pp_t's Profile

聞名不如見面, 今晚竟然在搵食之間, 誤打誤撞搵到你, 真係天意......嚟到門口, 啱啱好唔洗等位, 可能時間都唔早(應該都九點啦), 但係入面都係爆晒, 啲位真係迫到呢, 同埋超多伙計囉有啲名真係聽都未聽過?? 咩叫滾水鮮蛋?? 唂咕?? 果汁鮮奶??兩個都叫咗茶餐賣相一般, 老實說, 义燒湯意十分普通, 沒有甚麼味道, 义燒好似已經浸咗好耐, 火腿蛋冇特別, 只係隻蛋好似比平時食開果啲大隻少少, 唯一欣賞佢塊包可以轉多士, 仲要厚底, 讚!最後, 見有甜品, 一於唔好蝕底, 試晒杏汁燉蛋同埋蛋白燉鮮奶, 個人比較鍾意蛋白燉鮮奶口感實在啲, 杏汁燉蛋好水, 但兩樣都好滑唔知係咪因為冇叫炒蛋, 所以覺得冇乜特別呢? 睇嚟下次都係叫番蛋治先見真章......…Read More

曾在open rice見到這間食肆, 被它的食物賣相吸引, 終於有機會來試試......地點較偏僻, 真係要好細心先搵到佢! 嚟到大汗叠細汗之際, 竟然見到每個位都有把扇係度, 即刻當寶咁狂撥!一坐低, 細心o既服務員就問我哋飲乜, 我哋揀咗羅漢果, 味道甘甘地, OK點咗好多餸, 大家一齊分享呢碗係牛腩大腸芝士腸紅米飯呢碗係午餐肉魚旦蕎麥麵义燒食後評語:芝士腸(入面真係有芝士啊), 魚旦(好彈牙), 午餐肉像真度90%大腸外型好似, 味道都係有啲距離牛腩, 义燒.....有被騙的感覺, 牛腩好明顯係食緊菇類, 义燒完全冇肉感, 感覺係好肥的一pat 嘢不過唔好唔記得呢啲都係素嚟o架咋, 唔好要求咁高啦!…Read More

又係團購, 原本係去泰娘子泰國餐廳, 但打去訂位時話冇位, 問我嚟唔嚟呢間, 仲話呢間先係總店!去到順利入座, 但問題開始嚟......我哋人齊坐低咗都冇人嚟招呼我哋, 等咗一陣先有人過嚟叫我哋嗌主餐, 好啦寫好之後就係度等......等咗起碼10分鐘先嚟一碟飯, 講真10分鐘我都覺得正常, 但之後起碼等咗15分鐘, 中間仲要催咗2次先又再嚟幾碟, 大佬, 啲飯都係一早煮咗ga la, 啲餸....軟殼蟹, 蝦等都唔係熱, 究竟有乜嘢要整咁耐?? 最攪笑係我哋差唔多食飽晒先嚟最後兩碟海南雞飯, 真係雕花都唔洗雕咁耐呀!!到任食的小食, 大約有十幾款, 以88蚊呢個價錢算係咁啦, 問題係......又係等超耐囉, 其實我哋都係嗌丸呀腸呀串燒啲普通嘢, 都唔知點解要燒咁耐??出到嚟又係唔熱, 仲要所有嘢都係同個味道!! 朋友話係深圳餐廳用嗰啲唔知乜嘢粉......啲小食都分咗幾次先出晒, 當我哋消化晒既時候, 佢無啦啦又再捧一碟串燒出嚟, 我哋冇再order, 但都照食, 但無耐佢又捧一大碟丸類出嚟, 我哋真係O晒嘴, 跟住同番佢講我哋冇叫度, 我哋淨係叫咗"算"蓉包同埋青椒未嚟, 但係嗰位侍應好似覺得我哋玩佢咁, 又叫我哋再寫過張紙, 兩樣嘢啫, 咁都記唔到??今餐真係食到"興合合"呀!!!個人嚟講全程最鍾意只有軟殼蟹飯同埋"算"蓉包咋, 其他真係.......同一個味道+好油:(同場見到有其他散客, 明顯服務俾我哋好, 食物都嚟得快啲......如果唔想做就唔好攪團購啦, 我哋都有俾錢嚟食嘢ga!!服務員的態度真係麻麻地, 尤其係嗰位長髮又冇扎辮既小姐, 全程態度惡劣兼黑面, 勁差!!食物, 上面都講咗, 但所有嘢都係要催先嚟, bad!!其實呢個場真係唔算大, 如果咁都做唔切, 出唔切嘢, 都好有問題啫!!…Read More

朋友推介, 姑且一試......叫咗2人海鮮餐, 有蝦, 扇貝, 聖子, 鮑魚仔, 象拔蚌, 芋絲, 蘿蔔, 金菇, 蕃茄, 生菜, 豆腐, 兩個人食應該OK, 但係我哋有3個人, 哈哈......所以加咗嘢食......鵝肝蝦丸, 炸軟殼蟹, 芝士年糕海鮮都算新鮮(不過每樣得兩隻), 但朋友話上次嚟食, 佢個fd識得呢度啲人, 上枱O既海鮮識郁, 今次我哋冇囉湯底叫咗鴛鴦, 蕃茄湯底OK, 另一個好似係淮山豬骨之類, 但係我覺得太大藥材味, 所以麻麻地鵝肝蝦丸: 第一轉唔知係咪烚得太耐, 所以"好鞋"口, 第二轉好快撈番上嚟, 但又覺得生生地, 整體嚟講都係麻麻地炸軟殼蟹: 冇用炸漿......唔知有冇關係, 唔夠脆, 又淋又多油, $98得兩細隻芝士年糕: 第一次食, 唔知第二度係咪都係咁整, 真係好好味呀, 係今次最好味O既嘢食......發現新大陸, 從此多一樣喜愛美食! $28 2件, 唔貴喎, 有諗過打包, 哈哈三人埋單七百幾, 老實講嘢食唔算多, 但質素搭夠!…Read More

好耐之前行過想入去食buffet, 但因為full晒而作罷除夕夜, 朋友話食豪D, 所以再嚟睇, 六點嚟到, 唔洗等就有位此行重點擺明係三文魚刺生, 頭三輪都切到好薄......兼有"根", 仲要每次得三片!! 之後嗰幾輪明顯變番厚切, 但依然有"根", 講真我少食buffet, 但係朗豪坊度食叫佢切廿片人哋就切廿片, 有乜問題呢 呢間啲三文魚真係趕客, 好失望:(之後攞其他嘢食, 比起其他酒店, 佢D嘢食真係好少, 三文魚刺身: 唔得.....有"根"沙律: 朋友話好味燒牛肉: 唔得日式燉蛋: OK, 都算多料, 但好腥白汁煎魚: 好乾煙肉薯蓉: 上面啲煙肉又乾又硬牛肋骨: 超好味, 好"林", 好似牛腩, 但好肥, 不過我都食咗好多:)燒香腸: 算好味, 因為唔洗調味燒雞翼: 無味雞串燒: OK......全靠D沙爹醬, 但唔明點解得雞, 冇豬冇牛甜品: 芝士蛋糕太甜, 朱古力蛋糕普通, 香檳啫喱杯味道好怪, 最好味應該係雪糕, 個人鍾意紅荳味, 朋友話咖啡好味冷盤: 選擇少......得普通蟹, 仲要好細隻, 螺...朋友話有沙, 所以冇食, 蝦OK, 都食咗10隻另一樣食得最多既係西瓜, 好清甜呀.......總括嚟講, 呢間真係唔得.......價錢又唔係平......除咗食物唔得, 連衞生都令人反胃, 第一次出去攞嘢食時已經見到啲碟好唔乾淨, 大部份都有漬, 朋友話佢用手可以捽得甩!! 我連掂都唔敢掂, 另外有D仲要唔係乾咗既漬, 點解啲餐具可以咁污糟!!…Read More

朋友介紹, 遠道而來試食, 果然沒有令人失望火焰雪山: 用火燒完後再淋上好像淡奶的物體, 原來入面係芒果雪糕, 外層的蛋白配淡奶似的東西很夾很好味, 不太甜, 入面的雪糕出乎意料的多, 正呀!!檸檬汁凍流乎厘: 好像是第一次聽到有凍的梳乎厘, 一如店員所說, 是酸酸甜甜, 但我還是覺得太酸了一點 , 最後我們試試將梳乎厘點一點燴梨那些汁, 當堂變得易入口法式白草燴梨: 超好味的甜品, 連不好甜品的我也要10個讚呀!! 食物端上嚟時以為好熱, 但食入口發覺是暖暖的, 裏面的梨很淋, 啲汁都好好味, 再食雪糕感覺好特別, 成個甜品配合得好好, 好啱呢個時候食呢!後記:原本我哋想食熱既梳乎厘, 但係店員話焗緊蛋糕, 要等45分鐘,所以先轉咗凍呢個, 真係有啲啲後悔!!…Read More

我不是好甜的人, 徇眾要求先嚟食, 因我好少食甜品, 所以見到menu都覺得啲嘢食幾特別, 一行4人, 每人揀咗一款甜品頭兩款都吸引到我食, 雪糕下面嗰啲甜甜哋既好好味, 雪糕就係雪糕, 冇特別, 火焰雪山係我哋面前點火, 但好以冇乜酒咪, 但後面兩款就真係好普通價錢, 真係有啲貴......係食嘢其間, 不幸遇到位師奶, 帶住兩個小朋友嚟食, 等咗一陣都冇就係度催人快啲, 話趕時間, 話啲小朋友未沖涼未做功課, 諸如此類.......之後又話聞到燶味, 話人哋整燶嘢, 店員解釋咗之後仲係咁講.....跟住又係咁望住我哋啲嘢話佢嗌先點解人哋嚟先.......師奶, 咁趕時間就唔好嚟食甜品啦, 又唔係正餐, 唔食唔會瞓唔着瞓喎!! 焗嘢梗係要等架啦, 唔等得就唔好嗌啦......仲有我吔入嚟坐低耐過你好多啦, 唔通你遲嚟先食咩!!值得一讚係服務員真係好細心, 知你第一次嚟會好詳細咁講解俾你聽, 態度超好......讚!!…Read More

第一次試團購食海鮮, 朋友們為生蠔而來, 但主角真的有點失色!頭盤賣相吸引, 蝦和海膽也很鮮味, 以為是一間有水準的餐廳......第一輪魚生和蟹腳, 只能用恐佈來形容, 魚生擺明切頭切尾的剩餘物資, 肉眼都睇到有根, 蟹腳都不遑多讓, 冇味既:(螺肉和八爪魚好味, 有encore熟食的炸物比那些刺生還好味, 炸蝦和蠔唔油膩, 但小丸子和餃子就不要試了第一輪生蠔, 得個大字, 又不知命, 但沙O既沙, 苦O既苦......難食, 反而螺很新鮮第二輪魚生正常番, 有相為證, 真係好大對比, 再encore既蟹腳亦水準番番嚟, 咸咗少少, 但起碼有番蟹味!總括:刺生下面嗰啲冰真係令人食慾不振, 擺低已經見到出晒水......不知產地O既生蠔, 水準參差未到last 30 mins, 已經話last order, 出面又冇人等, 趕客之舉, 隔離枱早過我哋嚟又遲過我哋走, 唔公平囉!!團購都貴到咁, 寧願去酒店食buffet…Read More

裝修後的紅煙窗, 看似很grand......一行7人進場, 大家都對準魚生, 蟹腳等海鮮......魚生在第三、四輪竟然食到有骨!! 扣分, 有點失望! 蟹腳有點咸, 但還可以, 出乎意料的蟹鉗, 也很鮮甜!還吃了洋蔥煙肉焗蠔、黑魚子燻蛋、法式焗田螺、生蠔......本人最推介的是Risotto 三重奏（鵝肝、鮑魚、M5 和牛）裏的鵝肝和鮑魚配Risotto, 很好吃, 最最最喜歡鵝肝Risotto, 所以encore 了那半隻芝士焗龍蝦, 一般水準甜品也是失望的多, 還是穩穩陣陣吃我的MOVENPICK雪糕…Read More

約咗朋友消夜時間嚟食, 訂位時見到入面爆晒, 個姐姐仔都話起碼九點三先有位, 於是走咗去food court坐陣先, 點知坐咗冇耐, 佢又打電話嚟話有位喎! 但要等埋另一個朋友, 最終都係九點三先上去!三個人點咗三樣食物:忌廉雜菌意粉+煙肉蛋---朋友食咗少少話太漏, 可能我鍾意食忌廉所以最終都清晒, 但食完又 真係覺得漏咗啲香腸拼盤---四種唔同既腸+薯蓉, 啲腸.......真係唔係咁識欣賞, 好肥之餘又食唔出係乜腸, 仲有 一種係辣既, 試都唔洗試啦, 今餐最好味真係呢個薯蓉呢, 真係好夠味雞翼(唔記得乜嘢汁)---啲汁奇奇怪怪, 啲皮都算脆, 入面真係唔係好掂, 肉質唔嫩又冇味, 得4-5 隻(唔記得4定5), 盛惠68大元, 真係有啲貴喎3個人埋單都要300幾.......真係試過就算啦可以加分既地方係服務真係唔錯, 但係環境要扣分, 真係好好好嘈呀!!! …Read More

之前食過一次午餐, 覺得都ok, 見佢夜晚有任食火鍋咪諗住試吓.......叫咗牛奶+豬骨湯底, 豬骨湯都還可以, 牛奶真得啲白色, 奶味都冇, 淡而冇味寫紙時都寫明4人, 唔明點解上親都係兩件, 都唔知夠邊個食??後來我哋索性每欄都寫4, 點知出嚟都唔止X4, 有X8, 有啲X12添, 真係想食死人, 我哋食唔晒, 又浪費咗啲食物:(肥牛真係超肥、魷魚唔得、有啲食物仲唔新鮮、冇叫到滑牛又出俾我哋食得最多竟然係芝士腸、腸仔、娃娃菜、翠肉瓜呢啲普通過唔普通既食物......失望整體來說毫無特色, 啲女職員態度真係好差, 尤其是肥果個, 佢哋好似高級啲(套衫有啲唔同), 有兩個後生啲既男仔同女仔態度好好多, 埋單時有優惠又唔講, 好彩我係拎果張信用咭出嚟啫, 如果唔係真係蝕咗個九折......呢樣真係好唔得!!! 唯一可以讚係臨尾5分鐘都仲俾我哋order(都係啲菜啫)同埋過咗兩個鐘都冇趕我哋走囉!…Read More

不用$200元的一餐任食日式放題(飲品任叫), 食物值得一讚, 服務也不算差, 環境就真是麻麻地, 等位的地方狹少到連行既地方都冇點了太多食物, 影相都影唔切, 除咗上載咗既相片, 仲有試咗:招牌火龍卷、清酒煮蜆、牛舌、芝士焗丸子、芝士焗扇貝、滑蛋吉烈朱扒、錫紙包的牛油金菇、雞腎串、雞軟骨串、牛柳粒、和款壽司、吉列炸蝦、天婦羅炸蝦、天婦羅炸蠔、蟹子沙律、竹庶蝦等等本人推介的食物有:炸豆腐、刺身、炒豚肉(有少少辣)、滑蛋吉烈朱扒、芝士焗係列、生蝦壽司、炙燒芝士蝦壽司、竹庶蝦不過最後一輪既單miss咗好多, 令到我哋食唔到芝士焗大蝦......:(呢樣嘢真係要檢討吓…Read More

星期六, 約了朋友Tea一tea, 原本想去試意粉屋的龍蝦餐, 點知要dinner先有, 見到隔離有間Shakey's , 環境唔錯, 就入去試吓叫咗一個2人套餐, 有pizza, 薯餅, 雞翼, 炸蝦, cheese cake同飲品, 整體來說, 不是十分特別, 本人較喜歡那個炸蝦, 很好味, 另外薯餅同雞翼用咗特別既醃料, 但食落去又冇話好大驚喜, 雖然說是一set, 但將cheese cake 同熱食放埋齊, 感覺都係有啲怪!!下次有機會都會試埋炸雞同意粉:)值得一讚係環境非常舒適, 可能又冇乜人, 適合好靜既人$98一個二人餐都算不過不失啦…Read More

超抵既2小時任食午餐, 滿足晒鍾意食蝦既我!!推介以下有蝦的食物：魚籽芥香嚮螺餃.......入面有wasabi, 都幾勁, 唔食得辣既朋友要諗清楚蟹籽海鮮春卷......超好味, 唔油膩鮑魚鮮蝦鳳眼粿........好味, 唯一是皮有少少'un'千絲黃金球......外型特別, 好脆, 唔油膩木魚花漁角.......同炸雲吞差唔多, 不過上面有啲木魚香芒鮮蝦角.......同木魚花漁角外型差不多一樣, 但唔知啲香芒去咗邊??生醉鎮醋蝦......味道幾特別, 不過啲蝦係生既其他推介食物：三文魚......新鮮肥美法式局元貝......偏咸, 但元貝好好味皇室秘制龍蝦湯......勁好味, 真係有龍蝦肉墨魚冷麵......都好味(其實好似食壽司時既櫻花魷魚咁)鵝肝醬饅頭......本人不太喜歡那味道, 但朋友話好食蒜香牛柳粒......很香口黃金南瓜條......應該係用咸蛋漿炸既, 好好味味椒鹽豆腐粒......辣辣地, 但炸到好脆好好味白汁靈芝菰......咸咗少少, 但酸酸地口感好新鮮同開胃失望的食物：嫲嫲椒醬肉......义燒炒豆腐干??......bad所有甜品.除咗紅霞艷影(因冇晒).....冇水準可言, 留番食其他嘢好過…Read More

見到呢間出任食放題+火鍋, 諗住同朋友試吓, 仲揀咗$188升級, 我哋一行六人都係得一個同平底鑊差唔多大既爐, 爐中間仲要擺個比湯碗大少少既 "鍋", 可以燒既地方得外邊, 六個人真係一人一格仔咁大, 個"鍋"就真係細得可憐......一開始已經扣晒分啲食物選擇唔算多, 尤其是打邊爐連乜丸乜丸都冇, 不過熟食啲賣相就唔錯囉, 有相為證, 味道就一般, 沙律應該唔錯, 我見我啲fd叫咗幾次, 啲肥牛第一round都ok, 之後果啲就好唔得, 食落口感都唔同, 唔明點解咁大分別冇影好多相, 因為等食要等好耐, 影影吓都放棄咗......每次都要三催四請先有嘢食, 又甩單, 叫碟生菜都要等半個鐘, 唔知點解啲侍應咁忙??最後都係要叫番啲雪糕食, 係成晚嚟得最快既食物, 都係最好食既, 不過唔係任食放題包既, 係另外俾錢order的唯一可以讚既地方係佢唔會趕你走, 可以邊食邊傾......試過就算, 又唔係平, 下次都唔會再嚟:(…Read More