呢度點心現場即點即做，我私心點既整得好味。
脆皮炸乳鴿， 皮真係超脆，肉量適中唔會太肥太油。
黑椒醬皇金錢肚，爽口唔會硬，大大條好滋味。
花膠螺頭燉赤肉湯，足料又補身，自家製冇味精既靚湯，唔油係重點!
粉絲中蝦鍋，8隻大蝦大大隻啖啖肉，彈牙鮮嫩，粉絲吸晒醬汁，送飯食一流。
紅燒乾貝豆腐，好難想像可以煮得咁滑溜溜，加埋滿滿既瑤柱同埋個芡調味好正。
翡翠炒安格斯牛肉，豉椒牛河，兩樣牛既份量都幾多，菜芯粗莊翠綠好新鮮又多，牛河又係大大碟。
師傅曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富，餐廳好多客人，都要少少時間等上菜但真係樣樣都係新鮮!!
