薯片妹's Profile

唔知點解呢度無啦啦改咗名叫美食街，唔通D枱擺起條街度就叫美食街？  而個名，始終係老板嘅自由，起度就唔提喇 其他起度買過前後三次外賣，前兩次唔提啦，不過今次唔講唔得…事發時間係今朝08:40，薯片妹見呢度新張咪試呢度D野得唔得囉，點知，三次都係唔掂！外賣咗三個點心，分別係蝦餃、燒賣、叉燒腸粉…蝦餃:一籠四粒，大細不—，唉！都唔緊要，食點心如蝦餃嘅，唔熱！己大打折扣！表皮係Ok，唔太硬，唔太厚，算適中，可借嘅係內裏嘅餡有D散，唔夠實，而肥肉唔算過份，不過唔夠咸 ！味精係超重既！燒賣:有—片片嘅瘦肉&用機攪嘅肥肉，都尚算肥瘦比例適中，可惜又係多味精&唔夠熱！ 叉燒腸粉:皮唔"嚡"口，有少許芫茜，不過真係第一次見腸粉車係無蒸氣出架，當然又係唔夠熱啦，而有大部份人，都係鐘意食帶甜嘅腸粉豉油，豉油甜少少則有助提鮮，不過，食到第二條嘅時候，竟食到有條鋼絲 之後就無信心同食慾再繼續食落去！…Read More

黎到佐敦食店嘅選擇真係多到想食乜都有呀！ :) 而薯片妹今日反而想食個簡單快捷嘅，所以就諗住黎碗～牛腩麵 ，而麵店都有好多家，所以就揀最近既，唔洗四圍走嘛 而附近剛好有兩家，另—間就太多人，又見呢度殘殘舊舊可能會有懷舊風味呢，所以就入咗去！—睇餐牌，選擇真係夠小，雖然已決定食乜，但睇完都無轉，而套餐只得A or B，跟凍飲或汽水or跟飲品&油菜…，最後薯片妹要咗個價值$34嘅套餐A再加$6改撈麵跟凍奶茶。 牛腩撈麵，牛腩並無牛香帶甜口，但好腍，有兩三條牛筋，都係好腍，無乜柱候醬香，但顏色就好夠～深啡色呀，而值得—讚嘅係個甜甜哋嘅腩汁煲到起晒膠，應該係牛筋作怪吧，而生麵就唔係太夠爽！ 湯底，係好傳統嘅蝦皮加大地魚湯底，顏色淡啡，有幾粒韮黃，但太咸咗D，否則都算ok架！ 凍奶茶，紅茶夠香，甜度ok！…Read More

是日薯片妹要去飲香港仔飲，咁就提前—個落車，事關舅舅話呢間店嘅炸雞脾沙律好正，又抵食，所以特意前來由於前赴喜宴，所以都唔敢食太多野就係咁咦叫咗個炸雞脾沙律餐，跟凍0茶。時間17:45，上枱時間等咗六分鐘左右，算幾快喎。碟野上枱時已見雞脾有血水滲出，心諗算啦，淨係食熟架啦，先食沙律吧。沙律:算係可以啦，有好多好夠腍嘅薯仔，小量罐頭雜果，夠凍，而雞脾夠大隻，雖然已改，但仍然只有七成熟，而且越滲越多血水，所以只好翻炸……，在"再次"等食期間，伙計已在收鋪，重落埋三份—閘，咁係咪即係趕客走呢?原來店收18:00，但客人仍在呢，如果 貴店隻脾炸得夠熟，薯片妹—早就食晒就走啦!重要比人趕！:(講翻隻脾:翻炸後好乾，幸好翻炸後有補准盐，(雖然唔夠味)，否則必定大扣味道嘅分數，凍O茶就普通啦，唔算好亦唔係差。但少見老板&員工咁上下—心趕收工嘅，值得—讚囉:…Read More

星期三晏晝,薯片妹行完葵廣買完衫換季,餓餓地就走落去球場果面睇下有乜好野食,有間好搶眼大紅招牌既車仔麵,門面咁靚,又話有大地魚湯底,就走入去試下啦!店店內環境似茶餐廳格局,當時三時半左右,連本人在內只有三個客人,奇怪,這可是下午茶時間呀?一坐低,就發現枱面有殘漬,可能係伙計無抹乾淨卦........睇黎衛生情況真係要改善下!薯片妹點左豬腸,蘿蔔,,豬手,生麵等左一陣就黎喇!急不及待放入口,生麵應該係爽口彈牙,但腍到只食左兩口,而大地魚清湯,顏色清徹,試一口就感覺到有好濃重既味精,而且偏咸,但一Ｄ都食唔出有大地魚味,可惜!!!!!!蘿蔔一口咬落去,不腍不透帶白蕊,而且有渣,更沒有清甜的味道,相反倒是有一點苦,好唔掂呀!期間發現上漏豬腸,結果唔補好過補,豬腸肥膏含量高,口感霉爛而且唔夠熱只係微暖,一入口即傳黎怪異味,薯片妹即刻夾走,食左一舊之後,即使唔再食口中仍帶有濃烈既「餘香」講到甚麼擒拿豬手,炆得唔夠入味,帶有濃重雪味,硬到要用手才能撕開,難道擒拿手係指食豬手既客人?再咬一口,好肉酸呀!!!!!舊豬手有毛既,,,,,,,,,,,,,,,,,,,,睇黎只不過係過份吹噓黎吸引客人吧,但畢竟只係十二蚊既小食,價錢都算同味道成正比囉!!!!最後就試門口寫住既「風雷辣椒油」,本人以為食落去真係會讓我口中風雷交加翻雲覆雨,結果不辣反而得個咸字,說真的,可以當油浸咸魚碎來送飯!咸算了我能忍,辣呢?說真的丁點兒辣都無辣,而招紙印住遵古承傳字眼,個人感覺係過份吹噓吧!:(難道古法辣椒油係咸而不辣?總結:如果係見到門口寫住既招牌,而想入內一嚐,薯片妹覺得真係要停一停,諗一諗喇…Read More

今次揀呢度寫食評有兩個原因……原因一:某日，薯片妹於早上路經此店，睇見路邊排檔，偶然見到糥米雞都幾大隻，於是就抵唔住誘惑買咗隻做早餐，其實因為要開工所以外賣($15，外賣加$1 ……，而返公司嘅時間只不過用唔夠二十分鐘。食糯米雞當然要食"辣"咀嘅，所以小妹就以微波爐翻熱好明顯係生米，個心係冰凍嘅，餡料Ok，有肥肉碎、肥膏粒(太多)、咸蛋黄DD、燒鴨等，味道略淡及味精勁重，老實講句，好多地方都係咁，反而最反感嘅係，攞糥米雞比小妺嘅阿姐，竟然口担住支點着嘅煙、打開蒸籠攞食饧比我，太離普掛原因二:某君留言叫小妺試呢度嘅燒鵝，於是專程—試，外皮夠脆(撞啱出爐不久)，可惜肉裡並無香味、太淡喇，幸好剛出爐,否則………Read More

其實再早幾日前蝦餃仔見佢新開張，就外賣咗幾個點心一齊食，點知……叉燒酥:全凍嘅，外型又瘦又長，餡料唔足，只有極少量叉燒，就算食到有叉燒都無叉焼香，更奇怪嘅係會有"油噫味" 蝦餃:好多肥粒，蝦雖然爽囗，薯片妹係第—次食～—夾即散嘅蝦餃，肥粒、蝦、皮，完全分開，大細又不—，感覺好差，好唔掂…… 雞扎:都係唔掂，油多、而冬菇更係浸發到無乜香味，真係食咗都補唔番呀—個早餐、倆個人食、三個點心、四罐汔水(太多味精導致口渴，薯片姝飲咗—罐，蝦餃仔飲咗三罐)……第二次試:呢曰公司要拜神，薯片妺特登走黎呢度買焼肉，買咗三條骨，舊燒肉個外型係好奇怪嘅梯型，要成$188.，買時話比個金毛師傳知係用黎拜神嘅，於是就好真接問佢猪手或豬利(意頭嘛)，個金毛哥哥話已送舊叉燒比我，點知……燒肉:層皮唔夠化，可能篤窿太少吧，而成塊燒肉嘅肥膏比例係瘦嘅三成肥膏七成，更重要嘅係舊燒肉滲緊血水，只有六成半至七成熟叉燒:唔送好過送，只有—小片如紅腸大小食落又硬又乾。去其他店買，只要比佢知你拜神，就必定送你豬手及豬利，呢度連呢D規距都唔知…Read More

之前耐唔耐都會起度用膳，都有成八個月無起度食過，見佢新裝修，撞啱蝦餃仔想食E度嘅焗豬扒飯，咪起度食囉薯片妹負責揾位，蝦餃就負責攞野食，呢D咪默契囉時間係下午—點半左右，好奇怪唔洗等位，重可以四圍揀位坐呢薯片妹揀咗鎮江雞扒跟上湯香菜飯飲凍0茶，蝦餃仔就要咗焗豬扒飯飲熱奶茶唔洗排隊唔洗等餐，分零鐘有得食:)豬扒飯:只係微暖、唔夠熱，焗飯重點係熱到辣咀呀，唔該，汁又唔夠，又唔夠咸，要自已加兩包茄汁撈飯，唉!再加上個飯太濕，真係唔合格，而豬扒餐牌寫明厚切，其實又咪係之前果隻，還敢自稱"—哥焗豬扒飯":)鎮江雞扒:原先幻想係似鎮江排骨或鎮江肉嘅味道，點知一食，又中伏喇:(，只係得少酸微甜，—D都食唔到有醋香味，佩菜有好多油嘅豆角、似白烚嘅燻蛋……上湯香菜飯:一D上湯味都無，似薑飯多囉，個名叫做菜飯，菜嘅比例係咪應該多D呢?而菜粒好似出完水先至切粒撈飯，攪到D菜無晒菜味:(凍0茶:飲咗小半杯就無飲啦，茶唔夠香濃!!!熱奶茶:唔錯，幾0k啦!重有就係果段時間無人執枱，要自己黎全部野總數$82，浪漫嘅蝦餃仔埋單!:)…Read More

呢間店舖，好有舊色大陸茶餐廳feeI，但講真句，都幾殘舊，無番咁上下胆量都唔會入去食，因爲睇落感覺唔太衞生點左碗牛腩麵￥15、淨牛丸￥15、可1礶￥5湯底:有鮮牛肉味、顏色清、味精唔多，可惜偏淡;麵:生麵唔夠爽囗……;牛腩:應該係用新鮮既，清湯制法，除此之外，無乜特別;淨牛丸:生菜底，牛丸細細粒，好爽口，好正宗嘅潮汕風味，咬落無標牛油，不俗，而份量亦夠，好似有十粒，正丫…Read More

尋晚去朋友屋企涌美傾計傾通宵，臨天光小睡片刻就出事，遲咗起身返工，但又好肚饿，路經此酒楼時比佢嘅半露天開放式排檔吸引住，於是就突然好想好想食番隻熱辣辣嘅糯米雞……，就外賣返公司食La……糯禾雞，唔夠透心，好唔夠熱，而打開之後，面頭層糯米好乾，好硬，味精極重，餡料方面，只有一片片嘅瘦肉，約十片左右，就連咸蛋黃都無，真係好唔掂囉…Read More

是曰無所事事，就咗去長康買蛋撻做下午茶:)呢間餅店開咗應該有廿幾年，雖然地方細細，包類唔多，但勝在D出品夠新鮮:)是日薯片妹同蝦餃仔就走去買蛋撻，毎隻$3.5，買5送1，即$17.5就有半打，於是咪買咗三隻酥皮、三隻牛油皮囉蛋撻個模比一般嘅偏平，睇落比較大小小啦，入口唔太甜，油小，可惜酥皮層数唔夠，食落欠酥香感，好在毎次買都帶微暖，此點加分不少呢…Read More

呢間野應該有四十年以上吧……呢間餅家每年都幫襯唔少次，但發覺每逢過時過節，食品質素必定"下降"，特别係上完雜誌及電視後更明顯……，老板及其母親嘅態度真係要改善—吓其實真係唔想講出黎，話晒連自己家人在內，已經光顧佢四十年以上，但真係想老板改進—下:(發生起上星期:(某日，蝦餃仔於開工前，專登走去買蛋撻比薯片妹、及哪渣仔食，食完之後三人前後肚疴，薯片妺更要回家休息……事隔兩日，蝦餃仔再次前去買蛋撻做早餐，結果係薯片妹唔敢再食，所以蝦餃仔同哪渣仔就平均對分四隻蛋撻，結果係兩人都要排隊去厠所老實講同—款蛋撻前後兩次，差唔多時間進食，食完都—齊肚疴……，老板應該深究呢個問題，以及依家再對比—吓以前蛋撻嘅味道:(約十幾年前:蛋撻層牛油皮厚簿適中、入口香脆、入口似好鬆化嘅曲奇，蛋漿似燉蛋，滿滿咁，毎次食之前都會諗，食皮先定係食蛋先呢……今日嘅蛋撻:個蛋撻輕輕拎上手，層皮己碎，蛋漿再唔係飽滿喇，雖然甜度適中，但蛋香好淡囉，完全無咗昔曰嘅水準………Read More

之前去分店食過麻麻哋，後來聽朋友講總店會好食D，所以今專登黎試今次揀咗牛筋腩蝦子撈粗麵:)牛筋腍到似啫喱狀，鐘意腍嘅咪Ok囉牛腩:南乳味重過柱候，but超肥:(蝦子:可能有炒過，但香味己失，見佢地就咁打開蓋存放好，走味都唔奇清湯底:偏甜，唔夠咸……腩汁撈麵:講真，豬油味比腩汁味更香，又唔夠咸:(，生麵就更唔掂，一D都唔爽…緫括而言，呢餐係安全唔合格嘅，失望左…Read More

自從睇完電視介紹，就—直想去試，今日終於"的"起心肝，專程搭的士去，車費$81睇住個餐牌就已經有好多野想試，不過都你決定揀最普通嘅～鮮蝦雲吞麵，因為雲吞係招牌之一嘛入座時間約下5:15，客人唔多，不過枱枱都有人，咁咪搭枱囉:)，等咗约六分鐘左右啦，有得食湯底:顏色清徹，帶淡啡色，入口有蝦子味，可惜太甜及唔夠咸，有D失望:(雲吞:有五小粒，比一般麵店較细，每粒都約有兩隻蝦，肥肉唔算太多，雲吞埋口位又厚又硬，有小量花生及芝麻味，口感Ok，but 都係太太太甜口喇，完全失去平衡，甜到要點豉油呀:(麵:成個麵有層厚厚嘅齝鹼水漿住，入口軟腍，但食生麵應該以爽、滑、彈、香為主，E+食落比—般嘅麵家更差，失望感覺上食咗碗特別甜嘅雲吞麺，比普通麵家更為—般食完後加咗罐價值$6嘅可樂，埋單共$29…Read More

個零月內路經此店有五、六次之多，每次都想走入去飲杯奶茶……今日終於可以帶蝦餃仔去喇入到去D位都幾迫，要搭枱坐，時間係下午5:35。選擇唔多，係咁咦叫咗碗豬潤米$25，而蝦餃仔就要咗碗豬潤牛肉麵$28+凍奶茶13牛肉:疏打落得太多，肉色偏粉紅而太腍，無乜"鮮"牛肉嘅原味，只有兩片有牛肉feel，因為呢舊牛肉老大得黎有陣騷味:(豬潤:火喉控制得宜，上枱時略有血水，只要馬上將之用浸於麵裏便熟湯底&麵:湯底過甜，太清喇，真係淡而無味，要加調味料自行調味，真係好唔掂，個麵要極速食囉，腍到"梅"嘅……一碗咁出名嘅公仔麵竟然普通到自己煮嘅，比佢更好……奶茶淡而無味，大家樂嘅好飲好多食完呢餐，蝦餃仔起晚上需要去厠所坐咗七次，據蝦餃仔分析，問題出於奶荣，於第一口時己覺有陣極輕微嘅嗡味，好彩薯片妺只飲咗兩小口啫最後埋單時，果位哥哥嘅態度都好無禮貌，服務態度極差…Read More

由於本人嘅公司毎月都要拜神兩次&過時過節都要買燒味，而本人正好係買手所以就揀呢度……叉燒，香甜軟諗，特別係個蜜汁，餸飯—絶燒肉，皮脆肉厚，肉汁多而軟腍，而且燒肉塊皮經多個小時仍能保持香脆，每次光顧都會買兩至三條骨，約$120左右啦，毎次都會同燒味師傅講拜神嘅，佢哋都會自動撘送小量豬利或紅腸，意頭嘛:)但經過今次事件，本人絶對絕對唔會再次幫襯呢度嘅燒味部……呢日本人如常約下午五點左右去買燒肉拜神，點知呢位身裁較為矮細嘅師傅去咗厨房攞燒肉出黎擺賣，本人就坐起大堂度等出爐，約十分鐘左右，呢位師傅出現，而佢都認得本人……買野梗要買新鲜架啦，何况拜神，本人就馬上指住佢剛攞出黎果舊，但呢位師博就惡咁鬧我舊舊都一樣咁新鮮、都係啱啱燒出黎，重洗乜揀，還叫我信佢……點知攞返公司唔夠半個鐘，塊燒己經唔脆，係諗嘅，簡直豈有此理…Read More