thm1006's Profile

自從鳳小姐家裡增加了新成員肥波後，六友都漸漸被奴化，看著肥波時而嬌嗲，時而活潑，忍不住想帶牠回家。一直想來朝聖既我地，今晚終於天時地利人和，於是相約下班後。地鐵A1出口到彌敦道，往旺角方向行5分鐘，到登打士街後轉左，第一條巷就是恆威商業中心的入口。非常黑及濕的一條巷，女仕們最好相約一齊前往。在恆威中心外牆已經貼滿好多貓咪的海報，平和了這條巷的陰森感（笑）10樓就是貓咪home既的所在地，要在門口先除鞋，著好襪及搽消毒液先可以入去服侍（？）班主子。餐廳地方不是很大，約有20個坐位，而貓咪的數量大概有10隻以上！可惜係7：30-8：30呢段時間，大部分貓咪都訓緊訓，唯有先食晚餐啦！是次點了：經典拼盤 （$88），煙三文魚沙律（$68），一口花心西多士（$58）及香辣海鮮意大利飯（$98）。經典拼盤有雞翼，蜜糖司華力腸，炸餃子及薯條，味道普普通通，但份量夠多，4人share食剛剛好！煙三文魚沙律，三文魚份量多，有3-4大塊，沙律菜方面都很新鮮爽脆！最值得推介是一口花心西多士，新鮮炸起，配上蜜糖及花生醬，十分滋味！香辣海鮮意大利飯，海鮮只見到兩三粒魷魚...但意大利飯的味道酸酸辣辣很開胃。正當我地食完之際，陸續有貓咪起身出來走動。有些貓咪很嗲，會乖乖的躺在你懷抱裡面；有些不喜歡人抱牠，會出盡力推開你（笑）。姐我就是抖S, 越推開我，就是要抱得更緊！不得不讚是侍應的服務態度，非常親切有耐性，偶爾會抱些貓咪到你手中，讓你一親香澤！對貓咪既問題，都會詳盡地解答。對貓咪貓咪home 留下了很好的印象呢！…Read More

尋找美食，往往都是理由滿滿的，今次也是。為了慶祝相識4年11個月，今天我們又去尋找都會美食。這次是位於酒店內的餐廳，相當有格調。於地鐵站F1 出口，一直緣著永遠21 行，行到邊寧頓街，就會見到一幢純黑色的建築物。往外面睇，真的有幾分像去了日本的酒店，簡潔，大方。乘電梯到三樓，一開門就是餐廳，燈光有點暗，就是都會浪漫風！店員非常親切，幫我們領位子。首先來這裡當然不會錯過生蠔！當晚的生蠔還買一送一呢！在海鮮拼盤送上的時候，店員很用心的幫我們介紹從哪一邊食起，由淡到濃。由最淡味的Pacific rock 開始！這是我最喜歡的蠔，蠔味不重，很輕淡，但是口感超好的！肉質吃得到非常新鮮，爽甜！另外兩種是法國的，我是第一次吃Isabella ，口感比較爽脆，有點似吃海蜇的口感，而蠔的味道有點濃。再來是Gillardeau ，肉質也是很爽很新鮮，蠔味比前兩隻更重一點！那蠔味食後仍然留在口腔內久久不散！值得推薦！Cherry stone 是第一次吃，朋友特別推薦我吃，但是覺得口感一般。Scampi 我覺得是最好吃，因為好鮮甜，跟一般的刺身不一樣。口感爽口得黎又有點漿口，但是味道一級棒！最愛！Deep Fried Lamb Spare Rib這是炸羊排！超級超級出乎我意料！因為羊排炸得酥脆無比，而且肉質不會太乾，味道也異常的好。一點點羊羶味都沒有。另外，蘸點上那個芥未蜜糖醬，更是好吃。因為蜜糖醬加上羊排，令羊肉竟然變得帶有點點甜味浸出來。Sautéed Hokkaido scallop一碟有三粒帶子！帶子size 很大，表面微煎，而入面仍然是生的。這是刺身級別的帶子，所以食落口當然爽甜。因為微煎的關係，帶子擁有了兩種層次的質感，熟中帶生。另外這個黑松露醬真的很對我味！因為我就是最喜歡黑松露的人。雖然松露味不是很香，但在微香下配上帶子，整個就不一樣！因為，松露不會搶了帶子的風頭，跟帶子才能融洽地在一起。碟上還有兩片烘得好脆的牛油多士，再用這多士蘸上這松露醬，真的是一片好多士呀！這個燒春雞醃得很入面，肉質亦沒有想像中"鞋"！外層的雞皮被烤至薄脆的一層，一點肥膩感都沒有！雞的底層是意大利燴飯，飯的質感很有趣，形容不出來，但是是好味的，不過就略油了一點！甜品自家製提拉米蘇份量不少，兩個人食都夠晒！這個甜品看似紮實，但其實很軟綿！入口有種食輕量cheese cake 的感覺！好味！今晚真係好滿足！為忙碌的生活點綴一下！…Read More

星期六中午，約了六友及男友們一齊BBQ! 當天天氣麻麻，幸好白石燒烤場有瓦遮頭，唔怕落雨燒唔成！交通都好方便，馬鞍山廣場下有免費接駁巴士，30分鐘一班，要預先查清時間表，因為巴士不等人！約10分鐘到達燒烤場，在收銀處先購票，再由專人帶位及起爐！今次點了10人餐$1788，套餐包括扇貝，海蝦，丸類，芝士腸，雞肉腸，雞扒，豬扒，蜜汁叉燒，雞全翼，粟米及蕃薯。飲品有10罐汽水及10支水，以及基本工具。想輕輕鬆鬆燒個烤，呢類燒烤場就岩曬啦，兩手fing fing 去，食完拍拍屁股就走得！食物質素方面正正常常，跟街市凍肉店差不多，值得一讚是黑椒雞全翼，雖然很難制服，但配上我一流的燒烤技巧（？），非常美味！雞翼醃得好入味！蜜汁叉燒都好好味，半肥瘦，大小剛剛好, 不會燒到變柴而裡面未熟！而且非常Juicy, 好味！而海鮮方面就較為遜色，海蝦雪得太耐，肉質欠缺彈性，蝦肉味啖！扇貝稍為好少少，加上牛油及蒜容調味更佳，肉質尚算爽彈多汁！可惜10人餐包的蔬菜只有粟米及蕃薯，如果能多加些蔬菜包，菇類或瓜類就更好，可以中和一下油膩感！不過總括來講，白石燒烤場環境食物都不錯，很適合一家大細黎過一個週末！…Read More

近年觀塘越開越多新式的CAFE, 試也試過很多, 真正令人想再光顧的郤很少! 在滿佈商廈, 停車場, 快遞公司上落貨的源圖道, 郤開了一間裝潢不錯的CAFE, 單從外面看, 就覺得裡面是個很好HEA 的地方! 午餐本來想隨意食個小飯團的我, 遇到今天落單的C同事, 就即興地去試新餐廰吧! 12:40分到達CAFE, 仍有兩三枱空著, 以為不用等位實屬萬幸, 看看餐牌才發現箇中原因! 價位以觀塘區平日午餐來說, 十分貴! 平均$100 一個意粉, 只配餐湯, 飲品要另加$10! 這個價位絶對不是我這些小薯仔可經常來光顧, 但既然來了, 就只好就範! 松露大菇炒意粉 $108, 賣相不錯, 也能嗅到輕微的松露香, 但份量有點少, OL尚夠食, 男士們應該不夠飽了! 炒意粉有點偏乾, 口感也略為硬, 但幸好味道搭夠, 微辣的椒絲加上蒜香及黑椒, 很惹味! 配上菇味濃郁且多汁的大菇, 不錯! 餐湯是非常少巧的磨菇湯, 用一個尺寸如茶樓的茶杯裝著, 櫻桃小咀也是二三口就飲完!C同事加點了咖啡, 而我沒有! 但郤來多了一杯, 店員才發現看錯訂單沖多了! 本想他會取回咖啡, 但店員卻笑說反正也錯了, 免費給你!  心理才有點平衡過來! 不過, 不得不讚是拉花很美, 奶泡也很細滑, 能作一個完滿既總結! 如果以星期六日午餐, $100不算很貴, 加上偽文青效應, 這種給人舒適感覺的CAFE, 一定會聲名大燥起來! 但以平日午餐來說, 食物味道, 質素和份量, 性價比不高, 以打工仔為TARGET CUSTOMER的話, 可能要調整下價錢了! 鬧市中的一朵小花, 加油吧, 你可以開得更加燦爛的! …Read More

經常聽人讚HESHEEAT 既甜品很出色, 難得四友相約在放工後, 當然要挑一間能平衡心理的餐廳好好慰勞自已! 七時半來到白布街的HESHEEAT, 難得沒人等位, 可以立刻入座! 門口是製作甜品的半開放式廚房, 玻璃門打開, 香濃的蛋味飄出來! 令人胃口大開!店員帶領我們到二樓雅座, 上層位置較為闊躺, 但裝潢對比下層, 就稍為失色了! 肚餓的姐們點了: 帶子海澡沙律 $ 98, 炸雞翼配韓式辛辣醬 $49, 春雞藏紅花蕃茄意大利飯 $118! 甜品方面點了: 岩鹽焦糖厚焗鬆餅 $55, 香蕉窩夫 $55及綠茶心太軟 $59! 飲品點了萬惡既朱古力香蕉拖肥奶昔 $38!!  萬惡既朱古力香蕉拖肥奶昔先上枱, 看到厚厚的肥膏, 四友都哇然! 香蕉奶昔打得非常香滑, 而且香蕉味濃, 真材實料! 配上朱古力及拖肥, 味道更加豐富! 而且甜味適中, 不會越喝越渴! 帶子海澡沙律, 配搭十分新穎, 份量也很多! 海藻口感爽彈, 混合在沙律菜當中, 口感豐富! 配上鮮嫩既帶子及酸甜沙律汁, 很開胃!唯一不協調的是底層的豆腐, 就算加上沙律汁, 味道依然很淡! 像兩度不相干的菜放在一起了! 炸雞翼配韓式辛辣醬, 四隻肥大的雞翼炸得香酥, 外脆內嫩! 表層有少許辣粉調味, 內層不夠入味, 但配上帶甜的辛辣醬就剛好了! 春雞藏紅花蕃茄意大利飯, 雞肶和春雞既尺寸相約, 看起來很有趣! 雞肶的肉質嫩口, 相比春雞, 後者肉質較老! 但兩件雞都煮得非常入味, 很濃的香草味! 配上藏紅花蕃茄意大利飯, 味道很夾, 少少的茄酸, 令人不覺膩! 食完前菜(?), 主菜要上枱了! 先來的是香蕉窩夫, 香蕉上面燒了一層焦糖! 上脆下軟, 再加上少許曲奇味的雪糕, 一冷一熱, 非常美味! 再來就是蛋味濃郁, 又厚又多肉的窩夫, 加上大大匙的拖肥!楓蜜!實在令人停不了口! 必點菜之一!綠茶心太軟, 最期待就是綠茶醬擁出來的迅間, 香氣四溢! 綠茶醬味濃且滑, 鬆化的外層增添口感, 配上雪糕可中和甜膩! 綠茶迷要試試了!但唯一美中不足是豆腐雪糕味道太淡, 嘗了兩口才知道是豆腐口味! 岩鹽焦糖厚焗鬆餅, 外表雖然平平無奇, 但一試包你愛上! 先在表層涂上少許牛油, 再配上最佳拍檔的岩鹽焦糖和楓蜜, 大大啖的送進口裡! 媽啊, 霎時感動這四個字, 最適合形容這個迅間! 蛋味濃郁不在話下, 口感非常鬆軟, 本身鬆餅的味道偏淡, 加上最佳拍檔就剛剛好了! 來HESHEEAT 不吃不可的, 非她莫屬! 對HESHEEAT的甜品, 久久不能平復! 終於明白人氣不絶的原因, 希望她能保持水準, 讓姐下次來也心動不已吧!…Read More

今日約了小肥同羅小姐來一場Double dating, 作為重口味四人組, 找了這間重慶燒燒烤! 一邊嘗雞煲, 一邊嘗烤魚! 今晚點了:雞煲(半隻) $98, 烤魚(魽魚)全條 $178, 燒茄子 $26, 燒菠蘿 $16, 巨型燒烤菇 $18, 燒象拔蚌 (2份) $76, 燒羊仔架 $78, 原味台灣腸(2份) $30, 鵝肝多士(2份) $136, 蒜容豆鼓燒帶子(2份) $70, 芝士焗海中蝦 $50!香辣雞煲(半隻), 點了小辣, 辣度太概是譚仔的5小辣左右吧。 雞件的份量很多, 配菜有洋蔥青椒紅椒, 小量既娃娃菜等等! 加了少許白芝麻在面, 味道更香更惹人唾涎! 雞件的肉質鮮嫩, 但可多加花椒八角, 令味道更加豐富有層次! 辣烤魽魚, 值得一試既美味! 魽魚的肉質鮮嫩, 一索索既肉最適合我們這些懶於吐骨的人! 配上大量洋蔥京蔥青椒紅椒, 不單滿足了視覺, 味道也一流! 惹味既麻辣, 令人開胃, 停不了口!燒茄子, 鋪滿蒜泥在面, 十分重口味! 調味適中, 而且茄子燒得很淋, 吸收了蒜容既精華!燒菠蘿, 非常非常甜既菠蘿! 但唯一挑剔的是上枱時不夠熱, 邊位仍有點冷! 巨型燒烤菇, 這種大菇變成近年很流行既燒烤食品! 因為它本身非常Juicy, 菇味也很濃! 而燒燒烤的大菇也沒有令我失望! 但如果加點麻辣在面, 可能更有重慶特色! 燒象拔蚌, 份量少得可憐既一度菜, 2份都只有4小粒, 每人一啖就食完! 蒜容蔥椒太多, 蓋過了象拔蚌既味道, 感覺沒有食到象拔蚌一樣! 不點也罷!燒羊仔架, 調味不錯, 但燒得過熟, 肉質很韌!原味台灣腸, 作為台灣腸粉絲既羅小姐和我一致讚好! 燒得剛剛好, 外脆內軟, 肉汁很多! 另一驚喜的鵝肝多士, 鵝肝煎得非常香脆, 配上焗得非常酥脆既多士, 滿足了口感同味蕾! 鵝味濃厚香馥, 油脂在口內溶化! 迅間覺得太幸福了! LIKE! 蒜容豆鼓帶子, 較像一度廣東菜! 帶子雖然份量很少, 但很鮮甜, 配上豆鼓味度更加豐富!芝士焗海中蝦, 芝士很香, 海蝦鮮甜彈牙, 值得一試! 整體來說不錯, 但份量太少, 兩位男仕顯然不夠飽, 唯有去食個甜品再掃街了! …Read More

12月25日普世歡騰既日子，約了菜特們去留倩影！晏就就同芷小姐，LuLu，羅小姐去做文青少女！芷小姐同LuLu之前食過只，一致好評！所以今次帶我地去食！下午1時許到達，當時只有1枱客人，可能聖誕節大家都選些較有節日氣氛既餐廳吧！但偏偏我最愛這種寧靜既餐廳，令人可以靜下來享受！點了全日早餐$80， 野菌松露闊條麵$68，伏特加芝士吞拿魚長通粉$74 及焦糖Latte！全日早餐，不過不失，沒大驚喜！野菌松露闊條麵，松露香氣四溢！而闊條麵口感軟硬適中，值得一試！伏特加芝士吞拿魚長通粉較為特別，酒味非常濃，可以僻去吞拿魚既腥味，配上芝士及茄汁，味道很夾很開胃！而最為驚喜的是焦糖Latte, 拉花拉得很美，奶泡打得十分幼細！而且焦糖份量剛好，Like!食物質素雖然不算很好，但配上環境及咖啡，實在令人放鬆，可以姐妹淘，偽文青一番！…Read More

難得芷小姐同羅小姐要來觀塘逛工廈，當然要順便試下觀塘工厦餐廳既質素啦！這次挑了好評不絕既I Kitchen！在apm港貿出口出，5分鐘就到達餐廳！因為在工厦既關係，晚上人流較少！7點到達餐廳，只有兩三枱客人，枱與枱之間較迫，但尚算坐得舒適！這晚點了set dinner 威靈頓紐西蘭牛柳 $258，海膽忌廉煮北海道帶子扁意粉 $188，+$20 加配了温室大傘菇及煙燻三文魚伴血橙，以及綠茶雪糕！頭盤是北海道甘蝦伴蘆薈沙律，面頭既泡沫是檬檬汁，令甘蝦更加鮮甜！配上酸酸甜甜既蘆薈沙律， 十分開胃！煙燻三文魚伴血橙及羊奶芝士，三文魚煙燻後較有口感，伴上血橙汁很鮮甜，及羊奶芝士味道較淡，作為前菜很適合！羅勒鹽燒有機温室大傘茹，大菇非常多汁，濃濃既菇味充斥味蕾，加上少量沙律菜及芝士，豐富左大菇既口感及帶來小清新！餐湯點了牛肝菌榛子茸湯，牛肝菌既味道很濃，濃得有點苦，這個湯味道較為遜色！主菜威靈頓紐西蘭牛柳，這道菜很特別，外層包著酥皮，內裡除了牛柳還有少量菌類作點綴。牛柳因為被包著既關係，火喉有點過熟，牛肉變得很韌，但肉味依然很濃厚！尚算不錯！，非常美味，海膽迷既必點菜！海膽變成汁醬，融於扁意粉上面，非常濃厚及鮮甜！些少既馬尿味也沒有，很鮮！配上北海道帶子，沒有可挑剔既地方！實在令我回味，正！至於甜品，綠茶雪糕味道較為普通，沒有大驚喜！總結來說，I kitchen 在每度菜上都有花心思，食得出廚師們既用心，想品嘗高質素既工廈，這裡是個好選擇！…Read More

放工來到德福，見到新開張既抹茶館不用等位，立刻拉吳生進去！之前已經在鑽石山分店食過二三次甜品，晚餐還是第一次！我點了咖哩吉列蝦飯，黑糖牛奶抹茶（$39），杏仁豆腐抹茶雪糕窩夫 （$49）！叫了多Cream的黑糖牛奶抹茶先來，cream的份量與抹茶是1：1，將忌廉搞混於抹茶，口感更滑更香！抹茶味濃帶甘，加上黑糖中和了澀味！可惜冰粒太多，不消一會已經飲完！咖哩吉列蝦飯，炸得香酥既吉列蝦配上日式咖哩是我的最愛，辣中帶甘甜，令人胃口大開！加上酸甜既沙律伴碟，中和吉列蝦既油膩感，帶來小清新！再來就是抹茶為主既甜品，杏仁豆腐配抹茶味道很夾，香郁既杏仁有畫龍點精既功效，令抹茶更為甘香！豆腐很滑，配上抹茶雪糕，實在令人停不了口！可惜份量少巧，適合自私食！…Read More

很少可星期二晚上會約羅小姐共進晚餐, 難得有興趣食放題, 挑了這間評語不錯既大瀛喜!位於銅鑼灣二期12樓, 上到去見有數人在排隊, 可能是Walk in 吧, 未夠9:30店員先讓我們進去, 太好了! 店內吉位甚多, 可能9:30場未正式開始吧, 見自助吧有數款壽司, 冷盤, 沙律及甜品可拎, 但見剩下少許未有Refill!食物種類算多, 有很多自創菜式, 令我聯想起極上大喜屋! 但要比較, 個人還是更愛後者!刺身拼盤, 三文魚, 鮑片及甜蝦都算鮮, 較為驚喜是大大隻螺肉, 彈口又鮮甜, 值得一試!而最失望是玉子, 在雪櫃太耐, 蛋質變濕, 口感極差!鵝肝帶子壽司, 鵝肝味道濃郁, 在帶子中間夾一少片奇異果可一解鵝肝既油膩及帶出帶子既鮮甜! 新穎而且好味!海膽醬黃金蝦壽司, 海膽的味道鮮甜, 點綴了黃金蝦，味道更上一層樓！極品香蒜和牛壽司, 我和羅小姐一致讚好, 汁醬濃郁更帶出和牛既味道! 和牛口感幼嫩, 份量適中, 令我倆忍不住encore!炸物方面,芝士年糕和芝麻雞翼都合格, 沒有大驚喜! 反而比較少見的魷魚圈及芝士春卷就更值得一試! 魷魚圈外層酥脆, 內裡彈牙, 不失魷魚味! 而芝士春卷中間填滿了芝士, 非常惹味, 芝士迷必試!值得一讚的係燒菠蘿, 普遍在放題食到的燒波蘿都是較乾身, 但大瀛喜的十分多汁, 而且很甜, 食完再食! 而日本蕃薯仔跟平常食到的差不多吧!要比較同類型高檔放題的話, 大瀛喜尚算合格, 食物水平及服務質素可以再改善!…Read More

約左羅小姐的一個晚上，食咩？當然不能馬虎。所以早早上openrice search 了有咩好食。在銅鑼灣區，呢間都算好多人食，又有好多食評，應該不會差得去邊。而且地方都好就腳，就係銅鑼灣廣場二期隔離。一上到去，震境係昏昏暗暗，講真，我幾喜歡呢種不太光猛既地方。因為無論係同friend 或者係另一半來到，都會有種舒適既感覺，很有放左工要happy hour 既feel!!而且D職員都好有禮貌，好專業！我地每人order一個set dinner。葡式香辣燒春雞 HKD 268.00Set dinner 包前菜或者餐湯，我揀了是日湯，蘑菇湯。呢個蘑菇湯好好飲，有好香濃蘑菇味，而湯的質感是厚身的，不是水汪汪。入面有好多蘑菇菇，真材實料！而我的主菜，葡式香辣燒春雞 真的好大份。原本以為會是半隻，就算一隻都不會這麼大！但上到檯，原來份量好足。仲係熱辣辣，雞皮燒得好薄，已經無咩油脂啦！雞肉醃得好入味，帶有少少辣！雞肉雖然吾係嫩滑既，但都不錯。仲有個醬，個醬係辣辣地甜甜地，不過點左之後，雞肉更加好味。沙律就比較失望，呢個係美式既沙律，好多沙律醬之外，仲有大量紫洋蔥。最最令我驚喜既係薯條！呢間THE GRILL ROOM 既薯條係粗薯條，烤到外脆內軟。有少少鹽比佢調味，真係忍吾住食多幾條。真係好正！當日有免費既酒類飲品提供，但因為同羅小姐一齊，就改飲橙汁。橙汁果汁先生的橙汁，無驚喜，但係杯上加左塊橙，算你有誠意啦。食到好飽好飽，我們仲有甜品！布朗尼蛋糕和馬卡龍配雲呢嗱雪糕呢個甜品沒有馬虎！好好味呀！特別是布朗尼蛋糕加埋雪糕一齊食，雖然布朗尼蛋糕質地有點太硬，但就係我鐘意的。馬卡龍有兩個，綠色的是甜的，另外黃色是有點酸，似是檸檬味。放左工，山長水遠來到銅鑼灣食呢一餐，真是大滿足！…Read More

自從食過一間好好味既串燒店後，三友經常在回味，今次係開飯見呢間串酒里好似幾好評，於是決定試一試！7：30到達位於山林道既串酒里，位置好易揾，入內發現有室外位置，可惜當日有微微雨，所以選了門口位置。店面比較細少，太概容納15人左右，但隔壁還有幾張高枱，連室外應該可招待30人，裝潢以木材為主，燈光昏暗，令人可以放鬆心情享受食物！這次三友點了：黑椒燒厚切牛舌$48，烤釀大冬菇$38，秘製汁香燒豬頸肉$78，鹽燒頂級安格斯$48，黑松露燒6吋扇貝$108，自家秘製汁燒鮑魚$98，黃金蒜容燒原條茄子$45，汁燒翠肉瓜$24，汁燒BB蘆筍$38，汁燒娃娃菜$24，香脆蜜糖燒粟米$28，鹽燒日式秋葵$28，台式炸甜薯$38及泰式生蝦$68。唔好以為三友咁大食，其實分開左兩次落單，因為份量較少，但好處就是可以試很多不同菜式！黑椒燒厚切牛舌，真心推介！厚切牛舌口感通常較硬及韌，但串酒里既牛舌燒得非常香軟，配上黑椒及香料更突顯牛味，好味！烤釀大冬菇，厚厚既芝士釀在冬菇上，芝士味厚實配上菇味濃既大菇，本身是不錯既料理，但味道過於平實，如可加入其他較突出既材料，一定能更上一層樓。秘製汁香燒豬頸肉，用蕃茄裝著秘製汁，賣相有趣。豬頸肉燒得剛好，無大驚喜，但配上酸酸辣辣既秘製汁就非常開胃！鹽燒頂級安格斯就較為遜色了，薄切既牛肉燒得過熟，口感太韌，就算牛味更濃也失分。黑松露燒6吋扇貝，性價比極低的一度菜，黑松露本身已很濃香，廚師再加上大量的蒜容，遮蓋了扇貝應有的鮮甜。此外，扇貝肉只有一吋長左右，絶對不值$108，令三友失望！自家秘製汁燒鮑魚，這度菜有驚喜，鮑魚爽口彈牙且鮮，而且吸收了汁醬，非常Juicy！黃金蒜容燒原條茄子，對於重口味既三友來說理應見到這條茄子會十分興奮！但是蒜容既份量實在太太太太多了…而且味道過濃，要挑開蒜容才能食！汁燒翠肉瓜，三友曾經在另一間串燒店食過同一度菜，非常美味，對此度菜留下了一個高不可攀既記憶！本來怕在串酒里食會惹來失望，但剛剛相反，這裡的翠肉瓜不但吸滿了汁醬，變得非常Juicy及惹味，但不失翠肉瓜既味道，配合得剛剛好!實在值得一讚！汁燒BB蘆筍，份量少得可憐，本來有點失望，但勝在味道救回一切!蘆筍燒得剛剛好，外脆而且充滿醬汁，令人有種小清新既感覺！汁燒娃娃菜，羅小姐和我最愛既一度菜，娃娃菜吸滿了醬汁，每一啖都很多汁，而且調味適中，令本身味淡既娃娃菜也令人唾涎欲滴！香脆蜜糖燒粟米，粟米本身不甜，而且蜜糖味不夠，此道菜需要加強！鹽燒日式秋葵，令我有點驚喜，一向討厭秋葵既口感!但燒秋葵外層爽口，感覺變得不滑嘟嘟！不錯!台式炸甜薯，當炸甜薯遇上梅粉，開胃又美味！泰式生蝦，肉質彈牙，但蝦不算鮮，加上自製酸辣醬尚算救回，還可！因為星期四既關係，三友食完就走了，明天還要返工呢！…Read More

在北角食完午飯，意猶未盡想找個地方消磨一個下午，步行到銅鑼灣希雲街既 Cafe R&C, 行了差不多半小時就是為了一杯卡通拉花！店面很細，大概只容納到 15 人左右，正好有人離開，令我和羅小姐可獨享靠窗既位置！因為剛食飽，實在是容不下甜點或主菜，所以點了兩杯咖啡及沙律，想悠閒地享受這個下午！我點了 Honey Latte ($45), 羅小姐點了 Rose Latte ($45), 及蛋沙律 （$35）落單時有問店員可選什麼卡通，店員指要視乎咖啡師既沖泡過程而定。好吧，我就一心等待驚喜！羅小姐既 Rose Latte 很快送到，白綿綿既泡配上 Hello Kitty， 十分相襯！試飲了一啖，玫瑰味濃且久久不能散去，和奶泡分量適中，口味甚佳！而我既 Latte 也徐徐送到，咦？卡通拉花呢？我既心情可算是由天堂跌入凡間，期待很久既卡通拉花沒有出現在杯上，太可惜了！唯有安慰自己，這個心心拉花也很靚！但最無奈的是，喝完整杯咖啡也沒有蜜糖既味道，只是一杯普通的 Latte……蛋沙律下有幾片非常薄脆既蘋果，可算是整個沙律既靈魂，雖然配上黑松露多士，但也不及清甜的蘋果在一啖啖咖啡沙律中穿插，令疲憊既味蕾加以一點小清新！蛋沙律味道也算是過關，沒有驚喜！老實說，我是為了一杯卡通拉花而來。來了，偏偏不是我想要的，多無奈呢...…Read More

星期六下著毛毛細雨，約了鳳小姐及羅小姐一齊回味在菜特的味道！當時的老闆是印度人，偶爾帶我們去嘗印度菜，記憶中的味道是火辣辣既咖哩及甜得要命既奶球！希望可一洗那不堪的回憶！下午一時許，來到位於北角七姐妹道既羅勒印度餐廳，見食評不錯，滿心期待！餐廳店面大，店內坐著好幾枱外國人，本地人也不少，尚算滿座！坐低後立刻開始點菜：椰汁咖哩羊肉（$88），香燒雞半隻（$92），燒烤芝士和雜菜（$80），自選芝士烤餅，薯仔烤餅，黑松露烤餅各$26， 印度炒飯（$42），瑪沙拉毛瓜（$68），飲品叫了芒果奶昔（$34）！椰汁咖哩羊肉，加上椰奶既咖哩不算很辣，羊肉的羶味被咖哩蓋過，但羊味依然保留，送飯或烤餅一流。香燒雞是鐵板上的，熱辣辣且散發濃香，雞件入口惹味鮮嫩，多種香料混合更顯印度風味，而且咸辣適中，令人停不了口。烤芝士及雜菜，芝士是一磚磚的，口感似硬豆腐，雖然芝士味淡，但食一半就覺膩！烤雜菜味道較淡且乾身，不是我的菜！自選芝士，薯仔及黑松露烤餅更令人感意外，餅底烤得非常鬆脆，單吃不點任何醬汁也覺美味！松露烤餅在當中更為優勝，松露既香味點綴了烤餅，味道更上一層樓！印度炒飯，幼長且條條分明既炒飯也令我回味，加上紫洋蔥，紅蘿蔔絲及香蔥，顏色及口感豐富鮮明。雖是炒飯但一點也不油，乾身分明，味道不會太咸，配上咖哩汁令人胃口大增！瑪沙拉毛瓜單看菜名應該猜不透是秋葵，切粒既秋葵加上紅蘿蔔絲，洋蔥，不單豐富了口感，也蓋過了其獨有口感！也令我對它改觀了！最後印度芒果奶昔，濃濃既香芒加上乳酪，口感雖然膠結，但味道清香解膩，甚有特色！餐廳下午三時落場，食完後已經夠鐘趕著離開，坐得意猶未盡既羅小姐和我決定續攤！…Read More

天氣突然變冷, 放工後下大雨, 也無減試新食店的熱情! 今天與羅小姐來到土瓜灣路邊煱, 本來想去舊鋪, 可惜已Full Booking, 唯有去新鋪啦! 相信食物水準不會相差很多, 果然無令我倆失望!美景街的位置較為偏僻, 附近街道也很冷清, 7時許路上行人已經很少, 女仕們要小心點了! 到了餐廳, 經理安排坐門口的位置, 看到裡面已客滿, 所以只好乖乖接受! 看看餐牌, 決定點招牌雞煲半隻 ($138), 八味金磗豆腐 ($48), 手打四寶丸 ($88), 手切本地肥牛拼牛頸脊 ($288), 日本油揚 ($38)及脆炸響鈴 ($38)!八味金磗豆腐先來, 外層炸得金黃香脆, 內裡郤包著滑到捉不住既豆腐, 名附其實的招牌菜! 七味粉加上黑椒, 把豆腐變得惹味, 點上醋汁更是開胃! 一口氣食了5~6塊豆腐後, 雞煲來了! 沒留意餐牌, 原來有鮑魚仔, 感覺賺了! 店員搞拌雞煲時, 散發住濃郁的花招八角及洋蔥香味, 按耐不住要立即嘗一件, 雞件算不上鮮嫩, 但加上醬汁變得美味! 雖說招牌雞煲, 但欠缺獨特, 與平時食到的差不多!  努力把雞煲清得七七八八後, 加湯打邊爐! 先試四寶丸 (牛丸, 魚蛋, 蝦滑及鯪魚滑), 魚蛋的魚味濃, 也很彈牙! 牛丸較為遜色, 味道不突出! 而最有驚喜是蝦滑, 彈牙不在話下, 蝦味濃且鮮! 而鯪魚滑也很有口感, 軟綿綿一點也不腥!日本油揚是我近期很愛的必點菜, 功能其實跟豆卜無異, 也是吸滿湯及油, 然後重口味地咬下去!!肥牛很遲才上枱, 已經飽了大半! 手切肥牛的牛味很濃, 肉質有咬口! 感覺像個真漢子! 而牛頸脊是截然不同的圓潤姑娘, 奶味較濃, 加上油脂很均勻, 肉質較嫩! 個人比較喜愛牛頸脊!最後脆炸響鈴不負所望, 脆卜卜而且酥脆, 輕輕沾點湯, 味道更上一層樓! 高質素的食物絶對值得千里迢迢來到訪下次在這邊揾食既你可以一試!…Read More