RikoTam8441's Profile

好耐冇試過喺香港食到一間餐廳嘅服務係咁好。 今日有朋友生日，揀咗呢間餐廳慶生， 真係超級驚喜。 首先佢哋可以喺餐廳度，預訂一個生日蛋糕， 咁就唔使自己特登去買，又要畀切餅費，而且呢個蛋糕仲好抵食又好食。 另外當侍應攞個蛋糕過嚟嘅時候，老闆娘仲主動親自走過嚟幫我哋影咗好多相， 仲教我哋點樣擺pose先至靚 ， 餐廳入面有好多生日道具可以畀客人影相， 完全感覺到呢間餐廳 好有誠意，成餐飯真係食得好開心 。餐廳環境舒服檯與檯之間有足夠嘅空間感， 而且食物質素都唔錯， 真心推介畀對服務有要求既客人，包你滿意。…Read More

第一次到訪這間酒樓，由荔枝角地鐵站C出口一出直行，過了馬路右手边就見到荔枝角懲教署，由懲教署門囗直入到盡頭就到，都好易搵，返而跟 open rice 寫B1出口出就行得較遠。入到酒樓，侍應姐姐好有禮貌招呼我哋，第一個感覺已經很好，之後我哋點了三個小菜，味道也有驚喜！一边食侍應小姐仲同我哋傾左好耐，介紹左酒樓特色的之處。今晚試左小菜味道唔錯，下次會試嘛點心。…Read More

將軍澳澳南海岸又開咗一間新嘅餐廳，行過見佢嘅裝修幾靚，於是 入去試下。先講環境 ，餐廳環境裝修 好優雅 ，因為有落地玻璃，所以陽光好充足 ， 枱與枱之間嘅空間感好足夠 ，唔會太擠迫， 傾計好舒服， 餐廳感覺好乾淨。 侍應服務態度亦都非常之良好 ，有禮貌 。但食物質素 就有待改善， 因為 收到呢一個價錢， 我覺得應該都會對佢有期望， 但係食物嚟到之後，覺得 質素一般， 欠缺誠意 ，唔係太值呢個價錢， 薯條 嚟到已經係淋曬 ，漢堡包味道都係一般，杯餐茶熱檸茶同甜品 都唔係好得 ，仲有個餐湯係蘑菇湯，但係完全冇味。 整體嚟講，餐廳打卡係ok嘅，不過食物 質素真係有待改善 ，而且價錢真係偏貴。…Read More

最近發現喺旺角 朗豪坊附近開咗一間新嘅 西餐廳， 於是上去試下新嘢 ，第一次上去中午嘅時候，試過佢地既午餐， 覺得食物質素唔錯。今晚 決定帶一家人去試下晚飯。 首先真係要讚下佢哋員工 ，打電話嚟訂位嘅時候， 因為我哋有八個人嘅緣故， 為咗方便傾計 ，所以我要求想要一張圓枱 ，(因為佢哋餐廳已 長方形嘅枱 招呼客人為多， 但係我之前就見過有兩張 六人圓枱 ，但侍應話如果坐八個人可能會好迫， 但我話唔介意，因為真係想坐圓枱方便傾計，個員工好有禮貌 話會盡量為我哋安排， 最後上到去發現佢哋幫我哋加咗一張大嘅檯板，令我哋八個人坐得好舒服)。食物方面我哋叫咗五個小菜， 包括佢哋推介嘅樟茶鴨， 小菜嘅味道都唔錯，而且份量都算大碟。食完飯我哋仲每人叫咗一個甜品包括心太軟 ， 窩夫 ，紅豆沙，蘋果金寶。 甜品的賣相和味道都Ok。 呢間餐廳 最特色嘅就係， 佢哋有好多不同款式既美食比客人選擇，例如中式，西式，台式 ，日式 ，上海野和甜品， 整體嚟講，呢間餐廳嘅環境，食物，同服務， 我都會 覺得值得推介比朋友…Read More

今天特登同朋友過嚟將軍澳 澳南海岸呢邊試下一間新嘅餐廳，喺網上見到好多朋友分享，對呢間餐廳全部都係正評，所以抱住一個 好奇嘅心態黎試下呢間餐廳。 食完之後發現真係好有素質。先講環境，呢間餐廳嘅裝修令人好舒服 ，而且有好多打卡位 ，空間感亦都好大 。另外服務方面， 侍應係好有禮貌 ，亦都係好細心解釋食物嘅配搭比我地聽， 侍應見到我哋四個女仔係過嚟慶祝生日， 當佢放低個甜品嘅時候 ，會主動提出話幫我哋影相。 食物方面，賣相已經非常吸引，食落去就更加覺得係 味蕾的享受 。最驚喜既係甜品，因為當日我哋係同朋友慶祝生日，但係黎呢間餐廳之前 ，我哋唔知餐廳係有甜品食， 所以當日喺餐牌上見到佢哋有甜品，就散嗌咗兩件蛋糕，完全冇諗過上到檯面嘅時候，個廚師係咁有心機幫我哋整到個甜品咁靚， 令到我哋好驚喜 。整體嚟講，呢間餐廳絕對係我 2021年裏面食過最完美嘅餐廳。…Read More

呢間餐廳位於太子地鐵站附近 ，其實地點都好方便， 由地鐵站行過去大約 七分鐘。 去到門囗見到佢哋個落地玻璃好吸引， 望到入面嘅環境非常舒服， 樓底夠高 ，裝修方面感覺有點日式西餐嘅風格， 乾乾淨淨 。服務方面，感覺亦非常良好，見到每位店員對客人都非常之有禮貌， 而且我哋問佢一啲關於食物有咩特色嘅時候，店員都樂意解釋。 至於食物方面，更加之喜出望外， 冇諗過食物水準咁高質， 總括嚟講，呢間餐廳一定 會推介畀我身邊嘅朋友嚟幫襯 ，因為環境舒服 ，食物有水準 ，而且價錢亦都係好合理。…Read More

今日同朋友入去將軍澳澳南海岸行街， 中午時段 搵嘢食 ，發現 二樓有一間 環境唔錯嘅日式餐廳 ，比佢哋嘅海景深深吸引住，於是決定入去試下。入到去覺得環境非常舒服，放著柔和輕鬆的音樂， 望住出面嘅海景， 未食嘢都令到成個人感覺好舒服 。先講下佢哋嘅服務態度，入面所有員工都好有禮貌 ，而且好細心， 亦好主動去介紹佢哋餐廳食物畀客人 ，個老闆仲好熱情咁主動同客人傾下，點解自己會開一間餐廳喺呢個位置，原來都有一個小故事 。另外講一講食物質素， 佢哋嘅拉麵和烏冬非常之有水準 ，我哋叫咗幾款食物，都覺得非常好食 ，而且價錢合理 。幾個朋友食完都覺得 ，今日呢一餐 非常有質素，下次一定會再幫襯試下其他嘅款式。…Read More

今日行過將軍澳這邊 ，發現呢間禮記 中菜餐廳，於是入去試下佢哋嘅點心 ， 先講講這間餐廳的環境， 這間餐廳環境很舒服， 地方好乾淨 ，服務方面， 侍應很有禮貌， 上菜速度亦很快。 點心雖然選擇唔多 ，但係質素數方面非常好，食得出點心用料好新鮮。我同我老公都覺得呢中菜餐廳都直得一試。…Read More

第一次入去試呢間餐廳嘅時候，純粹係出於好奇心。因為喺openrice見到佢既食評全部都係正評，冇一個負評，所以基於好奇心之下， 姑且 入去一試，點知食完之後，就變咗自己嘅飯堂。而家每個星期總要出嚟食一次先安樂。先講呢間餐廳嘅環境， 入到去嘅環境係幾舒服， 加上佢哋播住一啲音樂，令人邊食邊有一種好輕鬆嘅感覺。另外 講下佢地嘅服務態度，呢間餐廳嘅員工服務態度非常良好，對顧客有善， 而且做事好細心， 上餐嘅速度都好快 。跟住講講重點，就係食物質素非常之有水準，而且食得出廚師好有誠意。佢地用既原材料係好新鮮 ，加埋廚師嘅煮法，出嚟效果非常好，賣相亦都一流。最後講埋呢間餐廳嘅甜品，亦都係非常出色，每次嚟食我都一定要加個甜品先至能夠畫上完美嘅句號 。一句講曬，呢間餐廳 每次食完之後都有一種好滿足和幸福嘅感覺…Read More

今日同屋企人去到樂富呢間酒樓飲茶。先講服務方面，入到嚟酒樓嘅時候，冇待應生問我哋想飲咩茶，亦冇人幫我哋擺茶位。等咗大約十分鐘都冇人理，然後我哋自己出去攞碗筷，跟住再要自己走出去搵侍應生幫我哋開茶，眼見附近嘅枱都有好多吉枱，但係冇員工執嘢，好明顯係間酒樓嘅人手不足。食物方面 ，送餐嚟嘅速度係正常嘅，但係點心嘅水準就麻麻哋。叫咗一碟油條，又係超難食 。屋企人大家一致認為，呢間酒樓我哋以後都唔會再嚟…Read More

係openrice見到呢一間 食肆 ，見到有好多好評，於是今日特登同家姐嚟試下， 入到店舖，感覺環境係乾淨。 服務方面:感覺侍應嘅態度都好有禮貌 ，店內大約有三至四個樓面落單 。食物方面家姐叫了一個南乳豬手撈麵 ，味道唔錯，豬手好入味同埋炆得好淋，我點了一個蔥油豬扒飯 ，但係味道覺得一般， 感覺價錢都唔係平，一碟飯58元再加一杯凍檸茶要另加12蚊 ，一個中午餐要70元。但係呢間食肆出現咗一個大問題，就係出餐嘅時間需時好耐 ，我食過咁多間食肆 ，冇試過一間叫一碟飯要等30分鐘以上 ，除咗我張枱之外，我眼見其他嘅枱，大約有四五張都係等咗三十分鐘以上 ，見到好多食客都投訴，叫一碗車仔麵等咗一個鐘頭 都未有，眼見好多食客都怒氣沖燒， 由於係食晏時候 ，可能個個都趕住返工 ，所以見到好多食客 都催咗好多次 ，但係店員都係好有禮貌咁同佢哋講，已經幫佢哋跟緊，但係又真係好難令人接受， 等一碗車仔麵要等成三十分鐘以上 ，我諗佢哋嘅老細都要檢討下，出餐呢個問題，時間太耐，啲客一定唔耐煩 。而我自己本人試過一次就算，下次應該唔會再幫襯…Read More

森記呢間餐廳已經幫襯咗好多次 ，無論早餐，午餐，定晚餐價錢都好大眾化，好抵食。 早餐嘅款式都好多選擇， 中式西式都有 。午餐方面，碟頭飯價錢便宜，份量大碟，抵食 。晚餐 都係價錢 非常之抵， 而且食物有質素 ， 尤其喺燒味方面，乳豬， 燒鵝 和芝麻雞做得非常出色。 服務方面:覺得 店員 係好細心， 而且有禮貌 ，呢個真係值得一讚， 每個員工都係快手快腳做嘢， 睇得出佢哋係用心去服務客人 。唯一一樣嘢， 我想有少少意見 ，就係希望老闆考慮下，唔好只收現金，或者試下收埋信用卡或者其他電子貨幣例如alipay或者wechat pay ，因為好多時一大班人出嚟食飯，真係唔會帶咁多現金出去畀錢， 如果晚飯食到過千元嘅話，又冇得碌卡 ，又真係幾尷尬， 希望老闆考慮下， 收錢方便加入其他電子貨幣會更方便…Read More

喺openrice見到呢一間新開嘅餐廳， 於是特登過去試一下 。去到門口 已經覺得餐廳好特別 ，入到去嘅環境， 就令人覺得好舒服 ，餐廳配著柔和嘅音樂， 而且枱與枱之間嘅空間感都好大， 加上餐廳都好乾淨，令人坐得舒服 。服務方面，一位女侍應 態度都非常好 ，落單時都很有禮貌 ，亦主動同客人 傾下偈 。食物有水準， 午餐價錢亦大眾化， 我點了一個咖哩雞午餐 ，咖哩辣度係微辣， 適合一啲 唔食得太辣嘅朋友。 阿仔就點了一個漢堡包 ，佢食咗幾啖之後都話好好食。 整體嚟講 ，有如此環境 ， 午餐大概都係六十零蚊 ，係抵食嘅。 仲有一點值得讚揚嘅就係，佢哋有另外一個餐牌係畀一啲素食者點餐，此舉比較窩心， 因為好多餐廳都好少有素食者餐牌供應…Read More

今日約咗幾個閨蜜一齊出嚟傾下偈食下嘢，所以想揀一間舒服D嘅餐廳 聚吓。呢間餐廳由佢開業一直都想試下 ，但 一直都冇機會 ，今日終於可以一試 。先講環境 ，入到去覺得好舒服好乾淨， 而且加上冇乜人，全場只有四圍枱，所以環境好寧靜 ，傾計啱曬！ 服務方面 ，侍應門都好有禮貌， 當我哋表示話冷氣太大 有啲凍，佢哋馬上走去將冷氣關細咗 ，此舉非常體貼。 食物方面 ，真係超有驚喜 ， 原本 諗住二百零蚊嘅價錢 ，都唔會有太大 期望， 點知一試 反而覺得超有驚喜。 坦白講雖然款式唔算好多 ， (大約有20款嘢食到 )，但係 所有食物嘅質素真係唔錯,簡單如一個牛角包 都好好食 ,當然最好食嘅 就係嗰件威靈頓牛扒 ,非常juicy，入口即溶，基本上我覺得食三件已經回本 。仲有個南瓜湯非常creamy ，甜品方面亦做得唔錯 。整體嚟講食物質素係高 ，雖然款式少，但係對於我哋幾個女仔嚟講，重質不重量 ，點都好過食一啲酒店 好多款式，但係啲嘢整得唔好食 。真心推介畀一啲想食有質素食物嘅朋友 。最後埋單仲有少少驚喜，原本每人大約250元 ，但係原來匯豐卡有七五折，所以加埋一，我哋每人都係220元埋單。有如此環境 ，如此食物水準，如此服務，220元係超抵…Read More

呢間酒樓我已經係第三次嚟食， 第一次係中午飲茶 ，已經覺得佢哋嘅服務好好 ，同埋啲點心好好食。 第二次 因為老公生日嘅原因，所以再想試下呢度嘅晚飯得唔得。 首先講下打電話嚟訂位嘅時候，聽電話嗰位服務員態度非常之有禮貌 ，幫我留低曬啲資料嘅時候，我順便問佢一句收唔收切餅費 ？ 個小姐話唔收切餅費，然後一句好窩心咁同我講咗句: 你可以早啲拎個蛋糕黎，我哋幫你雪住佢都得㗎。 嘩！今時今日打去酒樓訂位，好耐都冇聽過 啲小姐咁有禮貌 。到我哋去到食飯嘅時候 ，見到佢哋所有嘅員工 都好主動 為客人服務 ，尤其是係落單 ，上菜 和加水， 見到佢哋都好快手快腳。 食物方面有水準 ，小菜幾好食，連平時好少讚人嘅媽媽都話呢間酒樓食物好食 。環境方面，酒樓係新開嘅 ，所以都坐得好舒服和好乾淨 。 到我哋食曬飯之後，叫佢哋上蛋糕 ，啲侍應都好快手咁幫我哋清理好張枱，然後送上蛋糕，仲幫我哋 燃點 嘛支蠟燭， 我心諗，佢哋冇收切餅費，但係個服務 都仲畀人哋收切餅費嘅酒樓好 ，呢個值得一讚。 輪到今晚第三次去食晚飯 ,由於之前訂位係六個人 ，但後來突然多咗兩個朋友嚟食飯， 跟住侍應見到我哋張枱唔夠坐 ，都主動畀一張大少少嘅枱我哋， 其實我哋本身都同佢哋講唔使轉，我哋坐迫少少都可以 ，但係 個侍應生話 可以轉過張大枱 ，會坐得舒服啲，所以佢哋主動幫我哋 轉嗰張大少少嘅枱 ，今時今日咁嘅服務態度嘅酒樓， 真係比較少見 ，值得一讚。…Read More