Wing Gor Kitchen

今日第一次同朋友食私房菜，朋友推介依間隱藏係觀塘工廈嘅榮哥私房菜，一早訂好枱七點半準時到。呢度喺觀塘地鐵站附近行一分鐘就到啦，非常方便。呢度嘅員工都十分有效率，一坐低開好茶就上菜啦。

2

頭盤係本地有機沙律水耕菜配芝麻醬，番茄仔超級juicy，配埋有少少芥末醬嘅芝麻醬，好醒神。另外仲有涼拌黑木耳，微酸嘅汁伴住爽脆嘅黑木耳格外醒胃。

原盅螺頭黑毛豚肉湯，夠火候，老火湯好有住家家常味道。

鮮蝦水芙蓉的芡汁和鮮蝦非常合襯，而且蒸水蛋十分滑溜，食到無停口。芝士焗蠔伴薯蓉更係一絕，蠔肉質新鮮，配上濃郁嘅芝士汁，係絕配呀！

最尾有魚湯時蔬跟蒜蓉海斑片紅米飯，作為今餐飯嘅完美終結。我同朋友都飽到捧住個肚走😂😂😂好滿足呀！希望佢地時不時會轉菜單，等我地再試下師傅嘅手勢啦。