Rosannefoodladyyyy's Profile

喺唔少地區都見過#無辣不歡的蹤跡，原來近期元朗都開咗一間，lunch time見唔少學生哥、上班一族嗌外賣，忍唔住點咗幾款翻去share食 😍😍蒜泥白肉青瓜卷 $38蒜泥好香口又唔會油膩，白肉較為薄身所以肉質幾嫩，最正就係加埋青瓜，爽脆清新🥒🥒 細細件一啖size，唔經唔覺會食好多舊，但唔緊要，咁健康唔會肥 🤩手撕雞腸粉 $30腸粉即叫即蒸，熱辣辣原條奉上，自己要cut細舊啲食~手撕雞份量好足幾惹味、撈埋滑溜溜的腸粉同滿滿的甜醬/麻醬一齊食，邪惡但非常滿足 🥰水晶涼皮加手撕雞 $33涼皮本身味道偏淡，但口感煙韌，醬汁都唔算重口味，如果想食清淡少少，嗌依款就啱晒🍀💚 除咗手撕雞，仲有好多其他配菜可以選擇，例如鳳爪、豬耳、腩肉應該都唔錯 😽😽手撕雞湯烏冬 $36雖然唔及其他食物咁有特色，但$36一碗熱辣辣的湯烏冬同埋大大舊的雞肉 ，湯底好濃帶少少麻辣，又有胡椒的香味，抵食又飽肚，都係lunch唔錯的選擇 🙌🏻🙌🏻…Read More

初見呢間小小的日本餐廳，款式種類繁多，刺身、拉麵、定食等應有盡有，食物質素唔錯而且價錢相宜，難怪座無虛席。 美國安格斯雪花牛  $168牛肉份量好有誠意🥩，有成十幾塊，又唔會太薄，就算大食的男仔都夠飽💪🏻 雪花牛肥瘦適中，火候好夠，燒出陣陣誘人油花，但自己燒的時候要小心比熱油彈親🔥 而且大推加$8轉為日式味素飯 🍚，鹹鹹香香好送飯~ 蒲燒原條鰻魚 $138鰻魚原條奉上，賣相非常吸引；而且燒得恰到好處，食落每一口都可以感受到鰻魚的鮮嫩多汁😍 而酸甜的蒲燒醬都幾正宗，將鰻魚的鮮味昇華，絕對係抵食之選 😎…Read More

鍾意chill的朋友一定要嚟 @Bhood， 一路睇住尖東的聖誕燈飾吹下晚風，一邊飲杯酒食條薯條，夠曬feel～Hanakotoba $168真係靚到嘩咗出黎，飲緊的時候好似捧花咁😍🤩 唔止得 gimmick，cocktail係真心好飲，用兩種果醋做base，酸酸甜甜易入口但酒味又夠，請女仔飲一定甜到入心💕Fruiter’ Spanish $138 用cold brew咖啡做base，再加上日本柚子汁，等埋芒果雪糕融化後，口感變得好豐富同有層次😋😋黑松露帶子意大利飯 $128 好重黑松露味，意大利飯好creamy細滑，但又有意大利飯嗰種硬度，帶子都唔錯👍🏻👍🏻 睇落唔算好大碟，但原來幾飽肚，真心值得一試😚😚蟹肉龍蝦汁蛋餅 $118蛋餅係香港唔係成日食到，再配上龍蝦汁、蕃茄、洋蔥等配料就唔會覺得膩，雖然蛋餅整體偏熟，但切入內裏都有蛋漿流出來🍳🍳黑松露薯條 $68份量好足！🍟 每條薯條都又長又厚身，炸得頗脆，仲要熱辣辣，3 - 4 個人食都夠！…Read More

依排天氣開始凍，最啱就喺三五知己去食串燒，今次去咗油麻地的#燒金窩，串燒大件抵食又充滿人情味，下次再去要試埋羊腩煲同雞煲😉😉泰式無骨鳳爪 $48酸酸甜甜非常開胃，唔洗自己lur骨，懶人之選😂 滿滿的骨膠原，正！燒烤串 $18/串食肉獸嚟到燒金窩一定會好滿足，件件串燒分量都好足，啖啖肉之餘，又燒得夠曬火候！🍖🍖🍖 款式超齊全，雞軟骨、豬頸肉、咖哩魷魚。。。大滿足！估唔到咁厚肉淋身的豬仔髀都係$18蚊串，果然係重點推介，嚟到的朋友仔一定唔可以錯過！香蒜原條茄子 $48茄子燒得好好，多汁軟嫩，再搭配滿滿的醬油蒜蓉，好味得黎又唔膩🍆，如果可以再辣啲就仲過癮🤩美白檸檬薏米水 $12飲檸檬薏米水最怕就喺好甜，依度的薏米水喺自家製，微甜且清新潤喉，好啱飲🥰🥰…Read More

#新嚐泰 新開張，裝修有 feel，環境乾淨，而且食物質素都相當有水準👅👅 下次想食泰菜的朋友又多一個好選擇了🤙🏻🤙🏻柚子蝦沙律 $108呢款柚子蝦沙律屬於比較濃味，每塊柚子肉都充斥住濃濃的秘製醬汁，酸酸甜甜少少辣，開胃🌟冬陰功湯爐蒸脆炸烏頭魚 $188將原條烏頭魚炸到脆皮，再放入濃郁帶辣的冬陰功湯內蒸，加上超多泰國特有的配料，色香味俱全🥰 魚的肉質屬較為結實，夾落唔會散收收😄甲拋辣豬肉片炒飯 $88炒飯乾身夠鑊氣，特式醬油配半肥瘦豬肉片，食落相當惹味！加埋新鮮辣椒碎，岩哂鐘意食辣既人😋芒果糯米飯 $68芒果糯米飯係泰國菜的靈魂，應該無人會異議，依間的芒果糯米飯都依然出色👏🏻👏🏻 芒果份量夠曬誠意，仲要超甜🥭🥭 而糯米黏度適中又夠煙韌，唔錯唔錯👍🏻…Read More

經過被餐牌同陣味吸引咗，點知中咗大伏！食串燒未試過咁唔爽！😣😣😣價錢貴，份量少，仲要完全唔好食！食物得個油字，完全唔新鮮。。。兩個人食咗$500，完全唔飽。。。好似dum錢落海🥲🥲豬骨烏冬的水準同自己屋企煮差唔多，都係調味料包的味道🤣今次真係蠢咗，一時興起叫咗咁多。。。下次食串燒真係叫一兩碟試吓先~P.S. 食碗面俾$3買包紙巾我都理解，兩個人食成五舊水，枱頭成盒餐紙，問比兩張都唔肯，生意唔係咁做呀🙏🏻…Read More

羅勒印度餐廳可以話係香港最惹味的印度餐廳，更多年獲得米芝蓮美食推介👨‍🍳，想享受最正宗的印度美食，唔洗去印度，去北角就得！🤪天多羅烤雞相信食開印度餐廳的朋友都試過天多羅烤雞，羅勒餐廳的烤雞好有水準，唔會好似出面的又乾又硬，特製的香料醬完全將肉汁封鎖係雞肉，啖啖Juicy😋😋天多羅燒羊架天多羅烤雞食得多，天多羅烤羊架就真係第一次試，果然係米之蓮餐廳的水準！羊架size同雞髀差唔多大，啖啖肉又冇騷味，咬落嫩口，而燒的火侯岩岩好，風味爆登 💯牛油香料蘭度豆蘭度豆唔係間間印度餐廳都有，嚟得呢度不妨試吓🤩🤩 蘭度豆用類似咖喱汁伴煮，兩者融為一體，用嚟送烤餅一流。特式烤餅烤餅唔洗多講，印度餐廳既支柱，冇好既烤餅，幾好食的咖喱都冇用！烤餅入口鬆脆，咬落柔軟，淡淡小麥甜味喺口中慢慢釋放，令人回味🥰🥰…Read More

Mamaday 不嬲深受年輕人歡迎，裝修玩味十足，勁多打卡位，菜式名盞鬼又抵死 😂😂 自己都食過幾次尖沙咀嗰間，今次一於就試吓銅鑼灣 💛💛💛菠菜菠菜全部都是菠菜忌廉燉飯 $118素食必選！綠油油的 risotto 一睇就知好健康🌱🌱仲要味道都唔錯，幾 creamy又多雜菌，燉飯的軟硬度適中。除咗有3粒玉子豆腐，仲要食到一粒粒的松子，幾驚喜！吉列石班一定要配芒果他他醬架！配炒蛋多士 $108好足料！魚柳又脆又嫩滑，秘製芒果他他醬令口感同風味更加豐富😍😍 蛋炒得幾滑，而沙律菜酸酸哋好開胃，食完即刻fresh曬～蜂蜜紅茶Lunch set 免費送蜂蜜紅茶，少少甜但又唔膩，而且飲到茶的香味，唔錯 😇😇原味薯條 +$18叫 lunch set 加少少錢就可以嗌薯條，估唔到份量咁多，仲要每條都又厚身又脆，真係好抵食！🍟🍟…Read More

#一家 係一間另類嘅上海菜館，主打地道的上海菜，而裝修都做到好似舊時上海咁，好多打卡位都好有特色。📸📸田園上素 $118 呢碟有好多平時好少食到的素菜，如茨實、准山、白果，少油少鹽，唔單止色彩繽紛，仲要非常健康養生 🤩白玉蒸蝦球 $128賣相好高貴，鮮蝦好飽滿且爽口，加上又嫩又滑的蒸蛋白，味道偏為淡少少，令到蝦的鮮味更加突出。上海糯米燒賣 $45今次係第一次見識上海的街頭小食 - 糯米燒賣，糯米釀入燒賣皮，細細粒咁，非常容易入口。糯米粒粒煙韌飽滿，加埋滑溜既燒賣皮，簡直絕配！辣椒皮蛋 $58醇厚香濃的皮蛋，加上辣椒同豉油吊起鮮味，非常開胃的小菜👍🏻👍🏻紅卜卜堂妹 $34士多啤梨梳打的酸味，再襯埋新鮮士多啤梨同荔枝果肉，清爽又健康！嬌滴滴侄女 $40以芒果為主題的沙冰，飲落芒果味重，唔算好甜。飲品有埋芒果果肉同奶蓋，層次感十足！…Read More

#Avenue75 酒精飲品同餐廳食物一樣高質，仲要幾位侍應哥哥都係專業 bartender，佢哋好用心咁講解每杯cocktail的特別之處，仲可以根據客人的口味 tailor-made🤩🤩醉香脆皮燒雞 $188燒雞係侍應哥哥推薦的，食完就明曬點解會係招牌菜！🥹🥹 雞皮燒得好脆，而肉質超級嫩滑同完全鎖住肉汁，再帶有少少酒香。隻雞都幾大隻，仲要比足半隻雞，再加埋油飯，男仔食曬都會飽，真係非常推薦大家試吓！🥰🥰😍😍白鱔秘製燒汁 $75超好食！！😭😭 一咬落口已經震驚咗，因為個鱔皮真係超級脆，再帶有少少甜同辣，嗰秘製醬汁真係我食過最惹味的！而且鱔肉好厚實，完全冇腥味，口感一流💕💕💕蟹肉龍蝦湯鍋脆巴 $148龍蝦味好香濃，而且幾乎啖啖都食到蟹肉，非常足料鮮味😎😎 再配埋喺出面較小機會食到的脆鍋巴，真係一個唔錯的小食👍🏻O’ Fat’ ion $130餐廳有8杯signature 喺based on 8幅世界名畫的 theme，又靚又好飲仲要富藝術性，用嚟打卡一流💕 而今次點的 O’ Fat’ ion喺加咗牛油同黑糖，所以口感會甜少少同creamy啲，比較易入口，女仔飲都完全無問題！…Read More

位於中環核心地帶的#瘋狂小面 係一間主打麵食的川菜小館，麵條口感好加上款款都出色的湯底，真係愈食愈上癮。瘋狂牛肉麵 (套餐組合ABCD) $103一端上枱，香辣的氣味和紅卜卜的賣味已經令人好有食慾。麵質彈牙煙韌，而牛肉粒厚身得來又唔韌，加上秘製的麻辣湯好易送面，所以好快就食完，胃口好的朋友可以加$10 點加倍面🤪🤪蕃茄牛肉麵 (套餐ABC) $93蕃茄湯汁的酸味唔算好重，屬於較温和易入口，麵條吸收曬濃濃的蕃茄汁，用嚟送麵食一流👍🏻 而牛肉係切薄的，好重牛味，嫩口美味😇😇成都老冰粉喺夏日炎炎食完一碗熱辣辣的麵，一定要嗌返一碗清甜冰凍的涼粉先叫做圓滿，有山楂餅、提子乾、糯米等較少見的多種配料，非常地道👅👅瘋狂小食涼拌木耳和蒜泥青瓜都好爽口清脆，再加上超多蒜香，真係惹味開胃又健康👍🏻👍🏻…Read More

每次經過都會被#DirtySkillet 又大又明亮的落地玻璃吸引咗，餐廳的裝修係香港好少見到的馬戲團為主題，而且濕紙巾的包裝真係好colourful好有feel~新奧爾良Shake Shake海鮮袋 $438好有架勢的海鮮大餐‼️有扇貝、青口、龍蝦尾、大蝦、蜆等唔同種類的新鮮海鮮，真係好豐盛好壯觀！蒜蓉包就咁食都好食，亦都可以醮汁食🤪🤪 雖然份量真係好多，但因為好味道，兩個人其實都可以清晒👍🏻👍🏻 鮮蝦薯仔蛋沙律 $78雖然係前菜，但份量都唔少，兩個人都夠曬食～好多蛋黃醬同沙律醬，好豐厚creamy，再配上爽口鮮甜的大蝦，what a great start！🤣酥皮周打蜆湯 $78酥皮真係焗得好好🥰🥰🥰，有勁多層layer同超酥脆，可以話係我食過數一數二最好味的酥皮😛😛 同埋個湯幾鮮甜，好多蜆，用酥皮醮住食真係超夾！Blueberry Cheesecake Shake $58好童真好色彩繽紛🌈🌈，仲要喺用新鮮藍莓製成，飲落去會食到一粒粒的藍莓籽同cheesecake碎，奶昔順滑得來又有啲顆粒感，小朋友一定鍾意飲～Fresh Mango Passionfruit Smoothie $58鋪滿曬的熱情果籽，再加上夏日必飲的芒果沙冰，酸酸甜甜超級開胃😇😇…Read More

今日咁啱喺灣仔的巷仔發現一間唔算好起眼的拉麵店#幸屋，估唔到幾有意外驚喜，同埋樓底好高，幾開心發掘到一間新的高質拉麵店。廣島蠔沾麵 $118廣島蠔好新鮮好重蠔味，肉質肥美實在又完全唔腥，真係唔錯👏🏻👏🏻 沾面的汁熱辣辣上枱，濃郁鮮味，而沾面份量好足，食完真係好飽肚🤰🏻🤰🏻同埋沾面喺有凍的，下次再嚟就試吓，應該會幾爽口，啱晒夏天食👍🏻金武士豚骨拉麵 $78今次揀咗硬身的粗麵，配豚角煮同濃湯底。豚肉好有驚喜，厚切且肥瘦適中，唔會好膩，係為數不多我好鍾意的叉燒，而且湯底好香唔會太鹹。同沾麵一樣，附送原隻溏心蛋、木耳和椰菜等，撈埋一啖食真係好滿足😽😽…Read More

Gramcafe&pancakes 的裝修係木系小清新風，座位好寬敞，坐得超舒服，啱曬三五知己食完晚飯再坐低嘆個甜品，慢慢繼續傾！石板街班戟 $118班戟加朱古力真係唔會出錯的經典配搭，身為朱古力控的我當然唔可以錯過，滿滿的朱古力醬和朱古力碎，再加上出面較少會食到的吉士醬，同埋香脆的焦糖香蕉粒，真係又邪惡但又停唔到口😂😂 雜果朱古力班戟 $108擺盤好靚，色彩斑斕，令人見到都流晒口水 😍 班戟係偏鹹同埋偏薄身，但加埋幼滑輕盈的忌廉一齊食即刻中和返，再有新鮮水果的酸酸甜甜作為點綴，幸福感滿瀉💕💕…Read More

呢間邊爐店主打花膠雞煲同生猛海鮮，雖然價錢唔算好平，但最緊要真材實料、材料新鮮。而且侍應哥哥好好態度，落完單就會有六款醬料送到去你張枱到自行調配，加上飲品選擇多，鍾意打邊爐/ 食海鮮的朋友不妨去試吓 👍🏻半隻花膠雞湯 $288好令人驚喜的火鍋湯底！超級香濃夠火候，但又唔會係重味精，唔太鹹唔會令人好口渴💕💕 超多花膠，淋滑厚身，唔知唔覺就會飲咗幾碗，feel到食咗滿滿的骨膠原落肚！🤩🤩 而且侍應哥哥會即場先剪開隻雞，所以鎖住晒啲肉汁🫰🏻其實食曬啲花膠同半隻雞都幾飽㗎喇 🤣🤣王蜆 $68呢間邊爐店另一主打就係海鮮，啲蜆好大隻好新鮮，不過就咁烚就唔算好重味，蘸埋自製醬料就啱啱好。😘芝士流心牛丸 $48我自己又鍾意食牛丸又鍾意食芝士丸，呢款芝心牛丸真係雙重享受，一咬落去，啲芝士就爆曬出嚟，小心辣親！🔥蟹籽墨魚滑 $98份量都幾多，差唔多可以整到20舊，而且幾重墨魚味，值得一試。…Read More