多嘢食㗎，有以下嘅：炒枝豆 38 (*10級推介)雞尾。25沖繩水雲漬 68雞心 28鹽燒雞中翼 28紫蘇芥末豬五花腩 32厚燒牛舌 58燒白鱔68鵪鶉蛋22串燒豆腐28雜錦天婦羅108火炙牛小排拉麵 黑蒜油豬骨湯底 128總共$ 621 我超鍾意食佢個炒枝豆，枝豆本身入味加上，炒煮後一股牛油味道，十分開胃。另外，佢啲串燒全部非常之香口，又唔會話好油，價錢亦都非常之合理，聽講嗰啲材料全部都係日本進口，所以不論牛舌、白鱔，咬落去有溶化既感覺；佢仲有好多其他少見嘅串燒提供，例如：雞尾、紫蘇芥末豬五花腩（推介！新鮮紫蘇葉加上黃芥末，適當地解膩）。雜錦天婦羅，天婦羅裹粉用量適中，用料都非常新鮮，推介！拉麵嘅牛小排同豬骨湯底都十分高質，但係個人覺得麵底可以做好啲（例如：用硬身細麵代替用中太麵，或者用極太麵配搭更濃嘅湯底）。離開嘅時候先發覺佢有兩間大房，入面裝修都偏向日本風，分別以「竹」同「櫻」做主題，可惜打唔到卡。相信日後，如果一大班人去食嘅話， book間房仔，會係一個非常之好嘅選擇！總括來講：味道 🌟🌟🌟🌟環境 🌟🌟🌟🌟🌟服務 🌟🌟🌟🌟推薦度 🌟🌟🌟🌟🌟…Read More

平日唔大時大節，我同男朋友都好少食高級嘅西式餐廳！前兩日男朋友話去食餐好嘅，上網見到Cuisine Culture 既價錢唔係特別貴就去試試。價錢合理不特止，服務仲要一流，環境夠靜，加上背景播住英文歌，食飯嘅時候都好舒服好柔和。食物方面，首先頭盤嚟㗎龍蝦湯加蒜蓉包，龍蝦湯味道好濃郁，上菜嘅時候都係熱辣辣，感覺好新鮮，啱啱煮好就拎過嚟。跟住既法式焗蝸牛，真係顯得小編好少去高級餐廳，因為連用邊隻差同鉗都唔知道😂😂 好彩店主細心講俾我哋知要點食👍🏻 最令我深刻嘅嗰味一定係地道鴨髀配煎薯仔！我第一次食脆嘅薯仔，鴨皮果皮都係熱辣辣趣博博㗎！依家諗起都想再食！甜品方面有好好味嘅馬卡龍同埋第一次試嘅石板街雲呢拿雪糕，好特別，真係勁好食！菜式Recap:法式地道鴨髀配薯仔($189)法色焗蝸牛($98)龍蝦湯($88)香蒜牛肝菌意粉 ($ )甜品 (特別整俾，我哋每樣少少，冇一個價錢)環境方面，背景音樂令人覺得好柔和，坐卡位嘅小編亦都覺得好舒服，餐廳入邊唔算好光亦有個吧枱，感覺好放鬆！服務水準亦都好高，店主不停幫我哋換碟，斟水，好細心，好貼心嘅服務，令我哋有種VVIP嘅感覺❤️Overall黎講今次，真係難得嘅經驗。以一個唔算特別貴嘅價錢，食到一餐高級嘅西式餐，一級棒！…Read More

聽到韓燒，通常就會想起幾隻字，就係貴，好貴，同超級貴。住喺銅鑼灣嘅我，梗係不時捐窿捐罅搵吓有咩好食推介。今次呢而家行燒啦雖然佢只係用光波爐嚟燒烤啦，但係呢價錢真係非常之合理 (晚餐時間 $298/人），佢嗰幾盆前菜已經冇得輸。今次係我第二次食，第一次係佢啱啱開張嘅時候食。佢用任食放題嘅方式，有幾個雪櫃嘅不同飲品俾你任揀，仲有呢出面一個沙律吧，食完之後呢仲有唔同款嘅韓式雪條有椰汁味啦最出名嘅蜜瓜味啦任君選擇。放題呢有一啲韓式年糕啦，韓式意粉等嘅小抄，都係大大碟，味道呢絕不普通。就算普通嘅番，好普通嘅金菇啊，佢都擺咗啲牛油上去，再放落個光波爐到燒。芝士再加埋啲金菇嘅味道非常之邪惡，但係真係好好好香口呀。重點係咩啊，就係光波爐冇乜煙，唔會食到啲袋呀衫呀好臭，真係面對面我都好注重樣嘢㗎嘛😝😝😝餐廳服務都好出色，食完一碟就會有職員啦幫你即刻收碟。你知啦放題當然係擺到成枱都係野，有職員即刻幫你收碟，咁你又有空間即刻再嗌過另一round 繼續搏殺。🤗🤗…Read More

今日趁課堂嘅空檔，趁冇咁忙嘅時候就去紅磡同同學諗住買外賣。行行下呢條街，發現依間新開嘅台灣外賣店，比去過多啦A夢隨意門吸引咗（提醒自己唔好講叮噹，唔係有暴露年紀㗎啦）。雖然喺鋪面細細，裝修好別緻。鋪面用粉紅色嘅主打，簡單咁樣擺咗好多花樽，整潔得來好優雅。佢個餐牌呢都包含咗好多唔同食物，有飯有面有吐司有珍珠奶茶，基本上呢雖然鋪面細細，但係你想叫啲乜嘢食都有。今日呢我哋四個人，因為要有動力去繼續想超難嘅課堂，所以我哋都帶咗幾多嘢食㗎。我哋嗌左以下嘅：肉鬆芋泥吐司套餐+一口鹽酥雞拼花$42佢個包質鬆軟，加上非常之濃厚嘅芋泥，好咁呢亦都好豐富，而且出奇地同麵包好夾。餐廳員工好好，見我哋呢有四個人，幫我哋將啲雞粒呢係再切醒四小粒，方便我哋進食。抹茶紅豆小芋園 $30黃金蛋黃地瓜肉鬆吐司+甜不拼平地瓜薯條 $48個肉鬆吐司真係值得一讚，超多肉鬆，但係又唔會呢好乾，反而係好Juicy。地瓜薯條，番薯蓉好足料，咬落去好有質感，唔會好乾身，而且炸到有薯條嘅香味。滷肉飯+茉莉綠茶 $55乾拌麵+炭培烏龍珍珠奶茶 $55啲飲品呢係超多珍珠，超大杯，而且個茶味係好香濃嘅，超級抵飲。我自己亦都私心推介乾畔麵，雖然佢話乾麵啦，但係佢識得食起上嚟呢系好入味。滷肉飯其實都好食，只係個滷肉飯係我自己嘅私心推介。總括來講，無論品質同埋份量同埋價錢，都係值得大家去試。…Read More

周不時都會係荃灣試下d小店, 呢幾日朋友就介紹咗呢間 CP值高的韓式餐廳小店, 價錢貼到之餘, 又免加一, 份量亦相當豐富. 兩口子最後要打包.小店姨姨推介菜包豬肉(前菜)$75 同石鍋芝士香辣豬肉飯(主菜)$65. 菜包豬肉$75 賣相好吸引, 一見到就上試, 生菜上邊放咗香辣嘅韓式豬肉同紫菜, 生菜亦好新鮮同大塊. 石鍋芝士香辣豬肉飯再拌入韓式辣醬, 攪起上嚟, 見到一條條嘅芝士絲, 好食得嚟仲好有口感. 熱天最適合食凍嘅主菜 - 我哋就揀咗韓式蕎麥水冷麵 $45， 個麵配咗d蘋果, 消暑之餘又好開胃.最後要推介嘅係韓式無骨豬手$78， 包上生菜, 再配上泡菜蒜片,特製醬料,食落充滿層次感.…Read More