pinpinlam's Profile

今日同朋友行街行到攰，就咁啱見到呢間盈記四季養生麵館🤤Menu有我最鍾意食嘅藥膳湯麵，價錢又幾抵幾吸引就行咗入去食～我同朋友各自叫左碗麵加share碗小食我叫咗個藥膳農場雞日本花菇養生湯米線🐥個藥膳湯底好夠味，證明用真材實料👍🏻👍🏻湯底熬咗好耐，雞肉夠嫩滑，煲得啱啱好😋最要讚既就係個日本花菇，好有菇味又大嚿加夠Juicy💦差唔多成碗食晒連湯都飲埋🤪🤪朋友嗰碗藥膳農場雞蟲草花養生湯米粉😆個湯底同雞就唔使再講啦👍🏻依家再配埋蟲草花，個配搭簡直係絕配💯更加帶出藥材同埋雞嘅味唯一美中不足嘅係個湯多左少少油🥲咁都難怪嘅 用雞煲出嚟嘅養生湯一定會有啲雞油 介意嘅話可以撇一撇走啲油先😗小食我哋就share咗個墨魚春卷🦑正正常常 應該係用墨魚肉打出嚟嘅肉卷 不過不失啦 因為始終主角都唔係個春卷最後埋單九折咗係$157 兩個人喺灣仔食個晚飯來講算係性價比非常高👍🏻👍🏻建議大家可以嚟呢度試下養生湯～…Read More

中環半山一向都多餐廳選擇，今次就去左Wingman 食雞翼🐔大廈入口係正蘭方園對面，仲有搶眼嘅黃色banner～餐廳嘅位唔多，一到lunch time已經滿座，想食最好訂定位先。我同朋友一人叫左一個$88 lunch set，有沙律，8隻雞翼（可以揀2款口味）同炸薯條/蕃薯條，飲品就要另外加錢。沙律有2種沙律菜同蕃茄仔🥗食左個沙律打個底先食之後嘅炸物，感覺都健康啲🤪輪到主角出場🎉雞翼有濕同乾嘅味，簡單啲講就係有醬汁同無醬汁。我地就揀左Expresso, Cali Style,Buffalo同Honey&Wasabi朋友最中意嘅Expresso好香咖啡味，食落有少少苦味，中和左油膩感。而我最中意嘅Buffalo就香辣得黎有啲酸，十分惹味。Cali Style有啲芝士碎同蔥係上面，食落有淡淡芝士香味。Honey&Wasabi係日式嘅口味，上面有酸薑，蜜糖醬汁加上wasabi一啲都唔攻鼻，更加帶出蜂蜜甜甜嘅味道🍯炸薯條同蕃薯條嘅份量都幾多，蕃薯條配千島醬，口感比較軟，都幾特別😋😋加左一杯啤酒同熱茶，兩個人埋單$238,食到捧住個肚走😆😆見到餐廳有雞(翼)煲，下次約多幾個朋友再試👍🏻👍🏻…Read More

早排食過上環嘅泰館後念念不忘，就諗住試下灣仔嘅泰麵😋啱啱好12點營業時間到餐廳，已經大排長龍，加上店內環境無上環咁大，等左大概30分鐘先有位。午市有套餐，包埋飲品，我同朋友叫左泰式和牛濃湯河同雞肉炒闊河粉，泰式奶茶同青檸梳打😋🐂湯河嘅湯底好濃味，有啲似船麵嘅湯底，有少少辣好惹味🔥配料都足，牛肉偏瘦，唔會多筋，不過整體份量就細左啲。🐓炒闊河粉配料有粟米荀同蛋，雞肉份量都幾多。味道偏濃，加埋辣椒醬食好惹味👍🏻👍🏻…Read More

早排天氣涼返，就同朋友約埋去食碗熱辣辣嘅湯麵暖下身。每次行過都排長龍，今晚大概等左半個鐘。我就叫左海龍皇湯，朋友之前食過，今次就試新野，叫左叉燒鮑。海龍皇湯一上枱，已經好香蝦湯味🦐飲落有啲似龍蝦湯，不過就有蝦頭油而更加香濃！除左鮮甜嘅湯底，仲有一堆蟹肉，兩隻大蝦同大大隻帶子。帶子煮得比較熟但都唔會乾👍🏻侍應仲好貼心送上一次性毛巾俾我地食完蝦抹手而叉燒鮑湯底比較甜，叉燒雖然偏瘦，但都唔會韌，麵質就係扁麵，有日式烏冬嘅感覺🇯🇵🍜雖然價錢比普通湯麵貴，但十分足料，都算物有所值～下次會再黎試埋其他嘅湯麵😋😋…Read More

銅鑼灣The L Square有好多選擇，今次就揀左The Grill Room試下。餐廳嘅環境感覺好舒服，有高枱亦都有梳化位。12點上到去無乜人，但過左半個鐘到食飯時間就差不多滿座啦~我同朋友見Set Lunch好扺食，仲免加一，所以叫左一份雞一份牛～前菜，飲品同甜品都係另加，可以自由組合啱食嘅野。🥗巴馬火腿沙律：有2-3種沙律菜同火腿，加埋黑醋汁好開胃👍🏻🥩8安士肉眼扒配薯角蔬菜：五成熟嘅肉眼扒煎得啱啱好，肥瘦適中唔會韌，配菜係焗嘅翠玉瓜粒同煙肉為主，仲有大大舊薯角😋🍗葡式香辣雞配薯條沙律：上菜時見到係半隻燒春雞好驚喜🤩味道唔會好辣但好惹味，雞肉唔乾仲好juicy。初頭以為食唔哂，但最後食到停唔到口。粗薯條加左黑松露調味，就算唔落茄汁都好食🍟跟餐嘅沙律就同前菜一樣，只係無火腿。最後仲加左杯咖啡同甜品～即磨咖啡一上枱已經好香，味道好濃，飲品配左一粒咖啡糖同奶，值得一讚係牛奶係有打過嘅奶泡，唔係直接係雪櫃倒出黎🥰🥰跟餐嘅藍莓芝士蛋糕份量唔會太大份，食完主菜作結尾啱啱好！…Read More

今日去馬鞍山探朋友諗住同個朋友食午餐，估唔到被視為美食沙漠嘅馬鞍山都有一間以燒鵝為名嘅餐廳。朋友之前都食過都話好好味特登帶我嚟試吓。佢哋有午市套餐，我就叫咗個燒鵝髀飯。呢度嘅燒鵝係自家燒嘅真正嘅皮香肉嫩。燒鵝皮非常之脆一啖咬落去肉質慢慢流出非常好食。朋友另外點左油雞叉燒加鹹蛋，叉燒十分出色肉質好食，而且叉燒皮有小小燒焦，非常香口。另外我哋叫咗凍咖啡，凍咖啡非常香濃而且上面嘅咖啡粉增添左啲杯咖啡嘅賣相亦都令佢更加香。…Read More

今日同朋友喺長沙灣放工，天氣又啱啱開始轉涼，朋友建議去食雞煲。我哋就搵到米走雞。啱啱一入去侍應就親切地介紹黃金芝士雞煲同埋火焰麻辣雞煲。最後我哋選擇咗麻辣雞煲，BB辣，因為我同朋友都唔係好食得辣。雞肉好大件，好野味，而且味道啱啱好唔會太辣太鹹。另外我哋點再美國桶蠔，桶蠔好鮮味，加埋辣雞煲湯一齊食，實在一流。冷豆腐，不嬲都係火鍋嘅好伴侶，豆腐吸收了濃濃嘅辣雞汁，吸收咗雞煲嘅精華。另外仲叫左響鈴，同埋墨魚滑，都係同雞煲好夾嘅食物。…Read More

平時去灣仔好少會食泰國菜，但係男友咁啱留意到依間新開嘅泰國菜餐廳，而且價錢都十分相宜。餐廳門口裝修好低調，行到入去有種感覺好似泰國嘅平民餐廳，估唔到食物好有驚喜。我地一人叫左一個飯/麵share、椰菜苖炒炸腩肉，再叫左兩杯青檸梳打。泰式無骨海南雞飯係必食😍，雞肉調味恰到好處，配上有味飯係絕配，男友食到無停口。我地叫左正宗泰國船河配豬肉，本身可以揀配牛肉或豬肉，亦可以㨂麵款，今次就揀左金邊粉。船河湯底偏甜，但十分惹味，配上豬肉、豬膶、各式豬雜等等，可惜肉質都係較櫌，令船河稍為失色。椰菜苖炒炸腩肉係另一個亮點，香脆嘅炸腩肉塊配上清爽嘅椰菜苗，一凹一凸啱啱好😋，加上有少少辣，更惹味。…Read More

隱世工廈美食我都係第一次嚟到工廈食日本菜，估唔到都好有驚喜。今次嚟到喺區內好出名嘅日本餐廳掌壽司。今日同朋友lunch，佢哋午市Menu 十分豐富，而且魚生飯係根據當日新鮮嘅魚生來準備，所以Menu上並不會寫用什麼材料，一定要問侍應。當日我點左一個七色丼，是日海鮮有三文魚、北寄貝、油甘魚、蟹鉗、海膽等。全部都十分新鮮，套餐另外有枝豆、麵豉湯同埋蒸蛋配上這個海鮮飯十分有誠意。餐飲我哋叫咗cold brew coffee，而咖啡十分香濃。而我朋友就叫咗薑汁四元豚肉定食，燒出嚟嘅豚肉味道十分濃郁，而且唔會太乾，配上薑汁，唔會太油膩。…Read More

泰仔一向都俾人平靚正嘅印象，係九龍城區都算係CP值高嘅家庭式泰國菜餐廳。今次都係點左啲例牌野，有細冬蔭功、食泰國菜必點嘅飛天通菜、泰式串燒 (豬同雞)同埋泰式濕炒河粉。冬蔭功配料都算足，可惜味道唔夠酸同辣，反而椰奶味十分濃，唔太啱我同朋友口味。飛天通菜好惹味，啲通菜都好爽脆，係泰國菜餐廳先會食到嘅味道，都係我地全晚最鐘意嘅菜式🥰。泰式串燒中規中矩，本身醃料似乎唔算濃，都係靠伴碟上個醬去令佢更惹味。豬串燒用左類似五花腩嘅肉，我自己就怕肥，唔係太好依種肉。泰式濕炒河無乜特別，啲芥蘭仲有少少草青味😅，可以處理好啲就更好啦。😬…Read More

今日第一次同朋友食私房菜，朋友推介依間隱藏係觀塘工廈嘅榮哥私房菜，一早訂好枱七點半準時到。呢度喺觀塘地鐵站附近行一分鐘就到啦，非常方便。呢度嘅員工都十分有效率，一坐低開好茶就上菜啦。頭盤係本地有機沙律水耕菜配芝麻醬，番茄仔超級juicy，配埋有少少芥末醬嘅芝麻醬，好醒神。另外仲有涼拌黑木耳，微酸嘅汁伴住爽脆嘅黑木耳格外醒胃。原盅螺頭黑毛豚肉湯，夠火候，老火湯好有住家家常味道。鮮蝦水芙蓉的芡汁和鮮蝦非常合襯，而且蒸水蛋十分滑溜，食到無停口。芝士焗蠔伴薯蓉更係一絕，蠔肉質新鮮，配上濃郁嘅芝士汁，係絕配呀！最尾有魚湯時蔬跟蒜蓉海斑片紅米飯，作為今餐飯嘅完美終結。我同朋友都飽到捧住個肚走😂😂😂好滿足呀！希望佢地時不時會轉菜單，等我地再試下師傅嘅手勢啦。…Read More

勝在裝修夠gimmick係中環Happy hour 完，朋友提議去依間新開嘅火鍋店打邊爐。舖頭裝修係酒吧林立嘅雲咸街係幾突出嘅，可惜食物就麻麻。我地雙拼酸菜白肉鍋同麻辣鍋，麻辣鍋好咸而個辣食落唔係好過癮個種辣，好鐘意食辣嘅我食到一半都放棄左麻辣湯。酸菜白肉鍋就普普通通，無選擇下都可以食下嘅。火鍋配料質素都可以，不過都係普通火鍋店可以點到嘅食物。我地點左桶蠔、水餃、雜菜籃、黑木耳等等。唯一吸引人應該係佢夠gimmick嘅中式古代裝修，都幾盞鬼。最重要嘅火鍋湯底質素相比起好多火鍋店嘅更差，中環火鍋店選擇越黎越多，要打邊爐未必會再幫襯佢。…Read More

難得平日放假，專登去旺角女人街附近嘅十三姨，試下最近幾出名嘅手撕雞。我同朋友分別點左招牌嘅手撕雞油飯同手撕雞配湯粉絲加銀針粉。雞肉份量好少，味道唔突出，而且油飯太乾身，食落好唔過癮。湯粉絲加銀針粉依個配搭認真少見，不過冇咩特別。湯底味道算濃郁，但係手撕雞味道確實太平平無奇。全店最特別應該係古色古香嘅裝修，應該會吸引幾多人黎打卡嘅。…Read More

立食壽司體驗😮終於的起心肝去試依間立食壽司！今日係平日夜晚嘅晚飯時間，排隊嘅人唔算多，等左大概十五分鐘就有得入去啦。我同男朋友點左海之幸盛合同好幾種唔同嘅壽司，包括貝類、蝦類同海膽等，同兩杯日本生啤。點生啤會送一碗毛豆作伴酒小食，愛毛豆嘅我就食唔停口☺ 壽司價錢唔算貴，但係無想像中性價比咁高😶質素中規中矩，唔係特別有驚喜。不過值得讚嘅就係師傅們嘅上壽司速度都十分有效率🙌🏽如果要係九龍區食快靚正嘅壽司，立鮨未必會係我第一個諗起嘅地方。…Read More

平時比較少去深水埗或者長沙灣個邊覓食，今晚就去左一間拉麵店試一試~ 我同朋友分別點左黑蒜拉麵($78)、 海老拉麵($78) 同小食日式炸蝦餅($20)。最有趣嘅係有得自己選擇配菜，可以揀要蔥定椰菜，我就揀左蒽啦🤤。另外，叉燒都有得揀架，可以揀要厚切叉燒或火炙叉燒。個人就比較鐘意火炙叉燒，肉身肥美，都幾香口。朋友仲追加左溏心蛋 ($12)。兩款拉麵的湯底富豬骨味，感覺海老湯底味道較為突出，反而黑蒜拉麵味道相對就比較香口。拉麵本身比一般係香港食到嘅拉麵幼，食落都幾彈牙，口感不錯。…Read More