hugo lucas's Profile

係尖沙咀食一餐閒閒地都成舊水所以試下呢間舊式快餐唔洗比運費，但又可以外賣速遞😌味道不過不失，普通茶餐廳味道💙黑椒雞扒飯份量適中，肉不會過少💚菜粒叉燒炒飯本身没有期望，但出奇地好食叉燒同菜粒份量不少，每一口都可以食到💛茄汁豬扒飯茄汁一般，冇乜味豬扒不會太乾🧡白飯$16+煎蛋$6有點貴❤️熱奶茶+$3雖然係預先加糖，但不會過甜，有茶味加$3就有飲品一餐一人$50埋單左右由叫餐到送餐大約十分鐘就到效率超快😂…Read More

大年初一，一早出動去搵食正當苦惱之際，望到遠處有大大個漢堡包向我招手於是諗都唔諗就衝左過去，睇都唔睇餐牌就坐低左慢慢睇下餐牌有咩食，先發覺原來入左一間素食餐廳同行嘅食肉獸一路睇餐牌一路講好多野都想試，竟然唔介意食素，仲講久唔久一次都冇所謂海南咪走雞素雞同一般嘅素雞分別不大，配黃薑飯，食唔到有咩味道，同普通飯一樣醬料都唔錯，有人話似韓國嘅辣醬味喎未來熱狗腸蘑菇炒意粉份量比想像中少，意粉唔見得有炒過素腸只有4片，蘑菇少量⋯味道比普通蕃茄醬淡⋯未來漢堡終於等到主角黎啦！有驚喜唔講唔知漢堡扒係用植物製造完全以為自己食緊普通漢堡包+$28 追加嘅新豬肉煎餃4隻唔油膩，食完想再食，但其實都幾貴，如果唔係追加要$56/6隻⋯+$18 追加嘅泡沫咖啡由於係素食餐廳嘅關係，可選擇以杏仁奶或者豆奶代替牛奶，直得一試而家食滿$200發票可作$10使用滿$300可作$20使用係邊度用？就係餐廳入面嘅便利店購物時用…Read More

老闆請食收爐飯，因為各同事有不同喜好，所以就決定去食自助午餐啦睇左好幾間酒店嘅價錢同餐牌，最後決定去熊貓酒店咖啡室啦自助午餐$238/位，用openrice coupon有七折再加一，埋單都唔洗二百蚊一位由於新年將至，餐廳內充滿新年氣氛食物唔算特別，但大眾化，人人都岩食，有粟米斑塊，牛油炒雜菜，BBQ豬仔骨⋯粟米斑塊：普通BBQ豬仔骨：普通有燒味部，即切牛扒，天婦羅，生滾粥，即煮粉麵⋯叉燒：出奇地好食牛扒：味道一般天婦羅：只食了番薯，味道ok今日主題係咖哩？？有二款唔同口味嘅咖哩，我對咖哩麻麻，所以冇試到刺身壽司吧刺身同壽司種類唔多，刺身只有三款，壽司四款，不太吸引冷盤海鮮有青口，蝦，翡翠螺蝦：新鮮，彈牙，食左好多隻翡翠螺：食左二隻，有一隻有怪味ㅠㅠ自助沙律吧甜品種類都算多，食完一款會換第二款出黎芒果布甸同蜂蜜蛋糕都好味紅豆糕同桂花杞子糕甜度適中，好味但之後玩出嚟嘅朱古力慕絲蛋糕就甜到喊ㅠㅠ第一次見到自助餐有冰條，雪糕味道只有二款（士多啤梨&雲呢嗱），雪米磁，仲有雪糕姐姐親手製作嘅窩夫杯雪糕姐姐極力推介我食佢嘅窩夫杯，哈哈，但真係唔好意思太飽了，唔想浪費，所以只食左雪糕兩小球總括黎講，食物種類唔算多，味道亦唔算突出，如果要求唔高，又想食自助餐的話，可以一試…Read More

今日公司聚餐，一行5人黎到焱丸一嚐燒海鮮嘅味道我地預約左7點，未到7點已經去到，由於非常多人嘅關係，大約7點半左右先可以入坐我地一行5人被安排到4人坐位，有點迫，但無損雅興，馬上開始點餐係出面等嘅時候已經見到燒蟹蓋非常之吸引，所以諗都唔洗諗就叫左4隻原味蟹味噌甲羅燒$68/隻未食淨係睇賣相已經非常吸引，蟹膏加埋鵪鶉蛋，蟹肉，蟹籽，十分鮮味，但如果淨係食蟹膏的話會有啲“漏”，所以就叫左一個白飯share，加埋蟹膏一齊食就一流焱丸活貝大盛$3682隻鮑魚殻燒$68/隻赤蝦鬼殻磯燒$60/隻赤蝦燒到岩岩好， 肉質彈牙，好鮮味但個殻燒到有少少燶左，食嘅時候唔小心就會痴晒落啲肉度⋯鮑魚非常新鮮，燒嘅時候仲識郁，職員會幫忙將鮑魚去腸同剪開，方便進食，鮑魚都燒得岩岩好，唔會變左擦子膠雪場蟹磯燒$168雪場蟹磯燒就比較失色，由於場內爆滿，職員不停咁去各枱幫忙燒海鮮，因此忽略左我地啲蟹腳⋯全被燒乾了完全食唔到雪場蟹應有嘅鮮味，只係食到乾左嘅蟹肉，同埋以$168呢個價錢一隻腳都唔夠，有啲失望松葉蟹膏帆立殻燒$80海胆帆立殻燒$75醬油木魚帆立殻燒$75因為焱丸活貝大盛只有2隻帆立貝，所以我地就加叫左3隻唔同味嘅帆立貝，但唔知點解，有味嘅比起原味嘅細隻好多，個肉比起原味起碼細一半，但個肉就有味款係好食啲，比較新鮮及彈牙，而原味唔知係咪因為我地叫左好多燒海鮮嘅關係，放得耐左所以啲肉有啲霉霉地嘅感覺，好失望刺身5盛$280除左海胆之外，樣樣刺身都好新鮮，海胆顏色偏淡黃，有啲唔係咁新鮮嘅感覺，食落冇鮮味，仲有啲怪怪嘅味道海胆軍艦$100軍艦嘅海胆味道比刺身5盛嘅較鮮味，亦都冇怪味， 但顏色都係偏淡，價錢都比較貴特上壽司盛合$338都係除左海胆之外所有壽司都好新鮮，好好味炸牡蠣吉列$80由於我唔食蠔嘅關係， 所以冇試到，但同事話好味活海螺$180活海螺非常新鮮，食落非常爽口，必食炸魷魚大盛$68呢個炸魷魚出奇地非常好食，但得5舊，一人一舊想食多舊都唔夠，炸粉唔厚適中，魷魚唔會過火咬唔開，點埋沙律醬一流總括黎講大部份海鮮都好新鮮，除左海胆之外…Read More

南丫島一落船就會見到幾間食海鮮嘅酒家，可能好多人都會比呢啲酒家吸引住，但其實去南丫島都唔一定要食海鮮，仲有好多小店可以選擇自從第一次食過呢間小店嘅pizza之後，每次去南丫島都會再想食呢間小店其實主打係賣麵包，所以店內只有二個坐位，pizza就以外賣為主Pizza 有分9寸&12寸 $78起由於勁肚餓嘅關係，食左一塊先記得影相⋯9寸至尊批$98火腿、煙肉、蘑菇、洋蔥、青椒、蕃茄等每個Pizza都係即叫即整，所以order左之後大約要等30分鐘Pizza十分足料，芝士夠多，餅底厚薄適中剛出爐熱辣辣，勁好食如果二個女仔的話，9寸都好夠食…Read More

自從kcc開左之後，餐廳多左好多選擇避開午飯人潮時間，剛好二點就可以去食下午茶雖然話就話食下午茶，但其實係用下午茶嘅價錢，食午餐有嘅野😂之前都經過左好多次呢間餐廳，今日終於都有機會試下呢度主要係食咖哩蛋包飯，同埋意粉午餐價錢大約係$50-$60左右，包飲品下午茶時間$45-$55左右，包飲品肉醬意粉+熱檸茶$44份量比想像中少，女仔食的話可以接受如果男仔食就一定唔夠意粉已經預先撈好，每條都有蕃茄味肉醬味道偏甜，小店來說做得不錯咖哩煙三文魚蛋包飯$5x友人叫的蛋包飯，同想像中的蛋包飯有點出入個蛋完全冇包住啲飯，只係放係個飯上面但味道還是ok的個蛋有蛋味，都算滑煙三文魚有啲散直得一提嘅係，本身餐牌係冇，咖哩煙三文魚蛋包飯，由於友人唔食肉嘅關係，所以向老闆問一下可唔可以由雞扒轉為煙三文魚，老闆都立刻答應，同埋收返同雞扒一樣嘅價錢，抵贊…Read More

咁岩同朋友去開元朗，朋友就推介呢間拉麵小店呢間拉麵店唔係連鎖店，但就有自己嘅風格拉麵湯底主要係以豚骨魚介為主另外仲有二款以鰹魚湯底嘅拉麵選擇仲有今期限定香蔥拉麵今次我就試左蕃茄拉麵$82湯底有淡淡嘅蕃茄味，因為我係番茄迷，所以個人認為番茄味可以濃多少少叉燒略為肥左少少，味道ok拉麵較粗身，有咬口溏心蛋唔夠流心，差不多係全熟，蛋外雖然有醬油嘅顏色，但食唔到有醬油味總括黎講，味道可以香蔥拉麵$82朋友就試左香蔥拉麵由於香蔥拉麵係限定嘅關係，連塊肉都係特別啲用慢煮方式去烹調，友人話好食過我嗰塊叉燒好多⋯麻辣拉麵$88最後黎到麻辣味，試左朋友啲湯係我地平時食開麻辣火鍋嗰陣味個人認為完全失去左拉麵嘅味道…Read More

本身諗住去食附近某間任食火鍋，但因臨時決定所以未有訂位，直接上去攞飛要等30張枱😢所以轉戰女人街搵食由於一心諗住食打邊邊，所以誤打誤撞就入左呢間先食雞煲，後食任打火鍋係出面望入去見唔多人，心諗可能伏伏地入到去侍應姐姐十分親切，由於同行嘅另一半唔識中文，餐廳亦有英文餐牌提供，但點菜紙就冇英文版雞煲+火鍋任食+任飲=$188另有加錢食靚啲嘅牛肉選擇如果唔想食雞煲，可以選擇$178，淨火鍋任食+任飲雞煲叫左小辣，但我同另一半都覺得超咸，加左少少湯之後都係覺得勁咸，所以食左幾舊就立刻加湯打邊邊，雞煲可以唔試肉類選擇：肥牛，羊肉，豬肉，牛舌肥牛👌，羊肉唔so，豬肉👌，牛舌👌其實任食選擇不多，質素可以，如果唔想等，但又想食到任食火鍋嘅話，係一個唔錯嘅選擇…Read More