johnnylo20062005's Profile

琴日同朋友去黃埔去行完Aeon , 3點幾想食日本野就去左黃埔近馬會個邊呢間日本野，係聚寶坊附近。呢間日本餐廳裝修都有日式style , 我地叫左d 壽司，麵豉湯，燒牛舌，黑豚五花腩。佢首先黎到既係麵豉湯，麵豉湯唔咸，夠味，飲得出係冇味精，香濃嘅麵豉湯味。端出嚟嘅時候溫度啱啱好，可以在餐前慢慢飲用。之後呢系黎個串燒，一個係牛舌一個係五花腩，燒出嚟唔會太韌，唔會太油膩，呢兩個食完都唔會影響到一陣食壽司的味蕾。之後就係壽司喇。壽司同火灸壽司分開上菜。壽司盛合中有多款唔同既魚，我未專業到分倒邊條打邊條魚，但我旁邊個位平時唔食魚生既，都食埋一份，完全冇腥👍👍👍入口即溶，值得推介。燒壽司中饅魚我旁邊位都係唔食既平時，佢都要左一半黎食😂😂😂其他壽司都好食，唔會腥。推介拖羅唔會腥，入口即溶👍👍呢間下午茶食唔錯，性價比都ok, 值得一試，頂唔順腥既都可以黎試試。😁😁…Read More

今日我地朋友4個人想食海鮮，聽聞荃灣有好多好野食，去到眾安街既大鴻輝中心，搵到呢間蝦蝦燒。假日蝦蝦燒368蚊任食任燒（要加一）入到黎覺得呢到好大，好光猛，坐得舒服，周圍都見到d 蝦係枱隔離既水箱。侍應都好有禮貌，解釋曬d 桶同d 鉗點用。個爐有兩層，上層燒海鮮，下層bbq , 可以兩層一齊燒，好貼心設計。出面有好多野食可以揀，有好多海鮮。想食蝦，就要係隔離水箱自己夾d 蝦上黎，所以隻隻都保証新鮮。除左蝦之外，仲有好多海鮮可以燒，扇貝，鮑魚，魷魚等等，樣樣都新鮮，唔係d 死海鮮貨，燒完，隻隻貝都出手，加埋d 蒜落去燒，認真一流juicy 又鮮味。傳統BBQ類都有丸類，香腸，菠蘿呢d 。都唔錯，但呢度主膽係食海鮮，我就冇食太多了。海鮮食完1 round 又1round , 我地食成3個鐘先閃人，夠曬滿足👍👍👍👍呢間價值上望落唔係特別平，但勝左性價比超高，呢個價值食到好食既任食海鮮，性價比一流。…Read More

今日難得放假，佢有兩人呢就想去食放題，咁樣行過呢呢個沙田廣場呢一間嘅大喜屋，見到佢有$198要加一嘅午市放題，到時入去試吓啦。入到去啦，呢一間大喜屋好大，空間好闊，坐落去同周圍隔離左右都唔會有啲好逼夾嘅感覺。今晚我哋坐低之後，佢係用QR code去點嘢食嘅，咁點完嘢食之後，我哋就出去出面自助餐嘅位置去揀選一啲飲品同埋小食等等啦。睇相都見到，大喜屋嘅自助餐位置非常之備課，我頭先睇到嘅係飲品，飲品除咗普通嘅罐裝飲品啦，自助飲品機，佢竟然有梅酒，清酒，佢仲準備埋熱嘅清酒同杯俾你。呢個位好值得稱讚。 impressive. 梅酒都幾夠味，唔會話係溝到好稀。嘢食呢好多款式無論係刺身壽司手卷熱食等等。刺身選擇都多。壽司的紫菜不會林，多樣式揀。我最鍾意佢個燒菠蘿，夠多汁，唔會燒到太乾。熱食方面，我地叫左壽喜燒汁牛肉鍋，夠味，牛肉林，唔會太韌。燒凡立目👍👍👍其實我哋兩個人都唔大食嘅，咁所以呢每日都係叫少少嘢食啦遲少少兩日就食一舊咁樣。刺身每樣都叫d, 壽司卷物都係。佢勝在高質素同多野食揀。十分之唔錯。價錢都合理。佢午市時段可以食到3點。好適合幾個朋友一路食一路傾計飲野，值得推介。…Read More

今日難得放假，佢有兩人呢就想去食放題，咁樣行過呢呢個沙田廣場呢一間嘅大喜屋，見到佢有$198要加一嘅午市放題，到時入去試吓啦。入到去啦，呢一間大喜屋好大，空間好闊，坐落去同周圍隔離左右都唔會有啲好逼夾嘅感覺。今晚我哋坐低之後，佢係用QR code去點嘢食嘅，咁點完嘢食之後，我哋就出去出面自助餐嘅位置去揀選一啲飲品同埋小食等等啦。睇相都見到，大喜屋嘅自助餐位置非常之備課，我頭先睇到嘅係飲品，飲品除咗普通嘅罐裝飲品啦，自助飲品機，佢竟然有梅酒，清酒，佢仲準備埋熱嘅清酒同杯俾你。呢個位好值得稱讚。 impressive.嘢食呢好多款式無論係刺身壽司手卷熱食等等。其實我哋兩個人都唔大食嘅，咁所以呢每日都係叫少少嘢食啦遲少少兩日就食一舊咁樣。刺身每樣都叫d, 壽司卷物都係。佢勝在高質素同多野食揀。十分之唔錯。價錢都合理。佢午市時段可以食到3點。好適合幾個朋友一路食一路傾計飲野，值得推介。…Read More

琴晚早左收工，咁岩又要去旺角買嘢，行街前去食個飯先，見到呢間韓國燒肉，門面唔錯，好有韓國風格，好似去咗韓國旅行就嚟試吓咁啦。落到去啲侍應好似都係韓國人，呢間餐廳應該都係韓國主題為主打。侍應會幫你準備好爐頭，配料任添，叫完嘢食嘢食未黎之前都食咗好多泡菜。我哋叫了一個水冷麵一款牛肉同埋一個人蔘雞湯。水冷麵分量足夠，都夠凍，我嫌佢太大碗添。肉叫咗一個護心牛肉，擺上去煎煎幾秒就要攞上嚟食，好有牛味，唔會太晏，睇得出已經解凍同埋調左味。另外叫咗個人蔘雞湯，雞湯就有兩條人蔘一大隻雞，飲個湯好夠味，飲得冇落味精，感覺好補。總而言之，雖然呢個唔係任食，但呢一個逐樣叫，但性價比都好夠。值得推介。…Read More

我地朋友4人去旺角行街，大家都係鍾意動物之人，聽朋友講旺角有間貓貓cafe ,為左去探貓貓就去呢度食野啦。入去前，要著上一次性鞋套，因為d 貓會四周走，以防我地踩d 污糟野入去，驚貓貓會病。打開門，迎眼望去已經有好多貓貓。我地去最入面張枱，有3隻貓係度坐緊，要趕佢地走先有位坐😂但佢地好乖，我地行埋去都識走。坐低就叫野食啦。我地叫左個4人餐，包湯salad, 野飲。我地叫左pizza, 1 意粉，1意大利飯，一個ribs , 一小食。其實都好多野食，都係一人150多d.Pizza 好食，足料，芝士夠，拉倒絲。個湯好夠料，南瓜湯食得出落足料。意粉清清地都唔錯，要重口味未切岩你。意大利飯就差少少，未夠林，但味道好。野飲我覺得tea 會好飲過沙冰，可能我個人本身鍾清淡d 😂但總體黎講，有得食到飽，又有貓玩，正，性價比高。…Read More

琴日係旺角TOP行街，同朋友行街，想買d 禮物送俾d 朋友。行行下，出面落好鬼大雨，到晚餐時間，唯有係入面搵野食，就係TOP 5樓搵倒呢Lab Eat 既餐廳。係出面已覺得佢裝修得好靚，入去時唔洗排隊，可能未夠7點，坐低後，waiter 會解釋下個Menu.我地叫左少少野。但黎野食先前，黎左餐包先，唔係頹既，waiter 會幫你落olive oil ，包既麥味夠重，食得出係足料包，仲要出黎個陣仲係脆。首先前菜叫左兩隻西班牙黎既生蠔，配有醬汁。好大隻，加完汁，第一啖食落去好有蠔味，海水味夠，唔腥，好食，好值得去試下。之後黎左個八爪魚Octopus Terrine. 用八爪魚配上三文魚子，酸酸既醬汁，凍食咁上，食落有多重口味口感，好好食。份量都夠。主菜係豬鞍。食左個28日熟成豬，慢火煮到7成熟。少少粉紅，唔會太韌，豬味濃。好食👍👍總的來說，呢間環境好，野食高質，黎慶祝就最岩喇。…Read More

琴日同埋朋友4人去左大圍，想食下雞煲，上openrice 搵下，原來有間係大圍美林邨就有雞煲食。地點唔難搵，搵番以前冬菇亭就得，佢係個d 新裝修好既冬菇亭。入面裝修就係傳統打邊爐隔局。但入到去已經聞倒好香雞煲味。 我地叫左198蚊任食放題。我地4人，所以會先黎一隻雞既雞煲，bb麻辣味雞煲，黎到面前已經好香，食落去好入味，雞都好滑。一人仲可以揀4款串燒，總共16樣，不過串燒雖然都好食，但份量不夠大，呢個唔係任食嫁，如果要任食串燒要另加錢。食完雞煲我地叫左花膠湯底，貪佢唔洗再食辣，再叫左d野食。邊爐野唔少得牛，海鮮，丸，菜，菇啦。最值得讚既係d 蝦好新鮮爽彈，唔係林林地既蝦黎。牛柏葉都爽彈，牛肉薄切。串燒其實都好正，可惜唔可以任叫，雞泡魚乾正。198蚊食倒雞煲打埋邊爐其實性價比好高，而家雞煲野味，款式都多，仲有串燒食，值得推介。…Read More

琴晚同朋友黎到海港城行下，行完街想食下泰國菜，就搵倒呢間lady Nara.呢間係港威中心3樓既餐廳，係一間有特色既餐廳。裝修顏色主題係粉紅色，好岩少女去食飯傾計，仲有個秋千俾人打卡，裝修好有心思，坐靠窗位可以望到海景。只是個裝修環境已經要加分。侍應都好好服務，有禮貌。我地叫左個salad, 湯，主菜，一份菜，一個甜品同兩杯飲品。價錢上以呢個環境來講是適中的。湯我哋叫了冬陰功龍蝦湯配蒜蓉包。湯來到時我感覺這是一個三人份量的湯，兩人分來講也是略多了。蒜蓉包都煎得很脆很香口。龍蝦湯上我數過了，有四舊龍蝦肉， 10分有誠意。龍蝦湯非常濃郁，食得出沒有落太多的味精。配上蒜蓉包，非常好味。我們兩人都食得津津有味。我們叫了香脆粟米牛油果沙律。來到是，粟米被炸了，我覺得十分有趣。本來食上去的時候會覺得有點熱氣，但因為配合了粟米來炸，食上去反而覺得不膩。沙律配上酸醋，牛油果，沙律菜，蕃茄等，十分夾，份量亦都可以。主菜是蟹肉長通粉。長通粉配上濃烈的醬汁，配上蟹肉，醬汁有濃烈的芝士味，幾樣夾埋一齊食非常好味。飲品叫了兩杯，一凍飲，一熱飲。 凍飲叫了荔枝玫瑰碟豆花茶，這杯來到的時候非常靚，會想幫佢影相。價錢兩人食600多，但都食得好飽，以呢個環境、食物素質、份量，性價比好高。…Read More

今日放假去開Jordon ，約埋三個朋友去試下呢間一人鍋，我地6點去食，人唔多。一入到莊子敦廣場，轉右就見到門面大大隻字「十二鍋」，侍應好好禮貌，唔會催你，同埋會解釋俾你聽d 湯底，我地4個人一人叫左一個鍋。我自己叫左「黃金南瓜鍋」，同埋一杯野莓奶雪，面可轉改烏冬、飯。配料都有好多，唔夠仲可以追加配料。配料有豬腩片、娃娃菜、南瓜、芝士腸、名門卷等等。原本以為這個南瓜鍋的湯底會很清，只有一點南瓜味。但當這個鍋來到時，我以為是來一大碗西湯。濃濃的南瓜湯，配上很多的配料，感覺會好飽。南瓜湯底好有南瓜味，飲上一口湯，都creamy, 最正係佢愈煲就愈濃香，非常好食，鍾意健康湯底真係要試呢個。野莓奶雪，入面有藍莓野莓，本來會以為是酸的，但飲上味道剛好，飲得出用了很多生果製造。呢間一人鍋性價比不錯，值得推介。…Read More

今日放假，又咁岩黎左佐敦呢邊行街，朋友話中午好想食日本野，就入去佐敦後面條小街去搵下睇下有冇日本小店。未到尖沙咀，係中間位置，就搵倒呢間今和壽司，附近都有其他野食，但日本野就揀左佢喇。外面門面日式設計，入到去會望到師傅係度整野食。呢度最出名係特色卷物，我地揀左好耐，就揀左三樣卷物。Pizza(鰻魚），呢度見佢係pizza咁得意就叫左黎試下，佢係將日本米炸左外面，上面加上鰻魚既另類壽司，食落口幾特別，鰻魚都好食。第2樣係「蜘蛛」，係卷物黎，入面有軟殼蟹，牛油果，蟹柳，食落都好夾。第3樣係「金龍卷」，都係卷物，有芝士，炸蝦，三文魚，芝士夾卷物，我不嬲都鐘意，所以叫左呢樣，食落都夾，好食。3樣野連加一大約300蚊，唔係特別平，但野食都有質素👍…Read More

琴日放工後，同埋幾個Fd 想係尖沙咀搵間pub食下野，飲下野，吹下水，就係諾士佛台度搵左呢間blind pig黎食野，佢個logo又真係遮住隻眼幾得意。我地叫左兩個starter ,1個salad, 兩個Main dish。Starter 叫左「豬手脆條」，「雞柳條」。豬手脆條好好食，香口得黎唔多粉，配埋甜辣醬，好夾。雞柳條都好食，佢配甜辣蛋黃醬，都好夾。兩樣starter 都好大份。Salad 叫左個「牛油果香芒大蝦沙律」。佢個沙律醬係泰式辣醬，估唔到咁都夾到，第一次試辣既salad😂😂Main dish 叫左個ribs 同埋安格斯牛扒。ribs 都好大份，肉都夠林，連埋個醬汁都夾。牛扒7成熟，大大塊。兩個main dish 都有薯菜。甜品係心太軟，熱辣辣，外脆內軟，朱古力好濃👍👍cheesecake 都厚實👍👍我自己叫左杯buck stops here，貪佢夠fresh👍。佢d 野食價錢唔係平，但勝左夠大份同好食，性價比都唔錯。…Read More

今日難得放假，係旺角行完街，想去食下串燒，就搵倒呢間串grill。 一入去，店鋪不是好大，裝修一般，但一坐低就已經好有驚燒。原來，呢個唔係韓燒/就咁燒俾你食個隻串燒，佢係張枱有個串燒爐。 侍應好nice ，一黎就問我地有冇用過呢d 爐，我地當然話冇，佢好有耐性教我地用爐，好nice 。 呢度係放題自助串燒，飲品自己拎，有不同種類嘅道地飲品，又有不同種類嘅鴻福堂飲品，選擇都多。嘢食種類都有很多，我們大部份肉食都試了一遍，嚟到嘅時候會有嘅擺上一個盤，材料已經在鐵簽吉好，非常方便，你只需要將鐵簽放上串燒爐上，就會自動轉，不用你手動反d 串燒。睇住d 野食自動轉，都好治癒。除了肉食外，還有雞蛋仔，菠蘿，山葵，棉花糖等等。最後仲可以有一人有一杯haagadaz 雪糕，性價比好高，值得推介。…Read More

限聚令下，好耐冇出街食過好野，難得今日星期日出尖沙咀，就去the one 搵下好野食。我地兩個人黎到the one ，行到去三樓，見到呢間好似係新開既日式餐廳，叫five Element, 主打日本靜岡主題食品。裝修好新正，有戶口地方可以選擇，chill侍應都有禮貌，落單用app就得，好方便。我地叫左一飯一pizza一甜品。飯係黑毛和牛牛扒井配青森溫泉玉子，個蛋食得出係用日本蛋（事關平時我地都係用日本蛋黎整溫泉蛋），湯個針好開胃，撈埋個蛋同埋火箭茶好夾。美中不足係個牛有少少韌，燒牛冇問題，唔係燒得太熟，應該係本身食材問題。Pizza 係12寸巴以馬火腿日式薄餅，佢同意式最大既分別係個pizza 面底，食落去係煙煙韌韌，火腿芝士都足料，揀既呢隻芝士都好夾，12寸咁大個我地都食曬。甜品係意大利野莓日式窩夫，黎到比想像中大份，cream都俾左好多，rasberry 食落去好酸，但夾埋個醬食又會好夾，係一個健康既窩夫😂😂總之，呢間餐廳價錢唔係特別平，但食物質素都算比得上價錢啦，性價比唔錯👍👍…Read More

琴日早左放工，咁岩之後又要去大圍食飯，就先早到去大圍搵野食，係距離大圍站7分鐘腳程，就搵番呢間之前食過又好食既大圍風車既西餐廳。門面企理，入面有bar 位置，可以叫酒飲，但我地今晚就唔飲喇，就叫左三樣野食。第一樣係「海鮮捧配薯條」，呢個應該係佢地自己諗既菜式黎，黎到一眼望落去，我仲以為係fish and chips,但佢入面除左魚，仲有菜包住成舊野，又有蝦同埋魷魚，食落去有多重口味，仲大大份，有4舊，舊舊都成隻手指咁長，薯條都炸得好食。第2樣係「parma Han pizza」，最重要既 Parma ham唔會太salty ，又唔會韌，芝士都夠溶，好食。最後係個「蘋果蓉+蒜蓉包+鵝肝」，鵝肝有成半隻手指咁長，大大份，三樣野撈埋一齊，食倒鵝肝既香又唔會太膩，好夾。總的來說，價錢唔係特別平，但佢食物質素都俾番夠貨，性價比都夠，可以再黎。…Read More