Hachi Sawa (MONTEREY Place)

今日同朋友入去將軍澳澳南海岸行街， 中午時段 搵嘢食 ，發現 二樓有一間 環境唔錯嘅日式餐廳 ，比佢哋嘅海景深深吸引住，於是決定入去試下。入到去覺得環境非常舒服，放著柔和輕鬆的音樂， 望住出面嘅海景， 未食嘢都令到成個人感覺好舒服 。先講下佢哋嘅服務態度，入面所有員工都好有禮貌 ，而且好細心， 亦好主動去介紹佢哋餐廳食物畀客人 ，個老闆仲好熱情咁主動同客人傾下，點解自己會開一間餐廳喺呢個位置，原來都有一個小故事 。另外講一講食物質素， 佢哋嘅拉麵和烏冬非常之有水準 ，我哋叫咗幾款食物，都覺得非常好食 ，而且價錢合理 。幾個朋友食完都覺得 ，今日呢一餐 非常有質素，下次一定會再幫襯試下其他嘅款式。