Ro-ber-to's Profile

晚餐同老婆亞仔留港食私房菜，落船老婆大人話要搵個靜靜坐得舒服嘅地方飲茶食點心。天呀！又靜又食點心，跟本佢就係一心黎呢到食 =.=對上一次黎厚福街已係差唔多 3 年前嘅事，估唔到係呢到所有鋪頭轉哂嘅情況下，呢間點心舖仲屹立不到，果然有點料子。老婆大人話食物水準真係有返咁上下先頂得到（唔知以為間舖佢有份 =.=)由於只係 11點半，唔係繁忙時段，所以即有位坐，跟住就 tick tick tick 點餐紙。雖然老婆大人茹素，但同我出街食嘢都會食少量海鮮（對唔住啊老婆大人~)，但見點心紙有好多款都啱佢食，所以就點咗呢堆：我點嘅：1. 鮮蝦長春卷：上次老婆大人話怕太熱氣冇叫，所以今次叫返 (上次已見有個 「」架喇)。上菜時熱辣辣（真係要小心熱），入面真係有蝦架（廢話）。記得曾响永利食過類似嘅，但好似唔係蝦，仲要咬落去好似炸春卷皮咁。所以真係食到有蝦果種激動法真係好難形容～2. 沙律明蝦角：同蝦有仇 & 今日好想食好多炸物，所以點埋呢個。同長春卷一樣，上菜時勁熱。隻隻餃都質到爆...3. 墨西哥叉燒包：本身以為「墨西哥」係 gimmik，求其比個地方名個叉燒包就算，估唔到真係比墨西哥包我。入面好多叉燒（記住，入面又係勁熱），其中一個我撩咗 d 叉燒出黎食後比個皮老婆大人食，佢都話個墨西哥包好好食，好軟味道好好，仲發傻話不如問吓會唔會只有墨西哥包賣，打包一打半打拎返澳門食 (親....好食都唔駛叫人特登整比你嘛.... 老婆大人點咗：4. 涼伴雲耳：其實我地唔知會係辣嘅，但好彩唔係好麻辣，因為老婆大人好憎食麻辣，如果唔係我要一個哽哂佢。亦因為主要真係「麻」而唔係「麻辣」，所以我同老婆話超好食，雲耳仔好爽啊～～5. 布拉腸粉：即齋腸，但又有少少蒽花果 d。上次食過腸粉，跟本搵唔返有咁滑嘅腸粉。我懷疑老婆大人佢話黎嘅其中一個目的係為腸粉。呢間腸粉仍然好滑好好味。上次食有料嘅食唔出腸粉嘅米香，但今次真係食得出米香喇。因為太好食，追加咗一碟...6. 海鮮球：冇期望係咩，老婆大人話少少海鮮 ok 啦。但....嗯....食完我都唔知呢幾粒除咗有章魚粒外有咩成份。感覺上似打邊爐果 d 丸...埋單緊緊唔駛 $200，兩個人飲茶加上唔駛等黎計，真係好鬼抵。响呢到飲茶食點心，平民價錢，但感覺上好似高貴咗咁，唔怪得老婆大人話要黎啦~***好少一間食肆寫兩次食評，唔係老婆大人事後話怕少人知冇咩人黎，下次黎間點心舖會被消失，所以迫我一定要寫多一次呢間食評，好唔好都起碼有人知喎。睇黎佢真係好鐘意呢間點心舖***…Read More

澳門只食點心嘅地方好少咁乾淨 (你睇氹仔華峰就知)...經朋友介紹同老婆大人去到見到靚靚咁，老婆大人即爽 YY...可能夜晚人流唔多，成手一袋二袋嘅醒目待應已自動波安排卡位比我地，等我地可以舒舒服服咁坐，超感動...朋友已講咗呢到係用玄米茶，所以冇乜驚喜。但因為太熱，頂唔住叫咗杯冰鎮奶茶。本身唔 expect 好飲，旨在降溫，但結果係超出預期咁好飲 - 追加多一杯唔同老婆大人 share。味道同酒樓差唔多，只係分別於個樣好「金」，唔似酒樓咁好「橙」，心理上好似唔係好熱氣。而鯪魚餅米線嘅鯪魚餅有樣好，就係唔係油淋淋，抵讚。(米線响飽過頭嘅情況下犠牲咗，所以唔知麵質湯底如何)普普通通，上面粒辣椒可能係裝飾，但已令我期待有辣出現嘅情況下，叫待應拎咗辣油黎，一淋落去，成個鳳爪變得好好味 - 自製辣油嘅功勞???冇叫蝦餃但叫咗呢個瑤柱鳳眼餃。入面 d 蝦好爽，而老婆大人欣賞嘅係佢上面 d 蟹子，話唔似酒樓咁拎埋 d 蟹子去喪蒸，蒸到變哂色喎...而奶皇飽就有少少失望：點解冇流沙出黎??? 味道就冇平時食果 d 咁重味，冇話食完會覺得個口怪怪地咁。好好味！原因好簡單，入面 d 菜冇比用鹽勁灑 & 菜比蝦多（其實成舊餃都質到好爆），唔會令舊餃變咗「蝦餃」。煎餃入面都有汁？讚！水準拍得住專門賣餃嘅食肆。我對上一次食咁滑咁有米香嘅腸粉已唔記得幾時 & 响邊，入面個料係咩已唔重要，必食腸粉！唉....點心舖都係造點心好.....呢 d 傳統甜品嘛，留返比糖水舖 or 酒樓做啦....…Read More

有朋友晨早由香港黎，好難同佢地出去食嘢嘅情況下，去屋企附近嘅橋記食早餐變成不二之選 知朋友已寫食評，我又湊吓熱鬧寫吓當日自己食咗乜...奶茶唔多講，沿用呢種沖法嘅以我所知只有南灣間生利同呢到係咁。而油包 (唔記得影相)，係用豬扒包果 d 豬仔包烘嘅。呢個通粉貴過普通清湯牛腩湯好多，原因唔係因為多咗件好有蛋汁嘅「爛蛋」，而係因為佢係蕃茄湯底。呢到所有涉及蕃茄湯底嘅食物都頗貴....................... 但亦因為係蕃茄湯底，雖然牛腩 d 咖哩辣，但佢地會減辣黎就個茄底通，咁成個通粉變得有辣味，又有蕃茄味，變得好味好多。…Read More

本想堂食，但實在太多人等，唯有外賣。好多人其實唔知，椰汁雞麵 & 椰汁雞翼麵係兩樣唔同嘅嘢：椰汁雞麵佢比 d 雞係濕嘅，一齊 pack 嘅。但 椰汁雞翼麵佢係會分開炸雞翼還炸雞翼，麵還麵分開比你外賣拎走。002 有樣嘢好，就係炸物夠多。當日想要炸豆餅但賣哂，所以改要炸洋蔥，都一樣脆口好食。椰汁湯仍然夠香夠味。…Read More

到呢到嘅原因，我諗冇人會諗係因為 for 食物。老實講，呢到食物真係唔平 & 又好麻麻，但如果你有狗有小朋友有食煙朋友有女朋友嘅，呢到地方真係一流。狗可以齊齊黎係因為係室外；小朋友可以黎係因為呢到有個大空地比佢地走而唔會比車撞（事問邊間餐廳會有呢 d 地方?) ；你有食煙嘅朋友黎，佢地可以响到食完 tea ，吹住水咁望任個海慢慢嘆；有女朋友嘅拍住拖望吓日落談吓心.....係咁二講講食物，飲品都仲 OK...但食物就真係不敢恭為：馬介休球等好耐，出到黎係又硬又暖嘅，公司三文治 & 漢堡包係普通嘢，自己屋企都整到。…Read More

其實冇乜特別嘢要寫，因為成日食：雞翼仍然係咁好食，咖喱角仍然咁質爆。但堂食好多時要食 2 碗，但估唔到外賣原來份量大咁多，所以要特別寫落黎。如唔介意拎到返屋企可能會凍咗 d & 介意响咁「兜踎」嘅地方食，外賣真係一個好選擇～…Read More

開咗一段日子，每次路過都想試，啱啱食完返黎寫食評，估唔到我竟然係第一個寫呢間餐廳食評嘅食家 環境一流，好美國 style。欣賞嘅係：地方雖細但唔會好似澳門本地嘅食肆咁，用盡所有位排到密質質- 同埋唔駛搭枱！媽子 order 咗磨菇 burger：見到有酸瓜 ２小塊 + 漢堡上面有一堆有 cheese 嘅蘑菇 & 生菜老婆大人 order 咗乜乜芝士乜乜芝士 burger：都有酸瓜 ２小塊 + 漢堡上面有 cheese + 生菜 & ２塊煙肉媽子話：乜「雞塊」係乜樂雞黎咋？個包好大件，２個人食一個就差唔多，d 蘑菇好 creamy，不過塊扒乾 d。咦？你（老婆大人）d 薯條好味喎。老婆大人話：薯條唔夠熱，burger 唔夠熱，成個飽都好乾。你 d 洋蔥圈 over fried...好熱但又好硬 自己要咗個菠蘿 burger：一大塊地 moon 菠蘿 + 漢堡 + 菜 + cheeseok juicy （唔似老婆大人話乾身），可能係因為有菠蘿關係。澳門少有，所以先有 expectation...就係因為有 expectation，所以先至 disappointed ....…Read More

遊香港，即去呢間傳聞超好食嘅拉麵舖食...去到，真係多人到爆，唔係 lunch hour 去，都要等成半個鐘，又迫到爆，仲要大熱天時坐近門口冇咁大冷氣嘅位，早知冬天先去。基本就一定要食叉燒拉麵 (豚王) 試功力：認真估唔到雖然都算貴，但真係好好食，個湯底好濃，食到 last 都唔會話口乾 or 鹹，成碗麵都好足料，even 塊肉都好似日本果 d 咁，大大塊但又唔太薄。雖然食到 "慶烚烚"，冬天會再去試點朋友個 "黑王" 。…Read More

一年三百六十五日都咁多遊客响門口等位.............................淡到喊嘅一個湯 - 只用一個蕃茄煲 1 煲湯? 超差好過以前食過嘅牛肉漢堡 (好乾)，呢塊免治雞肉漢堡好 juicy 唔錯嘅普通焗薯，但欣賞嘅係個焗薯好熱，但上面 d 料好凍，令成件焗薯都變得好好味可能因為住附近識入面 d staff，本身 d 葡撻只係用焗爐翻熱比人，但果日啱啱廚房焗咗一批，waiter 就入去拎 2 個真係新鮮啱啱焗起嘅出黎比我地 (其他客仍係食緊果 d 翻叮嘅)...超爽 YY!! 而 Latte 本身好飲 - 安德魯沖出黎嘅任何一杯 coffee 都係好好飲嘅~…Read More

本身係土生澳門人一路都冇為意呢間意大利餐廳，但唔知再食咩嘅情況下揭本旅遊書仔，見相靚就黎咗食 環境同其他嘅意大利餐廳一樣，都係行 classic 裝橫，但可能當日爆多人，所以有 d 嘈...2 人食但餓鬼上身，完全唔睇價錢咁叫咗：(1) 雜菜濃湯 - 好好飲..真係好濃(2) 鮮三文魚薄切沙律配青檸汁 - 普通意大利餐廳咁...冇咩特別(3) 薄餅 [**唔係 pizza**] - 好熱好香好好好味，但千祈唔好點湯...如果唔係會晒咗個餅(4) 意式饀餅 - 好多料..有洋蔥，芝士 & 美樂腸肉，芝士味超勁(5) 烤豬扒配紅酒汁 - ok 咁啦....但唔明點解要搵洋蒽埋住塊扒(6) 白汁煙三文魚意大利燴飯 - 超水準之作!! even 忽到尾都唔會水汪汪…Read More