wing37的个人专页

本身覺得黃竹坑冇咩好野食，但開左southside之後就唔同啦!今次去左Terrace in seaside，主打韓式野。「雞蛋多過飯的蛋飯卷」，蛋真係厚同綿綿的，份量都幾多嫁! L.A.牛肋骨，牛味濃個醬好入味， 仲有沙律菜酸酸甜甜夾埋一齊食唔會膩!「玫瑰醬海鮮年糕」年糕好煙韌，海鮮都有好多款!今次黎就係想食呢個「比初戀還要甜的蜜瓜窩夫」，除咗新鮮香甜蜜瓜，仲有士多啤梨同藍莓伴碟，每塊waffle都有夾住蜜瓜味cream，真係好有夏天既味道，又甜又fresh! 「圓碌碌蜜瓜沙冰」好多蜜瓜粒，個底仲有d jelly，唔係死甜既糖漿，好靚打卡岩晒! 「飲完唔會手指指餅咖啡☕️」，好飲呀~飲落似Tiramisu，濃味亦creamy，仲有手指餅食~唔會苦而家仲有 Terrace Passport 活動，任何分店消費當季產品，集滿3個悠閒印章，到8間指定分店Game Tour挑戰，就有機會贏旅遊禮券、限定獎品、優惠卷等等，好味又好玩既餐廳!#Foodie #HKFoodie #terraceinseaside #coffee #waffle #cafe #打卡 #chilltime #koreancafe #korean #美食 #香港美食 #餐廳 #香港餐廳 #餐廳打卡 #美食分享…查看更多

打卡餐廳黎講呢間都好正，走西式宮廷風設計周圍都好多花花又有大吊燈，近窗既位置係好靚好舒服，適合慶祝活動!我地點左set for 2 既火焰牛扒套餐，會包Caesar salad ，餐湯，意粉，主食同飲品8安士牛扒，店員會為我地表演，將火點落沾上酒既牛扒，除左有好豔麗既火之外，D酒香入晒牛入後面，食落就係好香又軟既牛肉。加埋牛油既香氣，非常夾。而且塊牛都超級厚好有質感，非常唔錯! 意大利煙豬面頰肉卡邦尼意粉，咸香咸香係完全融入係意粉度，食落好香蛋黃醬味又好creamy，好rich 既口感。Carrot soup 都係好thick & creamy 既存在，Caesar salad 就好fresh，係餐廳慢慢嘆個靚晚餐真係好chill。…查看更多

中環街市覓食，發現原來有好多唔同類型既food court餐廳! 呢間既上菜速度超快，岩晒急趕既上班族，或者放左工超肚餓既你。咖哩牛腩飯配蟲草花雞湯，呢個咖哩汁真係好好味，椰香又creamy，唔會好辣，牛腩好軟腍，好好送飯，我地最後清晒碟，真係好正! 海南雞飯配蟲草花雞湯，雞好滑肉好嫩，配油飯又係好邪惡，因為真係超開胃! 蟲草花雞湯好足料! 我地另外叫左小食酸辣鳳爪，呢個就真係好辣，但係每隻都好多肉，又浸泡晒D酸辣汁，真係辣得好過癮!…查看更多

Weekend 對自己好D，同家人去左食brunch 😊 手切英國板腱牛肉番茄湯米通粉, 煎蛋,牛角酥 米通粉食落係好Q彈，好特別，板腱牛有牛味，番茄湯又香濃酸酸甜甜好開胃，每啖都掛湯，完全唔會膩。 牛角包極酥脆之餘，配個好fresh既藍莓醬，仲有兩隻煎蛋，成件事好完滿 ! 煙三文魚黑松露炒蛋 + 牛油果醬鮮蝦脆法包有脆口既包又有好多又香既黑松露，配埋香滑炒蛋好yummy! 鮮蝦彈牙大隻，牛油果醬好rich ，濃味淡味咁配搭好正! 是日餐湯/沙律 及 茶飲 + $25好值得加呀! 餐湯係南瓜湯，rich and creamy再加個toast (有少少煙肉在內，好特別)，好好味!沙律係牛肉沙律，青瓜沙律菜好fresh! 個牛肉都超好味好juicy! 好茶好有儀式感，比例都非常唔錯!…查看更多

花漾宜家推出左晚餐menu，好抵食，一個價錢包主食、小食同飲品。肉骨茶配雞油飯，肉骨茶湯頭清香，肉質相當軟腍，大大舊，將湯撈落油飯更美味，仲跟油條，吸湯食又係一流，小食叫左酸辣無骨鳳爪，爽口，醬汁又惹味。綜合牛肉湯河，食材豐富質量好，有生牛肉、牛展、牛肉丸，大大碗河粉又滑。小食叫左春卷，香脆餡多。之後為食既我地忍唔住叫左串燒(雞肉)，雞串juicy，同埋斑蘭咖吔多士。牛油同咖央嘅比例幾好，香滑又有斑蘭香味。推出呢個餐真係唔錯，份量夠而且又可以試到D小食，餐廳係時代廣場入面，行完唔洗周圍走就有間舒適既餐廳，十分推薦。飲品都有得叫D特別野，跟餐叫左桂圓紅棗茶同薄荷青檸梳打。…查看更多

秋風起，去左食雞湯米線，呢度既雞米線湯頭係重點，仲要無味精，可以選擇跟爐上，好似一個小小既火鍋咁，有爐上個湯會愈煲愈濃，好滋味。期間限定既姬松茸竹笙雞米線，花膠都幾大塊，竹笙好爽口又大條，呢個湯頭更濃郁，材料健康又養生，我地仲加左少少錢轉左呢隻雞做雞脾，肉質更滑口! 招牌花膠雞系列既胡椒豬肚雞配薯粉，胡椒豬肚湯辣辣地好暖胃，D湯汁掛晒係D粉度好味，豬肚爽口，雞既份量都好多! 薯粉QQ彈牙。明太子釀雞翼，漲卜卜餡料係雞肉同惹味既明太子撈埋，仲要冇骨，啖啖肉咬好咬滿。兩份餐同朋友share 食就最岩，可以試到唔同味道!…查看更多

李派海南雞飯拼喇沙，有飯又有粉，一次滿足晒2個願望，雞件好滑，喇沙個湯好好飲，濃得黎有少少creamy又有D花生味，有蝦有豆卜、魚片、蛋等等。斑蘭加央多士 ，香脆既烤多士夾住邪惡又香既牛油，再有斑蘭醬既點敍，幾有特色。鹹蛋黃雞翼，個醬厚厚沙沙既感覺，好好味，滿滿搽晒全隻雞翼，個醬用黎撈埋油飯亦正，有埋雞翼尖非常唔錯。美綠恐龍，超濃郁有D奶味，粉亦多。熱情果芒果沙冰，同樣香濃好fresh 又解渴。呢度環境舒服又chill, 一家人同傾計都好岩。…查看更多

隱世地道西餐，看到門面好容易會錯過既餐廳，但一入去好有feel有格調，英式復古風，牆上有黑舊唱片、有電影poster 等等，位置寬闊，非常舒適。威靈頓牛柳 (配薯菜)有呢道扒好有驚喜呀，點左7成熟可以話係岩岩好，鮮嫩粉紅的牛柳D肉汁完全鎖緊好juicy，切落質感軟腍，加上酥皮鬆脆，食落口感豐富，散發住黑松露味道，原來酥皮內搽左滿滿既黑松露呀，好味! 薯條係我最鍾意懷舊餐廳既有齒形狀! 美國殼飼肉眼扒配黑松露野菌燒汁 (配意粉)，又係7成熟，牛味濃啖啖肉。雖然呢度唔會有黑椒汁，洋蔥汁等平日茶餐廳有既汁，但呢度獨有既黑松露燒汁又幾惹味，意粉亦都唔會發漲晒，煮到岩岩好，非常唔錯。酥皮羅宋湯唔係度度有酥皮湯，所以見到就想嗌，新鮮製作漲卜卜既酥皮，鬆脆沾少少湯食，吊起香甜又微辣既味道，非常可口。飲品我地飲返凍港式檸檬茶同華田，成個餐都好完滿，見到有好多夫婦、一家人黎食。…查看更多

呢個餐廳係新式酒樓感覺，夜晚都有齊點心同小菜食，又係自家製品牌，好多選擇呀!呢度點心現場即點即做，我私心點既整得好味。脆皮炸乳鴿， 皮真係超脆，肉量適中唔會太肥太油。黑椒醬皇金錢肚，爽口唔會硬，大大條好滋味。花膠螺頭燉赤肉湯，足料又補身，自家製冇味精既靚湯，唔油係重點! 粉絲中蝦鍋，8隻大蝦大大隻啖啖肉，彈牙鮮嫩，粉絲吸晒醬汁，送飯食一流。紅燒乾貝豆腐，好難想像可以煮得咁滑溜溜，加埋滿滿既瑤柱同埋個芡調味好正。翡翠炒安格斯牛肉，豉椒牛河，兩樣牛既份量都幾多，菜芯粗莊翠綠好新鮮又多，牛河又係大大碟。師傅曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富，餐廳好多客人，都要少少時間等上菜但真係樣樣都係新鮮!!…查看更多

第一次落希慎地庫，開左好多新野食，係成個food court 咁，又忍唔住試下新野。水牛雞扒漢堡 Buffalo Chicken Burger 超大塊雞扒，搭配水牛城風味辣醬好惹味，少少辣得黎又冇太刺激，仲配有大孔芝士、番茄、羅馬生菜和紫洋蔥。包係烤到外脆內軟，非常好食。跟餐我地配埋薯格及黑松露雜菌湯，薯格好新鮮香脆美味， 黑松露雜菌湯thick 。香蒜白酒蜆肉意粉滿滿既蜆肉，食到底都仲有，非常足料。意粉有少少微辣酒香，又彈牙，開胃好味，呢次就配粗薯條，同樣係新鮮炸起，點埋茄汁超級正。佢呢度最signature 既包係花生醬漢堡，睇評語大家都話幾夾，又有粗粒花生，下次都試下新產品先得!…查看更多

申子海膽和牛燒 和牛新menu，店員會係我地面前即場燒製，超級震撼，燒完就會將米飯同蛋放按壓舖在和牛上，每翻一次又會燒一次，卷到最後會放上海膽及魚子，非常精緻。和牛肉質柔軟，肉汁鎖緊係燒好既肉卷上，一咬又有飯又有肉又有蛋好香滑，層次高級又豐富。極上蟹膏蟹肉燉飯揭開蟹蓋就會有煙噴出，熱騰騰既飯加上滿滿蟹肉、蟹膏、蟹子，超級有份量！成個飯食落有種creamy 感，食材新鮮高級，鮮甜美味。唐揚炸雞肉汁鎖住係每件雞塊入面，件件都係脆卜卜金黃色，再加埋個醬汁，真係好有去左日本既感覺。大蔥串最簡單既料理最考功夫，呢間既大蔥串燒得非常唔錯，醬汁入味，再加上有好多木魚舖面，有咸香又好fresh! 呢度燈光亦都有好情調浪漫，早D book 位如果有卡位會更有privacy。…查看更多

沙茶牛肉鍋滿滿既台式食材，有牛板鍵、牛丸、牛肚、牛筋、不同既特色丸類、鵪鶉蛋、蛋餃、菇等等。最鍾意係蜂巢豆腐、魚餅，因為吸收滿滿濃郁既沙茶醬汁。同時牛筋好粗好Q，好好味。個餐可以配粉絲/飯，我地叫粉絲因為吸晒D沙茶湯汁真係好正!!蒲燒鯛魚腹滷肉飯便當，鯛魚腹無骨滑滑的，蒲燒醬汁十分美味，便當set 好抵食因為除左主食，仲有紫菜湯、小食(臭豆腐、鴨血) ，滷肉飯大大碗仲竟然有滿滿既肉鬆。慢烤雞腿起司蛋吐司，除左吐司烤得香香之外，流心蛋同cheese 爆漿程度配合得好好，一咬雞肉都好juicy ，幫你切開左一半好方便，見到非常足料。愛文芒果起司奶蓋，香甜果汁加咸香綿密起司奶蓋好味道!!黑糖珍珠奶茶，黑糖掛杯，珍珠Q彈。餐廳免加一，唔洗就住嗌，晚市好多人幫襯!…查看更多

牛大人極上和牛吃到飽，好味火鍋放題，我地叫左呢度招牌既紅燒牛骨鍋，個湯好濃牛骨味好好飲。之後我地就開用QR code 嗌野食，我地叫左每樣牛一份食下先，澳洲M5和牛牛肩卷，薄薄的好易就熟，牛味濃又軟腍。安格斯牛板鍵，口感強D，我地翻兜左幾次，美國prime極級肩里肌，黑牛後腿肉，款款都好好味。肉類仲有豬、雞、羊。之後限定同必食我私心有幾款。外面拎既牛栢葉，大大條好爽口，我地食左好多轉。鮮甜海蝦真係啖啖肉彈牙，好多款式既限定滑，蟹籽墨汁漿同章魚珍珠漿都好正。鱸魚鯛魚片，超嫩滑，花膠爽又養顏。滷牛筋牛肚亦係必食。鴨屎香檸檬茶，飲落特別清新真係好香，檸檬亦真係係杯內，好推薦大家一定要試下，平時要加25蚊飲的。呢度好多卡位亦坐得舒服，所有材料都好高質，特別係牛類既食材，真係款款都想試。…查看更多

筲箕灣東大街正中大排檔，平時不太為意呢間店，今次食完好有驚喜!個人覺得撈粗必試!炆腩湯河，河粉滑溜溜，牛筋大條骨膠原滿滿，牛腩好入味。切腩四寶撈粗，有必食既崩沙腩、魚蛋、牛丸、雲吞，配清湯。牛腩一絕，肥瘦適中，軟腍有牛味，丸類亦係鮮味，粗麵質感彈牙爽口，好掛汁好入味。炸魚皮，一袋袋好衛生，每日鮮製，真係感受到特別新鮮香脆同平時買返屋企食既唔同。西多士，超厚金黃色，外脆內軟、加上牛油同糖漿、​真係好美味。碎牛肉餐肉三文治，材料滿滿，咸香再加綿綿既三文治，good ar! 餐飲我地要左鮮忌廉紅豆冰，超香甜，非常正。另一杯要左檸茶，兩杯用黎送麵同西多都好爽。另外呢度價錢公道，唔洗排大隊都可以品嘗到美味粉麵，好多街坊幫襯。正中大排檔筲箕灣筲箕灣東大街57號地舖港鐵筲箕灣站B2出口，步行嘅2分鐘…查看更多

餐廳近期佈置粉粉嫩嫩超夢幻，約定了姊妹們要去試試。當日去到原來係做緊獨角獸主題，卡位有小天馬同我地一齊食晚餐，menu亦係好精美，如果係芋頭控更加要去試佢地既主題食物! 打卡一流士多啤梨慕絲梳乎厘，屬於較fresh既一款梳乎厘。士多啤梨果肉同慕絲既份量都多，梳乎厘軟綿綿又有香濃蛋味。香濃龍蝦扁意粉，好充足又夠濃既醬汁掛滿意粉，龍蝦肉份量都OK亦啖啖肉。Lotus 海鹽焦糖法式吐司，暖暖的法式吐司好鬆化，好脆口，上面有球香滑雲呢拿雪糕，凍冰冰，夾埋食好正! 另配有焦糖香蕉、lotus 餅，同埋海鹽焦糖牛油，好邪惡但好好味!caramel latte，好香甜，鍾意佢有焦糖味，帶有奶泡。tiramisu latte ，濃濃既咖啡味，撈好cream 好滑同creamy，帶點微苦。…查看更多