KalvinLau的個人專頁

行過見到有新食店進駐，決定買外賣返屋企試吓。今次只是試壽司同刺身飯。當時大約13:30，都有幾個人等緊，order左一堆野，畀完錢，話要等30分鐘，ok👌🏻冇問題。見師傅真係即場手握👍🏻，等下就等下。等嘅期間去左aeon行下，行左20分鐘返到去仲未得，店員好有禮貌同我講師傅整緊，等多陣。等了又等，total大約40分鐘，一心諗住快啲返屋企開餐，點知⋯⋯店員同我講唔夠飯，只係整左午餐壽司7貫同三色丼，其他要再等20分鐘或者cancel其他食物🙈晴天霹靂啊😩 店員都極唔好意思，到我出左店門都不停道歉。態度良好👍🏻我就cancel其他食物，帶住兩當餐返屋企啦。講返食物，壽司7貫，醋飯酸度適中，用嘅係赤醋，飯有小小偏紅，日本都唔係間間壽司店用，温度、緊密度控制得好好。唔會死死實實，唔會凍冰冰。刺身丼都係，唔係預製凍住。飯講完，刺身都睇得出落本，新鮮，亦唔會薄切。會返轉頭幫襯。希望試業完可以縮短等候時間…查看更多

今日同朋友長沙灣附近搵食，本來想食某食堂的炸豬排，點知太多人。行過見到和順堂，一於試下。地點唔算方便，亦唔起眼。可能比較新，環境乾淨、企理、光猛。冷氣亦足。呢啲天氣冇冷氣真係唔掂😓叫咗招牌炸雞比煎蛋飯，午餐嘅西冷雙腸飯。炸雞髀夠大，炸到juicy, 煎蛋略嫌細隻。驚喜嘅係西冷，比想像中厚，應該有1cm或以上，汁就偏甜左啲。小插曲，唔知點解，餐具有刀、匙羹、筷子，不過冇叉用😓總體來看，不過不失。可以一試。…查看更多

正在進行18/6 斷食，多數2點後先食午餐。可以避開午餐繁忙時間，唔使迫人，有時食下午茶仲慳返小小🤣🤣言歸正傳，今日行放去葵興，對野菜咖哩呢間嘢聞名已久，不過未有機會試過，之前唔係佢冇開就係唔啱時間。今日大約三點三到葵興，仲未食飯，一於試吓佢。由於唔係飯市時間，唔使等位。環境就真係可以不提。落完prefer, 等左5-10分鐘店員拎埋來。我叫左咖哩牛肋條飯。一睇份飯量偏小，薯仔有5-6塊，牛肋6-8塊咁上下。老實食完有小小唔飽😓 味道方面，日式咖哩甜係預左，好在唔過份，亦唔會甜到好唔舒服。汁係比較流質。牛肋夠淋唔散，都入味。薯仔夠淋，入味唔會溶晒。總體10分滿分會畀7分。…查看更多

話說早排睇果籽介紹（應該係，除非記錯🤔），介紹富哥。感受到佢嘅熱誠，當然要來試吓。點知，之前有二次行開附近，就已經想試。點知2次都遇上定休😓今次，去開黃金又接近2點，就行去睇吓。終於有開啦😭，原來逢星期三放假，之前OpenRice 都冇寫⋯⋯今次叫左套餐，櫻花蝦味噌拉麵同慢煮雞沙律先講沙律🥗，慢煮雞，應該係用雞髀，顏色帶粉紅，正常慢煮嘅口感，唔再多形容啦，沙律係薯仔沙律，薯蓉加上大小不一嘅薯仔粒，口感豐富。個沙律dressing 見真張，甜酸鹹平均，稀杰程度適中，唔種意食沙律嘅我都覺得正。食麵，先飲湯是常識吧。不過飲之前，櫻花蝦嘅香氣撲面而來😋，飲啖，唔太鹹，有蝦嘅香味，濃稠得來又唔膩。飲曬成碗都唔使飲水。麵OK，叉燒應該都係慢煮，好食。可以再來😋…查看更多

好耐冇出街食。今日大約14:30行過，又未食飯，行入去試吓。唔使等位，不過都差唔多滿坐。點左半湯骨付雞烏冬，等左大約15分鐘就有得食。先試湯，鰹魚味足，夠香，不過唔係好夠熱。再試烏冬，唔係好彈牙嗰隻，稍稍訊息，不過都好食的。最後食雞髀，夠滑，夠juicy, 味道唔太濃帶微甜。雖然唔係日本傳統咁用鬥雞，斗雞肉會硬身啲，雞味重啲。所以依家雞味唔夠，不過係香港人鍾意嘅質地。總括來講，份量細左小小，再熱啲就very good.…查看更多

下午三點幾，路過荔枝角肚又餓。在香工附近發現幾間新舖。其中一間就係TGI Friday。立即試試，叫左classic cheeseburger combo。站在門外，一陣一陣濃郁的牛肉香飄散，即時炸的薯條。約等左10分鐘出餐。薯條是粗的，熱辣辣已經贏左，唯一係唔係好夠脆。漢堡肉夠厚，肉味部👌🏻。不過如果生小小就更正。蕃茄新鮮脆口。美中不足是麵包唔夠鬆軟。漢堡加薯條加一罐裝飲品，盛惠$67。有咁的質量，絕對可以一試。…查看更多

上個月去左東京，記得某電視節目介紹過海街丼，特地去了一次，十分好食。過左一個月，想回味一下，得知香港都有一間海街丼，所以就去了。一開始還有一點擔心，怕只是抄人地個名。不過去到見到門面，裝潢，放心唒，因為都是同日本如去一切。仲見到日本店的老闆來香港巡視。講返食物，海鮮是日本直送，海膽鮮味，魚生新鮮。同日本大部分海鮮丼一樣，所有野切成丁，不同香港大大片。丼飯有吞拿，帶子群邊，章魚，三文魚子，海膽等。魚肉等應該有醬料輕輕撈過，有淡淡香味，不會過濃。飯是暖的，本人很怕冷冰冰的飯，其實是海鮮丼三食，首先試魚生，再吃魚生加飯。第二食是加秘製醋啫喱一齊食最後加湯，如茶漬飯值得一提的是wasabi是鮮磨的，誠意滿滿整體而言，高質日本料理…查看更多

今日入屯門，朋友極力推薦萬芳。欣然一同前往，當然要試友人推介之炸雞肶飯。奉送餐湯，要了羅宋湯及中湯。羅宋湯友人說很淡，看著亦沒有菜，失望。中湯，火路夠亦沒甚味精，可以再試。主角上場，炸肶皮脆肉嫩有肉汁，煎蛋洽到好處，蛋黃沒有過熟。西蘭花清水煮的，沒味。總體水準之上。…查看更多

呢幾日凍凍地，食蛇取下暖。同朋友一人一碗大蛇，再share一煲蛇腩飯。蛇羹加上薄脆，檸檬葉絲，好吃，蛇肉足量大條，味道鮮美。美中不足是放久了，羹變得水水的。蛇腩飯，香氣撲鼻，蛇腩香滑味濃，但不會膩。小量飯焦夠香。…查看更多

北河街街市熟食中心重開，再訪芽莊城。地方乾淨左，食品依然出色。叫咗法式番茄牛腩飯，滴漏咖啡。牛腩飯牛腩夠淋，汁夠香濃，唔咸。咖啡依舊香濃。百飲不厭，每次想飲滴漏咖啡必然之選。…查看更多

今日又去大窩口，到悅來坊附近，一支公就食咖哩。叫左吉列豬扒芝士蛋包飯。賣相還可以，豬扒比較小，炸得脆，唔會乾淨淨，亦唔會皮肉分離。蛋包比較失望，不夠滑。芝士一般芝士不詳述。咖哩汁不過不失，說不上香濃。…查看更多

今早覺得無聊，自己開車上川龍飲茶。去到端記，停好車，自己在二樓找到位置，自己開茶。自己去找心儀的點心，這就是老式茶樓的做派，覺得比現時大集團有等如冇，招呼幾近受氣的氛圍好。一壼濃普洱，加上鵪鶉蛋燒賣，山竹牛肉，燒腩飯及蝦餃。鵪鶉蛋燒賣，皮有點乾，不過蛋夠嫩滑，燒賣有彈性，唯欠小許肥肉的甘香。山竹牛肉，不過不失，滑而不會太淋或太實，亦尙算有肉味，唯陳皮香欠奉蝦餃，餃皮不會粘在一起，一夾就爛，蝦夠彈，筍粒等比例亦掌握得可以，如果加點地魚粉應會更鮮甜未見過的燒腩飯，燒腩卷的餡料放在飯上蒸煮。令我難以停手，三至四塊腩肉，二塊芋頭。腩肉肥瘦適中，彈囗不用淋，甘香。南乳香而不過量不太咸。芋頭亦夠粉。可惜是飯蒸久了，這是我去得太遲。…查看更多

今日與家人到此一試，叫了吉列豬扒定食，吉列豬柳定食，吉列豬柳泡菜烏冬，咖哩吉列豬扒飯外加4隻炸蝦。炸豬柳比較薄，粉槳多左d，一般。炸豬扒粉槳一般厚，炸得亦唔會老。咖哩甜左d，亦唔夠香。炸蝦槳厚，蝦肉霉左，尚算有蝦味。泡菜湯烏冬酸辣平衡，烏冬質感還可…查看更多

今早食呢間，三十多年歷史的小店。名不經傳，坐落大窩口的外賣店。叫了熱狗和漢堡包餐。女友說熱狗是小時候的味道，回味非常。漢堡包餐跟雙蛋，夾埋入包中間，包略煎過，又香又熱，漢堡排都OK，加上煎蛋及沙律醬，十分好吃。跟奶茶，亦夠滑及有茶味。…查看更多

今日車左新加坡來的朋友去赤柱，佢地想食牛，所以選擇左呢間。叫左雞翼，pardon pepper, 同每人一客漢堡。雞翼一般，略嫌唔夠香口，亦咸左小小。Pardon pepper, 係炸青椒，面有青蔥，金蒜同海鹽。食落一點也不辣，香口。值得一試。漢堡，我要了medium rare。上枱比想像中小一點，不過厚薄剛好，不需要用力壓得漢堡方可放進囗。肉汁豐富而不會滴到一碟都係，有一點淡淡的bbq香。火候控制一流。包本身沒太大亮點，但不是一吸收肉汁就失去質感的那種。漢堡跟薯條，可選薯仔或番薯。薯仔是厚切，好正。不過番薯切的大薄，欠缺質感，有點失望。…查看更多