野菜咖喱事務所 Curry Man (Closed)

正在進行18/6 斷食，多數2點後先食午餐。可以避開午餐繁忙時間，唔使迫人，有時食下午茶仲慳返小小🤣🤣言歸正傳，今日行放去葵興，對野菜咖哩呢間嘢聞名已久，不過未有機會試過，之前唔係佢冇開就係唔啱時間。今日大約三點三到葵興，仲未食飯，一於試吓佢。由於唔係飯市時間，唔使等位。環境就真係可以不提。落完prefer, 等左5-10分鐘店員拎埋來。我叫左咖哩牛肋條飯。一睇份飯量偏小，薯仔有5-6塊，牛肋6-8塊咁上下。老實食完有小小唔飽😓 味道方面，日式咖哩甜係預左，好在唔過份，亦唔會甜到好唔舒服。汁係比較流質。牛肋夠淋唔散，都入味。薯仔夠淋，入味唔會溶晒。總體10分滿分會畀7分。