喜來稀肉 (Closed)

琴晚早左收工，咁岩又要去旺角買嘢，行街前去食個飯先，見到呢間韓國燒肉，門面唔錯，好有韓國風格，好似去咗韓國旅行就嚟試吓咁啦。落到去啲侍應好似都係韓國人，呢間餐廳應該都係韓國主題為主打。侍應會幫你準備好爐頭，配料任添，叫完嘢食嘢食未黎之前都食咗好多泡菜。我哋叫了一個水冷麵一款牛肉同埋一個人蔘雞湯。水冷麵分量足夠，都夠凍，我嫌佢太大碗添。肉叫咗一個護心牛肉，擺上去煎煎幾秒就要攞上嚟食，好有牛味，唔會太晏，睇得出已經解凍同埋調左味。另外叫咗個人蔘雞湯，雞湯就有兩條人蔘一大隻雞，飲個湯好夠味，飲得冇落味精，感覺好補。總而言之，雖然呢個唔係任食，但呢一個逐樣叫，但性價比都好夠。值得推介。