地鐵A1出口到彌敦道，往旺角方向行5分鐘，到登打士街後轉左，第一條巷就是恆威商業中心的入口。非常黑及濕的一條巷，女仕們最好相約一齊前往。在恆威中心外牆已經貼滿好多貓咪的海報，平和了這條巷的陰森感（笑）
10樓就是貓咪home既的所在地，要在門口先除鞋，著好襪及搽消毒液先可以入去服侍（？）班主子。餐廳地方不是很大，約有20個坐位，而貓咪的數量大概有10隻以上！可惜係7：30-8：30呢段時間，大部分貓咪都訓緊訓，唯有先食晚餐啦！
是次點了：經典拼盤 （$88），煙三文魚沙律（$68），一口花心西多士（$58）及香辣海鮮意大利飯（$98）。
經典拼盤有雞翼，蜜糖司華力腸，炸餃子及薯條，味道普普通通，但份量夠多，4人share食剛剛好！
煙三文魚沙律，三文魚份量多，有3-4大塊，沙律菜方面都很新鮮爽脆！
最值得推介是一口花心西多士，新鮮炸起，配上蜜糖及花生醬，十分滋味！
香辣海鮮意大利飯，海鮮只見到兩三粒魷魚...但意大利飯的味道酸酸辣辣很開胃。
正當我地食完之際，陸續有貓咪起身出來走動。有些貓咪很嗲，會乖乖的躺在你懷抱裡面；有些不喜歡人抱牠，會出盡力推開你（笑）。姐我就是抖S, 越推開我，就是要抱得更緊！
1
不得不讚是侍應的服務態度，非常親切有耐性，偶爾會抱些貓咪到你手中，讓你一親香澤！對貓咪既問題，都會詳盡地解答。對貓咪貓咪home 留下了很好的印象呢！
